AIKPAAZADE. OSMANOULLARI’NIN TARH. 2003

Aşık Paşazade 1 Osmanoğulları'nın Tarihi

oldı. Padişah dahı anda [228a] saltanat-ılan bir hisar yapdur­ dı, vilayet-i Arnavud'un ortasında. Ol hisarun adını İlbasan [Elbasan] kadılar ve ol hisarda gazilerden kodılar, kafideri­ ne gaza ideler.

Ve bu fethün tarihi hicretün sekiz yüz yitmişinde vaki' olundı, Sultan Muhammed Han-ı Gazi elinde. Ve Sultan Muhammed Han kim bu gazadan döndi, Rum Muhamme­ di vezir oldı.

Nazm

Bir 'aceb Rum vezir oldı gine Şöyle bil kim ogrı girdi bu dine

Adını mü'min kornışdı han anun Fursatın gözlerdi gönülde gine

Kini budur aldı han İstanbol'ı [228b] Yimez oldı bu Urum pinepişne

Bu vezir oldı kafider gör n'ider Agu virür dir Müsülmanı kına

BAB [142]

Anı beyan ider kim Karamanoglı Pir Ahmed ne'yledi kim padişah anuii üzerine teveccüh eyledi ve üzerine varup anda ne'yledi.

Karamanoglı Pir Ahmed kim İstanbol'a geldükde padişah­ ıla va'de olunmış-ıdı kim bi-vechin mine'l-vücuh padişaha muhalefet olunmaya. Ve hem Dulkadıroglı Şehsüvar dahı bu mu'ahede oldukda bile-y-imiş, 'ahd dahı bunun üzeri­ ne-y-imişkim padişahdan her ne vakt kim işaret oluna bun­ lar dahı hidmete hazır olalar ve her nireye kim emr olursa [229a] varalar.

Padişahun niyyeti budur kim Uzun Hasan'un üzerine va­ ralar-ıdı. Zira kim naşayiste hareket [149] itmiş-idi, bu Al-i 'Osman üzerine. Biri budur kim Koylıhisar kadimden bu gaziler kapusına hidmet idegelmişler-idi. Biri dahı budur

522

Çevriyazı: Haza Menflkıb u Tevarlh-i Al-i Osman

kim Karaman hôd asılda bunlara ta'alluk-ıdı. Hassa kim Karaman vilayetinden sürüp çıkardugı bu gazi padişahun 'ammusı oglıdur. Ve Uzun Hasan bunlara bu babda hiç i'ti­ bar itmedi, gelüp bu vilayetleriyıkdı, bozdı. Kendü muradı ne-y-ise itdi, gitdi. Ve hem bu Uzun Hasan babası 'Ali Beg­ ilen bu gazi padişaha ihtiyac-ıla gelüp Sultan Murad Han'a hizmet dahı itmişler-idi. İmdi bunun gibi olan kimseneler [229b] padişahlara buncılayın hadesler itmek cayiz degül­ dür, ve bu padişahlara gayret vacib olur. İmdi Uzun Hasan üzerine varmaga bu zikr itdüklerüm sebeb olmış-ıdı. Ve hem Hasan evvel kiççük yılan-ıdı, padişahun niyyeti bu-y­ ıdı kim anı ejderha olmadın avlaya-y-ıdı.

İmdi Karamanoglı ve Şehsüvar bu 'ahde turmadılar, pa­ dişah dahı ol tarafa teveccüh idüp Anatalı'ya geçdi. Bunla­ rı umardı kim gelelerdi. Bular gelmediler. Padişah dahı Ka­ raman'a yörüdi. Karaman oglanları kaçdılar, Larende'ye vardılar. Padişah dahı togrı Konya'ya 'azın itdi, Gevele'yi dahı feth itdi. Yörüdi, Larende'ye vardı. PirAhmed anda-y­ ıdı. Mahmud Paşa anun üzerine [230a] vardı. Birbirile ograş­ dılar, ceng olundı. Ahir Pir Ahmed turmadı, kaçdı. Kara­ man sİpahilerinden hayli adamlar tutdılar, padişaha getür­ diler. Padişah buyurdı, boyunların urdılar. Padişah, Mah­ mud Paşa'ya eyitdi: "Turkutoglı'nun kandalıgın bil, dahı üzerine var." didi. Turkutlu dahı Bulgar tagına çıkmış-ıdı. Mahmud Paşa dahıbunlarun kandalıgıhabarların aldı. He­ man üzerlerine yörüdi. Bunlar dahı tuydılar, kaçdılar. Öte Tarsus yüzine aşdılar. Mahmud Paşa dahı ardına düşüp kovdı, alıbildügin aldı. Alınmayanlar varup Tarsus vilaye­ tine girdiler. Andan sonra padişah hükm itdi; Larende'den İstanbol'a evler süreler ve Konya'dan [230b] dahı süreler.

