«Иим төгрг олҗ үзтн»

Наадна күсл: Хойр әдл юм олҗ авдг дасхх.

Наадна зокал: Наачах күн багшин һарт бәәх әдл төгрг олҗ авх зөвтә. Олҗ авсн күн ю олҗ авсан нерәднә.

Наадна үүлдвр: «Төгрг» олҗ авх. Багш «цамхач» (башенка, пирамида) төгрг суһлҗ авад багин хорад тал-талдан тәвнә, дарунь келнә:

- Чик. Деля иим төгрг олҗ үз!

Наадна зер-зев: Цамхач (пирамида, башенка)

Багшин, сурһмҗлачин үүлдвр: Наад давулхн өмн бичкдүд юмна кев-янз, өңг-зүс давтҗ келүлх.

«Чи юунд дуртавч, үзүл!» (Что любишь покажи).

Наадна күсл: Наадһа олзлад эврә дурта наадһан тускар келҗ өгдг дасхх.

Наадна зокал: Эврә дурта наадһа авч терүнә тускар келҗ чадх.

Наадна үүлдвр: Багш ширә деер наадһас тәвнә. Бичкдүдиг дуудҗ авад

сурна: -Чи юунд дуртавч?-Би туулад дуртав.

Наадна зер-зев: Наадһас.

P/S-?? Эн төриг зер-земш, тәрә-темсн, хот-хол, хувц-хунр төрмүдәр күүндҗ болх.

Багшин, сурһмҗлачин урдк көлдмш: Урдаснь багш күүндх төрмүдәр зургуд белднә.

«Чи кенд дуртавч?»

Наадна күсл: Өрк-бүлин зургуд олзлад эврә өөрк улсин тускар келдг дасхх.

Наадна зокал: Зург үзүләд, эврә өөрк улсин тускар келх.

Наадна үүлдвр: Багш бичкдүд болһниг дуудҗ авад, эврә өөрк улсин тускар келүлнә. Бичкдүд эврә өрк-бүлин зургуд үзүләд, кенд дуртаһан медүлҗ келнә.

Үлгүрнь: - Би аавд дуртав.

Наадна зер-зев: Өрк-бүлин зургуд.

Багшин, сурһмҗлачин урдк көлдмш:

Урдаснь герин даалһвр өгх. Күн болһн эврә зург авч ирх .

«Чини үр ямаран?»

Наадна күсл: Күүнә бәадл медүлҗәх үгмүдин чинр-утхла таньдулх. Эврә үр күүкнә, көвүнә, өөрхн элгн-садн тускар таалта үгмүд келдг сурһмҗ өгх. Үгмүдин чинр-утх тодлҗ авх (Һольшг - добрый), сәәхн – красивый, ухата – умный, чидлтә - сильный, шулун -шудрмг - шустрый-быстрый).

Наадна зокал: Багш сурсн дару, һаран өргәд келх.

Наадна үүлдвр Багш сурна:

- Чини эк ямаран?

- Мини эк сәәхн

- Чини эк һольшг?

- Мини эк һольшг…

Багшин, сурһмҗлачин урдк көлдмш: Урдас күүкд-көвүдт үгмүдин чинр-утх цәәлһҗ медүлх.

VIII. Наадн дуралһн (Имитационные игры)

«Нүрлздг»

Наадна күсл: Үзсән чикәр тодлҗ авдг дасхх. Үзсән үзүлҗ чаддг дасхх.

Наадна зокал: Кен чикәр үзүлнә, тер шүүнә. Багшин үзүлсиг толдҗ, дарунь бийснь үзүлҗ чаддг дасхх.

Наадна үүлдвр:Багш үг келлго тәәлвртә тууль эс гиҗ сурвр тәвнә.

Үлгүрнь: икәр нүдән секәд, икәр ишкәд йовна.

Эн юмб? -гиҗ сурна.

Бичкдүд: - Эн чон. (өлгәтә зург авад үзүлх).

Наадна зер-зев: Зургуд. Тәәлвртә туульс.

Багшин, сурһмҗлачин урдк көлдмш: Тәәлвртә туульс, бичәтә карточкс.

VII. Наадн күүндвр (Игры- диалоги)

«Чи кенлә үүрлнәч?»

Наадна күсл: Үзсән чикәр тодлҗ чадг дасвр батлх. Келсиг чикәр соңсч, келдг дасхх.

Наадна зокал: Багшин, сурһмҗлачин болн үүрмүдин келсн үгиг оньган өгч соңсх.

Наадна үүлдвр: Багш бичкдүдт зург үзүләд сурна:

- Чи эн көвүнлә үүрлнәч?

Бичкдүд хәрү өгх зөвтә:

- Ээ би эн көвүнлә үүрлнәв.

Багш:

- Чини үүрин нерн кемб?

- Мини үүрин нерн...

Наадна зер-зев: Бичкдүд эврә зургуд авч ирнә. Кенлә үүрлдгән келнә.

Багшин, сурһмҗлачин урдк көлдмш:

Урдаснь багш күүндх төрмүдәр зургуд белднә. Күн болһн эврә зург авч ирх.

«Тәәлҗ үзтн!»

Наадна күсл: Соңгссан тодлҗ чадг чадвр батлх. Келсиг чикәр соңсч келдг дасхх. Чикәр даалһвр күцәх.

Наадна зокал: Багшин келсиг күцәх. Һурв дәкч эндү һарһна наадас һарх.

Наадна үүлдвр: Багш келнә:

- Эн юмн дулан, үвлд толһа деер өмснә, эн юмб?

- Эн махла.

Багш: - Эн юмн ут чирәтә, бор девлтә, ут сүүлтә, эн юмб?

- Эн чон.

Наадна зер-зев: Наадһас, хувц-хунр, хот-хол үзүлҗәх зургуд.

Багшин, сурһмҗлачин урдк көлдмш:

Урдаснь багш күүндх төрмүдәр зургуд белднә.