- •Вучэбны дапаможнік
- •Прадмова
- •УВодзіны
- •Філасофія і жыццёвы свет чалавека
- •ТЭма 1 фІлАсофІя Як сацЫЯкультурны феномен
- •1 Праблема вызначэння філасофіі. Светапогляд і філасофія 1.1 .1. Праблема вызначэння філасофіі. Светапогляд і філасофія
- •1.2. Спецыфіка праблемнага поля класічнай філасофіі. Прадмет філасофіі і яго гістарычная дынаміка
- •1.3. Функцыі філасофіі
- •ТЭма 2 Гістарычныя тыпы класічнай філасофіі
- •2 Станаўленне філасофіі ў культуры старажытных цывілізацый Усходу 2.1 .1. Станаўленне філасофіі ў культуры старажытных цывілізацый Усходу
- •2 Спецыфіка філасофскай традыцыі старажытнай Індыі, яе культурна-светапоглядныя асновы .2. Спецыфіка філасофскай традыцыі старажытнай Індыі, яе культурна-светапоглядныя асновы
- •2 Асаблівасці філасофскай думкі старажытнага Кітая, яе рацыянальна-прагматычны кірунак .3. Асаблівасці філасофскай думкі старажытнага Кітая, яе рацыянальна-прагматычны кірунак
- •2.4. Характар старажытнагрэчаскай цывілізацыі і асаблівасці антычнай філасофскай традыцыі
- •2 Філасофія і рэлігія. Статус і функцыі філасофіі ў сярэднявечнай еўрапейскай культуры 2.5 .5. Філасофія і рэлігія. Статус і функцыі філасофіі ў сярэднявечнай еўрапейскай культуры
- •2 Філасофія і навука: праблема самавызначэння філасофіі ў новаеўрапейскай культуры 2.6 .6. Філасофія і навука: праблема самавызначэння філасофіі ў новаеўрапейскай культуры
- •2.7. Сацыяльна-гістарычныя і светапоглядныя асновы філасофскай думкі эпохі Асветніцтва
- •2 Нямецкая класічная філасофія і яе роля ў развіцці еўрапейскай філасофскай традыцыі .8. Нямецкая класічная філасофія і яе роля ў развіцці еўрапейскай філасофскай традыцыі
- •ТэМа 3 Станаўленне і асноўныя стратэгіі развіцця посткласічнай філасофіі
- •3.1. Крытыка філасофскай класікі і рацыяналізацыя філасофіі ў творчасці а. Шапенгауэра, с. К’еркегара, ф. Ніцшэ
- •3 Трансфармацыя традыцый класічнай філасофскай спадчыны ў марксізме 3.2 .2. Трансфармацыя традыцый класічнай філасофскай спадчыны ў марксізме
- •3.3. Асноўныя гістарычныя формы пазітывісцкай філасофіі
- •Тэма 4 Філасофія і нацыянальная самасвядомасць. Філасофская думка беларусі. Руская філасофія
- •4.1. Філасофская думка Беларусі
- •Тэма 5 Метафізіка і анталогія
- •5 Катэгорыя «быццё» як пачатак філасофскага аналізу рэчаіснасці .1. Катэгорыя «быццё» як пачатак філасофскага аналізу рэчаіснасці
- •5 5.2 .2. Паняцце субстанцыі. Манізм і дуалізм
- •5.3. Катэгорыя матэрыі. Эвалюцыя поглядаў на матэрыю ў гісторыі філасофіі
- •5 Паняцце руху. Рух і развіццё 5.4 .4. Паняцце руху.Рух і развіццё
- •5.5. Прастора і час як формы быцця матэрыі
- •5.6. Ідэя адзінства свету
- •5.7. Дыялектыка як філасофская тэорыя развіцця, яе прынцыпы, законы і катэгорыі
