8.Басқару деңгейлерінің сұлбасын сызыңыз.

Басқару деңгейлері

Институтционалдық еңбек (жоғарғы буын)

Басқару деңгейі (орта буын)

Техникалық деңгей (төменгі буын)

Ұйымның ішінде басқару деңгейлері жоғары, орта, төменгі болып бөлінеді.

Жоғарғы буын деңгейі – ұйымның жалпы стратегиясын, бағыт бағдарын, уақыт пен кеңістік бойынша қалыптастырып жасауды және жалпы ұйымдық дамуды бағалауда қызмет атқаратын жоғарғы басшыларды өз құрамына енгізеді.

Орта буын деңгейі – жоғары буын анықтаған ұйымның жалпы мақсатын жүзеге асыруда, үйлестіру қызметтерін орындайтын өндірістік және функционалдық бөлім басшылары.

Төменгі буын деңгейлері – тікелей орындаушылар және төменгі ішінара қызметтерді орындайтын басшы буындар.

9.Менеджердің жұмыс уақытын пайдалану құрылымын талдап сұлбасын сызыңыз.

№	Қызметтері және әсері	Уақыт %
1	Қол астындағылардың жұмысын бақылау	21
2	Қол астындағылардың жұмысын дамыту және үйрету	14
3	жоспарлау	14
4	Жұмысшылардың жұмысын ұйымдастыру	10
5	Мәжілістерге жиналыстарға қатысу	8
6	Өзінің білімін жетілдіру	5
7	Жұмысшылардың сұрағына жауап беру	4
8	Хаттар мен іс-қағаздарын жазу	4
9	Еңбекті ынталандыру	3
10	Жетекшілермен қарым-қатынас орнату	3
11	Қол астындағылармен қарым-қатынас орнату	3
12	Коммуникативті байланыстарды тәртіпке келтіру бойынша қызмет	3
13	Шешім қабылдау	5
14	Компания ұсынысы	3

10. Жағдайды талдау. Қызметкерлердің біреуі сізге жиі өте маңызды емес шағымдармен келеді. Бұл жағдайда сіз не істеуіңіз керек?

Бұл жағдайда ең алдымен қызметкердің қандай мәселе бойынша шағым айтатынына назар аударған дұрыс. Дәл сол қызметкердің ұйымдағы басқа қызметкерлермен арақатынасын байқаған жөн. Ұйымның басқа қызметкерлерінің осы қызметкер туралы ойларын сұраған жөн болады. Ұйым басшысы үшін кез келген қызметкерлердің өз тарапынан айтқан пікірі маңызды, себебі әрбір шағымның артында компанияның немесе ұйымның болашақ дамуына әсер ететін мәселе тұруы мүмкін. Ал осындай сипаттағы шағымдарды болдыртпау үшін қызметкерлермен арадағы қарым қатынасты бір жолға қойып, реттеу керек. Ұйымдағы проблемалардың қайдан шығып жатқанын анықтау керек. Сонымен қатар мұндай түрдегі проблемаларды болдырпау шараларын жасаған абзал. Мысалы, ұйымдағы басқару тәсілдерін қайта қарау керек. Шағымдар қандай жағдайда көп түседі?Қызметкерлердің жұмыс орнындағы шарттарға немесе жағдайға көңілдері толмауы мүмкін (жұмыс орнының жылы болмауы, жарық болмауы, орналасқан жиһаздар ыңғайлы болмауы мүмкін же т.б.). Жұмыс орнындағы кез келген келеңсіздік қызметкерлердің жұмыс істеуге деген құлшынысын төмендетуі ғажап емес. Сол себепті жұмыс орындарында барлық заттар мен жағдайлар өзара үйлесімділікте болғаны дұрыс. Басқару ғылымында басқару үдерісіндегі әрбір фактор ескерілетіндіктен, қызметкерлердің шағымдарын маңызды емес деу бірте бірте басқарудың нашарлауына алып келеді. Шағымды көп айтатын қызметкерлердің көтеріп отырған мәселе бойынша өзіндік пікірлерін тыңдап, осы жағдайды қалай шешудің жолдарын бірге талдаған жөн. Шағымдар көбейетін болса, мұндай жағдайда өзекті мәселелерді ұйымдық тәртіпте шешуге тура келеді.