Рмқк «марат оспанов атындағы батыс қазақстан мемлекеттік медициналық университеті» практикалық сабақтарға арналған әдістемелік нұсқаулар

Мамандығы: жалпы медицина, стоматология

Пән: қазақ тілі

Кафедра: тілдер

Курс І

№ 86 тақырып: Құжат құрылымы. Құжат мәтіні.

Құрастырушы: аға оқытушылар Абдуллина Л.Н., Сәбитбекова М.М.

Ақтөбе 2010ж.

Кафедра отырысында бекітілген

«____»___________ 200_ж.

№ __ хаттамасы

Кафедра (курс) жетекшісі ____________________

Тақырып: Құжат құрылымы. Құжат мәтіні.

Мақсаты:

1) Іс қағаздарын жүргізудің дербес ғылым екендігін таныту.

2) Құжат мәтіні бойынша құжат толтырудың қажеттілігін ұғындыру.

3) Іс қағаздарын жүргізудің тарих, саясаттану, мұрағат ісі, тіл білімі, педагогика сияқты ғылым салаларымен байланысын көрсету.

4) Іс қағаздарын сауатты жүргізе білуге үйрету.

Оқытудың міндеттері :

Студент білуге міндетті:

- іс қағаздарының формуляр үлгісі жайында қажетті мағлұмат;

- қызметтік іс-әрекеттер жайында мамандарға қажетті іс қағаздарын білу;

Студент орындай білуге міндетті :

- берілген тапсырманы орындай алуға;

- құжат мәтінімен жұмыс жасауға.

Тақырыптың негізгі сұрақтары:

- Құжат құрылымы.

- Түрлері

- Құжат мәтіні.

Сабақ беру және оқыту әдістері: Түсіндіру, тапсырмаларды орындау.

Құжат құрылымы. Құжат мәтіні.

Мәтін құжаттың негізгі деректемесі. Ол негізгі екі бөлікке бөлінеді. Біріншісінде –құжатты толтыруға негіз болған жай көрсетіледі. Екіншісінде – қорытындылар, ұсыныстар, нұсқаулар немесе өтініш-тілектер жазылады. Тіпті мәтін бір ғана тіркестен тұрғанда оның бірінші бөлігінде құжатты жасаудың себебі немесе негіздемесі айтылып, екіншісінде шешім нұсқау, өтініш хабарланады.

Мәтін азат жолдарға бөлінеді, тақырыпшалар қойылады. Әсіресе, ақпараттық құжаттарда: баяндама, есеп беру щолуларда қажет. Құжат түрімен грамматикалық жағынан сәйкестендіріліп құрылған мәтіннің тақырыбы құжаттың қысқаша мазмұнын көрсетеді.Мысалы: «Агенттіктің құрамын қайта құру туралы» бұйрық. Тақырып А4 форматты(297х 210мм) құжаттарда көрсетіледі. Мәтіннің тақырыбы не туралы деген сұраққа жауап қысқа және дәл болуы қажет. Мысалы: «...өзгерту туралы», «..іссапарға жіберу туралы», «...күшін жою туралы» т.б.

Іс құжаттары – қарым-қатынас жасаудың тәсілі. Құжаттар жүргізу барысында ресми іс қағаздары стилі қолданылады.

1-тапсырма.

Жоғарыда берілген тақырып бойынша мазмұнын айтыңыз.

2-тапсырма.

Берілген акт үлгісін негізге ала отырып, басқа мазмұнда акт құрыңыз.

«БЕКІТЕМІН»

Алматы қалалық білім

бөлімінің бастығы

Миров А.Р.

__________________

« 18 » мамыр 2001ж.

АКТ №19

Шығарылған жері: Алматы қаласы

Өндірістік бірлестіктің атауы: Алматы, Рауан баспасы 1988ж.

Негіздеме: 2001 жылдың 15-мамыр күні № 9 мектептің кітапханасы жаңбыр

суына кетуіне байланысты 7-8 кластардың орыс тілі оқулықтары жарақсыз

болып қалды. Сол оқулықтардың жарақсыздығына байланысты, кітаптарды

жою туралы осы акт жасалды.

