- •Лівонская вайна
- •Лекцыя 20. Шлях да любліна
- •Лівонская вайна
- •Люблінская унія 1569 г.
- •Утварэнне Рэчы Паспалітай
- •Лекцыя 21. Палітычная сітуАцыя ў рэчы паспалітай у 70–80-я гады XVI ст.
- •Першае бескаралеўе. Стэфан Баторый
- •Статут Вялiкага княства Лiтоўскага 1588 г. – выдатны помнiк прававой думкi
- •Лекцыя 23. Гарады I мястэчкi Беларусi ў XIV – першай палове XVII ст.
- •Эканамiчнае развiццё гарадоў I мястэчак
- •Сацыяльная структура і сістэма кіравання ў гарадах
- •Арганізацыя абароны гарадоў Беларусі
- •Лекцыя 30. Гарадскія паўстанні канца хvі – першай трэці хvіі ст.
- •"Каляндарны бунт" у Полацку
- •Выступленні супраць гарадской адміністрацыі ў Магілёве і Мазыры
- •Антыуніяцкія хваляванні
- •Лекцыя 22. Афармленне прыгоннага права ў беларусі (XV– XVI стст.)
- •Формы феадальнага землеўладання і феадальных адносін у вкл
- •Аграрная рэформа Жыгімонта іі Аўгуста "Валочная памера". "Устава на валокі" 1557 г.
- •Павіннасці цяглых сялян з валокі паводле "Уставы на валокі" 1557 г.
- •Асноўныя этапы юрыдычнага афармлення прыгоннага права
- •Царква і рэлігія на беларусі
- •Лекцыя 24. Рэлiгiя I царква на Беларусi ў XIII–XVI стст.
- •Праваслаўе ў палiтыцы вялiкiх князёў
- •Распаўсюджванне і прывілеі каталiцызму ў вкл
- •Рэфармацыя
- •Контррэфармацыя. Дзейнасць езуiтаў на Беларусi
- •Лекцыя 25. Берасцейская царкоўная унiя
- •Унiяцкая iдэя ў Вялікім княстве Літоўскім
- •Падрыхтоўка I зацвярджэнне унii, яе ўмовы
- •Барацьба унiяцкай царквы за iснаванне I самабытнасць
- •Беларускае адраджэнне
- •Лекцыя 26. Культура Беларусi ў XVI–першай палове XVII ст.
- •Асаблiвасцi Адраджэння на Беларусi
- •Лiнгвiстычная сiтуацыя
- •Лекцыя 27. Пачатак Усходнеславянскага I беларускага кнiгадрукавання
- •Францыск Скарына
- •Рэфармацыйнае кнiгадрукаванне
- •Прыватныя друкарні
- •Брацкiя друкарнi
- •Лекцыя 28. Лiтаратура XVI – першай паловы XVII ст.
- •Лацiнамоўная паэзiя
- •Сымон Будны
- •Царкоўна-рэлiгiйная публiцыстыка
- •Летапiсы, гiсторыка-мемуарная і палiтычная лiтаратура
- •Сiмяон Полацкi
- •Лекцыя 29. Мастацтва XVI – першай паловы XVII ст.
- •Жывапiс, скульптура
- •Дойлiдства
- •Музыка і тэатр
- •Беларусь у сярэдзіне хvіі – першай палове хvііі ст.
- •Развіццё казацкага руху ў Беларусі. Арганізацыя абароны вкл
- •Абарона Пінска і першы рэйд Радзівіла
- •Лоеўская бітва 1649 г.
- •Падзеі 1650 – 1651 гг. Вынікі вайны
- •Лекцыя 32. Вайна Расіі з Рэччу Паспалітай 1654 – 1667 гг.
- •Прычыны вайны. Кампанія 1654 г.
- •Контрнаступленне арміі вкл. Ваенная кампанія 1655 г.
- •Пачатак першай Паўночнай вайны. Кейданская унія 1655 г.
- •Віленскае перамір’е 1656 – 1658 гг.
- •Народнае супраціўленне
- •Пачатак вызвалення вкл. Андрусаўскі мір
- •«Хатняя вайна» 1696 – 1700 гг.
- •Змена канфесiйнай сiтуацыi
- •Лекцыя 34. Беларусь ў другой Паўночнай вайне
- •Прычыны і пачатак вайны
- •Раскол шляхты вкл
- •Ваенныя дзеянні 1706 – 1708 гг.
