- •1. Лексікалогія як раздзел мовазнаўства
- •2. Мнагазначнасць слова
- •Лексічныя моўныя апазіцыі
- •Апазіцыі фармальнай тоеснасці. Амонімы
- •Апазіцыі семантычнай тоеснасці. Сінонімы
- •Апазіцыі семантычнай процілегласці. Антонімы.
- •Фармальна-семантычныя апазіцыі. Паронімы.
- •3. Дыферэнцыяцыя слоўнікавага складу
- •Актыўная і пасіўная лексіка. Новыя і ўстарэлыя словы
- •Лексіка беларускай мовы паводле сферы ўжывання
- •Лексіка беларускай мовы паводле с тылістычнай дыферэнцыяцыі
- •4. Фразеалогія як раздзел мовазнаўства
- •Фразеалагізм як моўная адзінка і яго прыметы
- •Класіфікацыі фразеалагічных зваротаў
- •5. Лексікаграфія як навука
- •Віды лінгвістычных слоўнікаў
- •6. Фанетыка і фаналогія як раздзелы мовазнаўства
- •Гук і фанема
- •Фанетычны падзел маўленчай плыні
- •Гукі мовы і аспекты іх вывучэння
- •Класіфікацыя гукаў маўлення і яе прынцыпы
- •Артыкуляцыйная класіфікацыя галосных
- •7. Склад I складападзел
- •Фанетычная прырода націску
- •8. Пазіцыйныя і гістарычныя чаргаванні гукаў
- •Чаргаванні галосных гукаў
- •Чаргаванні зычных гукаў
- •9. Арфаэпія як правілы рэалізацыі фанетычнай сістэмы
- •Асноўныя правілы вымаўлення зычных
- •Адхіленні ад норм літаратурнага вымаўлення і іх пры- чыны
- •10. Графіка, яе прадмет і задачы. Алфавіт як аснова графікі
- •11. Арфаграфія і яе прынцыпы
- •Кароткія звесткі з гісторыі беларускай арфаграфіі
- •12. Назоўнік як часціна мовы. Лексіка-граматычныя разрады назоўніка
- •Род назоўнікаў
- •Склон назоўнікаў. Асноўныя значэнні склонаў
- •Назоўнікі трэцяга скланення, іх канчаткі
- •Рознаскланяльныя назоўнікі, іх канчаткі
- •Скланенне назоўнікаў у множным ліку
- •Скланенне некаторых прозвішчаў і геаграфічных назваў
- •Нескланяльныя назоўнікі
- •Формы назоўнікаў з суфіксамі ацэнкі
- •Утварэнне назоўнікаў
- •13. Паняцце аб словаўтварэнні
- •14. Граматычныя значэнні і сродкі іх перадачы
- •Часціны мовы як лексіка-граматычныя разрады слоў
- •Сістэма часцін мовы
- •15. Марфемная структура слова. Марфема
- •Тыпы марфем
- •Аснова слова і канчатак
- •Корань і афіксы
- •Змены ў марфемнай структуры слова
- •16. Прыметнік як часціна мовы
- •Разрады прыметнікаў
- •Поўныя і кароткія формы прыметнікаў
- •Ступені параўнання якасных прыметнікаў
- •Формы прыметнікаў са значэннем ацэнкі і меры якасці
- •Утварэнне прыметнікаў
- •17. Лічэбнік як часціна мовы. Разрады лічэбнікаў
- •Уласнаколькасныя лічэбнікі
- •Зборныя лічэбнікі
- •Сінтаксічная сувязь лічэбнікаў з назоўнікамі
- •Скланенне ўласнаколькасных, зборных і дробавых лічэбнікаў
- •Парадкавыя лічэбнікі, іх утварэнне і скланенне
- •Пераход лічэбнікаў у іншыя часціны мовы
- •Няпэўна-колькасныя словы
- •18. Займеннік як часціна мовы
- •Асабовыя займеннікі
- •Зваротны займеннік сябе
- •Прыналежныя займеннікі
- •Указальныя займеннікі
- •Азначальныя займеннікі
- •Пытальныя і адносныя займеннікі
- •Адмоўныя займеннікі
- •Няпэўныя займеннікі
- •Пераход слоў іншых часцін мовы ў займеннікі. Ужыванне займеннікаў у ролі іншых часцін мовы
- •19. Дзеяслоў як чаcціна мовы
- •Асновы дзеяслова
- •Пераходныя і непераходныя дзеясловы
- •Зваротныя дзеясловы
- •Катэгорыя стану дзеясловаў
- •Паняцце трывання
- •Утварэнне суадносных пар трывання
