6.5 Жеке үй тапсырмасы

1. Сiздiң тегіңіздің бастапқы әрпінен басталатын 10 өнiмнiң негiзгi қасиетiн бөліп талдау (мысалы, Молдашев, демек, мейіз – кондитерлік өнімге қосатын тағамдық қоспа және т.б.)

2. Тапсырмада мысал ретінде келтірілген тауарлардың ең алдымен тұтынушылармен қабылданатын сапалар тізімін құру (кемiнде бесеу), мысалы, йогурт : жарамдылық мерзімі, шығарылу мерзімі, бағасы және т.б.

3. Тапсырмада таңдалған 2 тауарды үшсатылы схема бойынша талдаңыз: оймен шығарылған тауар, шынайы тауар, бекітілген тауар.

4. Таңдалған тауардың өзіне тән нарықтық ерекшеліктерін бөліп көрсету: тауарлық белгі (марка атауы), қаптама, маркалау.

5. Өмірлік циклдің әр түрлі сатысында қолданылатын тауарларға 2-3 мысал келтіріңіз.

	7 Тақырып МАРКЕТИНГТЕГІ ТАУАРЛЫҚ САЯСАТ

Ерекше бұйымдар зертханаларда,

ұлы тауарлар маркетинг бөлімінде

жасалынады

Уильям Х. Давидоу

7.1 Жалпы теориялық ұғымдар

Оқудың мақсаты

1 Жаңа тауар түсінігін, инновациялық енгізулердің себептерін, жаңа тауарды әзірлеудің негізгі кезеңдерін, ТӨЦ ұзартудың әдістері мен стадияларын оқу.

2 Фирманың тауарлық саясаты аумағында білімді бекіту.

Сұрақтар

1 Тауарлық саясат: түсінігі, мақсаты және маркетинг кешеніндегі оның орны

2 Ассортименттік саясат.

3 Жаңа тауар: түсінігі, инновациялық енгізулердің себептері, әзірлеу жолдары.

4 Жаңа тауарды әзірлеудің негізгі кезеңдері.

5 Тауардың және фирманың бәсеке қабілеттілігі.

1 Тауарлық саясат: түсінігі, мақсаты және маркетинг кешеніндегі оның орны

Тауарлық саясат – бұл тұтынушы үшін тауарды құнды ететін және сол қасиетімен фирманы сәйкес табыспен қамтамасыз ете отырып, қайсыбір қажеттілікті қанағаттандыратын тауардың сипаттамаларын құрастыру және бәсекелестік басымшылдықты қалыптастыру бойынша стратегиялар мен шаралардың жиынтығын жоспарлау және жүзеге асырумен байланысты маркетингтік қызмет.

Тауарлық саясаттың негізгі мақсаты:

- табысты қамтамасыз ету;

- тауар айналысын ұлғайту;

- фирма жұмыс істейтін нарық үлесін ұлғайту;

- шығындарды азайту;

- имиджді жоғарылату;

- қауіп-қатерді жою.

Жалпы жағдайда тауарлық саясат үш күрделі мәселені қамтиды:

1. нарыққа жаңа тауарларды құру және шығару;

2. өндірістік бағдарламада бар тауарларды модификациялау;

3. сұранысқа ие тауарларды әрі қарай өндіру.

2. Ассортименттік саясат

Тауарлық саясат жоспарында оның құрамды бөлігі ретінде ассортименттік саясат өте маңызды болып келеді, оның негізгі мәселелерінің бірі болып фирманың нарықтағы жемісті жұмысына және оның жалпы қызметінің экономикалық тиімділігін қамтамасыз ететуге арналған тауар топтарын анықтау табылады.

Ассортимент деп төмендегі бағыттарға арналған тауар жиынтықтарын айтады:

• қолданудың белгілі бір аумағына арналған;

• белгілі бір баға интервалында сатуға арналған;

• нақты дүкендер, супермаркеттер, бутиктерде және т.б. сатуға арналған;

• тұтынушылардың белгілі бір категориясына арналған.

Егер фирма тауардың әртүрлі түрлерін шығаратын болса, онда олардың ассортименттік топтарының сомасын тауарлық номенклатура деп атайды.

Номенклатураның (ассортименттің) басты сипаттамалары:

кеңдігі;	тереңдігі;
қанықтылығы;	үйлесімділігі.

Тауарлардың оптималдық жинағын құрастыру бойынша біртекті ұсыныстар жоқ, бірақ келесі тауарлық топтарды нарыққа бір мезгілде шығару ұсынылады:

• негізгі – өсу кезеңіндегі тауарлардың сатудан түсетін кірісті тұрақтандыратын тауарлар;

• қолдайтын – жетілу кезеңіндегі тауарлардың сатудан түсетін кірісті тұрақтандыратын тауарлар;

• стратегиялық – кәсіпорынның болашақ пайдасын қамтамасыз етуге арналған тауарлар;

• тактикалық – ереже бойынша өсу және жетілу стадиясындағы негізгі тауар топтарын сатуды ынталандыруға арналған тауарлар.

Ассортименттік саясатта сонымен қатар әзірленетін тауарлар және нарықтан кететін тауарлар да есепке алынады.

Ассортименттік стратегияның бағыттары:

тар тауарлық мамандану;
тауарлық дифференциация;
тауарлық диверсификация; тауарлық тік интеграция.