«Әдл зургуд»

Наадна күсл:

- Бичкдүдиг оньгта болдг сурһмҗ өгх.

- Зургт зурата юмна онц темдг үзҗ келҗ чаддг дасхх: юуһарн «әдл» (похожие), «йилһәтә» (разные), «иҗл» одинаковые. Деер келсн үгмүдиг келндән чикәр олзлдг дасхх.

Наадна зокал: Олн зургудас «әдл», «йилһәтә», «иҗл» юм йилһҗ чадх. Кен чикәр эндү һарлго кесн күн, тер диилнә.

Наадна үүлдвр: - Әдл зургуд олҗ авх.

Наадна зер-зев: Зургуд.

Багшин, сурһачин үүлдвр: Олн-зүсн зургуд белдх.

V. Наадн даалһвр (Игры-поручения)

«Олҗ үзтн»

Наадна күсл: Багшин келсиг тодлҗ чадг дасхх. Багин хорад бәәх юм медҗ келдг дасхх. «Деер», «дор «ард», «өмн» - үзгин чинр медҗ авх.

Наадна зокал: Кен келсиг эс олҗ чадна тер фишк авна, дарунь дәкәд нааднд орна. 3 дәкч эндү һарһхла,нааднас һарна.

Наадна үүлдвр:

Багш келнә: - Ширә дор ут чиктә, бүлтхр нүдтә юмн сууна.

- Эн туула. (олҗ авсн күн ю олҗ авсан нерәднә).

- Сандл дор ик төгрг юмн бәәнә.

- Эн бодма. (олҗ авсн күн ю олҗ авсан нерәдҗ келнә)

Наадна зер-зев: Наадһас.

Багшин, сурһачин үүлдвр: Урдаснь наадһас шинҗлҗ хәләх.

«Хөөч болн малч»

Наадна күсл: Бичкдүд хөөч» болн «малч» гисн үгмүдин чинр медүлх.

Наадна зокал: Ямаран мал «хөөч» болн «малч» хәрүлдг тускар медүлх.

Наадна үүлдвр: Багш сурна: - кен «хөөч» болх, кен «малч» болх. Шүүҗ авсн дару «малч», «хөөч» зургуд хәләҗ йилһҗ келнә.

- Хөөч хө хәрүлнә

- Малч үкр мал хәрүлнә.

Наадна зер-зев: Герин мал медүлҗәх зургуд.

Багшин, сурһачин үүлдвр: Зургуд белдх.

«Иим төгрг олҗ үзтн»

Наадна күсл: Хойр әдл юм олҗ авдг дасхх.

Наадна зокал: Наачах күн багшин һарт бәәх әдл төгрг олҗ авх зөвтә. Олҗ авсн күн төгргин өңг, бәәдл келҗ өгнә.

Наадна үүлдвр: «Төгрг» олҗ авх. Багш «боса» (башенка, пирамида) әңг болһн авад, багин хорад тал-талдан ормд тәвнә. Бичкдуд олҗ авад, ямаран әңг олсан келҗ өгнә.

Үлгүрнь: Эн ик улан төгрг. Дарунь талдан күн: - Эн ик көк бичкн шар төгрг.

Наадна зер-зев: Боса (пирамида, башенка)

Багшин, сурһачин үүлдвр: Наад давулхин юмн бичкдүд юмна кев-янз өңг-зүс давтҗ келүлх.

VI. Наадн күүндвр . (Игры-диалоги)

«Чини гер ямаран?»

Наадна күсл: Сурврт чикәр хәрү өгч чадг дасхх. Келсиг медҗ чаддг дасхх. Бичкдүд хоорндан күүндвр күцәдг дасхх. Наадна зокал: Багшин келсн хөөн хәрү өгдг дасхх.

Наадна үүлдвр: Багш келнә:

- Күн болһн эврә гертә. Олн-зүсн гер бәәнә.Ода күн болһн герин тускар келх.