- •Ступеннае ўтварэнне трыванняў
- •Паняцце катэгорыі ладу. Абвесны лад
- •Катэгорыя часу дзеясловаў
- •Цяперашні час
- •Будучы час
- •Прошлы час
- •Катэгорыя асобы дзеясловаў
- •Безасабовыя дзеясловы
- •Спражэнне дзеясловаў
- •Рознаспрагальныя дзеясловы
- •Утварэнне дзеясловаў
- •20. Дзеепрыметнік и дзеепрыслоуе Дзеепрыметнік як дзеяслоўная форма
- •Утварэнне дзеепрыметнікаў
- •Пераход дзеепрыметнікаў у прыметнікі
- •Дзеепрыслоўе як дзеяслоўная форма
- •Адноснае абазначэнне часу дзеепрыслоўямі
- •Утварэнне дзеепрыслоўяў
- •Ужыванне дзеепрыслоўяў
- •21. Прыслоўе як часціна мовы
- •Разрады прыслоўяў паводле значэння
- •Ступені параўнання якасных прыслоўяў
- •Формы прыслоўяў са значэннем ацэнкі і меры якасці
- •Спосабы ўтварэння прыслоўяў
- •Ужыванне прыслоўяў у ролі іншых часцін мовы
- •Безасабова-прэдыкатыўныя словы (катэгорыя стану) Агульная характарыстыка безасабова-прэдыкатыўных слоў
- •Утварэнне безасабова-прэдыкатыўных слоў
- •22. Службовыя цасцины мовы Прыназоўнік як часціна мовы
- •Невытворныя і вытворныя прыназоўнікі
- •Ужыванне прыназоўнікаў са склонамі
- •Асноўныя значэнні прыназоўнікаў
- •Злучнік як часціна мовы
- •Злучальныя і падпарадкавальныя злучнікі
- •Класіфікацыя злучнікаў паводле іх паходжання, структу- ры і спосабу ўжывання
- •Часціцы як часціна мовы
- •Класіфікацыя часціц
- •Часціцы, якія выражаюць дадатковыя сэнсавыя адценні
- •Мадальныя і мадальна-валявыя часціцы
- •Эмацыянальна-экспрэсіўныя часціцы
- •Выклічнік як часціна мовы
- •Разрады выклічнікаў
- •Мадальныя словы.Мадальнасць і сродкі яе выражэння
- •Мадальныя словы іх характарыстыка і семантычныя разрады
- •Суадноснасць мадальных слоў з іншымі часцінамі мовы
Формы прыслоўяў са значэннем ацэнкі і меры якасці
Якасныя прыслоўі, як і якасныя прыметнікі, маюць формы выра-
жэння значэння высокай ці нізкай меры якасці без параўнання. Формы
прыслоўяў са значэннем ацэнкі і меры якасці адначасова перадаюць зна-
чэнне ацэнкі і экспрэсіўныя адценні (ласкальнасці, пагарджальнасці, зне-
важальнасці і інш.): хуценька, асцярожненька, страшэнна, шырачэзна.
Утвараюцца гэтыя формы пры дапамозе тых самых суфіксаў, што і фо-
рмы прыметнікаў са значэннем ацэнкі і меры якасці. Найбольш праду-
ктыўным пры ўтварэнні гэтых формаў з'яўляецца суфікс -еньк-(-аньк-):
нізенька, чысценька, блізенька, лёгенька, поўненька, роўненька, хуценька.
У такіх формах спалучаецца значэнне высокай меры якасці з экспрэсіў-
ным адценнем ласкальнасці.
Суфіксы -утк-(-ютк-), -усеньк-(-юсеньк-), -усенечк-(юсенечк-)
пры ўтварэнні формаў прыслоўяў са значэннем ласкальнасці ці па-
мяншальнасці ўжываюцца параўнальна рэдка: ціхутка, ранютка, паў-
нютка, ціхусенька, танюсенька, памалюсенечку. Нячаста таксама ўжыва-
юцца суфіксы -енн-(-энн-), -эзн-, -эразн- з узмацняльна-павелічальным
значэннем: страшэнна, высачэзна, даўжэразна.
Значэнне непаўнаты якасці надае прыслоўям суфікс ават-: ранава-
та, высакавата, пазнавата, цемнавата.
Памяншальныя формы маюць некаторыя прыслоўі, утвораныя ад
назоўнікаў: капельку, крышку, крышачку, ранічкай.
Формы прыслоўяў са значэннем ацэнкі і меры якасці ўжываюцца
пераважна ў гутарковым стылі і стылі мастацкай літаратуры.
