5В071900 «Радиотехника, электроника және телекоммуникация» мамандығының студенттеріне арналған емтихан билеттеріне қосымша мәтіндер

№1-билетке қосымша

Телевизия мұнаралары

Телевизия мұнаралары - ұшарбасына телевизия, радиохабар тарату, радиограф пен радиореле байланыстарының антенналары орнатылған биік мұнара.

Мұнараларды биік етіп жасау – техникалық қажетті жағдай. Мұнара неғұрлым биік болса, соғұрлым теледидар хабары қолданылатын қашықтық ұлғая береді.

Осыны ескерген әр елдің инженер-конструкторлары көптеген мұнара жобаларын жасады. Мысалы, Мюнхендегі мұнара биіктігі – 265 метр. Радио дүниеге келмей тұрған кезде тек әсемдік ретінде салынған. Париждегі Эйфель мұнарасы – 300 метрлік мұнаралар салынды.

1967 жылы Москвада Останкино ауданында салынған телевизия мұнарасының биіктігі – 533 метр. Оның бірінші қабатында кинозал, 63 метрлік биіктікке дейін 12 қабатта УҚТ (УКВ) станциясы, метеостанция, асханалар бар. 147 метрлік биіктікке қала көрінісін тамашалайтын 200 адам сиятын алаң бар. Бұл ерекше мұнараның жобасын жасаушы – көрнекті инженер Николай Васильевич Никитин. Осы еңбегі үшін оған техника ғылымдарының докторы атағы мен Лениндік сыйлық берілді.

Мұнараның салмағы – 32 мың тонна, диаметрі – 74 метр.

Алматының Көктөбесінде қала көрінісін тамашалайтын алаң бар. Ленинградта салынған мұнараның биіктігі – 330 метр. Н.В.Никитин – Москвадағы Останкино мұнарасының жобасын жасаған инженер. Телевизия мұнаралары – басына әр түрлі байланыс антенналары орнатылған биік мұнара. Останкино мұнарасында оның биік қабаттарына көтерілетін лифт бар. Мұнара биіктеген сайын хабар таратылатын қашықтық ұлғая береді. Мұнараларды салған кезде техника қауіпсіздігінің талаптарын сақтау керек.

Мәтінмен жұмыс:

1. Мәтінді мәнерлеп оқыңыз

2. Мәтінді мазмұндаңыз

3. Мәтін бойынша 5 сұрақ құрастырыңыз

4. Берілген сөйлемге синтаксистік талдау жасаңыз: Алматының Көктөбесінде қала көрінісін тамашалайтын алаң бар.

5. Берілген сөздерге морфологиялық талдау жасаңыз: мұнараларды, қауіпсіздігінің, теледидар хабары.

№2-билетке қосымша

Радиотехника мамандығы

Радиотехника мамандығы - әртүргі радиоэлектронды құрылғыларды жасау және өндіру саласында инженерлер дайындауды қарастырады.

Бұл мамандықты бітірушілер қазіргі радиоэлектрондық аппараттары жобалайтын және өндіретін әртүрлі кәсіпорындарда, ғылыми-зерттеу және жобалау институтарында жұмыс істейді.

Радиоинженер радиоөнеркәсібінің қазіргі элементтерінің базасын жақсы біліп, есептеу техникасын кеңінен пайдалана отырып, радиотехникалық жобалау дағдыларын игеріп, оларды құрастырып, өндіріске кеңінен пайдалана білуі керек.

Қазақстан үшін радиоэлектрондық өндірістің дамуының зор маңызы бар. Жаңа технология жасау, микроэлектроника және микропроцессорлардың дамуы жоғары дәрежелі, тәжірибелі мамандарды қажет етеді.

Радиотехник - өте қызықты, кең ауқымды мамандық. Ол әлденеше сыбайлас мамандықтар түрлерін қамтиды. Олар: теледидар, радиохабар, аппаратура жасау және өндіру, пайдалану, арнаулы техниканы баптау.

Радиотехник техникалық сауатты және ұқыпты болуы керек. Ол радиотехниканың негізін құрайтын физиканың, химияның, математиканың негізгі заңдарын білуі керек. Радиотехник төменгі және жоғарғы кернеулермен жұмыс істейді. Сондықтан техник-инженер техника қауіпсіздігінің негізгі талаптарын білгені жөн.

Радиотехника тұрмыста, өндірісте кең қолданылады, әрі адам өмірінде, жалпы қоғамда үлкен маңызы бар.

Қазіргі уақытта Қазақстанның радиоэлектроника өндірісі жаңа инвестицияларды қажет етеді. Егер солай болса, радиоэлектроника өндірісі қажетті деңгейге көтерілер еді және Қазақстан техникалық сауатты әрі тәуелсіз елге айналады.

Мәтінмен жұмыс: