Молитвы к 125 угодникам Божиим, ходатаям нашим пред Богом. С указанием на особую благодать помощи в различных нуждах и немощах человеческих
.pdf
МОЛИТВЫ СВЯТЫМ УГОДНИКАМ БОЖИИМ
дителя, сего ради прославляет тя Христос, блаженне, Великий Дарователь.
Величание
Ублажаем тя, преподобне отче Онуфрие, и чтим святую память твою, наставниче монахов и собеседниче Ангелов.
Павел, первоверховный апостол
(67; 29 июня/12 июля)
Первоверховному апостолу Павлу молятся при открытии работ на фабрике, в мастерской и т.д.
Молитва
О, святый верховный апостоле Павле, сосуде избранный Христов, небесных таин сказателю, всех языков учителю, церковная трубо, пресловущий ветие, многия беды за имя Христово претерпевый, море измеривый и землю обшедый и нас от лести идольския обративый! Тя молю и к тебе вопию: не гнушайся мене сквернаго, возстави падшаго греховною леностию, якоже в Листрех хромого от чрева матерня возставил еси: и якоже Евтиха мертва бывша оживил еси,
201
МОЛИТВЫ К 125 УГОДНИКАМ БОЖИИМ, ХОДАТАЯМ НАШИМ ПРЕД БОГОМ
воскреси и мене от мертвых дел: и якоже молитвою твоею основание темницы некогда потрясл еси и узники разрешил еси, сице исторгни мя творити волю Божию. Вся бо можеши данною ти властию от Христа Бога, Емуже подобает всякая слава, честь и поклонение, со Безначальным Его Отцем, и со Пресвятым и Благим и Животворящим Его Духом, ныне и присно и во веки веков. Аминь.
Тропарь, глас 4
Апостолов первопрестольницы, и вселенныя учителие, Владыку всех молите, мир вселенней даровати, и душам нашим велию милость.
Кондак, глас 2
Твердыя и боговещанныя проповедатели, верх апостолов Твоих, Господи, приял еси в наслаждение благих Твоих и покой: болезни бо онех и смерть приял еси паче всякаго всеплодия, Едине сведый сердечная (29 июня/12 июля; славных и всехвальных первоверховных апостолов Петра и Павла).
Величание
Величаем тя, апостоле Христов Павле, и чтим болезни и труды твоя, имиже трудился еси во благовестии Христове.
202
МОЛИТВЫ СВЯТЫМ УГОДНИКАМ БОЖИИМ
Пантелеимон, великомученик и целитель
(305; 27 июля/9 августа)
Великомученику и целителю Пантелеимону молятся об исцелении от глазной болезни, об исцелении от головной боли, от разных недугов и болезней вообще, об исцелении детей от «родимца», об исцелении от чревных болезней, о покровительстве православным воинам и армии, о покровительстве русскому флоту.
Молитва
О, великий угодниче Христов, страстотерпче и врачу многомилостивый Пантелеимоне! Умилосердися надо мною, грешным рабом, услыши стенание и вопль мой, умилостиви Небеснаго, Верховнаго Врача душ и телес наших, Христа Бога нашего, да дарует ми исцеление от недуга, мя гнетущаго. Приими недостойное моление грешнейшаго паче всех человек. Посети мя благодатным посещением. Не возгнушайся греховных язв моих, помажи их елеем милости твоея и исцели мя; да здрав сый душею и телом, остаток дней моих, благодатию Божиею, возмогу провести в покаянии и угождении Богу и сподоблюся восприяти благий конец жития моего. Ей, угодниче
203
МОЛИТВЫ К 125 УГОДНИКАМ БОЖИИМ, ХОДАТАЯМ НАШИМ ПРЕД БОГОМ
Божий! Умоли Христа Бога, да предстательством твоим дарует здравие телу моему и спасение души моей. Аминь.
Тропарь, глас 3
Страстотерпче святый и целебниче Пантелеимоне, моли Милостиваго Бога, да прегрешений оставление подаст душам нашим.
