Эhэм Никита Петрович Семенов ахтыытыттан.

3 баһа

Эhэм аймахтара а5а дойдуну көмускуур сэриигэ

Убайа Семенов Матвей Петрович 1909 сыллаахха төрөөбут, «Кытаанах тирэх» холхуоска үлэлээбит. Убайа Матвей лаппа кыанар, кылыыга, ыстана5а, куобахха бэйэтин тубэтигэр иннин биэрбэтэх дииллэр. Кэргэннэнэ сылдьыбыт да о5оломмотохтор.

Кыhыл армия кэккэтигэр 1942 сыл бэс ыйын 26 кунугэр ыңырыллыбыт. Сэрии фроннарыгар тынааhыннаах балаhыанньа үөскээбитинэн саңа ыңырыллыбыттары кылгас болдьоххо бэлэмнээт кыргыhыыга киллэрбиттэр.Сталинград куораты өстөөхтөн көмүскүүр чаастарга киирсэн сэриилэhэр.

1942 сыл ахсынньы 25 кунугэр сэрии толоонугар охтубут. Волгоградскай уобаласка, Максимовка диэн дэриэбинэ5э көмүллүбүт.

Убайа Микииппэр уола Петров Егор Никифорович-1922 сыллаахха төрөөбүт, армия5а 1944 сыл бэс ыйын 29 кунугэр ыңырыллан империалистическай Японияны утары сэриилэспит. Забайкальскай фронт 239 Краснознаменнай полкатын стрелок байыаhынан сылдьыбыт.Армияттан 1946 сыл сэтинньи 19 кунугэр демобилизацияламмыт. Үөдэй алын сүhүөх оскуолатын бутэрбит. Эдэр сылдьан фанераны килиэйдээн балалайка оңостон оонньуур үhү. Сэрии кэнниттэн Ньурба5а, онтон Булуу куоратыгар олорбут, тутууга улэлээбит.

Убайа Андурэй уола Петров Прокопий Андреевич -1926 сыл сааскы халлаан ылааны күннэрэ са5аланыыта, көтөр-сүүрэр саната хойдуута муус устар ый 8 кунугэр Манааччыйа5а төрөөбүтэ. Кыра эрдэ5иттэн айыл5аны кытта алтыhан, күөх хонууга атах сыгынньах сылдьан быраатынаан, атын да о5олорунаан көрүлээн, бултаан-алтаан, дьонугар сайынын от оттуулларыгар көмөлөhөн, Үөдэй онтон Ханалас оскуолаларыгар үөрэнэн улэhит буола охсубута.

Армия5а 1944 сыллааха ыңырыллан 7 сыл сулууспалаабыт. Империалистическай Японияны утары минометчигынан сэриилэспит. Армия5а сулууспалыыр сылларыгар Дальнай Востогу, Монголия, Манчжурия дойдуларын уйаара – кэйээрэ биллибэт киэн истиэптэрин сылдьыталаабыта.

Кини «А5а дойду сэриитин» 2 степеннээх орденынан, «За победу над Японией», «За трудовую доблесть в ВОВ», уонна да атын боевой уонна юбилейнай медалларынан на5араадаламмыт. Ньурба5а эргиэн салаатыгар, Якутскайга «Холбос» заготовка управлениетыгар, эт-уут комбинатыгар улэлээбит.

Кини кэргэнэ Мария Иннокентьевнаны кытта 40 сыл дьоллоохтук олорон 1989 сыллаахха ыалдьан күн сириттэн туораабыта.

Эдьиийин Мааппа уола Антонов Николай Иванович -1926 сыллаахха төрөөбүт. Армия5а 1944 сыл бэс ыйын 29 күнүгэр ыңырыллан империалистическай Японияны утары сэриилэспит. Мальта станция5а харантыыңңа сытан баран, 1944 сыл сэтинньи ыйтан 1946 сыл атырдьах ыйын 25 күңүгэр дылы Маньчжурия кыраныыссатыгар 94 дивизия 9 стрелковай полкатыгар ручной пулеметчигынан сылдьыбыт. 1947 сыл муус устар ый 25 күнүгэр доруобуйатынан сыыллан дойдутугар кэлбит. Кини «А5а дойду сэриитин» 2 степэннээх орденынан, «За победу над Японией», «За трудовую доблесть в ВОВ» уонна да атын боевой медалларынан на5араадаламмыт. Николай Иванович совхозтарга, тыа хаhаайыстыбатын министерствотыгар, республикатаа5ы племхолбоhукка главнай бухгалтерынан үлэлээбит. Саха республикатын тыа хаhаайыстыбатын Үтүөлээх улэhитэ, Ньурба улууhун бочуоттаах гражданина.

Павлова Мария диэн эдэркээн кыыhы Армияттан кэлэн баран кэргэн ылбыт. Биэс о5олонон, элбэх сиэннэнэн олох дьолун, олох сал5аныытын билэн, күн бүгүңңэ дылы кинилэр сылаас тапталларынан угуттанан дьоллоохтук олорор.

Түмүк

Эhэм хайда5ын да иhин суостаах сэрии толоонугар өлөр өлүүттэн куттаммакка, туох баар сыратын биэрэн туран кыргыhыы хонуутуттан төннөн кэлбитэ, сана оло5у уhансыбыта, оло5о дьоллоохтук сал5аммыта. Туйа5ын хатарааччы, утумун сал5ааччы икки уолламмыттара. Онтон биирдэстэрэ мин а5ам. Эhэм туhунан миэхэ а5ам кэпсиириттэн, хаартыскаларыттан билэммин кини сырдык ба5а санаатын, кини олорбут оло5ун - биhиги, кэнэ5иски ыччаттара өруу өйдүү – саныы сылдьыахпыт.

Мин эhэбинэн киэн туттабын: кини күүстээх санаатыттан, үтүө майгытыттан, туохтан да толлон турбатыттан.

Мин эhэм курдук күүстээх санаалаах, үтүө майгылаах буола улаатыам.

Бу үлэм түмүгэр (тугу биллим, туох санаа5а кэллим):

• Эhэм туhунан элбэ5и биллим, кини сурдээх кытаанах тулуурдаах, инникигэ бигэ эрэллээх, туохтан да толлон турбат, наhаа улэhит эбит. Эhэм сэрииттэн төннөн кэлэн кини оло5о сал5аммыта. Инникитин, сатанна5ына, эhэм сэриигэ баран өлбут айма5ын туhунан эбии матырыйаал хомуйуом. Биhиги кинилэр сырдык ааттарын умнуо суохтаахпыт, а5а уустарбыт кинилэртэн тэнийэн, кун бугун биhиги уөрэнэ, уөрэ - көтө сылдьабыт.

Сэрии хаhан да буолбатын, хаан тохтубатын !