Спосабы ўтварэння прыслоўяў
Прыслоўе актыўна папаўняецца за кошт іншых часцін мовы.
Пераход розных формаў зменных часцін мовы ў прыслоўе называецца
адвербіялізацыя (лац. аdverbium – прыслоўе). Пераходзячы ў разрад пры-
слоўяў, самастойныя часціны мовы змяняюць сваё лексічнае і граматы-
чнае значэнне. Так, назоўнікі страчваюць уласцівыя ім граматычныя ка-
тэгорыі роду, ліку, склону, у іх змяняецца марфемная будова слова: пры-
назоўнікі становяцца прыстаўкамі, канчаткі – суфіксамі. Пры адвербіялі-
зацыі можа назірацца змена націску: без канца – бясконца, за мужам –
замужам, кругам – кругом, верхам – вярхом, бегам – бягом. Перайшоў-
шы ў разрад прыслоўяў, былы назоўнік мяняе сваю сінтаксічную фу-
нкцыю і ўжываецца, як правіла, у ролі акалічнасці.
Сярод марфалагічных спосабаў утварэння прыслоўяў вылучаюцца:
суфіксальны (смачна, зелена, завочна, магутна, тройчы), прыставачны
(няўмела, наводдаль, паабапал, занадта, заўчора, залетась), прыстава-
чна-суфіксальны, або конфіксны (па-суседску, адразу, спаўна, утрох, зрэ-
дку, збоку, пароўну). Некаторыя прыслоўі ўтварыліся спосабам слова-
складання:
а) шляхам спалучэння займенніка што з назоўнікамі: штовечар,
штогод, штодзень (штодня), штолета, штоночы, штораз, штохвіліны;
б) паўтарэннем аднолькавых, блізкіх ці антанімічных слоў: даўно-
даўно, высока-высока, далёка-далёка, век-векам, перш-наперш, туды-
сюды, дзе-нідзе, калі-нікалі. Асобныя складаныя прыслоўі ў сучаснай
беларускай мове ўспрымаюцца як невытворныя: сёлета (з сего лета),
летась (а лето се), сёння (з сего дня).
Прыслоўі ўтварыліся і ўтвараюцца ад усіх самастойных часцін
мовы. Некаторыя прыслоўі ўтварыліся даўно, ад слоў, якія ў сучаснай
мове не ўжываюцца: знянацку, знячэўку, знарок, насцеж, датуль, трохі,
цяпер, дасюль і інш. Большасць прыслоўяў – пазнейшага ўтварэння, таму
можна вызначыць, ад якіх часцін мовы яны ўтварыліся: збоку, зверху,
знізу – ад назоўнікаў роднага склону з прыназоўнікам з; нанач, наперад –
ад назоўнікаў вінавальнага склону з прыназоўнікам на; раніцаю, веча-
рам, ноччу – ад назоўнікаў творнага склону; па-зімоваму, па-новаму – ад
прыметнікаў давальнага склону з прыназоўнікам па.
Найчасцей прыслоўі ўтвараюцца ад назоўнікаў, прыметнікаў і зай-
меннікаў, радзей – ад лічэбнікаў, дзеясловаў і прыслоўяў.
Прыслоўі ўтвараюцца ад ускосных склонаў назоўнікаў з прыназоў-
нікамі і без іх. Прыслоўі ўтвараюцца ад назоўнікаў:
а) роднага склону з прыназоўнікамі ад, да, з, без: адразу, адвеку,
дагары, дадому, дарэшты, даволі, дарэчы, збоку, зверху, здуру, спачатку,
бясконца;
б) вінавальнага склону адзіночнага ліку з прыназоўнікамі за, на,
па, у: зараз, замуж, навыварат, назад, наперад, нанач, насілу, наспех,
налета, назло, напаказ, навылёт, падчас, удзень, уголас, ураз, уніз, уверх;
вінавальнага склону множнага ліку з прыназоўнікамі на, у: навыперадкі,
наўцёкі, напярэймы, напрасткі, нацянькі, упрысядкі, убакі, употайкі; ві-
навальнага склону без прыназоўнікаў (іх мала): раз, век;
в) творнага склону без прыназоўнікаў: ноччу, бягом, адвячоркам,
сілком, парой, вясной, зімой, гуртам, часам; творнага склону з
прыназоўнікамі за, пад: замужам, подбегам, падыспадам;
г) меснага склону з прыназоўнікамі у, на, па, а: уверсе, унізе, уга-
ры, увечары, наверсе, наперадзе, наводшыбе, напярэдадні, папраўдзе, па-
сярэдзіне, апоўначы, апоўдні.