- •Завяршэнне вайны
- •Вайна за “польскую спадчыну”
- •Лекцыя 35. Сацыяльна-эканамічнае становішча беларускіх зямель у другой палове хvіі – першай палове хvііі ст.
- •Наступствы войнаў сярэдзіны XVII – пачатка XVIII ст.
- •Шляхі аднаўлення сельскай гаспадаркі
- •Становішча сялянства. Формы антыфеадальнай барацьбы
- •Аднаўленне гарадоў у другой палове XVII – першай палове XVIII ст. Узнікненне мануфактур
- •Культура
- •Лекцыя 36. КультуРа беларусі ў другой палове XVII – першай палове XVIII ст.
- •Гістарычныя ўмовы культурнага развіцця беларускага народа
- •Грамадска-палітычная думка. Навука
- •Асвета. Кнігадрукаванне
- •Літаратура
- •Тэатр. Музыка
- •Архітэктура
- •Выяўленчае мастацтва
- •Лекцыя 37. Спробы дзяржаўных рэформ. Першы падзел рэчы паспалітай
- •Паглыбленне палiтычнага крызiсу
- •Рашэнні сойма 1764 г. Выбранне каралём Станіслава Панятоўскага
- •Выступленне Барскай канфедэрацыі
- •Першы падзел Рэчы Паспалітай
- •Лекцыя 38. «вялікі» сойм. Другі падзел рэчы паспалітай
- •Чатырохгадовы сойм і яго рашэнні
- •Канстытуцыя 3 мая 1791 г.
- •Дзейнасць Таргавіцкай канфедэрацыі
- •Другі падзел Рэчы Паспалітай
- •Лекцыя 39. Паўстанне 1794 г. Трэці падзел рэчы паспалітай
- •Прычыны і пачатак паўстання
- •Тадэвуш Касцюшка
- •Асаблівасці паўстання на тэрыторыі Літвы і Беларусі
- •Паражэнне паўстання. Трэці падзел Рэчы Паспалітай
- •Лекцыя 40. Сацыяльна-эканамічнае развіццё беларускіх зямель у другой палове хvііі ст.
- •Развіццё фальварковай і сялянскай гаспадаркі
- •Аграрная рэформа Антонія Тызенгаўза
- •Гарады і гарадское насельніцтва
- •Рамяство, гандаль, мануфактурная вытворчасць
- •Культура
- •Лекцыя 41. КультуРа беларусі ў другой палове xviiі ст.
- •Гістарычныя ўмовы культурнага развіцця
- •Асвета. Кнігадрукаванне
- •Асвета. Кнігадрукаванне
- •Літаратура
- •Тэатр. Музыка
- •Архітэктура
- •Выяўленчае мастацтва
- •Літаратура
- •Крыніцы
- •Храналогія
- •220013, Г. Мінск, праспект ф.Скарыны, 79.
Лекцыя 25. Берасцейская царкоўная унiя
Унiяцкая iдэя ў Вялікім княстве Літоўскім
Падрыхтоўка i зацвярджэнне унii, яе ўмовы
Барацьба унiяцкай царквы за iснаванне i самабытнасць
Унiяцкая iдэя ў Вялікім княстве Літоўскім
Царкоўны раскол 1054 г. з'яўляецца адной з найвялiкшых недарэчнасцяў чалавечай гiсторыi, негатыўныя вынiкi якога вось ужо амаль тысячагоддзе зведвае на сабе ўвесь хрысцiянскi свет. Кiраўнiкi праваслаўнай i каталiцкай канфесiй выношвалi iдэю скасаваць збудаваную вякамi загародку памiж цэрквамi i ўзмацнiць хрысцiянства праз яднанне.
Iдэя унii то замiрала, то зноў уваскрасала. Была i спроба яе рэалiзацыi ў 1439 г. у Фларэнцыi. Тады ўпершыню ўдалося прымiрыць грэкаў з рымскай царквою. Пад Фларэнцiйскай унiяй стаяў подпiс маскоўскага мiтрапалiта. Фармальна яна пашыралася i на Вялiкае княства Лiтоўскае, але фактычна не была тут здзейснена.