El-hasıl-ı kelam ehl-i sanayi'den bir niçe evler sürdiler. Rum vezir padişaha eydür: "Hey devletlü sultanum! Mah­ mud sürdügi evleri teftiş idüp gördüm, ekseri fakirlerdür ve hem az sürdi." didi. "Ve ganllerin sürmedi." didi. Padi­ şah eydür "Rum Muhammedi! Var imdi sen dahı göreyüm, ne kadar evler yazasın." didi.

Bu Rlim ve:i'ır İstanbol'ufi intikamın almaga gayetde kim

523

Aşık Paşazade 1 Osmanoğulları'nın Tarihi

müştaka intizar-ıdı kim ehl-i İslam incite-y-idi. Bu kez fursat buldı. El-hasıl-ı kelam Larende'den ve Konya'dan ziyade evler almakdan muradı bu-y-ıdı: Ehl-i İslamufi evlerin yıkdurmag­ ıdı. Larende'yi şöyle yazdı kim Mevlana Hünkfu'ufi rahime­ hullah kim [231a] oglanlarınbile sürdi; ol Eınlr 'Ali Çelebi-y-idi.

El-hasıl-ı kelam bu Rum Muhammed padişah emrinden ziyade evler sürdi. Ahirü'l-emir hal böyle oldı kim Karama­ noglanlarıla barışur gibi oldılar. Padişah dahı Konya'ya ve Gevele'ye [Kevele] ve feth olunan vilayetün hisariarına hi­ sar erieri koyup berkitdiler. Andan gelüp Kara Hisar'a indi­ ler. [150] Padişah buyurdı; Mahmud Paşa'nun çadırını ve otagını başına yıkdurdı hünkar. Ve cebehanelerini kendü develerine yükletdiler, padişah cebehanesine katdılar.

Ve bu vezir Rum Muhammed'ün evvel şeytaneti bu-y-ıdı kim Mahmud Paşa gibi tedbir ehli veziri padişahun kapu­ sından red itdürdi kim Müsülmanlıga ya'ni iza [231b] inti­ kam ide, İstanbol'un acısını ala. Ve hem bu seferün evvelin­ de Keblüoglı kim kadı-'asker-idi, Rum Muhammedi [onu] 'azl itdürdi ve Mevlana Viidan kadı-'asker oldı.

Nazm

Sürüidi Mahmud Paşa kapudan

Irag oldı o sevgülü tapudan

Varup Hasköyi'ne oldı mücavir

Halas oldı taruk turuk tapudan

Ve bu feth i maceranun tarihi hicretün sekiz yüz yitmiş ikisinde vaki' olundı; Sultan Muhammed Han-ı Gazi elinde. Ve dahı bundan sonra maceralarun ahvalieri çok olsa gerek.

BAB [143]

Anı beyan ider kim padişah Igrıboz'a [Agrıboz, Egriboz] varup

anı ne suret-ile feth itdi ve Mahmud Paşa'yı ne'yledi.

Evvel Mahmud Paşa'ya [232a] Gelibolı sancagın virdi ve bu-

524

Çevriyazı: Haza Menakıb u Tevarm-i Al-i Osman

yurdı kim Mahmud'a "Tiz tut, gemileri tonat. Irakda yakın­ da hiç bir gemi kalmasun bir limonda. Igrıboz gazasma gi­ derin. Cemi'isi hazır olsun. Hernin ki seni göndürem, cüm­ lesi senün-ile bile yörisün." didi. Ve hem buyurdı kim: "Eyü tefahhus it kim Igrıboz fethine ne gerekdür, anı hazır ve müheyya it kim Igrıboz fethine ne gerekdür." didi. Mah­ mud Paşa dahı emri kabul idüp ne kim gereklü-y-ise anı te­ mam kayd itdi. Hiç bir eksük nesne komadı. Padişaha bil­ dürdi. Bu tarafda padişah dahı 'azim leşker cem' idüp kurı­ dan "Niyyet-i gaza!" diyüp yöridi. Mahmud Paşa dahı ge­ miler-ilen derya yüzinden yöridi.

