Картоптың күміс түстес таз қотыры

Ауру белгілері. Вегетация кезінде залалданған түйіндер қара-сұр дақтармен қапталады. Сақтау кезінде қабығының астында ақ, кейін қараятын мицелий қалыптасады. Ауру тегіс немесе, батыңқы, қара-сұр, қара-сары дөңгелек дақ немесе өңез, пустула немесе жара ретінде байқалады. Ауруға шалдыққан ұлпалар қабаттанып, біркелкі емес пішін құрайды. Саңырауқұлақ конидийлері тік немесе бұралған, қоңыр немесе түссіз, 21-85х9-11 мкм. Залалданған түйіндері майда қара склероцид денелермен жабылған.

Аурудың сақталу көзі және таралуы. Саңырауқұлақтары түйіндерінде, топырақта, сақталады.

Ауруға себеп болатын факторлар. Түйіндердің механикалық зақымдалуы, топырақ пен ауаның жоғары ылғалдылығы аурудың дамуына әсер етеді.

Картоптың альтернариозы

Ауру белгілері. Альтернариоз жапырақтың жапырақтың қоңыр дағы атауымен белгілі. Бұл ауру белігілері гүлдеу кезеңінде немесе ондан кешірек байқалады. Алғашқыда залалданған жапырақтардың шеті ақшыл-жасылданып, қурайды, жапырақтың жоғары жағына қарай бұралады. кейін ауру талшықтары арасындағы ұлпаларға қарай ауысады. Кейін олар өзара бірігіп, жапырақтары алдын ала қурап қалады. Ылғалды ауа-райында дақтар әлсіз көрінетін қара өңезбен қапталады.Сабақтарында және бұтақтарында ауру белгілері ұзынша келген қоңыр, ұлпаға қарай енген дақ ретінде байқалады. Нәтижесінде залалданған ұлпалар құрғап, картоптың жер беткі бөліктері өліп қалады.

Түйіндері көп зақымдалмайды. Егер залалданса, түйінде майда, батыңқы, қара өңездер пайда болады.

Аурудың сақталу көзі және таралуы. Ауру қоздырғыштар өсімдік қалдықтарында, топырақта сақталады.

Ауруға себеп болатын факторлар. Ауа температурасының 18-22 ⁰Сболуы, ауа ылғалдылығының - 65-70% болуы, аурудың дамуына әсер етеді.

Картоптың қоңырқай теңбілі немесе макроспориоз

Ауру белгілері. Жапырақтарында әр жерте шашылыпы, таралған құрғақ, қара-қоңыр дөңгелекше дақтар ретінде байқалады. Кейде дақтар бірігіп, ұлпалары қурап, жапырақтарда тесіктер пайда болады. Аурудың алғашқы белгілері шанақтану кезінде байқалады да, вегетация кезеңінің соңына дейін жүреді. Түйіндерінің залалдануы көп байқалмайды, егер залалданса дөңгелекше келген, батыңқы қара, кеуіп кеткен дақтар ретінде байқалады. Қабық астындағы түйін кеуіп, құрғақ қара массаға айналады.

Аурудың сақталу көзі және таралуы. Ауру қоздырғыштар өсімдік қалдықтарында, топырақта сақталады. Инфекция ауа арқылы және жауын-шашан тамшыларымен бірге таралды.

Ауруға себеп болатын факторлар. Ылғалды және құрғақ ауа-райының ауысып келу аурудың дамуына әсер етеді. Ауруға төзімсіз сорттарды егу, ауыспалы егістіктің сақталмауы да әсер етеді.

Картоптың фузароизды және вертициллезды солуы

Ауру белгілері. Көбінесе тамыр жүйесі залалданады. Ауру белгілері гүлдеу кезеңінде айқын байқалады. Фузариозды солу кезінде жапырақтары сарғайып, солып, кейін қурап қалады. Кейде бұта толығымен сарғайып, тез солып қалады.

Вертициллезды солуға аурудың баяу өтуі тән, жапырақтарда қоңыр, шеті ашық-сары болып келетін дақтар ретінде байқалады. Түйіндері солып, пайдалануға жарамсыз болып қалады.

Аурудың сақталу көзі және таралуы. Инфекция танапта ошақ ретінде таралды. Ауру қоздырғышы топырақта, өсімдік қалдықтарында сақталады.

Ауруға себеп болатын факторлар. Саңырауқұлақтардың дамуына қолайлы температура 22-23 ⁰С.