Рмқк «марат оспанов атындағы батыс қазақстан мемлекеттік медициналық университеті» практикалық сабақтарға арналған әдістемелік нұсқаулар

Қазақстан

1. Менің Отаным – Қазақстан. Бұл ел Еуразияның орталығына орналасқан. Бұл – еркін адамдар елі.

2. Қазақстан – таңғаларлық әдемі жер. Мұнда ұлы Іле Алатауы, Ертіс, Сырдария, Амудария өзендері және шетсіз-шексіз дала жатыр.

3. Қазақстан - әртүрлі халық өкілдері бейбіт тұрып жатқан ел.

4. Еліміздің ұлан-байтақ даласында есепсіз байлық бар, бұл – сирек кездесетін жануарлар мен өсімдіктер, пайдалы қазбалар.

5. Біздің Қазастанда Азия мен Еуропаның қалаларынан қалыспайтын Астана, Алматы және Павлодар сияқты көрікті қалалар бар.

6. Мен Қазақстанды өте жақсы көремін.

7. Егер мұнда келетін болсаңыздар, сіздер де оны жақсы көріп кететіндеріңізге сенімдімін.

Қазақстан - 2030

1. 1997 жылы Елбасының Республика халқына арнаған «Қазақстан - 2030» Жолдауы жарияланды.

2. Бұл бағдарламаның негізгі мақсаты мен міндеті – Қазақстан халқының тұрмысын өркендету, гүлдендіру және тыныштығын қорғау.

3. Онда еліміз дамудың қайсы кезеңінде тұрғаны көрсетілген. Қазақстанның міндетті ісі белгіленіп, ұзақ мерзімді нақты мақсаттары айқындалып, оларға жан-жақты талдаулар жасалған.

4. Ұзақ сапарға аттанған кемеге компас қандай қажет болса, бұл бағдарлама біздің халқымыз үшін де сондай маңызды.

5. Бағдарламада белгіленген міндеттердің бәріне бірдей қол жете қоймас, әйтсе де, біздерге – қазақстандықтарға оны жүзеге асыруға сенімді бет алыс керек, өйткені бәрі өз қолымызда, халық қолында.

Астана

1. Астана қоныс тепкен мекеннің негізі 1830 жылы қаланған. Ол киелі Сарыарқа даласының төсінде, көшпелілердің ежелгі өркениеті осынан бастау алған.

2. Астана – Қазақстанның астанасы. Бұл жер - Сәкен Сейфуллин мен Мағжан Жұмабаевтардың туған мекені.

3. 1832-1961 жылдар аралағында қала Ақмола қаласы болып аталды, ал КСРО-да тың және тыңайған жерлерді көтергенде, Целиноград қаласы болып өзгертілді.

4. Қазақстан тәуелсіздік алғаннан кейін, астананы көшіру шешімі қабылданды. Сөйтіп Қазақстанда жаңа астана пайда болды. Қаланың аты жаңаша – Астана деп аталды.

5. Астанада тоқыма, жеңіл және баспа өнеркәсібі өте жақсы дамыған. Көптеген университеттер, институттар, колледждер бар.

6. Астана - Қазақстанның саяси өмірінің орталығы. Мұнда Президент, Парламент және Үкімет орналасқан.

7. Астана – алып құрылыстар қаласы. Қысқа мерзімнің ішінде мұнда Үкімет ғимараттары, «Континенталь» қонақ үйі салынып, орталық көшелер қайта жаңаланды.

8. ХХІ ғасырда Астана әлемдегі ең сұлу, гүлденген астаналардың біріне айналмақ.

Қазақстан Республикасының саяси жүйесі

1. Саяси тәуелсіздікке қол жеткізген Қазақстан президенттік жүйемен басқарылатын демократиялық республикаға айналды.

2. Өкімет жүйесі биліктің екі тармағынан тұрады: заң шығаратын өкімет – Парламент, атқарушы өкімет – Президент және Үкімет.

3. Парламент екі палатадан тұрады: Мәжіліс – төменгі, Сенат – жоғарғы.

4. Үкіметті Премьер-министр басқарады.

5. Республика Президенті болып тумысынан Республика азаматы болып табылатын, қырық жасқа толған, мемлекеттік тілді еркін меңгерген әрі Қазақстанда кемінде он бес жыл бойы тұратын республика азаматы сайлана алады.