Найбольш актыўна ўтвараюцца прыслоўі ад розных формаў назоў-
нікаў ускосных склонаў з прыназоўнікамі.
Прыслоўі, утвораныя ад прыметнікаў, можна падзяліць на дзве
групы. Адну групу складаюць прыслоўі, што паходзяць ад кароткіх пры-
метнікаў, другую – ад поўных прыметнікаў. Прыслоўі першай (больш
старажытнай) групы ўтварыліся:
а) ад кароткіх прыметнікаў ніякага роду назоўнага склону: мала,
добра, густа, горка, звонка, ярка, ціха, хутка, суха, поўна, светла. На
ўзор гэтых утварылася большасць пазнейшых прыслоўяў з суфіксамі -а(-
о), у адзінкавых выпадках -е: завочна, літаральна, дзіўна, актыўна,
паслухмяна, знешне, залішне;
б) роднага склону з прыназоўнікамі да, з: дабяла, дацямна, дачы-
ста, злева, справа, змалку, зблізку, зрэдку, здалёку, змоладу, злёгку;
в) давальнага склону з прыназоўнікам па: паціху, памалу, пароўну,
паблізу;
г) вінавальнага склону з прыназоўнікамі за, на, у: завідна, зацемна,
зажыва, надоўга, навечна, наглуха, насуха, нанава, направа, улева, упра-
ва;
л) меснага склону з прыназоўнікам на: нароўні, напагатове.
Прыслоўі другой групы нешматлікія, яны ўтварыліся ад поўных
прыметнікаў;
а) роднага склону з прыназоўнікам з: збольшага;
б) давальнага склону з прыназоўнікам па: па-новаму, па-ранейша-
му, па-веснавому, па-летняму, па-святочнаму, па-гарадскому;
в) вінавальнага склону з прыназоўнікамі па, на, у: па-чалавечы, па-
дзіцячы, па-немаўлячы, па-воўчы, напрапалую, начыстую, наўдалую, уру-
чную, усляпую, урассыпную, упустую.
Ад лічэбнікаў утворана невялікая колькасць прыслоўяў. Яны утва-
раюцца ад лічэбнікаў:
а) зборных у вінавальным склоне з прыназоўнікамі у, на: удвая,
утрая, надвое, заадно;
б) колькасных і зборных у месным склоне з прыназоўнікам у:
удвух, удваіх, удзвюх, утраіх, утрох, упяцёх, упяцярых, ушасцёх, ушас-
цярых;
в) парадкавых: перш, спярша, па-другое, па-першае.
Ад займеннікаў у беларускай мове ўтварыліся шматлікія прыслоўі,
частка якіх сёння ўспрымаюцца як невытворныя. Гэта найбольш арха-
ічныя прыслоўі там, тут, тады, туды, куды, сюды, калі, дзе, усюды,
адкуль, іначай, інакш, дасюль, пакуль і інш., якія ўтварыліся ад кароткіх
займеннікаў тъ, сь, вьсь, къ, инъ у розных склонах пры дапамозе суфі-
ксаў або суфіксаў і прыставак. У выніку розных фанетычных змен гука-
вы склад і марфемная будова многіх прыслоўяў значна змяніліся і адро-
зніваюцца ад першапачатковай.
У іншых прыслоўях выразна прасочваецца сувязь з сучаснымі зай-
меннікамі. Такія прыслоўі паходзяць ад займеннікаў:
а) роднага склону без прыназоўнікаў: чаго, чагосьці;
б) давальнага склону без прыназоўнікаў і з прыназоўнікам па:
чаму, чамусьці, таму, па-мойму, па-нашаму, па-вашаму, па-твойму, па-
іхняму, па-свойму;
в) вінавальнага склону без прыназоўнікаў і з прыназоўнікамі за,
на: штосьці, затое, нашто;
г) творнага склону з прыназоўнікамі з, за: зусім, затым;
д) меснага склону з прыназоўнікам па: потым.
Ад дзеясловаў прыслоўі ўтвараюцца прыставачным і прыставачна-
суфіксальным спосабам: перабіць – наперабой, сутыкацца – усутыч, за-
мяняць – узамен, даганяць – наўздагон, выпускаць – навыпуск, угадаць –
наўгад, паваліць – напавал, перамяшаць – уперамешку, прыкусіць –
упрыкуску, перастаць – бесперастанку, пераганяць – наперагонкі.
У беларускай мове вылучаюцца прыслоўі, якія паходзяць ад дзе-
епрыметнікаў незалежнага і залежнага стану цяперашняга часу: блі-
скуча, хвалююча, рашуча, балюча, непрымірыма; незалежнага і залежна-
га стану прошлага часу: умела, узнёсла, асірацела, абурана, захоплена,
упэўнена, адкрыта, прыўзнята.