АКТ жасаған комиссия: Мектеп директоры: Канапин Б.

Орынбасары: Қалиева Ж.

Мұғалім: Таниева Б.

Төрағасы: Дошаев А. – селолық округтың әкімі.

Комиссия мүшелері: Есетова Р. - әкімнің орынбасары

Жолдасова А. - әкімнің бас есепшісі

Сағынтаева А. – аудандық кітапханашы

Комиссия төрағасы: Дошаев А.

Комиссия мүшелері: Есетова Р.

Жолдасова А.

Сағынтаева А.

3-тапсырма.

Үлгі бойынша хаттама және түйіндеме толтырыңыз.

Қысқаша хаттаманың нысаны Хаттама № 00.00.00. Еңбек ұжымының жалпы жиналысы Төраға Хатшы Қатысқандар............................................................................................. (лауазымы, аты-жөні) Шақырылғандар ...................................................................................... (лауазымы, аты-жөні) Күн тәртібінде: 1………………………………………………………………………......... 2……………………………………………………………………………. Шешім шығарылды: 1....................................................................................................................... 2……………………………………………………………………………... Төраға: .................................................................................................(қолы, аты-жөні) Хатшы:…………………………………………………………………(қолы, аты-жөні)

Түйіндеме Есентемірова Арайлым Құрманқызы 1972 жылы 1 қаңтарда Сергеев ауданында тудым. Мекен жайым: Көкшетау қаласы, Абай көшесі, 1-үй 2-пәтер. Үй телефоны: 25-28-79 Жұмыс телефоны: 25-51-73 Мамандығым: тілші, әдебиетші Бағыт: жоғары оқу орнының оқытушысы, мемлекеттік аппарат қызметкері, аудармашы. Білімі мен қызметі туралы мәлімет: Ш.Ш.Уәлиханов атындағы Көкшетау педогогикалық институтының студенті – 1989-1994 жж. Көкшетау университетінің филология факультетінің оқытушысы – 1994-2000жж. Абай атындағы Алматы мемлекеттік университетінің қазіргі қазақ тілі теориясы және әдістеме кафедрасының ізденушісі – 1998ж. Негізгі мәліметтер: Қазақ тілінің грамматикасы, контекс мәселелерімен айналысып, зерттеу жұмыстарын жүргіздім. Республика, қала, жоғарғы оқу орындары көлемінде өткен конференцияларда баяндама жасадым. Жоғары оқу орнында істеген тәжірибем бар. Қоғамдық жұмыстарға белсене араластым. Қосымша мәліметтер: Ана тілім – қазақ тілі. Ағылшын және түрік тілін жақсы білемін. Көпшілікпен жұмс істегенді ұнатамын. Тапсырған іске жауапкершілікпен қараймын. Компьютермен жұмыс істей аламын. 00.00.0000 ж. қолы А.Қ.Есентемірова

Әдебиеттер:

1. Іс қағаздарын жүргізу жөніндегі нұсқау. Жолмұхамедов Қ.Қ., Жұманғарин М.А.,

Ізтлеуов М.К., Ақтөбе, 2002.

2. Іс жүргізу Г.О.Байжанова., Г.А.Маймакова, Астана, 2007, «Фолиант» баспасы

3. Қазақстан Республикасында Іс қағаздарын жүргізу. В.И.Скала, Б.В.Скала.,

Н.В.Скала. Алматы. 2008, «LEM баспасы» ЖШС, 6-басылым, толықтырылған.

4. Мемлекеттік тілде іс қағаздарын жүргізу курсынан. Б.Б.Жахина, А.Қ.Құрманова,

И.С.Қайырбекова. «Келешек-2030» ЖШС, 2008.

Бақылау сұрақтары:

1. Құжат мәтіні қалай жазылады?

2. Құжат мәтіні қандай бөліктерге бөлінеді?