97. Қр Президенті н.Назарбаевтың «Елбасының елдік сабағы» дәрісі. 2013 ж. 3 қыркүйек.

2013 жылдың 3 қыркүйегінде Мемлекет басшысы Нұрсұлтан Назарбаев Елордадағы №64 мектеп-лицейінде оқушыларға дәріс оқыды. Елбасы елдік сабағын, сөзін биыл еліміздің барлық мектептерінде білім алатын 2,5 миллион оқушыға арнады. Сондай-ақ студент жастар, ата-аналар, ЖОО профессор-оқытушылар ықыласпен тыңдап, рухани байлықтарын молайтты.

Туған елінің

тарихын білмейінше шынайы патриот болу мүмкін емес екендігін шегелеп айтты. Мен еліме не беремін деп

ойлану керек.Әр адам өз қаблетіне қарай мамандықты таңдап, сол мамандықтың шыңына шығу керек.

Бүкіл уақытын компьютердің алдында өткізетін адамдар бар. Олар түптің түбінде жалғыздықтан күйзеледі.

Оқитын адамдар да бар. Болашақта компьютердің алдында отырған адамдар оқыған, сауатты адамдарға

қызмет ететін болады. Табысты адамдар кімдер? Ақшалылыр ма? Адамнан барлық нәрсе тартып алынуы

мүмкін. Бірақ білімің мен кәсібіңді сеннен ешкім тартып ала алмайды.

Инженерия, медицина, энергетика саласындағы технологиялар қарыштап

дамуда. Біз жер қойнауы бай елміз. Бірақ ол таусылады. Біз оған дейін

қамданып басқа индустрия құрып үлгеріміз қажет. Болашақ- технологияларда. Энергияны желден,

күннен алуды үйрену керек. Ең алдымен денсаулыққа көңіл бөлу керек. Жақсы денсаулығы бар адам ғана жақсы табысқа жетеді. Спорт-денсаулық кепілі. Өзіңді бір қалыпты ұстап жүру де өнер. Білімге, табысқа ұмтылу керек.

98.«Нұр Отан» партиясының «Нұр Отан. Нұрлы болашақ жолында!» атты жаңа саяси доктринасы. 2013ж. 18 қазан.

Кеше Назарбаев орталығында «Нұр Отан» халықтық-демократиялық партиясы Астана қалалық филиалының кезектен тыс ХVIII конференциясы өтті. Алқалы жиынды ашқан «Нұр Отан» ХДП Астана қалалық филиалының төрағасы, елорда әкімі Иманғали Тасмағамбетов күн тәртібінде қаралатын мәселелермен таныстырды.

Сессияда қаралған алғашқы мәселе – «Қазақстан – 2050» Стратегиясын жүзеге асырудағы «Нұр Отан» ХДП-ның жаңа міндеттері жөнінде өрбіді. Бұл туралы баяндама жасаған «Нұр Отанның» Астана қалалық филиалы төрағасының бірінші орынбасары Сапар Ахметов елордалық партия ұйымының қысқа мерзім аралығында қандай шаруаларды еңсергенін атап өтті.

Бүгінде қалалық филиалдың 35 мыңдай мүшесі және 327 бастауыш партия ұйымы бар.

Биыл жыл басынан бері филиалдың қоғамдық қабылдауына 6 311 тұрғын әртүрлі арыз-шағыммен келсе, соның 70 пайызы қысқа мерзім ішінде шешілген.

Сапар Қайратұлы партия бел­сен­ділері мен бастауыш ұйымдар төр­ағаларын оқытуға да баса кө­ңіл бөлініп жатқанына тоқталды. Биыл «Нұр Отан» ХДП Орталық аппаратының Саяси менеджмент

мектебінде 22 төраға арнайы бағдар­лама бойынша оқып шыққан. Бө­лімшенің өзінде партия белсен­ді­ле­ріне арналған қоғамдық-саяси және құқықтық тақырыпта 9 семинар өткізген.