Кондак, глас 5
Подражатель сый Милостиваго и исцелений благодать от Него прием, страстотерпче и мучениче Христа Бога, молитвами твоими душевныя наша недуги исцели, отгоняя присно борца соблазны от вопиющих верно: спаси ны, Господи.
Величание
Величаем тя, страстотерпче святый, великомучениче и целебниче Пантелеимоне, и чтим честная страдания твоя, яже за Христа претерпел еси.
Параскева Пятница, великомученица
(III; 28 октября/10 ноября)
Великомученице Параскеве Пятнице молятся о даровании дождя, во время грома или града, о хороших женихах, об исцелении
204
МОЛИТВЫ СВЯТЫМ УГОДНИКАМ БОЖИИМ
детей, о разрешении бесчадия, о покровительстве семейному очагу, о добрых отношениях в семье, о покровительстве сельскохозяйственным работам, во время сеяния и жатвы хлебов.
Молитва
О, святая и преблаженная мученице Христова Параскево, красото девическая, мучеников похвало, чистоты образе, великодушных зерцало, премудрых удивление, веры христианския хранительнице, идольския льсти обличительнице, Евангелия Божественнаго поборнице, заповедей Господних ревнительнице, сподобльшаяся приити ко пристанищу вечнаго покоя и в чертозе Жениха твоего Христа Бога светло веселящаяся, сугубым венцем девства и мученичества украшенная! Молим тя, святая мученице, буди о нас печальница ко Христу Богу, Егоже преблаженнейшим зрением присно веселишися: моли Всемилостиваго, Иже словом очи слепым отверзе, да избавит нас от болезни очес наших, телесных вкупе и душевных: разжени твоими святыми молитвами темный мрак прибывший от грехов наших, испроси у Отца света благодати душевным и телесным очесем нашим, просвети нас, омраченных грехми, светом Божия благодати, да твоих ради святых молитв
205
МОЛИТВЫ К 125 УГОДНИКАМ БОЖИИМ, ХОДАТАЯМ НАШИМ ПРЕД БОГОМ
дастся безочесным сладкое зрение. О, великая угодница Божия! О, мужественнейшая дево! О, крепкая мученице святая Параскево! Святыми твоими молитвами буди нам грешным помощница, ходатайствуй и молися о окаянных и зело нерадивых грешницех, ускори на помощь нам, ибо зело немощни есмы. Моли Господа, чистая девице, моли Милосердаго, святая мученице, моли Жениха твоего, непорочная Христова невесто, да твоими молитвами пособствовани, мрака же греховнаго избывше, во свете истинныя веры и деяний божественных внидем во свет вечный дне невечерняго, во град веселия приснаго, в немже ты ныне светло блистаеши славою и веселием безконечным, славословящи и воспевающи со всеми Небесными Силами Трисвятительное Единое Божество, Отца и Сына и Святаго Духа, ныне и присно и во веки веков. Аминь.
Тропарь, глас 4
Премудрая и всехвальная Христова мученице Параскево, мужескую крепость приемши, женскую же немощь отвергши, диавола победи и мучителя посрами, вопиющи и глаголющи: приидите, тело мое мечом ссецыте и огнем сожгите, аз бо радующися иду ко Христу, Жениху моему. Тоя молитвами, Христе Боже, спаси души наша.
206
МОЛИТВЫ СВЯТЫМ УГОДНИКАМ БОЖИИМ
Кондак, глас 3
Всесвятое и непорочное мучение принесши, яко вено пречестное, безсмертному Жениху Христу, ангельское ликостояние возвеселила еси и победила еси демонския козни. Сего ради тя честно верою чтим, мученице Параскево, многострадальная.
Величание
Величаем тя, страстотерпице Христова Параскево, и чтим честное страдание твое, еже за Христа претерпела еси.