- •Тэма 6 Філасофія прыроды
- •6 Паняцце прыроды 6.1 .1. Паняцце прыроды
- •ТЭма 7 Праблема чалавека ў філасофіі і навуцы
- •7.1. Праблема сутнасці чалавека ў гісторыі чалавецтва
- •7.2. Дыялектыка асобы і грамадства
- •7.3. Свабода як вышэйшая каштоўнасць быцця асобы
- •7 Жыццё, смерць, бяссмерце ў духоўным вопыце сучаснага чалавецтва 7.4 .4. Жыццё, смерць, бяссмерце ў духоўным вопыце сучаснага чалавецтва
- •7.5. Каштоўнасці і іх роля ў жыцці чалавека
- •ТЭма 8 Свядомасць чалавека як прадмет філасофскага аналізу
- •8 Праблема свядомасці і асноўныя традыцыі яе аналізу ў класічнай філасофіі 8.1 .1. Праблема свядомасці і асноўныя традыцыі яе аналізу ў класічнай філасофіі
- •8 Адлюстравальна-інфармацыйная і сацыяльная прырода свядомасці 8.2 .2. Адлюстравальна-інфармацыйная і сацыяльная прырода свядомасці
- •8.3. Актыўна-творчы характар свядомасці. Свядомасць і самасвядомасць
- •8.4. Грамадская і індывідуальная свядомасць
- •Тэма 9 паЗнаНне як каштоўнасць культуры і прадмет філасофскага аналізу
- •9.1. Спецыфіка пазнавальных адносін чалавека да свету і разнастайнасць філасофскага пазнання
- •9 Суб’ект і аб’ект пазнання. Формы пачуццёвага і рацыянальнага пазнання 9.2 .2. Суб’ект і аб’ект пазнання. Формы пачуццёвага і рацыянальнага пазнання
- •9 Ісціна як аснова, мэта пазнання. Крытэрый ісціны .3. Ісціна як аснова, мэта пазнання. Крытэрый ісціны
- •9 Метады і формы навуковага пазнання .4. Метады і формы навуковага пазнання
- •9 9.5 .5. Формы ненавуковага пазнання
- •Формы ненавуковага пазнання
- •ТэМа 10 Навука, яе кагнітыўны і сацыякультурны статус
- •11.2. Паняцце сацыяльнай рэальнасці. Грамадства як сістэма
- •Паняцце сацыяльнай рэальнасці. Грамадства як сістэма
- •11.3. Паняцце дзейнасці і грамадскіх адносінаў
- •Паняцце дзейнасці і грамадскіх адносінаў
- •Падсістэмы грамадства 11.4
- •11.5. Сацыяльная падсістэма
- •1 11.6 1.6. Палітычная падсістэма
- •11.7. Духоўная падсістэма
- •Тэма 12 АсноЎныя прАблемы пАлІтычнАй фІлАсофІі
- •12.1. Феномен улады ў жыцці грамадства
- •12.2. Палітычная ўлада і сацыяльны інтарэс
- •1 12.3 Дзяржава і грамадзянскае грамадства 2.3. Дзяржава і грамадзянскае грамадства
- •12.4. Палітыка і права. Канцэпцыя прававой дзяржавы
- •12.4 Палітыка і права. Канцэпцыя прававой дзяржавы
- •Тэма 13 філасофскія праблемы сацыяльнай дынамікі
- •13.1. Грамадства як сістэма, што развіваецца
- •1 13.2 Крыніцы і рухаючыя сілы развіцця грамадства 3.2. Крыніцы і рухаючыя сілы развіцця грамадства
- •Тэма 14 ФіЛаСоФіЯ культуры
- •14.1 Паняцце культуры
- •14.1. Паняцце культуры
- •14.2. Традыцыі і навацыі ў дынаміцы культуры
- •Заключэнне Філасофія і каштоЎнасныя прыярытэты ў культуры XXI ст.