El-hasıl-ı kelam, Igrıboz'un üzerine düşdiler. Igrıboz'un [232b] önine bir köpri döşediler. Padişah gelüp karada kon­ dı, Mahmud deniz yüzinde hisarı kuşatdı. Padişah dahı köpriden geçdi; lavu leşkeri-ile karadan kuşatdı. Yir yirin­ den toplar kuruldı. Emr alındı ceng olma. Bir nice günler 'acayib cengler alındı; toplar-ılan ve oklar-ılan.

Nagah bir gün gördiler kim derya yüzinden küffar gemi­ leri zahir oldı, ya'ni gelüp Igrıboz'a yardım ide. Ve ol gemi kafirleri nazar itdiler, gördiler kim Igrıboz hisarını İslam leşkeri deryadan ve kurıdan ortaya almışlar, ceng iderler. Bular bu hayretde-y-iken hernan padişah emr itdi: "Hey ga­ ziler! Koman, hisar yagmadur." didi. Ha, diyince gaziler hi­ sara koyuldılar [233a] Mahmud Paşa tarafından evvel koyul­ dılar. Kal'ayı feth itdiler. Üç gün gice ve gündüz eyü yagma olundı. Hisarı zabt itdiler ve nevahisinde bir nice [151] hisar dahı var-ıdı, anları dahı bile zabt itdiler.

Igrıboz vilayeti ternam bir sancaklık il oldı. Şehrün keli­ selerini mescidler itdiler. Vilayet-i İslamdan hatırı olan gelen Müsülmanlara kafirün hali kalan evlerini milklige virdiler. Bir kadı nasb itdiler ve bir bege sancagın virdiler. Ol dahı darü'l-küfr-iken darü'l-İslam oldı, bi-hamdillahi ve'l-minne.

Nazm

Zi han kim 'alemi itdi münevver

Ki anun tali'-i sa'di musavver [233b]

525

Aşık Paşazade 1 Osmanoğulları'nın Tarihi

Viranlar ma'mur olur makdeminden Yüzin gören halas olur o gamdan

Bu hanun devleti dayima a'la Bunun kısmetidür her hayr ola

Bu alündür kıyametde fazilet

Bu hanun mahkumıdur cümle millet

ilahi bu al üzre ta kıyamet İre lütf u 'inayetün hidayet

Bu feth i gazanun tarihi hicretün sekiz yüz yitmiş dördin­ de vaki' olundı; sultanü'l-mücahidin Sultan Muhammed Han-ı Gazi elinde; vallahu a'lem.

BAB [144]

Anı beyan ider kim vilayet-i Karaman'a padişah tekrar leşker göndürdi kim

ol [234a] vilayetün cümlesin zabt ideler

ve hem gemiler göndürdiler, anı beyan ider.

Padişah veziri Rum Muhammed'i göndürdi kim:" Var Ka­ ramanoglı'nı ol vilayetden sürüp çıkar." didi, ve hem kapu­ dan kendi kullarından padişah ana yoldaş koşdı ve Anatalı leşkerinden bir niçe sancak bile koşdı. Rum Muhammedi yörüdi, Larende'ye vardı, mescidlerin ve medreselerin ya­ kup yıkdı, atası evi gibi harab eyledi ve şehrün 'avratını ve oglanını soydurdı, 'üryan itdürdi. Ol zalim Rum hiç esirge­ medi, ol Müsülmanlara bunun gibi hakaretler itdürdi. La­ rende'den gidüp vardı, Eregli'ye çıkdı. Eregli'nün vilayeti­ ni ve köylerini harab itdürdi.

Ol vilayet halkı eyitdi: "Bu vilayet [234bJ Allah ve resulü­ nün; vilayetde evkafından niçün hazer itmezsin. Bu vilayet hôd resulünün evkafıdur." didiler. "Sen bum böyle harab itdün, Medine-i Resul'ün fakirlerine bu vilayetden artuk nafaka varmaz olursa yarın kıyamet güninde -amenna ve bihi saddaknasen anda Allah resulünün katına vardugun vaktın ne cevab virürsin." didiler. Bunun gibi söz diyenle-

526

Çevriyazı: Hıl.za Menakıb u Tevarih-i Al-i Osman

ri ol zalim Rum öldürtdi; Tanndan korkınadı ve peygam­ berden utanmadı.

