Тэставыя заданні

1. Запоўніце пропускі ў сказе.

“У час Вялікай Айчыннай вайны ў Беларусі загінуў кожны .... жыхар, матэрыяльныя страты склалі звыш .... нацыянальнага багацця, а па агульнаму ўзроўню развіцця эканоміка рэспублікі была адкінута да ўзроўню ... года.”

2. Выберыце правільны адказ.

Асаблівасцямі пасляваеннага аднаўлення прамысловасці БССР з'яўляліся:

1. атрыманне дапамогі ад рэспублік СССР;

2. атрыманне дапамогі па “ плану Маршала”;

3. атрыманне часткі германскіх рэпарацый;

4. пераважнае развіццё цяжкай прамысловасці;

5. атрыманне дапамогі па ленд-лізу.

3. Выберыце правільны адказ.

У якім годзе прамысловасць рэспублікі перавысіла даваенны ўзровень:

1. 1947 г.;

2. 1948 г.;

3. 1949 г.;

4. 1950 г.;

5. 1953 г.

4. Выберыце правільны адказ і аргументуйце яго.

Сталіцу БССР у аднаўленчы перыяд пасля Вялікай Айчыннай вайны прапаноўвалася перанесці ў:

1. Віцебск;

2. Магілёў;

3. Гомель;

4. Смаленск;

5. Баранавічы.

5. Выберыце правільны адказ і аргументуйце яго.

Аднаўленне сельскай гаспадаркі ў пасляваенны час ішло шляхам:

1. пераразмеркавання калгаснай маёмасці;

2. камандна-адміністрацыйнымі метадамі;

3. выкарыстання элементаў рынкавай эканомікі;

4. інтэнсіфікацыі вытворчасці.

6. Суаднясіце гістарычную з'яву з яе характарыстыкай.

Першачарговай задачай сельс-кай гаспадаркі Заходняй Беларусі ў першыя пасляваенныя гады лі-чылася	а)завяршэнне будаўніцт-ва сацыялізму і пачатак перахода да камунізму
Пасляваенны план аднаўлен-ня і развіцця эканомікі БССР пра-дугледжваў	б) істотная розніца паміж усходняй і заходняй часткамі рэспублікі
Галоўная асаблівасць аднаў-лення эканомікі Беларусі ў пасля-ваенныя гады	в) правядзенне суцэльнай калектывізацыі
Галоўным накірункам развіц-ця СССР пасля Вялікай Айчыннай вайны было вызначана	г) развіццё перш за ўсё цяжкай прамысловасці

7. Размясціце ў храналагічнай паслядоўнасці наступныя падзеі.

1. пачатак асваення цалінных і абложных зямель;

2. завяршэнне калектывізацыі ў заходняй частцы Беларусі;

3. адмена картачнай сістэмы;

4. прыняцце Вярхоўным Саветам БССР закона “Аб пяцігадовым плане аднаўлення народнай гаспадаркі Беларусі”.

Пытанні для самакантролю

1. Ацаніце страты БССР пад час вайны і шляхі аднаўлення эканомікі.

2. Якія праблемы стаялі перад народнай гаспадаркай БССР ў пасляваенны час і якія шляхі іх вырашэння існавалі?

3. Прывядзіце гістарычныя факты, якія адлюстроўваюць працоўны подзвіг беларускага народа ў гады пасляваеннага аднаўлення народнай гаспадаркі.

4. Ахарактарызуйце асноўныя рысы грамадска-палітычнага жыцця БССР у першае пасляваеннае дзесяцігоддзе.

5. Якія новыя ВНУ былі створаны ў першае пасляваеннае дзесяцігоддзе?

6. Якія праблемы паўсталі перад навукай у пасляваенны час?

7. Падвядзіце вынікі сацыяльна-эканамічнага і грамадска-палітычнага развіцця БССР у пасляваеннае дзесяцігоддзе.