7.5. Каштоўнасці і іх роля ў жыцці чалавека
Ч
Каштоўнасці і іх роля ў жыцці чалавека
7.5
алавек самім сваім існаваннем выдзелены з навакольнага свету. Гэта вымушае яго дыферэнцыравана адносіцца да фактаў свайго быцця. Чалавека цікавіць не проста ісціна, якая ўяўляла б аб’ект такім, якім ён з’яўляецца сам па сабе, а значэнне аб’екта для чалавека, для задавальнення яго патрэб. Індывід дыферэнцыруе факты свайго жыцця па іх значнасці, дае ім ацэнку, рэалізуе каштоўнасныя адносіны да свету. Усё, што мае для чалавека пэўную значнасць, асобасны ці грамадскі сэнс, з’яўляецца для яго каштоўнасцю.
Тэрмін «каштоўнасць» шырока выкарыстоўваецца ў філасофіі і сацыялогіі для ўказання на чалавечае, сацыяльнае і культурнае значэнне пэўных з’яў рэчаіснасці. Паняцце каштоўнасцей раскрывае асаблівы аспект адносін чалавека да свету. Каштоўнасці дазваляюць глыбей зразумець спецыфіку чалавечай дзейнасці, грамадства, культуры, яны з’яўляюцца важнейшым фактарам кансалідацыі людзей, іх інтэграцыі ў супольнасці. Каштоўнасці з’яўляюцца прадметам вывучэння асобнага раздзела філасофіі – аксіялогіі, ці тэорыі каштоўнасцей. Яна ўяўляе сабой філасофскае вучэнне аб прыродзе каштоўнасцей, іх месцы ў рэальнасці, аб структуры каштоўнаснага свету, г. зн. аб сувязі розных каштоўнасцяў паміж сабой, з сацыяльнымі і культурнымі фактарамі і структурай асобы.
Вучэнне аб каштоўнасцях – аксіялогія – стала набыткам філосафаў толькі пасля таго, як удалося развесці паняцці быцця і дабротаў. Гэта адбылося ў філасофіі І. Канта, які супрацьпаставіў сферу маральнасці сферы прыроды, а практычны розум – тэарэтычнаму розуму. Выдзяленне феномена значнасці быцця для чалавека прывяло да філасофіі каштоўнасцей з яе асноўным пытаннем: «Што ёсць каштоўнасць, і ў чым схаваны яе вытокі?»
Адны філасафы бачылі крыніцу каштоўнасці ў суб’екце, волі, пачуцці, асаблівасцях трансцэндэнтальнага суб’екта. Неакантыянцы выявілі крыніцу каштоўнасцей у разумнай волі, якая забяспечвае акты выбару. Ф. Брэнтана лічыў, што крыніцай каштоўнасцей з’яўляюцца эмацыянальныя акты любові і нянавісці. Філосафы матэрыялістычнага кірунку бачылі крыніцу каштоўнасцяў у незалежных ад суб’екта рэаліях, у матэрыяльных дабротах. Марксізм выставіў на першы план каштоўнасці грамадскага парадку.
З часоў антычнасці ў філасофіі вядуцца спрэчкі паміж прадстаўнікамі розных філасофскіх школ і напрамкаў па пытанні пра тое, ці з’яўляецца каштоўнасць атрыбутам некаторай рэчы ці яна ёсць вынік ацэньвання, прадыктаванага патрэбамі асобы і грамадства. У першым выпадку каштоўнасць тлумачыцца як штосьці аб’ектыўнае, існуючае незалежна ад чалавека. У другім выпадку паняцце каштоўнасці зводзіцца да суб’ектыўных ацэначных разважанняў адвольнага характару. Сутнасць каштоўнасцей выводзіцца не з аб’ектаў, а з патрэб чалавека.
Часта праблему каштоўнасцей разумеюць у самым агульным плане, тады ў якасці каштоўнасцяў выступаюць ісціна, дабро і хараство. М. Шэлер лічыў, што ранг каштоўнасці тым вышэй, чым больш яна даўгавечная і чым большае задавальненне яна выклікае. У гэтай сувязі ён ставіў на першае месца каштоўнасць прыемнага, звязанага з задавальненнем пачуццёвых схільнасцей чалавека.
