1 Юр. Улыс классъясын серпас серти юöтрана текстлöн методика подувъяс.
Текст, сылöн признакъяс да сикасъяс.
Кыв да сёрни велöдöм заводитчö велöдан единица бöрйöмсянь, сöмын та бöрынö позьö видлавны велöдöмлысь мытшöдъяссö. Велöдчан еденицалöн хатактерыс и бöрйö кыв материалöн уджалöмлысь методикасö, а сiйö жö и бöрйö велöдöмлысь могъяс олöмö пыртан туйсö. Та вöсна, мед сознательнöя, эффетивнöя да тыр-бура лöсьöдны гижöда сёрнисö велöдан процесс, медводз колö бöрйыны шöр велöдан единицасö.
Öнiя методическöй литератураысь тайö юалöм кузяыс медтшöкыда позьö аддзыны сэтöм мöвп, мый кывйö велöдан единицаöн лоö текст.(//нач.школа.1997 №12 с.31)
Збыльысь текст лоö общениеö велöдöмлöн могöн.
Добровольская В.В. чайтö, мый видлавны кö тайö мытшöдсö пыдiсяньджык да видлавны «велöдан единицасö кыдз велöдчан процеслысь нуöдысь единица, кодысь ми перъям велöдан материал, кодöс пыр ми велöдам да кодi артмö велöдöм помасьöм бöрын,то лоö гöгöрвоана,мый вочавидзöмыс тайö юалöм вылö абу пыр стöч, и та вöсна сiйöс колö видлавны гöгöрбок».
Мед восьтны текстлысь понятиесö велöдчысьлы, колö сёрнитны сöмын сiйö прзнакъяс йылысь, кодъяс кузя языковедъяс мöвпалöны öти ног. Сiдзкö кутан сёрнитны текстлöн сэтшöм аслыспöлöслунъяс йылысь: кыдз юксьыны вермöм,смыслöвöй дзоньлун да тэчас серти йитчöм – характеръяс, кодъясöс торйöдны став туялысь.(//нач.школа.1996 №12 с.36)
Медым висьтавны кутшöмкö мöвп,мыйкö юавны либö кодöскö тшöктыны мыйкö вöчны,- ми вöдитчам сёрникузяясöн. А медым висьтавны кутшöмкö вöвлöмтор йылысь либö мортлöн переживаниеяс йылысь да с.в.,- сёрникузяяс йитчöны öта-мöдныскöд висьтъясö, повестьясö, очеркъясö,кывбуръясö да с.в. –мöд ногöн кö шуны, текстъяссö [Манова 2000:4]
Текст – тайö некымын серникузя, кодъяс йитчöмаöсь смысл, тэчас, грамматика да интонация боксянь. Тема йитö серникузяяс текстö. Быд серникузя йитчö темакöд и öта-мöдыскöд. Тайöн текст торъялö серникузяяссысь.[Ладыженская 1992:12]
Текст – медся сьöкыд лингвистика туялантор; абу шензьöдана, мый наукаын абу на öтувъя определение. Сiдз, текстöн шусьö оз сöмын гижöда серни, но и сылöн юкöн и серникузя. Татшöм термин оз позь лыддьыны бурöн, сы вöсна мый та дырйи сорласьöны понятиеяс текст и контекст.
Кор сетöны «текст» понятиелы определение, оз ков бокö кольны кесйöгъяс, кодъяс эмöсь став текстлöн. Татшöм кесйöгъяс дорö позьö пыртны:
1.текст - тайö гижöда формаöн юöртан;
2.текст торъялö тэчас да содержание помалöмöн;
3.текстын петкöдчö юöртöм дiнö гижысьлöн видзöдлас.
Тайö кесйöгъяс подуласьöм вылын позьö шуны, мый текст- гижöда юöртöм, кодi помалöма мöвп да структура боксянь, конi петкöдсьö гижысьлöн видзöдлас.
Синтаксис боксянь текст – тайö некымын сёрникузя, кодъяс йитчöмаöсь смысл серти да лексико-грамматическöй средствояс отсöгöн.
Йитöдъяс вермасны лоны:лексическöй
морфологическöй;
синтаксическöй;
Лексическöй йитöдъяс: синонимъяс, антонимъяс, мöдпöвйöвтöм (вынсьöдны тöдöмлунъяс), матыс вежöртаса кыв чукöр.