«Электронды партия» жобасы бойынша партия мүшелері туралы электронды базаны құру жөніндегі шаруаларды аяқтаған елордалық филиал енді кадрлық резервті жасақтау жұмыстарын қолға алыпты.

Бұдан кейін күн тәртібіндегі екінші мәселе – партияның «Нұр Отан, нұрлы болашақ жолында!» атты саяси доктринасының жобасы туралы Л.Гумилев атындағы Еуразия ұлттық университетінің ректоры Ерлан Сыдықов сөз алды.

Ел талқылауына ұсынылған доктринада «Нұр Отанның» ХХI ғасырдағы миссиясы және азамат пен мемлекет өзара іс-қимылдың жаңа қағидаттары айтылады. Сондай-ақ, бұл маңызды құжатта еліміздің табысты дамуының жеті факторы атап көрсетілген. Ол: бірлік пен келісім, төл мәдениет пен руханият, қуатты экономика, әділ әлеуметтік саясат, зияткер ұлт, тиімді мемлекеттік басқару және әлемдік қоғамдастықтағы Қазақстан. «Партия әрқашан заман талабына сай, болашаққа байыпты бағдарлама жасай отырып, қоғамдағы және әлемдегі зәруліктерге жіті қарап келеді. Со­ның бір айқын дәлелі – қоғамдық тал­қылауға ұсынған жаңа саяси доктрина. Партияның алдағы он жылдағы бағ­дарламасын айқындайтын бұл ма­ңыз­ды құжат Елбасының «Қазақстан – 2050» стратегиясын басшылыққа ала әзірленгенімен құнды. Бүгінге дейін Қазақстанның бірде-бір саяси партиясы стратегиялық міндеттерге сай келетін мұндай іргелі құжат ұсынып көрген емес» деді Ерлан Сыдықов.

Астаналықтар партияның саяси доктринасы туралы пікірлерін ортаға сал­ғаннан кейін күн тәртібіндегі кезекті мәселе бойынша «Нұр Отан» ХДП кезектен тыс ХV сессиясына делегаттар сайланды. 18 қазан күні өтетін алқалы жиынға 100 адам сайланды.

Келесі мәселе бойынша, «Нұр Отан» партиясы қалалық филиалынан Астана қаласының мәслихат депутаттығына үміткер ре­тінде партияның астаналық филиалы төрағасының бірінші орынбасары Сапар Ахметовтың кандидатурасы ұсынылды.

Жиынды қорытындылаған Иманғали Тасмағамбетов қол жеткізген жетістігіміз бен жеңісіміз халқымыздың толайым табысы екендігін айта келе, елорданың бүгінгі жетістіктеріне нақты мысалдармен тоқталды. Оның айтуынша, қала елордаға айналғалы тұр­ғындардың саны 5 есеге өсіп, 1 мил­лиондық межеге жеткелі отыр. ЖІӨ 20 есеге артып, 2 триллион 700 мил­лиард теңгені құраған. Астанада жеке кәсіппен айналысатындардың саны 5 есеге көбейген. Биыл жеті айда индустрияландырудың аумақтық кар­тасы бойынша елордада 10 жоба пай­далануға беріліп, 3 мың жаңа жұмыс орны ашылған. Орташа жалақы 10 есеге өсіп, бүгінде 152 мыңға жетіп отыр. Бас шаһарда жыл сайын 1 миллион шаршы метрден астам тұрғын үй тапсырылады. Биыл алғашқы жартыжылдықтың өзінде 554 мың шаршы метр тұрғын үй пайдалануға берілген.

– Астана – жастар қаласы. Бүгінде елордалықтардың орташа жасы – 30. Сондықтан, қолға алған жұмысымыз бен міндетімізді алдымен жастарға бейімдеуіміз қажет. Олардың сапалы білім алуына жол ашып, тұрақты жұмыс табуына, баспаналы болып, отбасын құруға, салауатты өмір салтын ұстануына бар жағдайды жасай білуіміз керек, – деді елорда әкімі.