Менің Отаным

1991 жылы Қазақстан өз тәуелсіздігін алды. 16 желтоқсан Тәуелсіздік күні деп аталды. Қазақстан Республикасының Тұңғыш Президенті – Н.Ә. Назарбаев. Тәуелсіз еліміздің өз мемлекеттік рәміздері – Елтаңбасы, Туы, Әнұраны бар.

Қазақстанның аумағы өте үлкен. Қазақ елі Ресей, Қытай, Қырғызстан, Өзбекстан, Түрікменстан мемлекеттерімен шектеседі. Қазақстанның шекарасы батыстан шығысқа дейін 2800 шақырымды алып жатыр.

Батысында Каспий теңізі орналасқан. Каспий теңізінде мұнай және газ кеніштері бар. Қазақстанның оңтүстігінде көкөніс, жеміс-жидек көп өседі. Солтүстігінде егін жақсы өседі. Ал шығыс аймағы түрлі түсті металға бай. Орталық Қазақстанда көмір шығарылады.

Астана – Қазақстанның астанасы. Қазақстан халқының саны 17 миллион.

2. Сан есімдерді сөзбен жазыңыздар

1991, 16, 2800, 17 млн.

3. Сызбаларды қолданып, сөз тіркестерімен сөйлем құраңыздар

көлемі батыс солтүстік

жер → аумағы → өңір

аймағы шығыс оңтүстік

4. Антонимін жазыңыздар.

Тұңғыш – ..., алды – ..., үлкен – ..., көп – ..., ірі – ..., кең – ....

Жазылым

5. Мәтін мазмұнына сәйкес сұрақтарға жауап жазыңыздар

1. Қазақ елі тәуелсіздігін қашан алды?

2. Қазақстан Республикасының Президенті кім?

3. Тәуелсіз еліміздің рәміздерін білесіз бе?

4. Қазақстанның шекарасы үлкен бе?

5. Ол қай мемлекеттермен шектеседі?

6. Каспий теңізі қайда орналасқан?

7. Қазақстан халқының саны қанша?

6. Тірек сөздерді пайдаланып, Қазақстанның аймақтары туралы шағын әңгіме жазыңыздар

Тірек сөздер: Қазақстан, шығу, өсу, бар, оңтүстік, солтүстік, шығыс, батыс.

7. Көп нүктенің орнына оң жақтан тиісті сын есімдерді қойыңыздар

Атырауда .... күндер жиі байқалады.	бұлтты, бұлтсыз
Астана – … қала.	суық, жылы
Көкшетау – Қазақстанның ең ... аймағы.	сұлу, көріксіз
Қостанай – елімізде .... күндер көп болатын қала.	аязды, жылы
Оңтүстік Қазақстан облысында өмір сүру ....	қолайлы, қолайсыз
Шығыс Қазақстан өңірі .... болып келеді.	орманды, таулы, ормансыз, таусыз
Алматы – еліміздегі ең ... шаһар.	әсем, үлкен, кішкентай, жаман

Оқимыз. Сөйлейміз

8. Тірек сөздерді қолданып, мәтінді дамытыңыздар

Қазақ елінің жері кең, аумағы үлкен. Қазақстан елінің шекарасы ..........................................................

Тірек сөздер: Ресей, Қытай, шектеседі, батысында, теңіз, мұнай, егін, металл, көмір, бас қала, халық, саны, бай.

Қатысым

9. Сөздермен хабарлы сөйлем құрыңыздар

а) тәуелсіз, ел, біздің

ә) батысында, бар, теңізі, Каспий

б) өседі, егін, солтүстікте

в) металға бай, түрлі түсті, шығыс аймағы

г) көмір, Қазақстанда, Орталық, бар

10. Полилогті оқып, мәтінге айналдырыңыздар

Мейрамбек: – Біздің Астанамызда ескерткіштер көп.

Сергей: – Иә, әсіресе, қазақ хандары мен батырларының ескерткіштері көп.

Әсем: – Дұрыс айтасың, Сергей. Астанада Қабанбай, Бөгенбай, Қарасай батырларға ескерткіштер қойылған.

Айсұлу: – Қабанбай ескерткіші Қабанбай көшесінде орналасқан.

Тілек: – Қалада үш бидің де ескерткіштері бар.

Мейрамбек: – Мен Төле би, Әйтеке би, Қазыбек би туралы қазақ әдебиетінен көп оқыдым.

Сергей: – Керім, сен батырлардың ескерткішін көргің келе ме?

Керім: – Әрине, көргім келеді.

Әсем: – Онда жүр! Біз сені Астана қаласымен таныстырайық.

11. Мәтінді оқыңыздар және «Қазақ елі қандай ел?» деген сұраққа жауап беріңіздер