Морфологическöй йитöдъяс:
-эмакыв – нимвежтас ( Ылысь бокысь локтöм купечьяс-тöргöвечьяс зiлисны öдйöджык инавны став вайöм тöварсö. Найö асьныс танi уна ньöбасисны);
-морт ним – нимвежтас (Гöгöр ставыс вöлi лöз: и лымйыс, и керкаыс, и пуясыс, и Шурлöн нюмъялыс чужöмыс. А сылöн кельыдлöз синъясыс лоины пемыдлöзöсь.);
-эмакыв- морт ним,(ныв – Сандра);
-кадакывбердъяс, кодъяс артмывлöмаöсь нимвежтасъясысь: танi, татчö, татысь, сэсся, либö татшöм сяма кадакывбердъяс: на, нин, нöшта.
Татшöм кадакывбердъяс либö вежöны водзын паныдасьлысь эмакыв, либö индöны водзвылын висьталöм вылö,- да сiйöн и йитöны серникузяясö öта-мöдыскöд.
- кывшöръяс, кодъяс индöны водзвылын висьталöм вылö: со,вот,öд, сöмын,но.
-пыртана кывъяс, кодъяс петкöдлöны мöвпалысь пöрадоксö либö кыв кöрталöны: öти-кö, мöд-кö, öти кывйöн, дерт.
- кадакывлы лöсялана кад категория. Текстын действиеыс векджык мунö кутшöмкö öти кадколастö.
Синтксическöй йиöдъяс:
- И, А, НО, ДА сочинительнöй союзъяс серникузяяс водзвылын.
-Кор, мед, кö, кöть, сы вöсна мый … да подчинительнöй союзъяс.
- Серникузяяслöн öти сяма тэчас.[Манова,2000:6]
Текст проблема лингвистикаын да методикаын сöвмö лунысь лун и тырö выль характеристикаясöн. Т.А.Ладыженская ,отечественнöй методистъяс костысь öти,медуна пыртö текст теория да методика кузя водзö сöвмöдöмö. Сiйö гижö, мый текст- тайö и висьт,и мойд, и кывбур. Быд текстын эм тема, шöр мöвп, тшöкыда – юрнин. Текстын сёрникузяяс сулалöны торъя пöрадокын, найö йитчöмаöсь öта-мöдыскöд.
Текст – тайö медколана, медтöдчана понятие челядьлысь йитöса сёрни сöвмöдöмын, сы вöсна,мый шöр мог школаын коми кыв велöдöмын – велöдны челядьöс йитöса висьтавны ассьыныс мöвпъяс гижöда да гижöдтм формаын, велöдны лöсьöдны текст. Текст йылысь тöдöмлунъяс, сылöн медшöр кесйöгъяс отсалöны велöдчысьяслы артмöдны, лöсьöдны ассьыныс высказывание.[Ладыженская 1992:13]
Сёрнитны кö текстлöн смыслöвöй дзоньлун да йитчöм йылысь, то позьö торйöдны текстысь татшöм признакъяс:
1.текстын эм тема да темаöн öтувъялöм;
2.текстын эм ылöсас помасьöм;
3.текст дорö позьö бöрйыны ним, кодi кутас петкöдлыны сылысь темасö öшöр мöвпсö;
4.текстын эм пытшöкöс тэчас – синтаксическöй (сложнöй синтаксическöй целöй да сёрникузя тшупöд вылын) композиционнöй да логическöй – торъя целенаправленнöй да прагматическöй установка;
5.текст пыр лöсьöдöма сiйö или мöд стильöн: йöзкоста, публицистическöй, научнöй, художественнöй литература стиль да мукöд.
Йöз кост сёрни стиль колö быдлунъя сёрниын, варовитöмын. Могыс сылöн- мöвпъясöн юксьöм, аддзылöмторъясöн юксьöм да ёртасьöм. Тайö стильлы лöсялöны догъялан вежöртаса кывъяс, кöнi радейтöм либö мустöмтöм, висьталанторсö пыдди пуктöм либö кедзовтöм. Ёнджыкасö овлö ёрта сёрни формаын.
Делöвöй стильöн гижöны шыöдчöмъяс, ас гижöм вывескаяс, учриждениеяслысь да предприятиеяслысь нимъяс, эскöданпасъяс, оланпасъя, кодöн вöдитчöны делöвöй сёрни нуöдiгöн. öнi йöз кост олöмас делöвöй стильлöн коланлунъяс содö. Векджык овлööмонолог формаын. Делöвöй стильлöн аслас жанръяс: подувпуктас, оланпас чукöр, оланпас индöд, тшöктöм, сёрни гижöд, пасйöд, йöзöдöм, акт, эсканпас, гижсьöг да сiдз водзö.
Публицистика стильöн вöдитчöны, кор сёрнитöны – висьталöны öтувъя олöм сöвмöдöм йылысь, ёнджыкасö агитация могöн. Вöдитчöны ёнджыкасö политическöй терминъясöн. Векджык устнöй либö гижöда монолог формаын, вермас лоны статья, очерк, шмонитана гижöд либö выступайöм – сёрнитöм.
