- •Гісторыя Кобрыншчыны ў гады Вялікай Айчынный вайны вачамі сучаснай моладзі
- •Глава 1. Абарончыя баі на тэрыторыі Кобрыншчыны………...8
- •Абарончыя баі на тэрыторыі Кобрыншчыны
- •Акупацыйны рэжым на тэрыторыі горада і раёна
- •Арганізацыя падполля. Партызанскі рух
- •Баявыя аперацыі атрада ім. Катоўскага
- •Спіс байцоў партызанскага атрада, імёны якіх высечаны на плітах помніка ва ўрочышча Палагіна
- •Выхадцы вёсак Гірск і Балоты – партызаны атрада ім. Катоўскага
- •Вызваленне Кобрыншчыны
- •Заключэнне
- •Спіс выкарыстаных крыніц
Арганізацыя падполля. Партызанскі рух
Супраціўленне акупантам пачалося з першых дзён вайны. Былі створаны падпольныя арганізацыі і партызанскія фарміраванні. На тэрыторыі, занятай ворагам, стварыліся і дзейнічалі падпольныя партыйныя органы, якія выступалі стваральнікамі супраціўлення ворагу. Аснаўную ролю ў развіцці падпольнай барацьбы, разгортванні партызанскага руху адыграла пастанова ЦК ВКП(б) ад 18.07.1941 г. “Аб арганізацыі барацьбы ў тыле германскіх войск.”
У 1941г. падпольны і партызанскі рух на Кобрыншчыне быў яшчэ слабы. У ліпені 1941г. у вёсцы Турная пачаў дзейнічаць падпольны антыфашысцкі камітэт, які канчаткова аформіўся ў жніўні. Старшынёй стаў Д. Барысюк, яго намеснікам – Ц. Краўчук. У склад падпольнага камітэту ўвайшлі таксама М. Лукашук , І . Фісюк. В. Селівонік і С. Мікушка.
З усходняга боку Кобрыншчыны ў Грушаўскім і Дзеткавіцкіх лясах дзейнічаў партызанскі атрад імя С.М. Кірава. Тут жа нярэдка базіраваліся рэйдавыя брыгады іншых партызанскіх злучэнняў.
У паўднёва-ўсходняй частцы раёна знаходзіліся атрады імя Р.І.Катоўскага і імя М.А.Шчорса, якія ахоўвалі партызанскі аэрадром каля вёскі Сварынь.
Партызанскі атрад ім. Катоўскага Брэсцкага злучэння быў створаны 26 красавіка 1943 года ў раёне вёскі Святліца Ганцавічскага раёна, на базе 55 групы, уваходнай да гэтага ў склад атрада імя Шчорса. Атрад налічваў 733 чалавека.
Да 12 лютага 1943г. камандзірам атрада быў Ляпічаў Фрол Карнеевіч, а камісарам атрада Лешчаў Аляксандр Васілевіч, а з 12 чэрвеня 1943г. камандзірам атрада прызначаны Лешчаў А.У. Камісарам атрада з 28 ліпеня 1943г. прызначаны Марозаў Андрэй Ілліч.
З 7 мая па ліпень 1943 года атрад грунтаваўся ў Спорава, што 35 км паўднёваўсходней г. Бяроза-Картузская, потым у Кобрынскім раёне поруч в.Балоты.
Зімою 1941 года ў в. Балоты размясціўся полк мадзяраў (венграў). Яны рассяляліся ў дамах сялян, забіралі, што маглі. Праз некалькі месяцаў яны пакінулі вёску, аставіўшы пасля сябе падпаленыя хаты, у якіх не было гаспадароў. Ва ўрочышчы Палагіна дзейнічаў атрад імя Катоўскага.
Атрад утварыўся ў сакавіку 1942 гады ва ўрочышча Ваўчыныя норы, які быў Косаўскага раёна (цяпер Івацэвіцкага). Спачатку гэта група была ў складзе атрада імя Шчорса пад нумарам 55. У красавіку 1943 гады па прыбыцці Брэсцкага падпольнага абкама партыі ў Брэсцкую вобласць з атрада імя Шчорса былі арганізаваны чатыры самастойных атрада, у тым ліку і атрад імя Катоўскага.
Штаб знаходзіўся ва ўрочышча Палагіна. Пасля спалення фашыстамі гэтага ўрочышча штаб партызанскага атрада знаходзіўся ў в. Добрае. Атрад складаўся з трох партызанскіх рот. На дзень расфармавання атрада ў красавіку 1944 года знаходзілася 448 партызан, з іх мужчын - 424 і 24 жанчыны.
Вось такімі былі партызанскія зямлянкі
Баявыя аперацыі атрада ім. Катоўскага
1. Пушчана пад адхон вайсковых эшалонаў з жывой сілай -34
2. Пушчана пад адхон вайсковых эшалонаў з тэхнікай - 44
3. Праведзена баявых аперацый і засад - 46
4. Знішчана гітлераўцаў пры выбухах -6300
5. Знішчана гітлераўцаў пры баявых аперацыях -300
6. Паранена гітлераўцаў пры баявых аперацыях - 137
7. Знішчана і спалена мастоў -20
8. Разбурана і выведзена з ладу чыг рэек -135
9. Пабіта аўтамашын -27
10. Пабіта і знішчана паліцэйскіх участкаў -5
11. Знішчана тэлефонна-тэлеграфнай сувязі -40 км
12. Знішчана і выведзена з ладу прамысловых прадпрыемстваў -8
13. Знішчана друкарня ў г. Кобрыне -1
14. Спалена і разбурана нямецкіх маёнткаў -10
15. Знішчана смолы, предн. да вывазкі ў Нямеччыну -4250 кг
16. Сагнана скаціны ад немцаў - 70 галоў
17. Забрана пішучых машынак з камендатуры ў г. Кобрыне -2
18. Абстраляна цягнікоў суперніка і выведзена з ладу паравозаў -21
19. Падарвана трансфарматарных падстанцый у г. Кобрыне -1
20. Падарвана чыг стрэлак /ст Гарадзец/ - 2
21. Раскідана і спалена хат, предназн. для паліцыі -6
22. Спалена інтэрнатаў суперніка -1