«Юмна кев-янз таньҗ үз»

Наадна күсл: Геометрическ кев-янзс нерәдҗ чаддг батлһн. Оньгта болн нег юм тодлҗ чаддг дасхх.

Наадна зокал: Эврә зург хәләһәд, юн зурата келх.

Наадна үүлдвр: Ик карточкт геометрическ кев-янзс олҗ чадлһн (төгрг, дөрвлҗн, һурвлҗн).

Наадна зер-зев: Ик болн бичкн геометрическ кев-янзс.

Багшин, сурһачин үүлдвр: Багш бичкдүдт геометрическ кев-янзс олҗ белдх, болн нежәд сәәнәр эс таньдг геометрическ кев-янз белдх.

VI. Наадн күүндвр игры-беседы. «Би сурнав – чи кел»

Наадна күсл: Келсиг бичкдүд тодлҗ авх, дарунь келҗ үзх. Сурвр оньган өгч соңсх, сурврт хәрү өгх.

Наадна зокал: Багшин келсиг дураҗ келдг дасхх.

Наадна үүлдвр: Сурврт хәрү өгч чадх. Үлгүрнь: Багш наадһа үзүләд сурна:

- Эн туула?

- Эн туула.

- Эн туула ямаран?

Эн туула бичкн.

- Эн туула ямаран чиктә?

- Туула ут чиктә.

-Эн зара?

- Эн зара.

-Зара ямаран көлтә?

-Зара бичкн көлтә.

Наадна зер-зев: Наадһас,зургуд.

Багшин, сурһачин үүлдвр: Багш бичкдүдиг чикәр сурврт хәрү өгдг дасхх. Сурвр тодрахаһар, чикәр тәвдг дасхх.

«Күүкнлә таньлдый»

Наадна күсл: Диалогическ келлһ дасч авх, сурврт хәрү өгч чаддг дасхх. Сурвр оньган өгч соңсх, сурврт хәрү өгх. Бичкдүд хоорндан күүндг дасвр өгх.

Наадна зокал: Чик сурвр тәвх, сурврт хәрү өгх.

Наадна үүлдвр: Багшин, сурһмҗлачин үүлдвр:

Багш келнә: - Эндр мана кичәлд Цаһан күүкн ирв, ода таднла күүндхәр бәәнә. Цаһан сурвр тәвх, тадн хәрү өгтн.

Сурврмуд:

- Чини нерн Катя? - Уга мини нерн Киштә.

-Чи һәрдҗ чаднач?

- Би һәрдҗ чаднав.

-Чи гүүж чаднач? - Би гүүҗ чаднав.

- Чамд ноха бәәнә? - Нанд ноха уга.

- Чамд мис бәәнә? - Нанд мис бәәнә.

- Чини мис цаһан? – Уга мини мис хар.

Наадна зер-зев: Наадһа – күүклдә

VII. Наадн дуралһн (имитационные игры)

«Юн яһҗ йовна?

Наадна күсл : Келсиг үзүлҗ чаддг дасхх эс гиҗ үзсән үзүлҗ чаддг дасхх.

Наадна зокал: Сурвр оньган өгч соңсх. Хәрү өгч чадх.

Наадна үүлдвр:- Багш зург үзүләд, сурна: - Эн яһҗ йовна? Бичкдүд зург хәләһәд үзүлнә. Үлгүрнь: арат үзүләд сурна.- Эн яһҗ йовна?

- Эн иигәд йовна (үзүлнә). Зург үзүлхлә юн яһҗ йовдг, медүлҗ үзүлх.

Наадна зер-зев: Зургуд (аю, туула, мисс, ноха, арат, чон, яман н.ч.)

Багшин, сурһачин үүлдвр: Багш урдаснь зургуд белднә.

Сурврт хәрү өгдг дасхх.

«Юн яһҗ хәәкрнә?»

Наадна күсл: Келсиг үзүлҗ чаддг дасхх, эс гиҗ үзсән ә, айс һарһад үзүлдг дасхх. Эн яһҗ хәәкрнә? - зәңгин чинр медүлх.

Наадна зокал: Зург үзүлхлә юн яһҗ хәәкрдг үзүлх. Сәәнәр үзүлсн күн фишк авна.

Наадна үүлдвр: Багш зург үзүләд сурна: -Эн яһҗ хәәкрнә?

Үлгүрнь: эр така зург үзүләд сурна: - Эн юмб?

- Эр така

- Эн яһҗ хәәкрнә?

- Эн ку-ка-ре-ку гиҗ хәәкрнә

- Эн юмб?

- Эн мис.

- Мис яһна?

- Мис мәәлнә.

- Эн юмб?

- Эн ноха.

- Ноха яһна?

- Ноха хуцна.

Наадна зер-зев: Зургуд (аю, туула, мис, ноха, арат, чон, яман н.ч.)

Багшин, сурһачин үүлдвр: Багш урдаснь зургуд белднә.

VIII. Режиссерк наадд. «Мини зург»

Наадна күсл:

- Зургт зурата күүнә бәәдл йилһҗ келдг дасхх,

- Бичкдүд бийнь тускар келҗ чаддг дасхх.

Наадна зокал: Өгсн зург үзүләд, күн ямаран бәәдлтәһинь хәләҗ келх.

Наадна үүлдвр: Багш олн чирәтә күүнә дүр үзүләд, ямаран бәәдлтәһинь келүлнә. Үлгүрнь: инәсн көвүнә зург үзүләд сурна: -Эн көвүнә чирә ямаран?

- Эн көвүн инәсн.

- Эн күүкнә чирә ямаран?

- Эн күүкн уульсн.

Наадна зер-зев: Уульсн, инәсн, байрлсн, күүнә чирә үзүлсн зургуд, эс гиҗ гертәсн эврә зурсн зург эс гиҗ цоксн зург авч ирх.

Багшин, сурһачин үүлдвр: Зург зурх эс гиҗ гертәсн бичкдүд зург авч иртхә гисг үрвр кех.