Научнöй стиль сiйö литературнöй кывлöн сикас. Научнöй стиль зiльö юöртны мöвпсööстöча, сы вöсна сэнi паныдасьлöны сöмын веськыд вежöртаса кывъяс, колö, медым юöртны туялöмъяс да аддзöмторъяс. Могыс – юöртöм, наукаын аддзöмторъяс йöзöдöм, овлö монолог формаын жö. Научнöй стильлöн аслыспöлöс жанръяс: монография, статья, диссертация, асшöр удж, доклад, рецензия, донъялана гижöд, аннатация, велöдчан небöг, лекция.
Художественнöй литература стиль öтувтö ас пиын йöз кост сёрни, публистика, делвöй сёрни да научнöй стильлысь признакъяс. Художественнöй гижöд да сёрни кутöны кык сикас мог: мый йылысь кö юöртöмысь öтар, сiйö тыдалö кывзысь вежöр вылö, сылöн кöсйöмъяс вылö, велöдö гöгöрвоны да донъявны мортöс кытшалысь ывла вывсö, ортсöгса мирсö. Драма, проза да поэзия лöсялöны тайö стилщдьыслы. Драма жанръяс – мог, серамбана, драма гиждъяс да сiдз водзö; поэзия жанръяс – кывбур, басня, поэма сикасъяс костын.
Текст единица торйöдöмын сiдз жö некымын сикас визь. Сiдз, öнiя лингвистикалöн медводдза тшупöдъяс вылын текстлöн элементлöн лыддьысис сёрникузя.
А.А.Потебня лыддис текст еденицаöн сёрни, В.В.Виноградов – высказывание, Н.С.Поспелов – сложнöй синтаксическöй целöй или замкнутöй синтаксическöй тэчас, Л.А.Булаковский – сверхфразöвöй единство, И.А.Фигуровский текст компонент, а Н.П.Севбо – абзац.
Улыс классъясын велöдчысьяс тöдмасьöны мог серти текст сикасъясöн: юöртöм, серпасалöм, мöвпалöм. Дерт, улыс классъясын шоча паныдасьлöны «стöч» öти сикаса гижöдъяс. Збыльвылас, абу некутшöм коланлун корны «стöч» серпасалöм, юöртöм; тшöкыдджыка тайö сорласьöм гижöдъяс,кöнi вевтыртö юöртöм, серпасалöм сетö позянлун могмöдöм велöдны велöдчысьясöс. Быд гижöд сикаслöн эм аслыспöлöслун материал корсьöмын да сiйöс пöртöмын,гижöд тэчасын, кыв средствояс корсьöмын.
Серпасалана текст – сiйö констатирующöй сёрни, кодi сетö статистическöй серпас, висьталö объектлöн состав да свойствояс йылысь, сылысь признакъяс лыддьöдлöмöн. Серпасалана текстын объект либ петкöдчöм оз сöвмыны. Серпасалöм тшöкыда пыртöны юöртанаö, но сiйö вермö лоны кыдз самостоялельнöй произведение. Велöдны серпасавны, дерт, колö примеръяс вылын. Челядьлы колö петкöдлыны серпасалöмлысь тöдчанлунсö: сiйö отсалö торйöдны предметъяс öта-мöдсьыс, быттьö син водзö вайöдö сэтшöм предметъяс, кодъясöс ми шоча аддзылам либö некор ог вермы аддзывны. Серпасалöмлöн структураыс абу висьталöм кодь. Сылöн парадоксысь йитчöма йöз наблюдение нуöдöмкöд, первой ми аддзам предметсö ставнас, сэсся видлалам сылысь юкöнъяссö да вöчам аслыныс вывод, мыйла сiйö предметыс колö олöмын, кутшöм сiйö да сiдз водзö.
Мöвпалана текст – тайö текстлöн сикас, кöнi туявсьö предметыс да петкöдчöмъяс, воссьöны налöн пытшкöс признакъяс. Татшöм сочинениесö позьö гижны шусьöг серти, торъя юалöм вылö вочавидзан формаöн, дискутируйтан формаöн гижöд, а сiдзжö опровержение гижöд. (//Нач.школа,1986,№9,с.23)
Юöртана текст – тайö лоöмторъяс,сöвмысь вöчöм торъяс да состояние йылысь висьт. Повествование пыр петкöдлö динамическöй ситуацияяс.