- Мини гер ик (бичкн),

- Мини гер өндр (маштг)

Наадна зер-зев: Кубик олзлх. Олн-зүсн гермүд үзүлҗәх зургуд.

Багшин, сурһачин үүлдвр: Урдаснь багш бичкдүлә кубик олзлад,гер тосхна. Бичкдүд хоорндан күүндҗ чаддг дасвр өгх.

«Чи юунд дуртавч үзүл»

Наадна күсл: Наадһа олзлад, эврә дурта наадһан тускар келҗ өгдг дасхх.

Наадна зокал: Эврә дутра наадһа авч терүнә тускар келҗ чадх.

Наадна үүлдвр: Багш ширә деер наадһас тәвнә. Бичкдүдиг дуудҗ авад сурна:

- Чи юунд дуртавч?

-Би туулад дуртав.

Наадна зер-зев: Наадһас.

Багшин, сурһачин үүлдвр: Урдаснь багш эс гиҗ сурһмҗлач даалһвр өгнә. Эврә дурта наадһа авч иртн.

VII. Наадн дуралһн (Имитационные игры)

«Юн яһҗ хәәкрнә, үзүлтн!»

Наадна күсл:

Багшин үзүлсиг тодлҗ, келҗ чаддг дасхх.

Наадна зокал:

Багшин үзүлсн хөөн бичкдүд юн яһҗ хәәкрдг үзүлх.

Наадна үүлдвр:

Багш зург үзүләд сурна:

- Эн юмб? (Үлгүрнь: така)

Бичкдүд: - Эн така.

Багш:- Яһҗ хәәкрнә?

- Эн ко-ко гиҗ хәәкрнә.

Наадна зер-зев: Наадһас эс гиҗ зургуд (герин мал болн герин шовуд)

Багшин, сурһмҗлачин үүлдвр: Урдаснь зургуд эс гиҗ наадһас белдх.

«Юн яһҗ йовна, һәрәднә?»

Наадна күсл: Багшин үзүлсиг тодлҗ, келҗ чаддг дасхх.

Наадна зокал:

- Багшин үзүлсиг хөөн бичкдүд юн яһҗ йовдг үзүлх.

Наадна үүлдвр:

Багш зург үзүләд сурна:

- Эн юмб? (Үлгүрнь туула)

Бичкдүд: - Эн туула.

Багш:- Яһҗ һәрәднә?

- Иигҗ һәрәднә (үзүләд келнә)

Наадна зер-зев: Зургуд (зерлг аңгуд болн герин мал)

Багшин, сурһачин үүлдвр:

Урдаснь бичкдүд зургуд хәләһәд юн яһҗ хәәкрдг йилһҗ авна.

VIII Режиссёрск наадд

«Инәд һарһач»

Наадна күсл: Зург оньган өгч хәләдг сурһмҗ өгх. Хәләсн зург тодлҗ терүнә бәәдл үзүлҗ, келҗ өгдг дасхх.

Наадна зокал

Зург хәләһәд күүнә бәәдл келҗ өгх, үзүлҗ өгх. «Инәд һарһач» көвүнә дүр үзүлҗәх зургуд. Хойр зург дуңцүлҗ хәләһәд келх. Ямаран дүртә күн.

Наадна үүлдвр:

Үлгүрнь багш келнә: Эн көвүн, Эн көвүн инәдтә, шулун-шудрмг. Кен энүнә бәәдл үзүләд келх. Бичкдүд олар болн неҗәдәр

- Көвүн инәдтә,

- Көвүн шулун-шудрмг

Наадна зер-зев:

«Инәд һарһач» көвүнә дүр үзүлҗәх зургуд.

Багшин, сурһачин үүлдвр:

Урдаснь «клоуна» дүр үзүлҗәх зургуд олад бичкдүдт үзүлх. Эн наадыг ах болн школд белдлһнә күүкдлә давулҗ болх.