32. Тема: Аталган сан буенча исәп. Геометрик фигуралар

Программ эчтәлек: 1. Балаларны алдан әйтелгән санга кадәр исәпләргә һәм аны хәтердә калдырырга, тигез сандагы уенчыкларны табарга өйрәтү; турыпочмаклык, квадрат, өчпочмак һәм түгәрәкне (аларның зур модельләре тәкъдим ителгәндә) аера белү күнекмәләрен ныгыту. 2. Тәэсирле кабул итү, пространствода ориентлашу, конкрет образлы фикерләү, тизлек, җитезлекне тикшерү. 3. Смешариклар һәм аларның дәресләренә кызыксыну уяту, дуслыкка хөрмәт тәрбияләү.

Җиһазлар һәм материаллар: Күрсәтмә материал: 2 гөмбә, 3 алма, 4 кишер, 5 җиләк ясалган 4 карточка; 2 тиен, 3 керпе, 4 куян, 5 аюның контурлы рәсемнәре; 4 озын җеп. Тарату материалы: уртасында берәр геометрик фигура (түгәрәк, квадрат, өчпочмак, туры-почмаклык) ясалган пропеллерлар.

Эшчәнлек барышы:

1. «Предметларны санау» дидактик күнегүе.

Балалар, смешариклар рәсем ясарга, кәгазьдән төрле матур уенчыкларны кисеп эшләргә яраталар. Алар сезнең өчен менә мондый уенчыклар һәм матур рәсемнәр ясаганнар. (Карточкаларны күрсәтә.) Алар менә бу карточкаларда ясалган кадәр үк сандагы предметларны санап алырга өйрәнүегезне телиләр. (Тәрбияче 2 гөмбә ясалган карточканы күрсәтә.) Балалар, бу карточкада нәрсәләр ясалган? (Гөмбәләр.) (Б. а.) Ничә гөмбә бар? (Ике.) (Б. а.) Сиринә, ике тиенне ал да менә монда өстәлгә алып кил әле. Карина, Сиринә ничә тиен алып килде? (Ике.) Аларның саны турында нәрсә әйтергә була? (Алар тигез. Гөмбәләр, никадәрле булса, тиеннәр дә шулкадәр.) (Башка карточкалар белән дә шундый ук биремнәр үтәлә. Балалар керпе, куян һәм аюларны алып киләләр.) Афәрин, балалар, сез биремне бик әйбәт итеп үти алдыгыз! Смешарикларга рәхмәт!

2. «Самолетлар» уены.

Балалар, без хәзер самолетлар уенын уйнарбыз. (Тәрбияче балаларга геометрик фигуралар - пропеллерлар өләшә. Идәндә озын җеп-тән түгәрәк, квадрат, өчпочмак, турыпочмаклык ясап куела.) Мин «Старт!» дип әйтүгә, сез самолёт-пропеллер- ларыгызны һавада очырта башлагыз. (Балалар бүлмә буйлап йөгерәләр.)

Самолетлар күктә оча, Кинәт зур болыт килде,

Җиргә алар сәлам бирә. Күккә караңгы иңде.

Җилдән дә җитез алар, Самолетлар, тизрәк-тизрәк,

Бер-берсен уза гына! Аэропорт көтә сезне!

«Аэродромга» дигән сигнал булу белән, һәр бала үз пропеллерын җептән ясалган тиешле фигурага кертә.

3. Рефлексия.

Афәрин, балалар! Сез бик җитез, уңган, чын дус та була беләсез! Әйдәгез, үз-үзебезне мактап кул чабып алыйк!

33. Тема: Предметларны киңлекләренә карап чагыштыру. Бармаклар белән капшап исәпләү

Программ эчтәлек: 1. Балаларны 5 төрле предметның киңлекләре арту, кимүгә бәйле рәвештә аларны бер рәткә тезәргә өйрәтү; предметларның киңлекләрен чагыштыру өчен, бер әйберне икенчесе янына куеп карау алымын куллану; «иң киң», «иң тар», «киң-рәк», «таррак», «тагын да таррак», «тагын да киңрәк» сүзләрен кулланырга күнектерү; предметларны бармаклар белән капшап санарга өйрәнү. 2. Кулларның вак моторикасын, күзләр координациясен, мөс-тәкыйльлекне, активлыкны, игътибарлылыкны үстерү. 3. Пөхтәлек һәм дуслыкка хөрмәт тәрбияләү.

Җиһазлар һәм материаллар: Күрсәтмә материал: конверт, озынлыклары бер үк, ә киңлекләре төрле булган 5 тасма (киңлек 15 тән 3 сантиметрга кадәр кечерәя). Бердән бишкә кадәр конфет са-лынган капчыклар, Крош, «Өч аю» әкиятеннән аю рәсемнәре. Тарату материалы: тигез озынлыктагы 3 тасма салынган конверт (озынлык 12 см, киңлек 10 нан 4 сантиметрга кадәр).