Andan sonra vardı, Varsak vilayetinde Uyuz Beg dirler­ idt anun iline girdi. Karaman'dan aldıgı [152] haram kesbi Uyuz Beg vilayetinde taş arasında döküp gitdi. Varsak da­ hı geldi, eydür: " Bu konşumuz Karamanlu rızkıdur, Rum Muhammedi [235a] bize getürdi, virdi." didiler. "Ve bu Rum ne keremlürek kişimiş." didiler, agzına söge söge divşürdiler.

Nazın

Fesad itdi ziyade çarh nişanı

Dökile kanlar ola çok ziyanı

Bu ehl-i İslam içre dökilen kan

Niçelerün gide din ü imanı

Ziyade ola harablık cihanda

Bu sözüme sakın tutma gürnam

Yıkıldı Karaman bazıldı iller

Büridi 'alemi zulmün tumanı

BAB [145]

Anı beyan ider kim İshak Paşa'yı tekrar

Karaman'a göndürdi, varup Karaman'da ol dahı ne'yledi.

Padişah emr itdi, İshak [235b] Paşa'ya "Var." didi, "Karama­ noglı'nı sen ilden çıkar." didi. "Bu Rum devletsüz ol vilayet­ de hayli bedbahtlıklar itmiş." didi. "İmdi sen var Kara­ man'un müfsidlerin çıkargıl." didi. İshak Paşa dahı yörüdi, L rende'ye çıkdı, andan vardı İçil'e girdi. Karamanoglı kaç­ dı, Uzun Hasan'a gitdi. İshak Paşa Aksaray'a geldi. Padişah­ dan emr olundı kim; "Aksaray'dan evler sürüp İstanbol'a gönderesin." diyü. İshak Paşa dahı Aksaraydan sürgün idüp bile alup getürdi. Şimdiki hlnde İstanbol'da Aksaraylu mahallesi didükleri İshak Paşa sürüp getürdigi halkdur.

527

Aşık Paşazade 1 Osmanoğulları'nın Tarihi

BAB [146]

Anı beyan ider kim Gedük Ahmed 'Aleyye'i [Aiaiyye] ne suret-ile feth itdi?

Bundan öndin Rum Muhammed'i göndürmişler-idi. Ol va­ rup nesne izhar itmemiş-idi; anun-ıçun kim 'Alayye beginün kız karınciaşı Rum Muhammedi'nün hatumdı. Ve hem Ge­ dük Ahmed'e padişah kapusından bir niçe bölük kullar ta'yin olundı ve Anatolı'nun 'askerinden bir niçe yoldaş koş­ dılar. Gedük yörüdi, vilayet-i 'Aleyye'ye vardı. Ol vilayetün a'yanlarından hayli kişiler geldiler, Gedük Ahmed'e ita'at it­ diler. Öfiine düşdiler, 'Aleyye'nün hisarı üzerine vardılar.

Ol vakt 'Aleyye'nün begi Lütfi Begoglı Kılıç Arslan Beg­ idi. Gedük Ahmed'ün geldügini gördi. Gedük Ahmed dahı vardugı gibi fi'l-hal toplar kurdurdı. [236b] Bu hisarun halkı kim topları göricek Kılıç Arslan Beg'e geldiler, eyitdiler kim: "Bu gelen leşker Karamanoglı gibi degüldür." didiler ve "Bunun-ıla ceng fayidesi yokdur." didiler. Kılıç Arslan Beg eydür: "Müsülmanlar! Hayırlusı ne-y-ise tedarük idün siz dahı." didi. Bu şehrün halkından [153] Ahmed Paşa'ya işaret olundı kim adam göndüre-y-idi. Paşa adam göndürdi. Bu gelen adama eyitdiler: "Ahmed Paşa'dan soracagumuz vardur, soralum. Görinecek yire gelsün." didiler. Ahmed Paşa dahı bir görinecek yire geldi. Yukarıdan sordılar kim "Bu şehri kim alsan eger lutf-ıla ve ger cebr-ile, bu bizüm padişahumuzı ne'ylersin." didiler. "Eger lutf-ıla virürsenüz padişahunuza vilayetinden yig vilayet, benüm padişahum­ dan begünüze alıvirürin. Ve eger cebr-ile alursam hôd ma'lum nice olacagı." didi.

