- •Палажэнне
- •1. Агульныя звесткі аб курсавой рабоце
- •2. Кіраўніцтва курсавой работай
- •3. Асноўныя этапы падрыхтоўкі курсавой работы
- •4. Выбар тэмы і складанне плана курсавой работы
- •5. Змест і структура курсавой работы
- •6. Афармленне курсавой работы
- •7. Рэцэнзіраванне і падрыхтоўка курсавой работы да абароны
- •8. Абарона курсавой работы
- •9. Заключныя палажэнні
3. Асноўныя этапы падрыхтоўкі курсавой работы
3.1. Выкананне курсавой работы складаецца з некалькіх этапаў, для выканання якіх кіраўнік устанаўлівае канкрэтныя тэрміны.
3.2. Падрыхтоўка курсавой работы ўключае наступныя этапы:
- выбар і ўзгадненне тэмы работы;
- падбор літаратурных і іншых інфармацыйных крыніц;
- складанне плана і задання на выкананне курсавой работы;
- вывучэнне літаратуры, збор першасных матэрыялаў альбо правядзенне эксперымента;
- камеральная апрацоўка матэрыялаў;
- напісанне і афармленне работы;
- рэцэнзіраванне работы;
- падрыхтоўка выступлення і наглядных матэрыялаў (прэзентацыі) да абароны;
- абарона курсавой работы.
4. Выбар тэмы і складанне плана курсавой работы
4.1. Тэмы курсавых работ выбіраюцца студэнтамі з пераліку тэм, які прапануецца кафедрай.
4.2. Тэмы работ павінны быць актуальнымі, адпавядаць навуковым інтарэсам студэнтаў, узроўню іх тэарэтычнай і практычнай падрыхтоўкі, тэматыцы навукова-даследчай работы кафедры.
4.3. Пасля зацвярджэння тэмы курсавой работы студэнт падбірае і знаёміцца з літаратурай па абранай тэме, распрацоўвае папярэдні план работы па збору і апрацоўцы матэрыялу. План узгадняецца з кіраўніком. Пасля гэтага кіраўнік са студэнтам складае заданне на курсавую работу і каляндарны графік яе выканання. У выпадку неабходнасці дапускаецца магчымасць змянення графіка работы па ўзгадненні з кіраўніком.
4.4. Падбор і вывучэнне літаратурных крыніц пачынаецца з вывучэння прадметнага і сістэматычнага каталагаў бібліятэк БДПУ, НАН Беларусі, Нацыянальнай бібліятэкі Беларусі, агладу адпаведных рэфератыўных часопісаў.
4.5. Пад час працы з літаратурнымі крыніцамі: выконваецца іх бібліяграфічнае апісанне ў адпаведнасці з патрабаваннямі стандартаў; складаюцца анатацыі; пазначаецца матэрыял, на які будуць рабіцца спасылкі; выконваюцца літаральныя выпіскі, для выкарыстання іх у якасці цытат у тэксце курсавой работы.
4.6. У спісе крыніц інфармацыі ўказваюцца толькі выкарыстаныя студэнтам пры напісанні курсавой работы літаратурныя і іншыя крыніцы інфармацыі.
5. Змест і структура курсавой работы
5.1. Структурнымі элементамі курсавой работы з’яўляюцца: тытульны ліст (дадаткі 2), заданне на выкананне работы, змест (дадаткі 3), уводзіны, асноўная частка, заключэнне (вывады), спіс выкарыстаных крыніц і дадаткі (пры неабходнасці).
5.2. Работа можа выконвацца на рускай ці беларускай мове.
5.3. Ва ўводзінах даецца абгрунтаванне абранай тэмы, ацэнка яе актуальнасці (навуковае і прыкладное значэнне вывучаемай праблемы), фармулююцца мэта і задачы даследавання, паказваюцца асноўныя зыходныя матэрыялы для выканання работы і метады правядзення даследавання. Аб’ём уводзін – 2-3 старонкі.
5.4. У асноўнай частцы работы, якая складаецца з асобных глаў і параграфаў, даецца літаратурны агляд даследаванасці вывучаемых пытанняў, аналізуюцца розныя пункты гледжання на іх, выкладаецца методыка правядзення тэарэтычных і (альбо) эксперыментальных даследаванняў, абагульняюцца іх вынікі, прапануюцца асноўныя напрамкі рашэння праблемы. У тэкст памяшчаецца неабходны ілюстрацыйны матэрыял.
5.5. Матэрыял асноўнай часткі курсавой работы змястоўна павінен абпавядаць заяўленай тэме работы. Аб’ём асноўнай часткі курсавой работы – 15-20 старонак машынапіснага тэксту.
5.6. Заключэнне – гэта сціслае выкладанне асноўных вынікаў даследавання, правядзення эксперымента, іх тэарэтычнае і практычнае значэнне. Яны адлюстроўваюць глыбіню праведзенага даследавання, сведчаць аб ступені вырашэння пастаўленых задач. Аб’ём заключэння – 1-2 старонкі.
5.7. У спіс выкарыстаных крыніц ўключаюцца толькі выкарыстаныя аўтарам крыніцы інфармацыі, аформленыя згодна з правіламі бібліяграфічнага апісання. Агульная колькасць крыніц у спісе, як правіла, не павінна перавышаць 10-15 адзінак.
5.8. У дадаткі выносяцца: графічны матэрыял (вялікія табліцы, малюнкі), электронныя прэзентацыі і інш.