Ад дзеепрыслоўяў прыслоўі ўтвараюцца рэдка; можна назваць то-
лькі адзінкавыя: прыпяваючы (жыў прыпяваючы), крадучыся (ішоў кра-
дучыся).
Звычайна дзеепрыслоўе найбольш збліжаецца з прыслоўем, калі не
мае паясняльных слоў, стаіць пасля дзеяслова і з'яўляецца акалічнасцю
спосабу дзеяння: гаварыў смеючыся, ішоў туляючыся, бег азіраючыся,
расказваў спяшаючыся, ішоў спатыкаючыся. У некаторых выпадках та-
кое дзеепрыслоўе можна замяніць прыслоўем: ішоў не спяшаючыся –
ішоў няспешна, рабіў умеючы – рабіў умела.
У гутарковай мове і ў мове мастацкай літаратуры ўжываюцца пры-
слоўі, утвораныя ад дзеяслоўных асноў пры дапамозе суфікса -ма. Яны
звычайна ўжываюцца ў спалучэнні з аднакаранёвымі дзеясловамі і ма-
юць узмацняльнае значэнне: лежма ляжаць, гульма гуляць, седзьма
сядзець, роўма раўці, крычма крычаць, бегма бегчы.
Ад прыслоўяў прыслоўі ўтвараюцца пры дапамозе прыставак, ча-
сціцы абы-, постфіксаў -сьці і -небудзь.
Пры дапамозе прыстаўкі не-(ня-) утвараюцца антанімічныя пры-
слоўі: высока – невысока, далёка – недалёка, надоўга – ненадоўга, мала –
нямала, многа – нямнога, добра – нядобра, шмат – няшмат.
Прыстаўка ні- надае прыслоўям адмоўнае значэнне: дзе – нідзе,
калі – нікалі, як – ніяк, куды – нікуды, адкуль – ніадкуль.
Прыстаўка за-, далучаючыся да прыслоўяў, можа надаваць значэн-
не 'залішне', 'праз меру' або непаўнаты якасці: густа – загуста, высока –
завысока, лішне – залішне, многа – замнога, доўга – задоўга, нізка – зані-
зка, мала – замала. Такія прыслоўі ўжываюцца пераважна ў гутарковым
стылі і стылі мастацкай літаратуры.
Прыслоўі ўтвараюцца таксама пры дапамозе прыставак на-, па-, у-,
паза-, пасля-: навокал, наскрозь, наводдаль, назаўтра, назаўсёды, насу-
праць, паабапал, упоперак, пазалетась, пазаўчора, паслязаўтра.
Пры дапамозе часціцы абы- ўтварыліся прыслоўі абы-адкуль, абы-
калі, абы-куды, абы-дзе, абы-як.
Постфіксы -сьці, -небудзь надаюць прыслоўям значэнне няпэўна-
сці: дзе – дзесьці, калі – калісьці, куды – кудысьці, дзе – дзе-небудзь, калі
– калі-небудзь, куды – куды-небудзь.
У беларускай мове вылучаецца невялікая група складаных пры-
слоўяў. Яны ўтвараюцца:
а) паўтарэннем таго самага прыслоўя з далучэннем прыстаўкі ці
без яе. Такія прыслоўі пішуцца праз злучок: як-ніяк, дзе-нідзе, калі-ніка-
лі, перш-наперш, раз-пораз, далёка-далёка, высока-высока, глыбока-глы-
бока, ціха-ціха;
б) паўтарэннем супрацьлеглых па значэнні прыслоўяў: там-сям,
сям-там, сюды-туды (сюд-туд), туды-сюды, сяды-тады, тады-сяды,
так-сяк;
Ад складаных прыслоўяў трэба адрозніваць устойлівыя спалучэн-
ні, утвораныя паўтарэннем тых самых назоўнікаў у розных склонавых
формах з прыназоўнікамі, якія пішуцца асобна: дзень у дзень, след у
след, слова ў слова, год ад году, час ад часу, рука ўруку.
в) спалучэннем займенніка што з назоўнікамі: штогод, штомесяц,
штотыдзень, штодзень (штодня), штовечар, штоноч (штоночы),
штораніцы, штохвіліны, штораз; такія складаныя прыслоўі пішуцца
разам;
г) спалучэннем слова сама з прыслоўямі: тамсама, таксама, гэ-
таксама;
д) ад складаных прыметнікаў: святочна-ўрачыста, прытарна-са-
лодка, сумна-задуменна, вогненна-ярка, светла-празрыста і інш.