El-hasıl-ı kelam, Ahmed Paşa bunları geregi gibi hatırla­ rm teselli itdi kim ne beglerine ve ne kendülerine zararı ir­ meye; belki ziyadesile nef'i ire. Kılıç Arslan Beg dahı bu sö­ ze razı oldı. Çıkdı hisardan, Ahmed Paşa'ya geldi, hisarını . ana tesilm itdi. Gedük Ahmed dahı hisarı tasarruf itdi.

Re'ayayı dahı kanun-ı 'Osman-ılan mukarrer eyledi. SÜ'AL.- Ya 'Aleyye'nün begi n'oldı?

CEVAB.- Ahmed Paşa kim 'Aleyye'yi eman-ıla alıcak be-

528

Çevriyazı: Hilzii Meniikıb u leviirih-i Al-i Osman

gini cemi' hazinesin ve ta'allukatıla alup padişaha getürdi.

Kılıç Arslan Beg kim padişahun yüzini göricek heman-dem yüz yire kodı. Padişah eyitdi: "Hey! Korkma kim sana [237bJ ziyanum tokunmaz. Ve hem sana eyü tirnar virürem kim vilayetünden ziyade ola." didi. Ol sa'at Gümülcine'yi tirnar virdi ve hiç malından ve kumaşından bir nesne almadı. 'Avratına oglanına bile ziyade nesneler 'atalar itdi.

Ahir Gümülcine'ye vardı, anda ne'yledi, anı beyan ideyüm. Bu Gümülcine derya kenarına yakın yirdedür. Deniz ke­ narında gözciler korlar kim denizden harami gemileri ge­ lüp urmasun, diyü dayim gözedürler-idi. Bu Kılıç Arslan Beg ol araya varaldan gözciligi kendüsi iderdi dayim. Der­ ya kenarında bir çadırı kurulmış tururdı. Nagah bir gün gözleyüp tururken deniz tarafını, denizden bir gemi geldi kenara yakın. Bu Kılıç Arslan Beg dahı ol gemiye hücum idüp ceng [238a] eyler gibi oldı. Atını depdi, kenardan deni­ ze girdi. Ol gemide bir kayık hazır-ımış. Gelüp Kılıç Arslan Beg'i aldı, gemiye iletdi. Kılıç Arslan Beg oglını ve 'avratı­ nı bırakdı, gitdi. Şimdiki halde 'avratınun oglınun halları nice oldı, disen oglı Allah rahmetine vardı, 'avratın dahı

oglı yanında kodılar.

Nazın

Bu dünya lezzeti bil agudandur

Seni her yalan ile avudandur

Ve ger bin yaşasan dayim sag olsan

Sonı sünüklerüni uvadandur

Kime kim hayr u şer sen kasd idersin

O kasdun seni sine iledendür

Anun-ıla Hakka sen hazır olasın [238b]

Kimün hakkı ki olsa diledendür [154]

Ve bu fethün bu maceranun tarihi hicretün sekiz yüz yet­ miş altısında vaki' olundı; Sultan Muhammed Han-ı Ga­ zi'nün kulı elinde kim adı Ahmed Paşa'dur.

529

Aşık Paşazade 1 Osmanoğulları'nın Tarihi

BAB [147]

Anı beyan ider kim Paşa Silifke'yi ne suret-ilen feth itdi ve hem anda ilini ne'yledi.

