Жобалау-сметалық құжаттама
Жобалау-сметалық құжаттама объектілерді жөндеудің күрделі құрылысы немесе конструкциялардың қайта жасалуы туралы сұрақтарды шешу кезінде пайда болады. Құрылыс үшін жобаның құжаттама құрылыс түрін, сыртқы көрінісін, объектінің техникалық-экономикалық көрсеткіштерін, технологиялық шешімдерін, жұмыс құнын сипаттайды.
Объектінің құрылысы үшін жалпы сызба және бөлшектер сызбасы жасалынады.
Жалпыға - фасад сызбалары, қабат бойынша жоспарлар, ғимараттық көлденең және ұзына қималары жатады. Жобаның архитектуралық жақтарын бағалау үшін жобаланатын ғимарат фасады суреттері қолданылады.
Эскиз - он миллиметрлік қағазда қолмен орындалған сызба.
Жобаның төлқұжатында объектінің схемалық бейнесі мен қысқаша түсіндірме беріледі.
Түсіндірме қағаз жобаланатын объект туралы анықтамадан тұрады. Онда онық сыртқы көрінісі, ішкі қондырғысы, техникалық көрсеткіштері сияқты деректемелер беріледі.
1-тапсырма. Жобалау-схемалық құжаттамаға жалпы сипаттама беріңіз.
2-тапсырма. Сұрақтарға жауап беріңіз.
Объектінің құрылысы үшін жасалынатын сызбаларға не жатады?
Жалпы сызбада қолданылады...
Эскиз дегеніміз не?
Жобаның төлқұжаты дегеніміз не?
Түсіндірме құжатта берілетін деректемелерді атаңыз!
Технологиялық құжаттама
Технологиялық құжаттама - күрделі құрылыс процестерін немесе өнеркәсіп өндіріс бұйымдарын дайындау процестерінің құрамын анықтайтын техникалық құжаттама, оның мазмұны графикалық және мәтіндік жиынтықтардан тұрады.
Технологиялық құжаттамаға технологиялық карталар, зауыт регламенттері, сызбалар, технологиялық жағдайлар және технологияларды құрастыру бойынша басты нормативтік материалдар енеді.
Технологиялық картада өндірістік операциялардық толық бейнелеулері мен барлық есептеулері беріледі.
Әрбір бұйым үшін жалпы, маршрутты, жеке технологиялық карталар жасалады. Технологиялық картада операцияның аты, орнату схемасы және бұйымды өңдеу, станоктарды қолдану, жұмыс режимі (бұрынғы жылулық режимі, т.б.), өңдеу уақыты (машинаның және қосымша), әрбір операцияның құны жазылады.
1-тапсырма. Мәтінді оқып, ауызша түсіндірме беріңіз.
2-тапсырма. Сұрақтарға жауап беріңіз.
Технологиялық құжаттама неден тұрады?
Технологиялық құжаттамаларға қандай материалдар енеді?
Технологиялық карталарда не беріледі?
Әрбір бұйым үшін жасалатын технологиялық карталарды ата?
Технологиялық картада не жазылады?
