Дз.Р. Калішук, М.П. Саевіч Працэсы і апараты хімічных вытворчасцей

4. КАНТРОЛЬНАЯ РАБОТА № 1

4.1. Кантрольнае заданне А

Задача 1А

Дымавыя газы з абпальнай печы накіроўваюцца на ачыстку ў пылаасаджальную камеру, агульная плошча паліц якой складае F. Камера мае шырыню B і вышыню H. Тэмпература газаў T, яны, акрамя азоту, змяшчаюць y1 дыаксіду вугляроду, y2 вадзяной пары і y3 кіслароду. Сярэдні ціск у камеры на ∆P ніжэйшы за атмасферны. Форма часцінак пылу блізкая да сферычнай, шчыльнасць іх ρ. Камера павінна ўлоўліваць часцінкі, эквівалентны дыяметр якіх не меншы за d.

Вызначыць: прадукцыйнасць камеры па дымавых газах (іх аб’ёмны расход пры ўмовах, якія прыведзены да нармальных); сярэднюю скорасць газаў у камеры.

Пры разліках: сапраўдную скорасць асаджэння прыняць удвая меншай за тэарэтычную; таўшчыню паліц не ўлічваць.

Зыходныя даныя да задачы ў табліцах 1 і 2.

Рэкамендацыі па выкананні задачы: агульныя – 1А–1Д; па паслядоўнасці рашэння – 1А.

Таблiца 1*

Дз.Р. Калішук, М.П. Саевіч Працэсы і апараты хімічных вытворчасцей

Задача 2А

Пры выпрабаваннях доследнага фільтра пры перападзе ціску ў ім ∆Pд за прамежкі часу τ1, τ2, τ3, τ4 і τ5 у разліку на 1 м2 фільтравальнай перагародкі атрымана адпаведна V1, V2, V3, V4 і V5 фільтрату. Прамысловы ліставы фільтр мае такую самую фільтравальную перагародку, як і доследны. У прамысловым фільтры будзе раздзяляцца суспензія, якая ідэнтычная суспензіі ў доследным фільтры. Паверхня фільтравання прамысловага фільтра Fп, ён працуе пры перападзе ціску ∆Pп. За 30 сут на прамысловым фільтры здзяйсняецца N поўных тэхналагічных цыклаў. Час уласна фільтравання ў тэхналагічным цыкле складае α ад часу цыкла.

Вызначыць: прадукцыйнасць прамысловага фільтра па фільтраце за адзін цыкл; сярэднюю прадукцыйнасць яго за суткі.

Пры разліках прыняць: асадак, які атрымліваецца пры фільтраванні, аднародны і не сціскаецца; фільтравальная перагародка не забіваецца часцінкамі цвёрдай фазы і не сціскаецца; тэмпература суспензіі ў доследным і прамысловым фільтрах аднолькавая.

Зыходныя даныя да задачы ў табліцах 3 і 4.

Рэкамендацыі па выкананні задачы: агульныя – 2А–2Д; па паслядоўнасці рашэння – 2А.

Таблiца 3*

Дз.Р. Калішук, М.П. Саевіч Працэсы і апараты хімічных вытворчасцей

Таблiца 4**

Задача 3А

У апараце з псеўдазвадкаваным зярністым пластом знаходзяцца часцінкі дыяметрам ад d1 да d2. Сярэдні дыяметр часцінак, які разлічаны ў адпаведнасці з іх фракцыйным складам, у N разоў большы за d1. Фіктыўная скорасць паветра праз пласт адпавядае сярэдняму арыфметычнаму скарасцей пачатку псеўдазвадкавання найбольшых часцінак і лунання найменшых часцінак. Шчыльнасць матэрыялу часцінак ρ. Сярэдняя тэмпература паветра, якое праходзіць праз пласт, t. Сярэдні ціск ў пласце блізкі да атмасфернага. Вышыня псеўдазвадкаванага пласта h. Корпус апарата мае форму прамавугольнага паралелепіпеда. Унутраныя размеры яго папярочнага сячэння A і B.

Вызначыць: лік псеўдазвадкавання ў апараце ў разліку для часцінак сярэдняга дыяметра; масу матэрыялу ў апараце; вышыню зярністага пласта пры спыненні падачы паветра праз апарат; масавы расход паветра праз апарат.

Зыходныя даныя да задачы ў табліцах 5 і 6.

Рэкамендацыі па выкананні задачы: агульныя – 3А–3Д; па паслядоўнасці рашэння – 3А.

Таблiца 5*