Karamanoglu İshak Beg kim Uzun Hasan'a kaçmışdı, ka­ rındaşı Pir Ahmed, Mokan [Mevkan] kal'asını almış-ıdı. İshak Beg, oglını Silifke kal'asında komışdı. Kendü Uzun Hasan'a gitdüginde İshak Beg'in oglı Sultan Muhammed'e habar göndürdi kim: "Silifke'yi sultanuma vireyüm, ade­ müfi göndür." dimiş-idi. Sultan Muhammed Han dahı anun sözine i'timad idüp Gedük [239a] Ahmed'i yarar yol­ daşlar-ıla göndürdi. Gedük Ahmed dahı yörüdi, İçil'e girdi. Togrı Silifke'nün üzerine vardı. İshak Beg'üfi oglı hisardan çıkup bunlara hisarı teslim eyledi. Ol hinde Karamanoglı Kasım Beg, Uzun Hasan'a varmış-ıdı ve Uzun Hasan afta leşker koşup göndürdi. Bu tarafdan Gedük Ahmed, Silif­ ke'yi alıcak Mokan hisarına yöridi. Pir Ahmed'ün 'avratı ve oglanı ol Mokan hisarında komış-ıdı. Ve İshak Beg'üfi bir kiçicük oglı anda bile-y-idi. Ve hem Karamanoglı Muham­ med Beg var-ıdı. Anun bir mahbube kızı anda bile-y-idi. Gedük Ahmed bu hisarufi üzerine düşdi. Ol hisarı dahı darb-ı dest-ilen aldı. Andan geldi Lülü'ye [Lüle'ye] düşdi. [239b] Anı dahı darb-ı dest-ilen aldı. Anun halkını kırdı.

Ne işler aldı gör fani cihanda

Dahı çok işleri vardur nihanda

Sakın kim magrur olma bu fenaya

Ki assı sandugın ola ziyanda

Buna 'akil 'arifler uymadılar

Uyanlar cümle kalmışdur yabanda

Neye kim elüfi irse afi sen ölüm

Kim afimazsafi kalursın sen gümanda

Saray u köşk ü serirde yatanlar

Gömüldi yatdı çok çürük samanda

530

Çevriyazı: Haza Menakıb u Tevar1h-i Al-i Osman

Bu maceranun tarihi hicretün sekiz yüz yetmiş yidisinde vaki' olundı.

BAB [148]

[240b] Ve bu tarafdan Uzun Hasan kim Kasım'a leşker koş­ mış-ıdı, geldiler, Erzincan'da Rum padişahı Sultan Baye­ zid'e habar göndürdiler kim: "Desturunuzla kim biz Dulka­ dır iline giderüz kim, Kılıç Arslan Beg'ün oglını atası yirine beglemege iledürüz." didiler. Ol vakt beglerbegi Hamza Beg [155] Tokat'da-y-ıdı. Gelen adem evvel ana geldi. Ham­ za Beg dahı anlarun sözine i'timad itdi. N'ola geçsünler, di­ di. Hernin kim Sivaz'dan bir niçe göç kim göçdiler, yörüdi­ ler yortım-ılan; 'ale's-sabah Tokad'un üzerine çıkageldiler. Ga:filin Tokad'ı yagma itdiler, şehri yakup yıkdılar; şöyle kim, küffarane işler itdiler, Müsülmanlarun 'avratına ve og­ lanlarına na-meşru' hareketler itdiler. Bu yüz karalıgıla [240b] ba'zısı Uzun Hasan'a gitdi ve ba'zısını Karaman og­ lanları alup kendü vilayetlerine togrıldılar.

Ol zaman Sultan Muhammed Han-ı Gazi'nün bir oglı Sultan Mustafa, Konya'da-y-ıdı. Sultan Muhammed habar göndürdi oglı Mustafa'ya kim: "Var Karahisar'da otur." didi. Kendüsi devlet-ilen hücum itdi, İstanbol bagazından Anatalı'ya geçdi. Ol vakt Mahmud Paşa Gelibob sancagın mansıb yirdi. Girü anı devlet işigine vizarete getürdi, ve­ zir oldı. Bunlar hücum itdiler kim, Karaman vilayetine çı­ kalar. Karaman oglanları dahı Uzun Hasan'un bir begi,

·Yusuf İmırza dirler-idi, anun-ıla leşker koşup Akşehr'e geldiler. Yörüdiler, Hamidili'ne girmege. Sultan Mustafa [241a] dahı Karahisar'dan anlarun üzerine yörüdi ve ol 'asi­ ler-ile buluşdı. Eyü sultani cenkler olundı. Uzun Ha­ san'dan gelen beg kim, Yusuf İmırza'dur ve hem ol Uzun Hasan'un 'amınisi oglıdur; cengde anı tutdılar, boynma ip dakdılar, it yider gibi yitdiler. Cine Karamanoglı Pir Ah­ med kaçdı, gitdi. Gedük Ahmed anun 'avratını, oglını ol hinde İstanbol'a getürdi. Kasım Beg girü İçil'e girdi, otur-

531