Сiдз сёрни сикас зависитö сёрнилöн объектысь, характерысь, «материалысь», код йылысь мыйкö колö шуны. Унатор сёрнилöм тэчасын зависитö сiйö могысь, кодöс сувтöдö ас водзас висьталысь. Тайö кö сьöрсьöн-бöрсьöн мунысь действиеяс, то на йылысь сёрни лоö юöртанаöн; серпасалöн материалöн кö лоö предмет,кодлысь колööпасйыны признакъяс, то тайö сёрниыс лоö серпасаланаöн; сёрнилöн объектöн кö лоöны мöвпалöмъяс, то тайö мöвпалана текст.
Бур да мича серни артмöдны отсалöны грамматика да стилистика,а гижигöн орфография да пунктуация кузя тöдöмлунъяс.(Сажина 1990: 23-29)
Ичöт классын медшöр сöвмöдан могыс – сöвмöдны челядьлысь сёрнисö. Фонетика да грамматика велöдiгöн, кывъяслысь гижанногсö видлалiгöн велöдысь нуöдö уна сикас удж сы могысь, медым сöвмöдны челядьлысь йитöса сёрни.Велöдöмыс тайö зэв сложнöй,корö ас дорас ыджыд внимание, шымыртö уна пöлöс тöдöмлунъяс да кужöмлунъяс.(Ладыженская 1990:279)
Воысь воö челядь велöдчöны гижтöг и гижöмöн дасьтыны уна сикас текст: юöртöм, серпасалöм, мöвпалöм. Велöдысьлы медводз колö тöдмöдны челядьöс текстлöн аслыспöлöслуннöн: тема, шöр мöвп, юрним, отсöг вылö сетöм кывъяс, тэчасног (заводитöм, шöр юкöн, пом). Уджъяс вöчигöн челядьлöн вочасöн сöвмö колана кужöмлун:
- сетöм тема серти колана текст дасьтöм;
- ас гижöдын висьталанторйылысь шöр мöвпсö петкöдлöм;
- гижöдсö юрнималöм, сiдзи, медым нимас тöдчис и темаыс, и шöр мöвпыс;
- текстлысь быд юкöн выль визьсянь гижöм;
- öта-мöдыскöд текстлысь юкöнъяс да сёрникузяяс йитöм. (Грабежова,Макарова 2006:14)
Сёрни сöвмöдан уджъяс котöртiгöн челядьöс колö велöдны:
- ас гижöдын кужны висьтавны медся тöдчанасö, восьтны медшöр мöвпсö;
- текст дасьтiгöн колö бöрйыны стöч да колана кывъяс;
- текстын колö урчитны сьöрсьöн–бöрсьöм мунöмсö.
Текст дасьтiгöн позьö вöзйыны татшöм план:
Текст юöртöм (висьталöм). Юöртана текст.
А) Заводитöм.
Кöнi тайö вöлi?
Кор тайö вöлi?
Код йылысь висьтыс?
Б) Шöр юкöн.
Мыйсянь ставыс артмис?
Мый лоис вочасöн?
Мый вöлi медтöдчанаыс?
Мый лои бöрынджык?
В) Пом. Донъялöм. Кывкöртöд.
Кыдзи помасис ставыс?
Текст-серпасалöм.
А) Петкöдланторйöн тöдмöдöм. (Кодi сiйö? Мый сiйö?)
Б) Кутшöм сiйö? (Медтöдчана, мукöд предметъясысь торъялана признакъяс, сöмын сылы лöсялана действие).
В) Кыдзи ме донъяла петкöдланторсö?
Г) Кывкöртöд.
3.Текст – мöвпалöм.
А) Мöвп гöгöрвоöдöм.
Юалöм вылö вочавидзöм.
Б) Мöвп гöгöрвоöдöм, доказывайтöм.
Эскöдана помка (помкаяс) вайöдöм.
Юалöм вылö вочавидзöм.
В) Кывкöртöд.
Стилистическöй формаыс куимнан сикасыслöн вермас лоны öткодь. Позьö и предмет лоöмтор либö мöвпалöм йылысь висьтавны стилистическöй системаын.
Видзöдлам шöр структурно-функциональнöй торъялöмъяссö сёрни сикасъяслысь.
Серпасалана – тайö кутшöмкö петкöдчöм, предмет либö морт петкöдлöм, налысь шöр признакъяссö лыддьöдлöм да восьтöм отсöгöн. Сiдз портрет описывайтiгöн, ми индам сэтшöм признакъяс вылö кыдзи туша, мыгöр, мунанног, юрси, рöм, арлыд да сiдз водзö; помещение описывайтiгöн ми индам: ыджда, стенъясысь оформление, мебельлысь аслыспöлöслун, öшиньяслысь лыд вылö; пейзаж описывайтiгöн татшöм признакъясöн лоöны пуяс, турун, енэж, ты да с.в.(Полякова 2006:40)
Серпасалана текст кыдз вöлi шуöма ним, вермö петкöдчыны сёрнилöм быд стильын, но научнöйын предметлöн характеристика должен лоны дзик тыр-бура восьтöма, а художественнöйын акцент вöчсьö сöмын медтöдчана детальяс вылö.
