Ф.4.7-008-03

ҚАЗАҚСТАН РЕСПУБЛИКАСЫ БІЛІМ ЖӘНЕ ҒЫЛЫМ МИНИСТРЛІГІ

М.Әуезов атындағы оңтүстік қазақстан мемлекеттік университеті

Кәсіпке баулудың теориясы мен әдістемесі кафедрасы

Тігін бұйымдарын конструкциялау мен модельдеу

пәні бойынша практикалық сабақтарға арналған

әдістемелік нұсқау

Шымкент – 2015ж

ОАК 687.0. (075.7)

ББК 372.74.

Жолдасбекова С.А.

Тігін бұйымдарын конструкциялау мен модельдеу. - Шымкент, М.Әуезов атындағы ОҚМУ, 2015. - 82 бет.

Пікір берушілер: Саипов А.Б. М.Әуезов атындағы ОҚМУ п.ғ.к., доцент

Ортаев Б.Т. А. Яссауи атындағы ХҚТУ п.ғ.к., доцент

Әдістемелік нұсқау 5В012000-«Кәсіптік оқыту» мамандығы студенттері үшін, «Тігін бұйымдарын конструкциялау мен модельдеу» пәнінен практикалық жұмыстарды орындауға арналған. Киім түрлері оларға қойылатын талаптар, өлшем алу техникасы мен қосымшалар қосу жөнінде мәліметтер берілген. Сонымен қатар, әйелдер мен қыздардың белдемшелі, иықты киімі мен бас киім түрлерін, ерлердің шалбары мен иықты киімдерін конструкциялау мен модельдеуге бойынша мәліметтер берілген. Әдістемелік нұсқауда практикалық жұмыстың тақырыптары, жұмыстың мазмұны, орындалу барысы, қажетті әдебиеттер ашылып көрсетілген.

Әдістемелік нұсқау М.О.Әуезов атындағы ОҚМУ-нің Әдістемелік кеңесінде мақұлдап, басылымға ұсынылған (№ хаттама, _________ 2015ж).

© М.О.Әуезов атындағы ОҚМУ, 2015

Мазмұны

Кіріспе..................................................................................................................3

І. Киімді констукциялау жөнінде жалпы мәліметтер..............................4

1. Адам денесінің өлшемдерін алу техникасы...................................................5

2. Белшалғыларды конструкциялау....................................................................15

3. Шалбардың негізін салу...................................................................................23

4. Шолақ шалбардың сызбасын сызу..................................................................26

5. Түнгі көйлек сызбасын сызу............................................................................30

6. Әйел көйлегінің сызбасын сызу.......................................................................34

7. Бір тігісті жең сызбасын қүрастыру................................................................44

8. Реглан жеңді киім сызбасын құру....................................................................47

9. Жаға сызбасын құрастыру................................................................................54

ІІ. Киімді модельдеу негіздері.............................................................................61

10. Белшалғыны модельдеу..................................................................................61

11. Шалбарды модельдеу......................................................................................64

12. Түнгі көйлекті модельдеу...............................................................................69

13. Көйлектің кеудесін модельдеу.......................................................................73

14. Жилет сызбасын сызу әрі модельдеу...........................................................78

Қорытынды...........................................................................................................83

Қолданылған әдебиеттер.....................................................................................84

Кіріспе

Қай заманда болмасын адамзат алдында тұратын ұлы мұрат міндеттерінің бірі - өзінің, өмірін жалғастыратын салауатты, саналы ұрпақ тәрбиелеу, ұрпақ тәрбиесі келешектегі қоғам қамын ойлау болып табылады. Сол келешек қоғам иелерін жан-жақты жетілген, ақыл-парасаты мол, мәдени-ғылыми өрісі озық азамат ретінде тәрбиелеу біздің де қоғам алдындағы борышымыз. Осыған орай, бүгінде заман талабына қарай жастарды киім үлгілерін модельдеуге, пішуге, тігуге көркемдеп сәндеуге әрі эстетикалық талғамын арттырып, көркемдік білім деңгейін көтеру маңызды мәселелердің бірі болып отыр.

Университет қабырғасында жоғары оқу орындарында 5B012000-Кәсіптік оқыту мамандығы бойынша студенттер оқу жоспарына сай "Киімді конструкциялау мен модельдеу" пәніне арналған "Киімді конструкциялау мен модельдеу" оқу құралын ұсынылып отыр.

Киім өндірісі - адамның тұрмыстық талаптары мен көркемдік талғамдарына сай қызмет ететін индустрияның қуатты саласы. Ғылым мен техниканың даму нәтижесінде киім адам тұлғасын сыртқа ортадан қорғау үшін ғана емес, қолданбалы өнер объектісі ретінде қолданылады.

Жоғары оқу орындарында болашақ мамандардың алған теориялық білімдерін практикамен байланыстыруда лабораториялық сабақтардың маңызы үлкен. Студенттер теориялық білімдерін тереңдетіп, толықтырып, ғылыми-теориялық негіздерді экспериментті түрде тексеріп, құрал-жабдықтармен танысып, ғылыми жұмыстар мен ғылыми ізденіс әдістерін практикада қолдануды үйретуге көмектеседі. Әрбір лабораториялық жұмысқа теориялық нұсқау, сызбаны есептеу барысы көрсетіліп, толық сипаттама берілген және сұрақтар тізбесі ұсынылып, көрнекі-иллюстрациялық материалмен толықтырылған. Сондықтан, студенттер сабақ алдында өтілген материалдарды қайталап, қажетті лекция конспектісін және әрбір жұмысқа ұсынылған әдебиеттерін пайдаланып, жұмыстың негізгі мәліметтерімен танысады. Студенттердің сабаққа дайындығын ауызша сұрау арқылы және лабораториялық жұмыс дәптерлерін тексеру арқылы бағаланып отырады. Сабаққа дайын емес студенттер лабораториялық жұмыстарды орындауға жіберілмейді. Практикалық жұмыстарды студенттер жеке орындайды.