У XV ст. унiяцкiя тэндэнцыi былi вельмi моцнымi ў Вялікім княстве Літоўскім, якое больш за iншыя дзяржавы адчувала негатыўныя наступствы падзелу хрысцiянства. Iдэя царкоўнага саюза мела ў грамадскiм жыццi княства духоўна-культурныя i рэлiгiйна-царкоўныя каранi. Каранi гэтыя – у геапалiтычным становiшчы ВКЛ памiж Усходам i Захадам: памiж дзвюма магутнымi палiтычнымi сiламi – Польшчай i Маскоўскай дзяржавай i двума сусветнымi рэлiгiйнымi цэнтрамi – Ватыканам i Канстанцiнопальскiм патрыярхатам. Гэты геапалiтычны фактар, без улiку якога нельга правiльна ацанiць многiя падзеi нашай мiнуўшчыны, абумовiў шматвяковую барацьбу беларускага i ўкраiнскага народаў на чале са сваiмi лiдэрамi за дзяржаўны i культурна-рэлiгiйны суверэнiтэт. Iмкненне ВКЛ да дзяржаўна-царкоўнай незалежнасцi выклiкала ўзрастаючае супрацьдзеянне як з боку Польшчы, так i з боку Маскоўскай дзяржавы. Калi ў адносiнах з заходнiм суседам час ад часу ўдавалася дасягнуць пэўных кампрамiсаў, адносiны з усходнiм станавiлiся ўсё больш складанымi. Пэўным колам ў ВКЛ здавалася, што шляхам рэгiянальнай унii (калi правалiлася унiя ўсяленская – Фларэнцiйская) магчыма вырашыць праблему супрацьстаяння на нашых землях Захаду i Усходу i стварыць самастойную царкву. Для шэрагу грамадскiх i рэлiгiйных дзеячаў царкоўны кампрамiс з'яўляўся таксама сродкам iнтэграцыi ў Заходнюю Еўропу. Падлiчана, што з дзевяцi абраных у княстве ў XV ст. мiтрапалiтаў пяцёра былi унiятамi ці прыхiльнiкамi унiяцкай iдэi.
Канфесiйны антаганiзм у ВКЛ прымусiў ужо Вiтаўта шукаць самастойныя шляхi царкоўна-рэлiгiйнага развiцця сваёй дзяржавы. Князь дамогся стварэння Лiтоўска-Навагародскай мiтраполii, незалежнай ад Маскоўскай, i вёў яе да яднання з Ватыканам, маючы на мэце стварэнне ў сваёй краiне адзiнай самастойнай царквы, без яе падзелу на польска-каталiцкую i руска-праваслаўную. Вiтаўту i яго пераемнiкам не ўдалося ўвасобiць гэты намер у жыццё. Такiм чынам, унiяцкая iдэя мела як экуменiчныя, так i палiтычныя мэты.
Беларусы, а таксама ўкраінцы, былі адносна падрыхтаваны да рэалiзацыi iдэi унii. Гэта i папулярнасць iдэi хрысцiянскага адзiнства, i спецыфiчны, сфарміраваны 200-гадовым суiснаваннем побач з каталiцтвам, менталiтэт заходняга праваслаўя, i масавыя мiжканфесiйныя шлюбы, i сувязь iдэi унii з iдэяй царкоўнай i дзяржаўнай незалежнасцi ВКЛ, а таксама з iдэяй iнтэграцыi ў еўрапейскую культуру, i ўзрастаючая пагроза дзяржаўнаму iснаванню ВКЛ з Усходу i г. д.
Люблiнская унiя, Рэфармацыя i контррэфармацыя, завяршэнне працэсу фармiравання ўсходнеславянскiх народнасцяў, ускладнёнае дэнацыяналiзацыяй сацыяльных вярхоў, стварылi новую геапалiтычную сiтуацыю ва Усходняй Еўропе i новую культурна-рэлiгiйную сiтуацыю на тэрыторыi Беларусi i Украiны. Праваслаўная царква – адна з асноўных крынiц i носьбiтаў духоўнасцi, асветы, лiтаратуры, мастацтва, этнiчнай адметнасцi – знаходзiлася тады, паводле слоў сучаснiка, у стане "упадку, знишченью и опущенью". Стала вiдавочным культурнае "спазненне" ад цэнтральна- i заходнееўрапейскiх краiн беларускага і ўкраiнскага грамадства. Яно арыентавалася на Вiзантыю i яе культуру, а тая ўжо страцiла лiдзiруючае становiшча ў хрысцiянскiм свеце,
І iдэолагi контррэфармацыi, i творцы унii, i апалагеты праваслаўя галоўную прычыну адставання бачылi ў няздольнасцi праваслаўнай царквы стварыць належную сiстэму адукацыi, падрыхтаваць кадры высокаквалiфiкаванага духавенства, развiць багаслоўскую навуку i прапаведнiцкае майстэрства. Царква была не ў стане задаволiць духоўныя патрэбы грамадства, губляла свой аўтарытэт, падаў прэстыж святарства. Па словах П. Скаргi, на Русi "попы схолопели, а наука упала". На вялiкую патрэбу "закладанья школ и наук вольных" указваў у 1593 г. свецкi лiдэр беларускага і ўкраiнскага праваслаўя магнат К. Астрожскi, асаблiва "для цвиченья духовным пильно потребо, ... бо за тым, иж наук нет, великое грубиянство в наших духовных умножилося". Захады праваслаўнай вярхушкi па рэфарміраванню культурных асноў дзейнасцi сваёй царквы не прынеслі плёну. Як прызнаваў у 1595 г. берасцейскi епiскап I. Пацей, саборныя пастановы "з стороны школ и друкарни и иншых речей церкви Божой потребных, же я тому досыть не деет".