Каштоўнасць – гэта адносіны паміж думкай і рэчаіснасцю. Грунтуючыся на сваім індывідуальным вопыце, чалавек усведамляе наяўнасць сувязі паміж значным для яго аб’ектам і сваімі патрэбамі і інтарэсамі.
Каштоўнасцю з’яўляецца тое, што валодае станоўчай значнасцю для чалавека. Значнасць вызначаецца не ўласцівасцямі прадмета самога па сабе, а іх уцягненасцю ў чалавечае жыццё. Быццё каштоўнасці спасцігаецца ў эмацыянальным акце. Суб’ектыўна жадаемае выступае ў ролі ацэнкі, г. зн. устанаўлення значнасці розных з’яў для чалавека, вызначаемым яго сацыяльнай пазіцыяй, светапоглядам, узроўнем культуры, інтэлекту і маральнасці.
Свет каштоўнасцей выяўляе сваю залежнасць ад чалавецтва, ён абумоўлены яго развіццём, пашырэннем сферы дзейнасці, характарам культуры і цывілізацыі. Прырода аксіялагічна нейтральная, як каштоўнасць яна актуалізуецца толькі ў кантэксце з чалавецтвам, у канкрэтна-гістарычных умовах яго існавання і развіцця.
Каштоўнасці надіндывідуальныя, яны могуць усведамляцца ці не ўсведамляцца, альбо ўсведамляцца неадэкватна. Аднак любы варыянт усведамлення каштоўнасцяў як суб’ектыўна жаданага выступае ў форме ацэнкі. Ацэнка заключаецца не ў дасягненні адпаведнасці пазнання сапраўднаму стану рэчаў, а з’яўляецца ўсведамленнем рэчаў і іх уласцівасцей як неабходных і важных для чалавека. Каштоўнасці адлюстроўваюць рэальную сувязь суб’екта з патрэбамі і інтарэсамі, памкненнямі, мэтамі, ідэаламі суб’екта. Таму можна казаць пра каштоўнасныя суджэнні з пункту гледжання іх сапраўднасці альбо несапраўднасці.
Значная роля ў фарміраванні цэнасных суджэнняў належыць нормам, якія надаюць патрэбам чалавека сацыяльную форму. Пад нормай разумеецца агульнапрызнанае правіла, узор дзеяння альбо паводзінаў. Нормы аказваюць уплыў на патрэбы асобы, якая не можа задавальняць іх па-за нарматыўна-культурным працэсам. Адным з асноўных спосабаў нарматыўнай рэгуляцыі дзеянняў чалавека ў грамадстве з’яўляецца мараль, ці маральнасць. Мараль выступае як асаблівая форма грамадскай свядомасці і як від грамадскіх адносін. Яна з’яўляецца прадметам вывучэння этыкі – філасофскай навукі, якая вывучае мараль, маральнасць, па-першае, як форму грамадскай свядомасці; па-другое, як адзін з важнейшых бакоў жыццядзейнасці чалавека, па-трэцяе, як спецыфічную з’яву грамадскага жыцця.
Нормы выступаюць як адна з формаў усведамлення патрэбаў, і таму яны адносяцца да сферы каштоўнасцей. Аднак паміж нормамі і каштоўнасцямі існуе некаторае функцыянальнае адрозненне. Каштоўнасці, паколькі яны спараджоныя патрэбамі, вызначаюць мэты дзейнасці, а нормы адносяцца да сродкаў дасягнення мэты.
