Министерство образования и науки Российской Федерации

Федеральное агенство по образованию

Коми государственный педагогический институт

Факультет педагогики и методики начального образования

Курсöвöй удж

коми кыв методикаысь.

Дасьтіс: студентка ПМНО(4г.о.)

4 курс Шмидт О.А.

Проверитіс: Прокушева Т.И.

Сыктывкар,2012

Юриндалысь:

Водзкыв 3

Шöр юкöн.

1 юр. Улыс классъясын серпас серти юöртана текстлöн методика подувъяс.

1. Текст, сылöн признакъяс да сикасъяс. Текстын йитöдъяс. 5

2. Серпас серти челядь сёрни дорö да текст лöсьöдöм дорö корöмъяс (стандарт, уджтас серти). 18

3. Йитöда сёрни сöвмöдöм боксянь УМК донъялöм. 22

4. Серпас серти текст лöсьöдöм могысь удж котыртöм. 25

2 юр. Серпас вылын уджалiгöн коймöд класса челядьлысь тöдöмлунъяс да кужöмлунъяс эрдöдöм. Эксперимент.

2.1 Челядьлысь серпас серти юöртана текст лöсьöдöмын кужанлунъяс эрдöдöм. Констатирующöй эксперимент. 29

Кывкöртöд 28

Вöдитчан литература 34

Содтöдъяс:

1. Челядьлöн уджъяс. Эрдöдан эксперимент

2. Серпас

Водзкыв

Коми кыв да литература (лыддьысян) урокъяс вылын ыджыд места босьтö челядьлысь устнöй да гижöда сёрни сöвмöдöм. Кöть челядь и сёрнитöны мам кывйöн ичöтсянь, но налöн сёрниын бергалöны пырджык öтсяма «быдлунъя» кывъяс. Челядь оз вöдитчыны образнöй кывъясöн (мича кывъясöн, сравнениясöн да с.в.), зэв гежöда висьталöны предметъяс йылысь ортсысяньыс, сьöкыда серпасалöны кывйöн.

Велöдчöм, культурнöй мортлöн сёрниыс быть должöн лоны бур сюрöса, стöч, эсдана, подулалöма, ясыд, сьöлöмö йиджан. А та вылö колö бура тöдны висьталöмтор йылысь; кужöмöн, сьöрсьöн-бöрсьöн, логичнöя и эскöдана восьтны ассьыд мöвпъяс. И дзик быть колана тор – чужан кыв нормаяс тöдöм, колана кывъяс бöрйыны кужöм. Сёрниö велöдмыс зэв сьöкыд удж. Ciйö корö ас дорас ыджыдж тöжд, шымыртö уна пöлöс тöдöмлунъяс да кужöмлунъяс.

Курсöвöй уджлöн тема – улыс классъясын серпас серти юртана текст лöсьöдны велöдöм. Тайö темаыс лоö улыс класса челядьлöн сёрниысь шöр темаяс пиысь öтиöн.

Уджлöн мог видлавны улыс класса челядьлысь серпас серти юöртана висьт методика видлалöм.

Уджлöн туялан подул коми кывйö велöдiгöн висьт отсöгöн челядьлысь йитöса серти сöвмöдан процесс.

Туясян методъяс:1)методикаысь литература тöдмалöм да донъялöм. 2)челядьлöн текст вылын удж да сёрни бöрся наблюдайтöм, öтведайтöм. 3)школаын эксперимент. 4)челядьлысь гижöда уджъяс видлалöм.

Туялантор: улыс классъясын челядьлöн серпас серти уджалiгöн юöртана текст велöдан удж да уджлöн условиеяс.

Гипотеза: челядькöд кö разнöй урокъяс вылын быд текст лöсьöдан уджын дугдывтöг, стöч мог пуктöмöН да текст теория вылö мыджсьöмöн нуöдны текст лöсьöдöм могысь уна сикаса сöвмöдан уджъяс, то челядьлöн серпас серти текст лöсьöдöмын кужанлунъяс вынсяласны.

Медым пöртны олöмö гипотеза, ми сувтöдiм татшöм могъяс:

1.Видлавны серпас серти юöртана текст лöсьöдны велöдöмлöн подувъяс.

2.Талунъя велöдан небöгъясысь текст да серпас серти текст лöсьöдöм вылö удж пуктöм видлалöм да донъялöм.

3.Эрдöдны эксперимент вылын челядьлысь серпас серти юöртана гижöд лöсьöдöм кузя кужöмлунъяс да тöдöмлунъяс.

Туясян подулöн лоисны уджъясыс М.Р.Львовлöн,Т.А.Ладыженскаялöн, Э.И.Поляковалöн,М.С.Соловейчиклöн,В.И.Воробьёвалöн,Н.Д.Мановалöн.

Удж Тэчас: водзкыв,шöр юкöн,кодi артмö кык юрысь,кывкöртöд,вöдитчан литература,содтöдъяс.