Мöвпалана текст – тайö кыв изложение, разъяснение, кутшöмкö мöвпалöм, подтверждение. Мöвпалана текстлöн тэчасыс татшöм: медводдза юкöн – тезис (мöвп, кодöс колö логическöя докажитны, обоснуйтны либö öтдортны; мöд – висьталöм мöвп обоснуйтöм,докажитöм;коймöд–кывкöртöд). (Львов 2002:23).
Мöвпалана текст позьö заводитны тадзи:
Тайö артмö сы вöсна, мый …
Объясняйтчö сiйö сiйöн, мый …
Мыйла, а вот мыйла …
Сiйö позьö докажитны тадз …
Ciйö объясняйтчö тадз …
Докажитам сiйöс …
Сыын зэв кокни убедитчыны
И сiйö сiдз и эм. (Поляков 2006:86)
Юöртана текст – сылöн татшöм: лоöмторлöн заводитчöм (завязка), лоöмторлöн сöвмöм, код пытшкын быть должен лоны кульминация, лоöмторлöн пом (развязка).(//нач.школа,1996 №12,с.37)
Ичöт классъясын сочинение сикасъяс сорсьöмаöсь, Львов М.Р. серти,наын ёнджыкасö юöртöм да рассуждайтöм.
Сы вöсна мый миян удж сиöма юöртана гижöдлы паськыдджыка видзöдлам тайö текст сикас.
Э.И.Полякова серти повествование – тайö татшöм текст сикас, кöнi мыйкö висьтавсьö, повествуйтчö кутшöмкö лоöмторъяс йылысь, геройъяслöн вöчöмторъяс йылысь.
Соловейчик М.С. гижö «повествование – это тот тип речи, который в силу возрастной активности, деятельностного характера младших школьников привлекает их больше других, чаще других создаётся ими в живой речевой практике». Повествовательнöй текст лöсьöдöм велöдöмын колö аддзыны челядь водзын сувтысь сьöкыдлунъяс. Тшöкыда найö дзебсьöмаöсь текст тэчасö.
Повествование, Пленкин Н.А. видзöдлас серти,тайö мый? кодi? кыдзи? кор? юалöмъяс вылö вочавидзöм.
Э.И.Полякова аслас небöгын торйöдö юöртана текстлысь татшöм аслыспöлöслунъяс:
1. Юöртана гижöдын эм сюжет, сьöрсьöн-бöрсьöн мунысь лоöмторъяс.
2. Повествованиеын висьтавсьö кутшöмкö лоöмтор йылысь, кыдзи ставыс заводитчис и мыйöн эштiс.
3. Повествовательнöй текстын эмöсь персонажъяс, йöз, пемöс и с.в.
4. Повествовательнöй текстын сюрöсыс петкöдчö эмакывъяс да кадакывъяс отсöгöн. Текстын тшöкыда вöдитчöны кадакыв формаöн колян кадын. Тайö кадакывъяс отсалöны петкöдлыны сьöрсьöн-бöрсьöн мунысь лоöмторъяс.
5. Юöртана текстын тшöкыда вöдитчöны йитöд петкöдлысь кывъясöн да кывтэчасъясöн, кодъяс петкöдлыны кад, сьöрсьöн-бöрсьöн мунöм: та бöрын, друг, öтчыд, сы бöрын, сэсся да с.в.
6. Повествовательнöй текст матын висьт дiнö.
Повествование медöдйö, кокниа гöгöрвоана текст сикас.[Полякова 2006:25]
Львов М.Р. пасйö, мый повествованиеын объектöн лоö вöчöмторъяслöн сöвмöм. Лоöмторъяс öта-мöдыскöд йитчöмаöсь и найö зависитöны öта-мöдсьыс.
Юöртана гижöдын, кыдзи пасйöны Воробьева В.И. да Тивикова С.К. век позьö торйöдны куим юкöн: заводитчöм, лоöмторлöн сöвмöм, пом. Медводз юкöны векджык заводитчö «öтчыд» кыв отсöгöн, мöд юкöн торйöдчö первойсьыс «друг» кывйöн. Шöр юкöнын паныдасьöны «та бöрын», «сы бöрын» кывъяс.
Юöртана гижöдъяс велöдöны челядьöс висьтасьны лоöмторъяс йылысь, кодъяс мунöны öта-мöд бöрсяыс. Татшöм удж дырйи быть колö велöдны челядьöс тöдчöдны шöр лоöмторсö.