Мэта выступае як адзін з элементаў паводзін і свядомай дзейнасці чалавека. Гэты элемент характарызуе прадугадванне ў мысленні выніку дзейнасці і шляхі яго рэалізацыі з дапамогай пэўных сродкаў. Яна ўяўляе сабой спосаб інтэграцыі розных дзеянняў чалавека ў некаторую паслядоўнасць ці сістэму. У аснове чалавечай дзейнасці ў большасці выпадкаў мае месца мэтанакіраванасць, калі мэта, якая ляжыць у аснове дзейнасці, выступае ў якасці канечнай прычыны. У такім выпадку ў наяўнасці мэтазгоднасць – адпаведнасць з’явы ці працэсу пэўнаму, адносна завершанаму стану, матэрыяльная ці ідэальная мадэль якога ўяўляецца ў якасці мэты.
Кожная гістарычна канкрэтная грамадская форма можа характарызавацца спецыфічным наборам і іерархіяй каштоўнасцей, сістэма якіх выступае ў якасці найбольш высокага ўзроўню сацыяльнай рэгуляцыі. На аснове прынятых у грамадстве каштоўнасцей складваюцца катоўнасныя адносіны, істотным элементам якіх з’яўляюцца цэнасныя арыентацыі – важнейшыя элементы ўнутранай структуры асобы, замацаваныя жыццёвым вопытам індывіда, усёй сукупнасцю яго перажыванняў, яны абмяжоўваюць значнае, істотнае для пэўнага чалавека ад нязначнага, неістотнага. У выніку цэнасна-арыентацыйнай дзейнасці ажыццяўляецца выпрацоўка і распаўсюджванне пэўных сістэм каштоўнасцей.
Разнастайнасць патрэб і інтарэсаў асобы і грамадства выражаецца ў складанай сістэме каштоўнасцей, якія класіфікуюцца па розных асновах. Паводле зместу адрозніваюцца каштоўнасці, якія адпавядаюць падсістэмам грамадства: матэрыяльныя (эканамічныя), палітычныя, сацыяльныя і духоўныя. Матэрыяльныя каштоўнасці ўключаюць вытворча-спажывецкія (утылітарныя) каштоўнасці, звязаныя з адносінамі ўласнасці, быту і да т. п. Духоўныя каштоўнасці ўключаюць маральныя, пазнавальныя, эстэтычныя, рэлігійныя і іншыя ідэі, уяўленні, веды.
Каштоўнасці маюць канкрэтна-гістарычны характар, яны адпавядаюць таму ці іншаму этапу развіцця грамадства альбо адносяцца да розных дэмаграфічных груп, а таксама прафесійных, класавых, рэлігійных, палітычных і іншых аб’яднанняў. Неаднароднасць сацыяльнай структуры грамадства спараджае неаднароднасць і нават супярэчлівасць каштоўнасцей і каштоўнасных арыентацый. У гэтым сэнсе каштоўнасці выступаюць як прадметная форма існавання сацыяльных адносін.
Па форме быцця адрозніваюцца прадметныя і ідэальныя (духоўныя) каштоўнасці. Прадметныя каштоўнасці – гэта натуральныя даброты, спажывецкая вартасць прадуктаў працы, сацыяльныя даброты, якія змяшчаюцца ў грамадскіх з’явах, гістарычныя падзеі, культурная спадчына, маральнае дабро, эстэтычныя з’явы, якія адпавядаюць крытэрыям хараства, прадметы рэлігійнага культу ці ўвасобленыя ў знакавай форме рэлігійныя ідэі. Гэтыя каштоўнасці існуюць у свеце канкрэтных рэчаў, з’яў, якія функцыянуюць у жыццядзейнасці людзей. Галоўнай сферай прадметных каштоўнасцей выступаюць прадукты мэтазгоднай дзейнасці чалавека, якая ўвасабляе ўяўленні асобы і грамадства аб дасканаласці. У якасці прадметна ўвасобленай каштоўнасці можа выступаць як вынік дзейнасці, так і сама дзейнасць. Прадметныя каштоўнасці паўстаюць як аб’екты патрэб і інтарэсаў чалавека.
