Оқу ісінің меңгерушісі:

Пәннің аты

Уақыты:

Кабинет:

Мұғалім

Сабақтың атауы

Мақал-мәтел

Мақсаты

білімділік – оқушылардың мақал – мәтелдер туралы білім, білігін тереңдету; дамытушылық – оқушылардың тіл байлығын арттыру, өзіндік ойын дәлелдеуге тұжырымдама жасауға жетелеу;

тәрбиелік – ана тілін ардақтап бағалай білуге, сөз қадірін терең ұғуға тәрбиелеу;

Түрі: Жаңа білімді меңгерту.

Әдіс-тәсілі: топтастыру,талдау,салыстыру, ой қорыту.

Көрнекілігі: интерактивті тақта.

Күтілетін нәтиже

Психологиялық ахуал

Әппақ болып таң атты,

Түтiн тiке шығады.

Қарлығаштар қанатын

Самғап биiк ұшады.

Топ-топ, топ басайық,

Жалаудан күн жасайық.

Жаса, жаса алтын күн

Жаса, жаса жарқын күн. (балалар қолдарын соғады)

Оқушылар шеңберде жиналып,мұғаліммен бірге бүгінгі сабаққа сәттілік тілейді.

Қызығушылықты ояту

Мақал – мәтелдер – халық даналығының, көрегендігінің айнасы тіл байлығының алтын қазынасы. Мақал – мәтелдер - өмір шындығының көрінісі, халықтың кейінгі ұрпаққа қалдырған өсиеті, өмір сүру әрекетінің ережесі.

«Сөздің көркі - мақал» деп тегін айтылмаған. Мақал – мәтелдерді адам баласы өзі айтайын деген оймен орайластырып орынды қолданса, сөзі мірдің оғындай өткір, көңілге қонымды көркем әрі бейнелі болады. Мақал – мәтелдер аз сөзбен терең мазмұнды бере алады.

Мақал – халықтың өмірде алған тәжірибесінің, ой - тұжырымының қорытынды жиынтығы, айқын ойды үлгі - өнеге, ақыл ретінде қысқа қайырып, көркем бейнелеп жеткізетін халықтың дана, нақыл сөзі.

Мақал – мәтелдер қосарлана айтылғанымен, олар бір – біріне туыс болғанмен, екеуінің өзара айырмашылықтары бар. Ол айырмашылықтар мақал мен мәтелдің ойды туйіндеу жағынан да, құрылымы жағынан да байқалады. Мысалы: «Тоқпағы күшті болса , киіз қазық жерге кірер» деген мақалды алсақ, бұл мақал екі жай сөйлемнен тұрады.

Мақал-мәтелдерді одан әрі тереңірек меңгерту үшін сабақты « Жарыс сұхбат» түрінде өткіземін. Ол төмендегідей.

1.Кім көп мақал-мәтел біледі? (әр алуан тақырыпта қамтылған)

2.Суреттерді көрсете отырып, мақал-мәтел айтып бер.(үй,мектеп,кітап,ұстаз)

3.Әңгіме,шағын мәтіндер жаздыру арқылы мақал-мәтелдермен ыңғайлы аяқтау.

Қызықты грамматика. Кім Мақалбай атай болғысы келеді?

Мақалбай атай болған бала халықтың мақал – мәтелдері нені үйретеді, немесе неге уағыздайды дегенді түсіндіріп, төмендегі үлгі бойынша берілген мақалдардың тақырыбын тауып жазуы керек те , өзі ойлап әр тақырыпқа сәйкес бір мақал айтып , жолдастарының мақал жайындағы сұрақтарына мүдірмей жауап беруі шарт.

Осы шартты орындап шыққан бала «Мақалбай атай» атағын алады.

Еңбек адамның екінші анасы.

Білімсіз күнің жоқ.

Өнерлі өрге жүзер,

Ер – ел қорғаны.

Отансыз адам – ормансыз бұлбұл.

Досы көпті жау алмайды.

Әдептілік, ар - адамдықтың белгісі.

Оқулықтағы тапсырмаларды орындау

Мағынаны тану

Сергіту сәті

Орманда кірпі келеді,  Саңырауқұлақ тереді.  Кездесті, міне, керегі:  Екеуі қайың астынан.  Біреуі терек қасынан.  Қанша олар болмақ есепте,  Тоқылған салса себетке? 

Ой сергітеді,шашағандары

басылады

Ой толғаныс

Қай жақ тез орындай алады?

Екі жаққа бөлінген балаларға екі – екіден төрт мақал – мәтел жазу тапсырылады.

1 – жаққа:

1) Әр сөзі еәріпінен басталған үш сөзден тұратын еңбек туралы бір мақал:

Е ... е ... е ... .

2) Әр сөзі б әріпімен басталатын төрт сөзден тұратын адамның қасиеттері туралы бір мақал Б ... б ... б ... б ... .

2 – жаққа :

1) Әр сөзі кәріпінен басталатын сөзден құралған тәлім – тәрбие туралы бір мақал. К ... к ...

2) Әр сөзі ж әріпінен басталған үш сөзден тұратын ерлік- батырлық туралы бір мақал. Ж ... ж ... ж ... .

Қай жақ бұрын орындап шықса , сол жақ ұтыс алады.

IV. Жаңа сабақты қорытындылау.

Оқушыларды іздендіре отырып, кестені толтыру.

Үйге тапсырма

Мақал-мәтелдер кітапшасын жинақтау.

Күнделіктеріне жазып алады

Бағалау

Оқыту үшін бағалау және оқуды бағалау

Бағалау парақшасын толтырады.

Кері байланыс

Смайликтерді өзі қалаған нұсқаға жабыстырады