Медым челядь кужисны торйöдны текст сикасъяс велöдысьяс тшöкыда вöдитчöны «фотография» приёмöн. Сiдз, мед петкöдлыны юöртана текст колö некымын серпас, кöнi тöдчö лоöмторлöн сöвмöм. Серпасалöмлы тырмö сöмын öти серпас, но медым сэнi тыдовчисны предметлöн тöдмöсъяс. А мöвпалöм сикаса текстлы оз позь бöрйыны некутшöм мыччöдлантор.
Сiдз кö вöчам кывкöртöд, мый юöртöм гижöд медся лöсялана улыс класса велöдчысьяслы.Тайö медкокньыд, динамичнöй текст сикас.
1.2. Серпас серти челядь сёрни дорö да текст лöсьöдöм дорö корöмъяс.
Велöдчöм, культурнöй мортлöн сёрниыс быть должен лоны бур сюрöса, стöч, эскöдана, подулалöма, ясыд, сьöлöмö йиджан. А та вылö колö бура тöдны висьталöмтор йылысь; кужöмöм, сьöрсьöн – бöрсьöн, логичнöя и эскöдана восьтыны ассьыд мöвпъяс. И дзик быть колантор – чужан кыв нормаяс тöдöм, колана кывъяс бöрйыны кужöм. Академик Л.В.Шерба пасйылiс, мый кывйын эм уна стилистическöй рöма кывъяс. Наöн быть колö вöдитчины, мед быд велöчысь, вермис кывны – казявны чужан кывлысь озырлун, мичлун; пыдди пуктiс чужан кывсö.
Школьнöй сочинеие – велöдчысьлöн асшöра гижöм да висьталöм. Сiйö зэв кыв кутана удж. Сочинениеысь тыдалö велöдчысьлöн олöмсö гöгöрвоöмыс, висьталантор йылысь тöдöмлуныс, ассьыс мöвпъяссö висьтавны кужöмыс, кывъясöн вöдитчан, орфография да пунктуация навыкъясыс.
Челядьлы колö тöдчöдны, мый сочинение гижöм сьöкыд удж. Шöр могöн сочинение гижöм кежлö дасьтысьöмын лоö тема урчитöм. Сочинениелöм тема- тайö сылöн содержаниеыс, мый йылысь сэнi висьтавсьö. Текстлöн тема тыдалö сылöн нимысь. Темакöд йитчö сочинениелöн медшöр мöвпыс: мый кöсйö петкöдлыны гижысьыс босьтöм темаöн.
Содержательнöя позьö гижны сöмын сы йылысь, мый бура тöдан, аддзылiн, наблюдайтiн. Сiдзкö, серниö велöдöмын, зэв ыджыд тöдчанлун кутöны эксурсияяс, походъяс, а сiдзжö сiйö, кыдзи челядь наблюдайтöны олöмын, уджын, ывлаын да вöр-ваын лоысь вежсьöмъяс да явлениеяс бöрся, ёна-ö найö лыддьысьöны.
Позьö висьтавны да гижны мича и стöч кывйöн, колана стильöн, грамматика боксянь требованиеяс пыдди, но век жö сёрниыс (гижöдыс) вермас лоны гöгöрвотöмöн: он вермы торйöдны сэтысь шöр мöвпсö второстопеннöйясысь (он гöгöрво, мый кöсйö тöдчöны авторыс аслас гижöдын). Мукöд дырйи сiйö чеччалöма öти мöвпысь мöдö, абу нуöдöма помöдз да с.в.
Колö кужны висьтавны дженьыда да медся тöдчанаторсö, стöча петкöдлыны действиеяслысь заводитчöмсö да помасьöмсö, сьöрсьöн – бöрсьöн мунöмсö, öта – мöдыскöд топыда йитчöмсö, мукöд дырйи тöдчöдны примеръясöн, докажитны. Тадзи сёрнитны да гижны отсалö план вылын удж, кодöс колö нуöдны первой классянь.
Серпас анализлöн сьöрьöн – бöрсьöн мунöм вермö торъявны серпаслöн аслыспöлöслунъяс серти, сувтöдöм могъяс серти, велöдчысьлöн арлыд да художественнöй восприятие тшупöд серти. Серпас кузя уджлöн медводдза тшупöдъясын тшöкыда вöдитчöны татшöм сьöрсьöн – бöрсьöн мунöмöн: серпаслöн улыс юкöн (му, ва, фон), шöр юкöн и вылыс юкöн (фон, енэж).