Петр, первоверховный апостол (из 12-ти)
(67; 29 июня/12 июля; 16/29 января)
Первоверховному апостолу Петру молятся об избавлении от горячки, а также о благополучной ловле рыбы и об успехах в рыболовстве.
Молитва
О, святый Петре, великий апостоле, самовидче и сотаинниче Божий, всемощною десницею Учителя твоего из вод волнующихся приятый и от конечнаго потопления свободивыйся! Не забуди и нас убогих, в
207
МОЛИТВЫ К 125 УГОДНИКАМ БОЖИИМ, ХОДАТАЯМ НАШИМ ПРЕД БОГОМ
тине греховней погрязших и волнами житейскаго моря обуреваемых: подаждь нам твою руку крепкую, помози нам и удержи нас от потопления во страстех, похотех, лжах и клеветах. Сотвори и ты с нами милость, тебе от Господа явленную, да не в сомнении и маловерии изгибнем. Научи нас, учителю наш, проливати слезы покаяния, да плачем горько о деяниих наших в веце сем. И аще твоя слезы, в покаянии излиянныя, милостию Своею покры Господь и Учитель твой, испроси и нам, со дерзновением апостольским, прощения во гресе ежечасного, от Христа отреченныя злыми помыслы и делы нашими. Да тихое и безмолвное житие поживем в веце сем до часа, воньже имать призвати нас века Господь, наш Судия нелицеприятный. Ты же, о всехвальный апостоле, не отвержи вопля нашего и стенаний к тебе, но заступи нас пред Христом твоим Учителем, да непрестанно славим Его милосердие к нам, со Отцем и Святым Духом, во веки веков. Аминь.
Тропарь, глас 4
Рима не оставль, к нам пришел еси, честными веригами, яже носил еси, апостолов первопрестольне, имже верою покланяющеся, молимся: твоими к Богу молитвами
208
МОЛИТВЫ СВЯТЫМ УГОДНИКАМ БОЖИИМ
даруй нам велию милость (16/29 января; поклонение честным веригам апостола Петра).
Кондак, глас 2
Камень Христос, каменя веры прославляет светло, учеников первопрестольника: созывает бо вся праздновати, Петре, чудеси твоея честныя вериги, и дает согрешений прощение.
Величание
Величаем тя, апостоле Христов Петре, и чтим болезни и труды твоя, имиже трудился еси во благовестии Христове.
Петр, благоверный князь, и Феврония, княгиня, Муромские
(1228; 25 июня/8 июля)
Благоверному князю Петру и княгине Февронии, Муромским, молятся о благословении вступающим в брак.
Молитва
О, велицыи угодницы Божии и предивнии чудотворцы, благовернии княже
209
МОЛИТВЫ К 125 УГОДНИКАМ БОЖИИМ, ХОДАТАЯМ НАШИМ ПРЕД БОГОМ
Петре и княгине Февроние, града Мурома предстателие и хранителие, и о всех нас усерднии ко Господу молитвенницы! К вам прибегаем и вам с упованием крепким молимся: вознесите о нас грешных святыя молитвы ваша ко Господу Богу, и испросите у благости Его вся благопотребная душам и телесем нашим: веру праву, надежду благу, любовь нелицемерну, благочестие непоколебимое, в добрых делех преуспеяние, мира умирение, земли плодоносие, воздуха благорастворение, телесем здравие и душам спасение. Исходатайствуйте у Царя Небеснаго Церкви Святей и всей державе Российстей мир, тишину и благостроение, и всем нам житие благополучное и добрую христианскую кончину. Оградите отечество ваше, град Муром, и вся грады российския от всякаго зла: и вся православныя люди, к вам приходящия и святым мощем вашим покланяющияся, осените благодатным действом богоприятных молитв ваших, и вся прошения их во благо исполните. Ей, чудотворцы святии! Не презрите молитв наших, со умилением вам днесь возносимых, но будите о нас приснии предстателие ко Господу и сподобите нас помощию вашею спасение вечное получити и Царствие Небесное унаследовати, да славословим неизреченное чело-
210