- •2. Пачатак Вялікай Айчыннай вайны. Абарончыя баі на тэрыторыі Беларусі.
- •3. Устанаўленне фашысцкага акупацыйнага рэжыму.
- •4. Вызначальныя перамогі Чырвонай арміі пад Масквой, Сталінградам, Курскам іх уплыў на становішча ў Беларусі.
- •5. Баявая дзейнасць партызан і падпольшчыкаў.
- •6. Вызваленне Беларусі (аперацыя «Баграціён»). Заканчэнне Вялікай Айчыннай і Другой сусветнай войн.
- •6. Заканчэнне Вялікай Айчыннай і Другой сусветнай войн.
Лекцыя 7. Беларусь у гады другой сусветнай і Вялікай айчыннай войн
1. Пачатак Другой сусветнай вайны. Аб'яднанне беларускага народа ў складзе БССР.
2. Пачатак Вялікай Айчыннай вайны. Абарончыя баі на тэрыторыі Беларусі.
3. Устанаўленне фашысцкага акупацыйнага рэжыму.
4. Вызначальныя перамогі Чырвонай арміі пад Масквой, Сталінградам, Курскам іх уплыў на становішча ў Беларусі.
5. Баявая дзейнасць партызан і падпольшчыкаў.
6. Вызваленне Беларусі (аперацыя «Баграціён»). Заканчэнне Вялікай Айчыннай і Другой сусветнай войн.
1. Пачатак Другой сусветнай вайны. Аб'яднанне беларускага народа ў складзе БССР.
Наспяванне ваеннай напружанасці ў Еўропе ў 30-х гг. ХХ ст.
Радыкальные палітычныя перамены ў германскім грамадстве адбыліся пасля прыходу да ўлады ў 1933 г. нацыянал-сацыялістычнай германскай рабочай партыі (НСДАП), і сфармавала ўрад на чале з канцлерам А. Гітлерам.
За кароткі час нацыстам удалося ўсталяваць у краіне сваю ультранацыяналістычную (фашысцкую) дыктатуру і прыступіцца да ажыццяўлення сваёй праграмы. Яе змест быў скіраваны на скасаванне Версальскай сістэмы, аб’яднанне ўсіх немцаў у «Вялікую Германію» і забеспячэнне для іх «жыццёвых прастораў», усталяванне «тыся-чагадовай імперыі», або «трэцяга рэйха». За кароткі час нацысцкаму кіраўніцтву ўдалося ідэйна абалваніць увесь народ, пераканаць яго ў расавай выключнасці, праве на сусветнае панаванне, выключных якасцях фюрэра нацыі А. Гітлера.
Насуперак існаваўшым дагаворам гітлераўская Германія прыступілася да фармавання магутнай арміі, авіяцыі і флоту. За кароткі час у Германіі было пабудавана 300 ваенных заводаў, а вытворчасць зброі за 5 гадоў павялі-чылася ў 22 разы. У 1935 г. галоўнакамандуючым узброеных сіл (вер-махта) стаў А. Гітлер.
Пасля праведзенага ў Саарскай вобласці рэферэндума, яе жыхары выка-заліся за ўз’яднанне з Германіяй. Праз год, 7 сакавіка 1936 г., нямецкія войскі ўвайшлі ў Рэйнскую дэмілітарызаваную зону.
З самага пачатку нацысцкага руху лепшым саюзнікам гітлераўцаў з’яўля-ліся італьянскія фашысты на чале з “дучэ” Б. Мусаліні. Створаны ў 1936 г. так званы Антыкамінтэрнаўскі пакт, скіраваны супраць СССР і «сусветнага ка-мунізму», падпісалі Германія, Японія, Італія, Венгрыя, Маньчжоу-Го, Іспанія.
Аб нестабільнасці ў свеце, небяспецы фашызму і няздольнасці Лігі На-цый прадухіліць агрэсію сведчылі захоп Італіяй тэрыторыі Абісініі ў 1936 г. Яшчэ больш выразна гэтыя прыкметы выявіліся ў Іспаніі ў 1936–1939 гг. Антырэспубліканскі мяцеж на чале з генералам Ф. Франка быў падтрыманы Італіяй, Германіяй і Партугаліяй, скончыўся ўсталяваннем яго дыктатуры.
12 сакавіка 1938 г. Германія шляхам увядзення сваіх войск у Аўстрыю пад выглядам «ўз’яднання нацыі» фактычна далучыла яе да рэйха(аншлюс).
Неўзабаве на шляху ўтварэння «Вялікай Германіі» паўстала Чэхаслава-кія. Вясной 1938 г. прэм’ер-міністры Англіі і Францыі заявілі прэзідэнту Чэхаславакіі, што калі ён не саступіць Судэцкай вобласці Гітлеру, то яны не будуць ваяваць за яго краіну.
У такіх умовах 29–30 верасня 1938 г. па ініцыятыве А. Гітлера ў Мюнхене адбылася сустрэча кіраўнікоў урадаў Германіі, Англіі, Францыі і Італіі, дзе і была падпісана дамова аб перадачы немцам Судэцкай вобласці. У сакавіку 1939 г. астатнія тэрыторыі дзяржавы былі акупаваны немцамі і ўключаны ў рэйх пад назвай «пратэктарат Багемія і Маравія».