Анализлöн мöд сикас корö велöдчыссянь торъя кужанлунъяс да тöдöмлунъяс. Сiйö мунö татшöм план серти:
-серпаслöн жанр, сылöн предметнöй сюрöс (кодi или мый рисуйтöма);
-аскылöм кодi чужö серпас вылö видзöдiгöн;
-серпаслöн шöр микротемаяс;
-изобразительно – выразительнöй средствояс, кодъясöн вöдитчö художник образъяс лöсьöдыгöн (формат, композиция, рöм да с.в.).
Челядьлысь сочинение донъялiгöн медводз кутсьö тöд вылын, лöсял-ö содержаниеыс темаыслы, абу-ö кежöма нимсьыс, тöдчö-ö медшöр мöвпыс.
Текст вылын уджалiгöн кыввор стöчмöдöм да озырмöдöм вылын удж.
Школаö пыртöдз челядь сёрнитöны нин рöднöй кыв вылын. Сёрникузяяссö, позьö шуны, лöсьöдöны грамматика примитöм законъяс серти. Кытысь найö велалöны тадзисö сёрнитны? Посни челядь велалöны сёрнитны гырысьяс (бать-мам) вылö видзöдöмöн, практическöя, йöз сёрни да радио кывзiгöн, телепередачаяс видзöдiгöн челядь заводитöны гöгöрвоны кывсö, сылысь понятиеяссö, законъяссö, кодъяс пуктыссьöны пыдди предложение либö сёрни лöсьöдiгöн. Тайö гöгöрвоöмыс, кылöмыс – первой туй, кодi отсалö челядьлы велавны сёрниö.
Велöдысьлы колö мыджсьыны тайö кужанлун вылас да водзö велöдны челядьöс сёрнитны. А сэсся, грамотаö велöдöм бöрын, лэптыны велöдчысьлысь интерессö книга дорö, медым найö велалiсны практическöя, теория тöдтöг, висьтавны лыддьöмтор йылысь.
Тайö туйыс, боксянь отсöгтöг кывсö чувствуйтöмыс да гöгöрвоöмыс, морт олöмын кутö ыджыд тöдчанлун оз сöмын теорияöн тöдмасьтöдз, а и нэм чöжыс. Сiйö оз лэдз вöчны сёрнитiгöн да гижигöн лишнöй öшибкаяс велöдчöм либö тöдтöм материал вылö.
Колö сiдз жö кутны тöд вылын, мый кывсö чувствуйтöмыс абу быд велöдчысьлöн öткодь. А тайö туйöдыд босьтöм тöдöмлунъяссö да кужöмлунъяссö стö ча артавны он вермы.
Мöд туй, кодi велöдö челядьöс сёрнитны вежöртöмöн – кывлöн грамматическöй стройöн тöдмасьöм. Грамматика кузя теория (фонетика, морфология, синтаксис) велöдöм лэптö челядь сёрнилысь культурасö: вöчö сiйöс правильнöйöн.
Тайö туйыслöн медся ыджыд тöдчанлуныс – гижны велöдöм. Школаö пыртöдз челядь оз кужны гижны. Найö и грамотаö велалöм бöрын оз кужны гижны сiдз, кыддзи колö, оз кö тöдмасьны грамматикаöн и медся нин орфографияöн да пунктуацияöн.
Мöд туй кузя уджыс юксьö кык пельö: öти боксянь, челядь тöдмасьöны теорияöн да сыкöд йитöдын велöдчöны анализируйтны, систематизируйтны, абстрагируйтны, конкретезируйтны, сравнивайтны, обобщайтны, классифицируйтны, доказывайтны велöдан материалсö. Мöд боксянь, грамматикаысь босьтöм тöдöмлунъяс вылас мыджсьöмöн, бурмöдöны ассьыныс сёрнисö, вöчöны сiйöс правильнöйöн.
Но позьö бура тöдны грамматическöй явлениеяс да гижанног правилöяс, а сёрни век жö вермас лоны омöль. Медым сёрнитны да гижны бура, колö ещö озырмöдны кыв.
Кыв озырмöдöм – сёрниö велöдöмын коймöд туй. Кыв вылын уджыс мунö быд урок вылын, мый кöть челядь оз вöчны, лыддьысьöны либö гижöны, тöдмасьöны грамматикаысь выль явлениеясöн либö вайöдöны тöдöмлунъяссö системаö да с.в.
Кыв вылын уджыс мунö вит ног:
кыв озырмöдöм –выль кывъясöн тöдмöдöм. Став кывъяссӧ, кодъясӧн тӧдмасьӧны велöчысьяс, позьö юкны кык пельö: тшöкыда да шоча паныдасьысь кывъяс. Тшöкыда паныдасьысь кывъяс вылын торъя удж оз мун: найö сiдз пырöны сёрниö. А шоча паныдасьысь кывъяскöд, мед найö оз вунны, колö нуöдны торъя уджъяс. Татшöм уджъяс отсöгнас пыр öтырыш стöчмöдны, паськöдны да мичмöдны велöдчысьяслысь сёрнисö, велöдны найöс лöсьöдны бур предложениеяс, öтвечайтны связнöя.
