Молитвы к 125 угодникам Божиим, ходатаям нашим пред Богом. С указанием на особую благодать помощи в различных нуждах и немощах человеческих
.pdf
МОЛИТВЫ СВЯТЫМ УГОДНИКАМ БОЖИИМ
веколюбие Отца и Сына и Святаго Духа, в Троице покланяемаго Бога, во веки веков. Аминь.
Тропарь, глас 8
Яко благочестиваго корене пречестная отрасль был еси, добре во благочестии пожив, блаженне Петре, тако и с супружницею твоею, премудрою Феврониею, в мире Богу угодивше и преподобных житию сподобистеся. С нимиже молитеся Господеви сохранити без вреда отечество ваше, да вас непрестанно почитаем.
Кондак, глас 8
Мира сего княжение и славу временну помышляя, сего ради благочестно в мире пожил еси, Петре, купне с супружницею твоею премудрою Феврониею, милостынею и молитвами Богу угодивше. Темже, и по смерти неразлучно во гробе лежаще, исцеление невидимо подаваете, и ныне Христу молитеся сохранити град же и люди, иже вас славящих.
Величание
Ублажаем вас, святии чудотворцы Петре и Февроние, и чтим святую память вашу, вы бо молите за нас Христа Бога нашего.
211
МОЛИТВЫ К 125 УГОДНИКАМ БОЖИИМ, ХОДАТАЯМ НАШИМ ПРЕД БОГОМ
Прокопий, Христа ради юродивый, праведный, Устюжский чудотворец
(1303; 8/21 июля)
Праведному Прокопию, Христа ради юродивому, Устюжскому чудотворцу, молятся о помощи плавающим на воде, от бури и потопления, при угрозе гибели от мороза. Прокопий сам переносил морозы. Среди морозной ночи, когда и птицы падали от мороза, не принятый нигде, он ожидал уже себе смерти на паперти церковной, но был согрет явившимся к нему Ангелом.
Молитва
О, великий угодниче Божий и чудотворче, святый блаженный Прокопие! Тебе молимся и тебе просим: молися о нас ко Всемилостивому Богу и Спасу нашему Иисусу Христу, да пробавит милость Свою к нам недостойным и дарует нам вся, яже к животу и благочестию потребная: веры убо и любве преспеяние, благочестия умножение, мира утверждение, земли плодоносие, воздухов благорастворение и во всем благом благое поспешение. Град твой Устюг и вся грады и веси Российския предстательством твоим соблюди невредимы от всякаго зла. Всем православным христианом, тя молит-
212
МОЛИТВЫ СВЯТЫМ УГОДНИКАМ БОЖИИМ
венно призывающим, коемуждо по нуждам их, потребная даруй: болящим исцеление, скорбящим утешение, бедствующим поможение, унывающим ободрение, нищим снабдение, сирым призрение, всем же нам дух покаяния и страха Божия испроси, да, благочестно скончавше временное сие житие, сподобимся благую христианскую кончину получити и Царствие Небесное со избранными Божиими наследовати. Ей, праведниче Божий! Не посрами упования нашего, еже на тя смиренно возлагаем, но буди нам помощник и заступник в жизни, в смерти и по смерти нашей; да, твоим предстательством спасение улучивше, купно с тобою прославим Отца и Сына и Святаго Духа, и твое крепкое заступление о нас, во веки веков. Аминь.
Тропарь, глас 4
Просветився божественною благодатию, богомудре, и весь разум и сердце от суетнаго мира сего к Зиждителю неуклонно возложив целомудрием и многим терпением, во временней жизни течение добре скончал еси и веру соблюл еси непорочну. Темже и по смерти явися светлость жития твоего: источаеши бо чудесам источник неисчерпаемый верою притекающим ко святому твоему гробу, Прокопие всеблаженне, моли Христа Бога, да спасет души наша.