Да духоўных каштоўнасцей адносяць грамадскія. Ідэалы, устаноўкі і ацэнкі, нарматывы і забароны, мэты і праекты, эталоны і стандарты, прынцыпы дзеяння, выражаныя ў форме нарматыўных уяўленняў пра шчасце, дабро, зло, цудоўнае і пачварнае, справядлівае і несправядлівае, правамернае і неправамернае, пра сэнс гісторыі і прадвызначэнне чалавека. Каштоўнасці свядомасці выступаюць і як самастойная сфера каштоўнасцей, і як аснова, крытэрый ацэнкі прадметных каштоўнасцей. Ідэальная форма іх быцця рэалізуецца альбо ў выглядзе ўсведамляемых уяўленняў аб дасканаласці, аб належным і неабходным альбо ў выглядзе неўсведамляемых захапленняў, пераваг, жаданняў, імкненняў.
Духоўныя каштоўнасці неаднародныя па зместу, функцыях і характары патрабаванняў да іх рэалізацыі. Існуе цэлы клас прадпісанняў, якія праграмуюць мэты і спосабы дзейнасці – гэта стандарты, правілы, каноны. Больш гібкія, тыя, што даюць дастатковую свабоду ў рэалізацыі каштоўнасці – гэта нормы, густы, ідэалы.
Паводле суб’екта – носьбіта каштоўнасных адносінаў – адрозніваюцца каштоўнасці надындывідуальныя (групавыя, нацыянальныя, класавыя, агульначалавечыя) і суб’ектыўна-асобасныя. Асобасныя каштоўнасці фарміруюцца ў працэсе выхавання і адукацыі, назапашваняя жыццёвага вопыту індывіда. Надындывідуальныя каштоўнасці – гэта вынік развіцця грамадства і культуры. Тыя і другія каштоўнасці неразрыўна звязаны паміж сабой.
Каштоўнасці вызначаюцца патрэбамі і інтарэсамі асобы і грамадства, таму яны маюць складаную структуру, асаблівую іерархію. У яе аснове ляжаць фундаментальныя даброты, неабходныя для жыцця чалавека як жывой істоты (прыродныя багацці, матэрыяльныя ўмовы жыцця) і вышэйшыя каштоўнасці, якія залежаць ад сацыяльнай сутнасці чалавека, яго духоўнай прыроды. Першая група – гэта ўтылітарныя каштоўнасці, яны вызначаюцца знешняй, пастаўленай звонку чалавеку мэтай. Практычная, утылітарная каштоўнасць ёсць каштоўнасць сродку, таму што карыснасць рэчы вызначаецца той задачай, якой яна заклікана служыць. Выканаўшы сваю задачу, гэта рэч у якасці каштоўнасці памірае. Другая група – духоўныя каштоўнасці. Яны маюць унутраную аснову. Духоўная каштоўнасць мае самадастатковы характар і ёй не патрэбны матывы, якія ляжаць па-за ёй. Утылітарныя прагматычныя каштоўнасці вызначаюць мэты дзейнасці, духоўныя каштоўнасці – сэнс чалавечай дзейнасці.
Духоўныя каштоўнасці валодаюць неўтылітарным і неінструментальным характарам. Яны не служаць ні для чаго іншага, а насупраць, усё іншае набывае сэнс усяго толькі ў кантэксце з вышэйшымі каштоўнасцямі. Духоўныя каштоўнасці складаюць стрыжань культуры пэўнага народа, фундаментальныя адносіны і патрэбы людзей. Выдзяляюцца агульначалавечыя каштоўнасці (мір, жыццё чалавецтва), каштоўнасці адносін (сяброўства, любоў, давер, сям’я), сацыяльныя каштоўнасці (уяўленне аб сацыяльнай справядлівасці, свабодзе, правах чалавека), каштоўнасці стылю жыцця, самасвярджэнне асобы. Вышэйшыя каштоўнасці рэалізуюцца ў бясконцым мностве сітуацый выбару.