«Кен меднә, цааран тоолх»

Наадна күсл: Бичкдүд 10 күртл шуд тоолдг болн хәрү тоолдг дасвр өгч батлх. Ямаранчн тооһас экләд келх. Шулун ухалдг, келдг, чикәр оньган өгч соңсдг дасхх. То олзлҗ шуд, хәрү тоолдг дасхх.

Наадна зокал: Келсн күн ямаран тоод зогсна, тер күн цааран келх зөвтә. Бодма хайх, бодма авх

Наадна үүлдвр: Бичкдүд төгрг кеһәд зогсх. Багш бодма хайсн хөөн бичкдүд келх.

Наадна зер-зев: Бодма.

Уң болн йозурмуд»

Наадна күсл: Бичкдүд тәрә-темснә «уңг» эс гиҗ «йозурнь» медрлнь батлх.

Наадна зокал: Сурврмудын хәрү «уңг» «йозур» үгин чинр медҗ, келдг дасхх.

Наадна үүлдвр: «Йозур» болн «уңг» үгин чинр медҗ, өгсн темсдин кев-янз негдүләд ю негдүлҗ авсан келнә.

Наадна зер-зев: Тәрә -темсдин зургуд (хойр әңгләд хәәчләтә)

Багшин, сурһачин үүлдвр: Урднь багш темсдин бәәдл зурҗ, хойр әңглх.

«Ик шүүвр»

Наадна күсл: Жилин 4 цаг, долан хонгин өдрин туск медрл батлх.

-Сәәнәр соңсч, даалһвр күцәҗ чаддг дасхх.

-Кен түргн, чик хәрү өгч чадх

- олнас негиг йилһҗ чаддг дасхх.

- негнәс олыг йилһдг дасхх.

Наадна зокал: Бадма бәрҗ авад, хәрү өгч чадх. Оньган өгч соңсад сурһмҗлачин келсиг күцәҗ чаддг дасхх.

Наадна үүлдвр: Хайҗ өгсн бодма бәрҗ авад, хәрү өгч чадх.

Наадна зер-зев: Зургуд, бодма белдҗ авх.

«Эдвркә телефон»

Наадна күсл: Бичкдүд оньган өгч соңсдг дасхх.

Наадна зокал: Чикнд шимлдәд келсн үгиг, өөр суусн күн соңсхн уга,

- Кен чикәр үг келсн уга тер күн, сул сандл деер сууна.

-Наадна йовулач шүүҗ авх кергтә.

Наадна үүлдвр: Наадна йовулач түрүн суусн күүнд үг келнә, тер күн талдан күүнд соңссан келнә.

Багшин, сурһачин үүлдвр: Наадна зокал давтҗ келҗ өгх.

«Рифм олтн»

Наадна күсл: Бичкдүд түрүн эс гиҗ үгин эцүст бәәсн әс йилһҗ чаддг дасхх.

Наадна зокал: Бичкдүд түрүнк үглә ирлцәтә үгмүд олҗ авх зөвтә.

Үлгүрнь: ноха -һаха, серә-керә.

Наадна үүлдвр: Багшин келсн хөөн бичкдүдухалад келх.

Эс гиҗ зургуд хәләһәд нерәдх дарунь әдл чилдг ниилвртә үгмүд олҗ авх

Наадна зер-зев: Зургуд., тоолдгуд

Багшин, сурһачин үүлдвр: Урдаснь зургуд олзлад, олн төрмүдәр үгмүд давтх.

«Ширмүд»

Наадна күсл: Бичкдүд оньган өгч соңсдг дасхх. Соңсан келҗ чаддг дасхх.

Наадна зокал: Ширмүдин өңг бичкдүд бийсинь йилһҗ авна. Кен шир авч чадлго бәәхлә, эзн эврән өгнә.Әдл өңгтә шир керго.

Наадна үүлдвр: Наадна йовулач шир келхлә, терүнә келсн, өңг бәәхлә эзнәс авч һарна. Ширин эзн болн наадна йовулач күүндвр күцәх зөвтә.

1. Наад давулхин төлә, ширин эзн шүүҗ авх кергтә.

2. Наадна йовулач шүүҗ авх кергтә.

Наадна зер-зев: Ширмүд олн-зүсн өнгтә.

«Би эклнәв, чи чилә» («Я начну, а ты заверши»)

Наадна күсл: Бичкдүдин келнь байҗулҗ, шулуһар ухалҗ келдг дасхх.

Наадна зокал: Кен чикәр зәңг эс гиҗ үгин ниилвр келҗ чадхла, наадна йовулач болна.

Наадна үүлдвр: Багшин келсиг соңсч чик хәрү өгх.

Наадна зер-зев: Зургуд, олн-зүсн хамг юмн, олн өңгтә бодма.

Багшин, сурһачин үүлдвр: Урдаснь бичкдүд юмна өңг келҗ давтх.

«Кен дала сән үгмүд келх» («Кто знает много хороших слов»)

Наадна күсл: Бичкдүд «сәәхн», «һольшг», «сән», «шулун-шудрмг», «чидлтә» үгмүд орулад, өөрк бәәсн улсин тускар келдг дасхх.

Наадна зокал: Кен һурв дәкч эндү һарһна, тер нааднас һарна. Багшин келсиг соңсч чик хәрү өгх.

Наадна үүлдвр: Багш сурна: - Чини эцк ямаран?

- Мини эцк чидлтә, мини эгч сәәхн;

- Чини эгч ямаран?

- Мини эгч сәәхн.

Багшин, сурһачин үүлдвр: Үгмүдин чинр-утхнь цәәлһҗ өгх.