213
МОЛИТВЫ К 125 УГОДНИКАМ БОЖИИМ, ХОДАТАЯМ НАШИМ ПРЕД БОГОМ
Кондак, глас 4
Христа ради юродством воздушная мытарства на руках ангельских неприкосновенно прешед, царскаго достигл еси Престола и от Царя всех Христа Бога дар прием благодать исцелений, многими бо чудесы твоими и знамением страшным удивил еси град твой Великий Устюг: людем твоим милость испросив, миро от честнаго образа Пресвятыя Богородицы молитвою извел еси и недужным подал еси цельбы. Темже молим тя, чудоносче Прокопие, моли Христа Бога непрестанно подати грехов наших прощение.
Величание
Ублажаем тя, святый праведный Прокопие, и чтим святую память твою, ты бо молиши за нас Христа Бога нашего.
Рафаил, Архангел
(8/21 ноября)
Архангел Рафаил — врачеватель Божий, целитель человеческих недугов, утешитель скорбящих и врач больных, путеводитель.
214
МОЛИТВЫ СВЯТЫМ УГОДНИКАМ БОЖИИМ
Молитва
О, святый великий Архангеле Рафаиле! Престолу Божию предстояй! Ты благодатию, от Всемогущаго Врача душ и телес наших тебе данною, праведнаго мужа Товита от слепоты телесныя исцелил еси, и сына его Товию, спутешествуя ему, от злаго духа сохранил еси. Всеусердно молю тя, буди мне путеводитель в жизни моей, сохрани от всех видимых и невидимых враг, исцели душевныя и телесныя болезни моя, управи жизнь мою к покаянию во гресех и ко творению добрых дел. О, святый великий Рафаиле Архангеле! Услыши мене грешнаго, молящагося тебе, и сподоби в здешней и будущей жизни благодарити и славити общаго Создателя нашего в безконечныя веки веков. Аминь.
Тропарь, глас 4
Небесных воинств Архистратиже, молим тя присно мы недостойнии, да твоими молитвами оградиши нас кровом крил невещественныя твоея славы, сохраняя нас, припадающих прилежно и вопиющих: от бед избави нас, яко чиноначальник вышних сил.
Кондак, глас 2
Архистратиже Божий, служителю Божественныя славы, Ангелов начальниче, и
215
МОЛИТВЫ К 125 УГОДНИКАМ БОЖИИМ, ХОДАТАЯМ НАШИМ ПРЕД БОГОМ
человеков наставниче, полезное нам проси, и велию милость, яко безплотных Архистратиг.
Сампсон Странноприимец, преподобный
(ок. 530; 27 июня/10 июля)
Преподобному Сампсону Странноприимцу молятся об исцелении от разных болезней.
Молитва
О, теплый молитвенниче, благостный отче, преподобне Сампсоне! Моли Бога о мне, грешнем, и низпосли от Всеблагаго Владыки помощь ми и избавление, привременна бо есть жизнь моя и исполнена труда, скорбей
иболезней. Укрепи сердце мое, да возмогу понести тяготу мою, и не попусти, да превозмогут искушения многая моя малыя силы, но споспешествуй мне заступлением твоим
ипосреде обстояний и бед управи путь мой в Царство Небесное, да славлю Прославльшагося в тебе Господа во веки. Аминь.
Тропарь, глас 8
В терпении твоем стяжал еси мзду твою, отче преподобне, в молитвах непрестанно
216
МОЛИТВЫ СВЯТЫМ УГОДНИКАМ БОЖИИМ
терпевый, нищия возлюбивый и сия удовливый, но молися Христу Богу, Сампсоне милостиве блаженне, спастися душам нашим.
Кондак, глас 8
Яко врача всеизрядна и молитвенника благоприятна, к раце твоей божественней притекающе, Самсоне богомудре преподобне, сошедшеся любовию, псалмы и песньми, радующеся, Христа прославляем, таковую тебе благодать подавающа исцелений.
Величание
Ублажаем тя, преподобне отче Сампсоне, и чтим святую память твою, ты бо молиши за нас Христа Бога нашего.