кыв стöчмöдöм – кывлöн мукöд вежöртасöн тöдмöдöм. (вöралысь мунö. Часiыс мунö стöча. Кадыс öдйö мунö. Туйыс мунö ю берег пöлöн. Сылы шляпаыс ёна мунö. Ыджыд пиыс мамыслань мунö. Талун мунö выль кино. Мый висьталiс, ставыс пель пыр мунiс.). «О теории практике развития речи учащихся» статьяын. Е.В.Архипова гижö: öнiя кадö роч кыв велöдöмын зэв ыджыд тшупöдöм лоö сёрни сöвмöдöм – тайö подув челядьöс кывйö велöдöмын.
М.Р.Львов лыддьö, мый сёрни сöвмöдöм – тайö сёрниöн вöдитчöм: кывлöн средствояс (фонетикаöн, лексикаöн, грамматикаöн, кыв культураöн, синтаксисöн) сёрнилöн механизм – сiйö кылöм – казялöм и ассьыд мöвпъяс петкöдлöм.
3. кыв паськöдöм – öткодь кыв вужа кывъяс корсялöм (вöр, вöралысь, вöр лэдзысь, вöрса).
4. кыв вежöм – диалектнöй кывъяс литературнöйöн вежöм (сулöк – кузь чышъян), гöгöрвотöм кыв тöдса кывйöн вежöм (лым туктаяс –лым комöкъяс).
5. кыв бöрйöм – кыв дорö либö предложениеö медся лöсялана кыв корсьöм либö бöрйöм: сюсь, … (вежöра), гудыр - … (сöдз). Небыд тöвру … (öвтыштiс, швачнитiс) чужöмö.
Кыв вылын удж
Кыв запас озырмöдöм
Кыв активизируйтöм
Выль кывъяс
тöдмалöм
да гöгöрвоöм
Кывъяслысь вежöртас
стöчмöлöм
Кывъяслысь йитчöмсö
гöгöрвоöм
да сёрниын кывтэчасъсöн
кужöмöн
вöдитчöм
Челядьöн
выль кывъяслысь вежöртассö
гöгöрвоöм
да наöн
вöдитчöм
Тöдса
кывъяслысь вежöртассö
(гöгöрвоöмсö)
джудждӧдӧм
Матыс вежöртаса
кывъяслысь вежöртассö
(рöмъяссö)
гöгöрвоöм
да торйöдны
кужöм
Паныд вежöртаса
кывъяс аддзыны кужöм
Диалектнöй
кывъяслысь мынтöдчöм
(либö,
наöн
кужöмöн
вöдитчöм)
Кыв вылын удж стöчмöдö челядьлысь сёрнисö.
Нельöд туй – образнöй сёрниö вёлöдöм. öти и сiй жö мöвпсö позьö висьтавны уна ног. Шуам, лым сылöм йылысь позьö шуны тадзи: сылö лым. И тадзи: шондi югöръяс улын лым пöрö ваö. И тадзи: шондi няклялö-сёйö лымсö. Коймöд примерас мöвпсö висьталöма образнöя. Образнöй сёрниö велöдöм могысь лыддьысян урокъяс вылын челядь корсялöны художественöй произведениеяслысь скодитана кывъяс да выражениеяс. Грамматика урокъяс вылын татшöм уджсö кокни нудны кывсикасъяс да налысь гижанног велöдiгöн (кудель кодь юрсиа нывка, пывсян курыдыс чамралö-сёйö синтö). (Архипова//Начальная школа 1987:28)
Колö нуöдны и торъя уджъяс, сiдз, предложенинеяс нюжöдöм (ломзис кыа.-недыр мысти первой читкарасигтырйи, а сэсся паськыда пöртмасьöмöн ломзис асъя кыа.), а сiдз жö предложениеясысь мöвпъяссö мукöд кывъясöн висьталöм. (Гöрдöдiс пелысь. – Пелысь вожъяс вылö öшйисны мича гöрд розъяс).
Образнöй сёрниö велöдiгöн ыджыд отсöг сетöны свободнöй темаяс вылö сочинениеяс гижöм, кыдзи гижлiс Л.Н.Толстой, да мойдкывъяс лöсьöдöм, кыдзи велöдic В.А.Сухомлинский. Образнöя сёрнитны да гижны велöдöм отсалö мичмöдны челядьлысь сёрнисö.