Дэградацыя праваслаўя літвінаў і русінаў была часткай крызiсу ўсяго усходняга хрысцiянства. Яго вытокi – у падзенні палiтычнага, рэлiгiйнага i культурнага ўплыву i прэстыжу захопленай туркамi Вiзантыi. У тых умовах у барацьбе з адноўленым i ўзмоцненым каталiцтвам i рэфармацыйнымi плынямi шукаць паратунку i культурнай дапамогi ад Канстанцiнопальскага патрыярхату не прыходзiлася. З'явiлася думка, што залежнасць ад яго карысці не нясе i нават шкодзіць. Рыхтуемае адступленне матывавалася адсутнасцю "жадной утехи и допомоги в церковных справах" з яго боку. Выключалася i арыентацыя на створаны ў 1596 г. Маскоўскi патрыярхат, якi прысвойваў сабе мiсiю "трэцяга Рыма", бо "великое грубиянство, упор и забобоны суть в народе Московском". Акрамя таго, пасля спусташальнай Лiвонскай вайны распаўсюджвання ўплыву Масковii баялiся.
Затое прыцягальны прыклад духоўнага ўздыму даў каталiцкi Захад, які пераадолеў рэфармацыйны крызiс. Езуiты паўсюль, у тым ліку i ў Рэчы Паспалiтай, заснавалi добрыя школы, вылучылі красамоўных прапаведнiкаў, таленавiтых пiсьменнiкаў, выдалі каштоўныя кнiгi, пазакладалi друкарнi i аздаравiлi касцёл. Каталiцкi клiр аказаўся вышэй праваслаўнага з пункту гледжання асветы. Гэтыя поспехі паказалі адставанне ўсходнеславянскага свету. А тут яшчэ iдэолагi контррэфармацыi малявалi светлую карцiну яго жыцця пад апекай рымскай курыi. Захад прапаноўваў гатовыя мадэлi рэформаў для Кiеўскай мiтраполii.
Але значная частка праваслаўнага духавенства займала ахоўна-кансерватыўную пазiцыю i ў сваiм непрыняццi "лацiнства", адмаўленнi набыткаў еўрапейскай рэлiгiйнай i свецкай культуры праводзiла палiтыку духоўна-культурнай iзаляцыi Беларусi ад заходняга свету. Тыя лiдэры беларуска-ўкраiнскага праваслаўя, якiмi рухала iмкненне павесцi свае народы па дарозе еўрапейскага прагрэсу, пайшлi на наладжванне дыялогу з Захадам. Унiя абяцала iм, без страты пасад, далучэнне да яго багатых iнтэлектуальных дасягненняў. Шлях пераадолення крызiсу i аднаўлення бачыўся ў выхадзе з царкоўнай i культурнай арбiты Вiзантыi i пераходзе пад кiраўнiцтва другога сусветнага хрысцiянскага цэнтра.
Завяршалася фармiраванне беларускай i ўкраiнскай народнасцяў. Да сярэдзiны XVI ст. праваслаўе з'яўлялася адным з этнакансалiдуючых фактараў. Але ў новай духоўнай i этнакультурнай сiтуацыi яно праявiла нягнуткасць, няздольнасць уличваць інтарэсы гэтых народнасцяў, у той час як расiйская праваслаўная царква з усталяваннем Маскоўскага патрыярхату набывае нацыянальны характар. На хвалi Адраджэння i Рэфармацыi ў Еўропе ўзнiкаюць iншыя нацыянальныя цэрквы: у Чэхii (гусiзм), Германii (лютэранства), Швейцарыi (кальвiнiзм), Англii (англiканства). Зараджэнне ў выглядзе унiяцтва беларускай i ўкраiнскай нацыянальнай царквы цалкам упiсваецца ў культурна-гiстарычны кантэкст таго часу. Няўдалыя спробы унiяцкага кiраўнiцтва стварыць у другой чвэрцi XVII ст. уласны патрыярхат пацвярджаюць гэты намер.
