- •Житие Александра Ошевенского Начальная часть Жития
- •Житие Александра Ошевенского.
- •О родителех блаженнаго отрока Алексея.
- •О приходе блаженнаго отрока ко игумену.
- •О прихожении пришлець и о разношении вещей монастырьских.
- •О скорби инок
- •О собрании поселян и со инокы совокупление о игумене
- •О явлении преподобнаго Александра, како посети игумена Максима
- •О Пиале и о Росоле
- •О попове сыне Кириаке
- •О создании церкви Пречистыя Богородица Честнаго Ея Успениа
- •Чюдо святаго о беснующемся юноше.
- •Чюдо святаго о ином целовеце, такоже беснующемся.
- •О игумене Максиме
- •О новогородце Алексее и о сыну его Семионе.
- •О создании болшои церкви.
- •Явися преподобныи Александр Василию, церковному мастеру.
- •О явлении преподобнаго старцу Тимофею и о написании образа святаго Александра.
- •О Закхеи черньце
- •Ино сказание о преподобнем Александре
- •Чюдо преподобнаго Александра о исцелевшем юноше беснующемся.
- •Чюдо преподобнаго Александра о иноке Игнатии.
- •Чюдо о некоем юноше, исцелевшем во обители святаго.
- •О некоем боярине Иване Михайловиче Юриеве
- •О явлении Николы Чюдотворца и преподобнаго Александра Ивану боярину
- •Чюдо о некоем человеце Ермолае Павло, сыне Иванове.
- •Сказание о новых чюдесех преподобнаго Александра
- •Чюдо преподобнаго о немом отроце.
- •Чюдо преподобнаго Александра о некоем человеце Никите.
- •Чюдо святаго о некоеи отроковице, //(л. 127) како исцеление получи от недуга своего у гроба преподобнаго.
- •О Мисаиле иноце чюдо святаго.
- •О старце Вавиле, како исцеление получи.
- •Чюдо о попе Игнатие.
- •О прежереченнем Семионе, Алексееве сыне.
- •О обретении сребра и о явлении татеи.
- •О житии, и подвизех, и о списавшем житие преподобнаго.
- •О явлении преподобнаго священнику Феодосию 1-е и 2-е наказание и 3-е с прещением и казнию и потом с милостию чюдо.
Чюдо преподобнаго Александра о иноке Игнатии.
И се же да поведано будет. Некый старець Игнатеи имянем исповеда ми сам о себе. «Живущу ми, – рече, – в мире, и нападоша на мя болезни тяжкы, и недугы различнии, и скорби многы». И помысли, и рече в себе: «Что се слышу на всяк день в псалме глаголемаа: “Обратитеся, сынове человечестии, яко тысяща лет пред очима твоима, яко день вчерашнии” (Пс 89:4-5)?» Внят же он тому словеси, присовокупи же и другое к тому, иже Господь рече в святом Евангелии: «Небо и земля ми//(л. 105)моидет, а словеса же моя не мимоидут» (Мф 24:35). Он же воспомяну своя грехы, и смертный час, и горкое разлучение души от тела, и страшныи, грозныи суд, и вечныа оны бесконечныа мукы, и черви неусыпающая. И собрав малая своя имениа, и прииде в монастырь, и приат иноческый образ, и по четыредесяти же днех закона монастырьскаго послан бысть от настоятеля служити в поварню, на братию тружатися и, елико мога, своею службою печашеся. Богу попущающу грех ради наших и завистию диавольскою, напрасно оклеветан бысть тако: «Игнатеи, чернець новоначальный, непотребен есть в таковои службе: монастырю тщету творит, раздавает от вещеи монастырьскых за монастырь от хлеба и от рыбы, яже предана суть в руце его». И бысть роптание в бра//(л. 105 об.)тии его ради, и взяша же его от службы, и всадиша в темницу, и путы железныи возложиша нань, на руце и на нозе. И пребысть в темнице той время немало, и тесно бе ему путо на деснеи руце, и начат молитися, глаголя: «Господи Боже мои, создателю всего мира, Ты, отпущая неповинныя, разрешая окованныя, и от уз избавляя связанныя, и от плен пленникы изводяи, и от всякых горкых работ свобожаа. Ты вся веси, яко клевета сиа злаа напрасно наиде на мя, неповинну бо ми сущу таковаго осужениа, но прежних ради грех моих мала сиа мне бысть. Ныне, Господи, даи же деснеи моеи руце малу ослабу, яко тесно есть путо и велми скорблю. О сем же наипаче стужаюси, яко же ми образа создавшаго Тобою, Господи мои, не могу прекрестити». И много//(л. 106) молихся, и слезы многы излиах, и многых святых призывах на помощь, не бысть ему помощи. Вспонух же он преподобнаго отца Александра началника и рече: «О преподобный отче Александр, слышу чюдеса твоя многа, но неверно мню, понеже маловерен есмь, того ради не могу от слышаниа уверитися, аще на мне не исполниши от Бога дарованныя ти чюдеса благодати. Помилуи мя маловернаго, да аз начну веровати чюдесем твоим». И ятся шуицею за десную руку и за путо железное, и в том часе распространися путо и слезе с рукы его десныя. Он же начат право креститися, и бысть от того часа пространно путо, возлагах и снимах, славя Бога и дивяся неизглаголанней благодати Божии и чюдесем преподобнаго Александра. И егда же кто от братии приидеть по//(л. 106 об.)сетити его или страж ядь принесет, тогда он путо возлагах на руку свою, а егда же отидут, тогда снимах его. Он же тогда скрых чюдо, не поведах никому же, бояхся, да не ркут роветници и невегласи, яко волхв есть, яко и путы железныя не удержат его, того ради потаих чюдо, да не спону сотворять милости Божии и чюдесем преподобнаго. Мы же сиа слышах, с великым испытанием вопрошах. Тои же Игнатеи инок, от истинны исповедая, сказа им вся по ряду. Мы же сия явьственно написах во славу Христу Богу и преподобному отцу нашему Александру чюдотворцу, угоднику Божию.
