2. Дсұ кіру және ұйымнан шығу ережелерін жүйелі түрде сипаттаңыз

ДСҰ кіруге ынта білдірген елдер ДСҰ шарттарымен қатар, экономикалық, сонымен қатар, сыртқы экономикалық, саудалық қатынастардың негізін қалауы керек. Өйткені халықаралық эк. Байланыстар сыртқы саудамен қатар несие қаржылық қатынастарды, жұмыс күшімен алмасуды, халықаралық сауданы, туризмді, ғылыми техникалық ынтымақтастықты қарастырады. ДСҰ кіру үшін ұйым басшылығы өз деңгейінде қабылданған келісімшарттардың сақталуын талап етеді. Мұндай келісімшарттар мүше елдердің Парламенттері тарапынан қабылданып, сәйкесінше талапкер мемлекеттердің ішкі саясатының өзгеруіне себеп болатын құрал болып табылады. ДСҰ мүше болу ең бастысы сауда экономикалық қарым қатынастарды либералдандыру болып табылады, яғни сауда экономикалық қатынастарға байл. Қабылданған Уругвай шарттарының орындалуы. Әрбір мемлекет қандай да бір талапкер мемлекетке ДСҰ кіруіне байланысты өз қарсылығын білдіре алады. Сәйкесінше ұйымға мүше 159 мемлекеттің сауда экономикалық қатынастарында шектеу болмауы қажет.

ДСҰ кіру шарттары ең алдымен елдің ішкі экономикалық заңнамаларын сауда ұйымының ережелеріне сәйкестендіруге байланысты болады. Сонымен қатар, ұлттық бизнестің даму шарттары оның бәсекеге қабілеттілік деңгейінің дамуы ДСҰ кіру процесінде жүргізілген ережелерге, келіссөздерге және қабылдаған міндеттемелерге байланысты болады. Соған байланысты ДСҰ кіру процесіне әрбір сұрақтың тәжірибелік мәне маңызды болып табылады. ДСҰ жеке мемлекет немесе кедендік одақ ретінде қатысу шартына сәйкес ережелері де өзгеріп отырады. Кедендік одақ негізінде қатысқан мемлекеттер міндетті түрде ұйымға мүше болуы қажет. Оған мысал ретінде ЕО елдерін қарастыруға болады. Қазіргі таңда сауда ұйымына кіру үрдісі белгілі бір уақыт кезеңінен өтуі қажет, яғни ережелерге сәйкес қатысуға ынта білдіргне мемлекет ең алдымен тапсырыс жібереді. Аталған тапсырыс негіінде ДСҰ басшылығы тарапынан жұмысшы топ құрылады. Бұл топ тапсырыс беруші мемлекет пен түрлі қарым қатынастарға ынталы мемлекеттерден құрылуы мүмкін. Яғни, ДСҰ негізгі ережелерімен қатар және сол ережелерді сақтай отырып, жұмысшы топтағы мемлекеттер екі ел арасындағы сауда қатынастарына байланысты шектеулерді жояды. Тапсырыс берген мемлекет бес жыл ішінде қажетті келіссөздерді жұргізіп, қатысуы жайлы шешім қабылдауы керек. Яғни бес жылдың ішінде келесідей үрдістер өзгеруі қажет: сыртқы саудаға байланысты заңнама, миграциялық саясат, кедендік тарифтер, салық саясаты, екі ел арасындағы саяси қатынастар, инвестициялық саясат, тауарлардың нарыққа шығу механизмдері. Аталған ережелерді ескере отырып, жұмысшы тобы сауда ұйымы басқарушыларына ұсыныс енгізеді, ал тапсырыс беруші мемлекет алдын ала дайындалған меморандумға қол қойып ұсынады. ДСҰ басшылығы тарапынан қабылданған шешім жұмысшы тобы ұсынысы арнайы хаттама ретінде бекітіліп, тапсырыс беруші мемлекеттің Парламентіне ұсынылады. Парламент оңтайлы деп тапқан хаттама 30 күн ішінде заң күшіне енеді. Әрбір мемлекеттің ДСҰ кіру үшін 3 жыл, 7жыл немесе 9 жыл қажет болуы мүмкін. Аталған мерзімдердің барығы мемлекеттің дайындық деңгейін көрсетеді. Бұл дайындық деңгейі бизнесті жүргізу элементтеріне байланысты болады.

ДСҰ нан шығу ДСҰның Жарғысының XV бабына сәйкес жүзеге асырылады. Ол бойынша кез келген мемлекет келісімнен шыға алады. Шығуға ниет білдірген мемлекет сол келісімдер мен көпжақты сауда келісімдерінен де шығады. Ол ДСҰның Бас директорының шығу туралы жазбаша хабарламасының шыққан күнінен алты ай өткеннен кейін күшіне енеді. Ал тек кейбір белгілі келісімдерден шығуы ұйымның келісімшарттарымен реттеліп отырады.