Заключэнню Берасцейскай унii папярэднiчала спецыфiчная моўная сiтуацыя: паланiзацыя (тады яшчэ добраахвотная) пануючага класа, патрэба ў лацiне як сродку адаптацыi да заходнееўрапейскай навукi i культуры, штучнае падтрыманне праваслаўнай царквой зжываўшай сябе царкоўна-славяншчыны i, галоўнае, абуджаная Рэфармацыяй цiкавасць да нацыянальных моў. Яшчэ В. Цяпiнскi асуджаў тых паноў, якiя "i пiсьмом сваiм, а звлашча ў слове божым устыдаюць". Прыхiльнiкi унii адчувалi патрэбу шырокага дапушчэння ў царкву i школу роднай мовы, недахоп на ёй канфесiйнай лiтаратуры. Як пiсаў у 1595 г. I. Пацей, "люди народу нашого Русского тое згоды светое бегають" таму, што "коли письма и книг светых отец, до таковых речей потребных в нашом языку не маем, а чужым верити не хочем, але все людское ганим, а своего лепшого не покажем".
Не паспелi аформiцца беларускi i ўкраiнскi этнасы, як на iх абрынула паланiзацыя, якая iшла праз касцёл. Многiя з магнатаў i шляхты iшлi ў Рэфармацыю, а праз яе – у каталiцызм. "Люди нашое религии згоршили, ... – пiсаў у 1593 г. кiеўскi ваявода, – многие, насмеиваючисе з нее и опускаючи, до розмаитых сект утекают". "... Што ся в моей епископии Берестейской деет, – скардзiцца Пацей (1595 г.). – Але то горшое злое, же отпадают не по одному, але громадами, видячи нашу непотужность; а потом Бог то ведает, з ким ся зостанем". Праваслаўная царква страцiла сваю элiту – iнтэлiгенцыю. Трэба было ратаваць паству ад пераходу на лацiнскi абрад. Пошукi рэлiгiйнай альтэрнатывы праваслаўю i каталiцызму прывялi мясцовых хрысцiянскiх лiдэраў да iдэi царкоўнай унii. Падбiраючы канфесiю "пад сябе", яны аддалi перавагу сувязям з заходнееўрапейскiм светам.
Такiм чынам, пэўныя духоўныя i свецкiя колы разарванага Люблiнскай унiяй на часткi Вялiкага княства Лiтоўскага ўбачылi ў царкоўным аб'яднаннi шлях да духоўнага адраджэння беларуска-ўкраiнскага грамадства i ўмацавання яго культурна-рэлiгiйнай i этнiчнай асобнасцi ў праваслаўна-каталiцкiм атачэннi.
У апошняй трэцi XVI ст. Ватыкан у сваiх планах распаўсюджвання ўплыву на праваслаўны Усход звярнуў асаблiвую ўвагу на беларускiя i ўкраiнскiя землi. Заснаванне Маскоўскага патрыярхату ў 1589 г. узмацнiла праваслаўе на расiйскiх землях. Таму папства паспяшаласяся з наблiжэннем да сябе другой часткi ўсходнеславянскага свету. Праз унiю яно намервалася кампенсаваць страту сваiх пазiцый i мiльёнаў вернiкаў на пратэстанцкiм Захадзе. Намеры папства супалi з iмкненнем палiтыкаў Рэчы Паспалiтай умацаваць дзяржаву, якую раздзiралi рэлiгiйныя супярэчнасцi праз аднаверства ўсiх падданых.
Такiм чынам, рэлiгiйная згода 1596 г. з'явiлася ў вынiку збегу як комплексу еўрапейскiх рэлiгiйна-палiтычных адносiн 60–90-х гадоў XVI ст., так i ўнутраных абставiн. Яна была дасягнута папствам і кіраўніцтвам Кіеўскай мітраполіі, кожны з якіх меў свае інтарэсы і праводзiў уласную лiнiю ў царкоўнай сферы. Ватыкан разглядаў унiю (грэка-каталiцтва) як пераходную ступень у рыма-каталiцтва. Беларуска-ўкраінская царкоўная іерархія дастаткова паслядоўна адстойвала мясцовыя рэлiгiйна-палiтычныя i этнакультурныя iнтарэсы.