Семь отроков, иже во Ефесе: Максимиан, Иамвлих, Мартиниан, Иоанн, Дионисий, Ексакустодиан (Константин) и Антонин
(ок. 250; 408–450; 4/17 августа; 22 октября/4 ноября)
У семи отроков Ефесских испрашивают покой и врачевство сна страдающим бессонницей.
217
МОЛИТВЫ К 125 УГОДНИКАМ БОЖИИМ, ХОДАТАЯМ НАШИМ ПРЕД БОГОМ
Молитва
О, пречуднии святии седмочисленнии отроцы, Ефеса града похвало и всея вселенныя упование! Воззрите с высоты Небесныя славы на ны, любовию память вашу чтущия, наипаче же на младенцы христианския, вашему заступлению от родителей своих препорученныя. Низведите на них благословение Христа Бога, рекшаго: «Оставите детей приходити ко Мне». Болящия убо в них исцелите, скорбящия утешите, сердца их в чистоте соблюдите, кротостию исполните я и в земли сердец их зерно исповедания Божия насадите и укрепите, во еже от силы в силу им возрастати. И всех нас, святей иконе вашей предстоящих, мощи же ваша с верою лобызающих и тепле вам молящихся, сподобите Царствие Небесное улучити и немолчными гласы радования тамо прославляти великолепое имя Пресвятыя Троицы, Отца и Сына и Святаго Духа, во веки веков. Аминь.
Тропарь, глас 4
Велия веры чудесе, в пещере, яко в чертозе царском, святии седмь отроцы пребыша, и умроша без тли, и по мнозех временех восташа яко от сна, во уверение воскресения всех человеков; тех молитвами, Христе Боже, помилуй нас.
218
МОЛИТВЫ СВЯТЫМ УГОДНИКАМ БОЖИИМ
Кондак, глас 4
Прославивый на земли святыя Твоя, прежде втораго и страшнаго пришествия Твоего, Христе, преславным востанием отроков показал еси Воскресение неведящим е, нетленна одеяния и телеса явив, и царя уверил еси вопити: воистинну есть мертвых востание.
Величание
Величаем вас, святии седьм отроцы, иже во Ефесе, и чтим святую память вашу, вы бо молите за нас Христа Бога нашего.
Серафим, Саровский чудотворец, преподобный
(1833; 2/15 января и 19 июля/1 августа)
Преподобному Серафиму Саровскому молятся об исцелении от болей в ногах, об исцелении от чревных болезней, от беснования, об исцелении от болей в пояснице, об изгнании бесов и вообще об исцелении от всевозможных болезней.
Молитва
О, пречудный отче Серафиме, великий Саровский чудотворче, всем прибегающим
219
МОЛИТВЫ К 125 УГОДНИКАМ БОЖИИМ, ХОДАТАЯМ НАШИМ ПРЕД БОГОМ
к тебе скоропослушный помощниче! Во дни земнаго жития твоего никтоже от тебя тощ и неутешен отыде, но всем в сладость бысть видение лика твоего и благоуветливый глас словес твоих. К сим же и дар исцелений, дар прозрений, дар немощных душ врачевания обилен в тебе явися. Егда же призва тя Бог от земных трудов к Небесному упокоению, николиже любы твоя преста от нас, и невозможно есть исчислити чудеса твоя, умножившаяся, яко звезды небесныя; се бо по всем концем земли нашея людем Божиим являешися и даруеши им исцеления. Темже и мы вопием ти: о претихий и кроткий угодниче Божий, дерзновенный к Нему молитвенниче, николиже призывающия тя отреваяй! Вознеси о нас благомощную твою молитву ко Господу сил, да дарует нам вся благопотребная в жизни сей и вся к душевному спасению полезная, да оградит нас от падений греховных и истинному покаянию да научит нас, во еже безпреткновенно внити нам в вечное Небесное Царство, идеже ты ныне в незаходимей сияеши славе, и тамо воспевати со всеми святыми Живоначальную Троицу во веки веков. Аминь.
Тропарь, глас 4
От юности Христа возлюбил еси, блаженне, и Тому единому работати пламенне
220