Правал палітыкі калектыўнай бяспекі. Захоп Германіяй Аўстрыі і Чэхаславакіі актуалізаваў ідэю ства-рэння сістэмы калектыўнай бяспекі. Так, 31 сакавіка 1939 г. урады Англіі і Францыі прадаставілі гарантыі Польшчы на выпадак агрэсіі, а ў маі паслалі свае дэлегацыі ў Маскву для абмеркавання ўмоў ваеннага супрацоўніцтва. Аднак перагаворы выявілі нежаданне англійскіх і французскіх дыпламатаў падпісваць ваенную канвенцыю, а затым – адсутнасць адпаведных паўнамоцтваў. У выніку палітыка калектыўнай бяспекі пацярпела крах.
Савецка-германская дамова аб ненападзе. У выніку сустрэчы ў Крамлі 23 жніўня 1939 г. кіраўнікамі замежных ведамстваў быў падпісаны савецка-германскі дагавор аб ненападзе тэрмінам на 10 гадоў, а таксама сакрэтны пратакол аб падзеле сфер уплыву. Паводле пратакола, у сферу інтарэсаў СССР у Прыбалтыцы ўваходзілі Латвія, Эстонія і Фінляндыя, а Германіі – Літва. Сферы ўплыву ў Польшчы павінны былі праходзіць па лініі рэк Нараў – Вісла – Сан.
Такім чынам, Савецкі Саюз пазбаўляўся пагрозы агрэсіі як з захаду, так і ўсходу. Узаемаадносіны СССР і Германіі карэнным чынам змяніліся ад канфрантацыі да супрацоўніцтва ў ваеннай сферы.
Заключэнне пакта істотна паўплывала на ваенна-палітычную сітуацыю ў свеце. А. Гітлер атрымаў яшчэ большую свабоду дзеянняў па здзяйсненні сваіх злачынных планаў. Калі Мюнхенскі дагавор даў яму маг-чымасць дасягнуць мэты больш ці менш асцярожна, то «пакт Молатава – Ры-бентропа» дазваляў дамагацца яе адкрыта, усімі сіламі вермахта і дзяржавы.
Пачатак Другой сусветнай вайны. Пасля захопу Германіяй Чэхаславакіі пагроза агрэсіі навісла над Польшчай. Фюрэр дэнансаваў польска-германскі пакт аб ненападзе ад 1934 г. 31 сакавіка 1939 г. прэм’ер-міністр Англіі Н. Чэмберлен ад імя свайго і французскага ўрадаў запэўніў палякаў ва ўзброенай падтрымцы. На той час са-юзнікі мелі 172 дывізіі супраць 103 нямецкіх, каля 4000 танкаў супраць 3200, звыш 7600 самалётаў супраць 4000, да 36 000 гармат супраць 26 000.
Тым не менш, ужо 31 жніўня 1939 г. часці вермахта атрымалі адпаведную дырэктыву фюрэра па рэалізацыі плана «Вайс», разлічанага на польскую кампанію. Сілам уварвання (1,6 млн. салдат, 2800 танкаў, 2000 самалётаў, 6000 гармат, 100 караблёў) процістаялі 1 млн польскіх, украінскіх і беларускіх салдат, 870 танкаў, 4300 гармат, 407 сама-лётаў, 13 караблёў.
Каб надаць сваёй акцыі справядлівы характар, службы абвера і гестапа 31 жніўня ў 20 гадз ночы інсцэнавалі напад польскіх салдат на радыёстан- цыю, размешчаную ў нямецкім гарадку Глейвіц. «У адказ» 1 верасня 1939 г. у 4 гадз 45 хвіл часці вермахта без аб’яўлення вайны перайшлі польскую мя-жу. Аэрадромы, чыгуначныя вузлы, іншыя ваенныя аб’екты трапілі пад артылерыйскі абстрэл і бамбардзіроўку з паветра. Услед рушылі калоны танкаў, бронемашын і часці пяхоты. Нягледзячы на гераічнае супраціўленне паля-каў, ім не ўдалося даць адпор ворагу і нават прыпыніць яго. У баях з агрэсарам загінулі каля 65 тыс. воінаў, прыкладна 140 тыс. былі паранены, у палон трапілі каля 400 тыс. салдат і афіцэраў, у тым ліку 70 тыс. беларусаў.
Спадзяванні палякаў на дапамогу саюзнікаў не спраўдзіліся. 3 верасня Англія з яе дамініёнамі і Францыя аб’явілі вайну Германіі, але іх узброеным сілам быў патрэбен час на разгортванне баявых парадкаў. Такая вайна атры-мала назву «дзіўнай» і карысці Польшчы не прынесла.
Уз’яднанне беларускага народа ў складзе БССР.
11 верасня наркам абароны К. Варашылаў аддаў загад аб утварэнні Беларускага і Украінскага франтоў.
17 верасня Беларускі фронт у складзе чатырох армій, конна-механізаванай групы і Дняпроўскай флатыліі, агульнай колькасцю каля 200 000 салдат і афіцэраў на чале з камандармам другога рангу М. Кавалёвым пачаў вызва-ленчы паход. У першы дзень былі вызвалены Баранавічы, 18 верасня – Навагрудак, Ліда, Слонім, 19 – Вільня, Пружаны, 20 – Гродна, 21 – Пінск, 22 ве-расня – Беласток і Брэст. Да 25 верасня савецкія войскі цалкам выканалі сваю місію. У палон да Чырвонай Арміі трапілі каля 60 тыс. польскіх вайскоўцаў.
28 верасня 1939 г. паміж СССР і Германіяй быў падпісаны дагавор «Аб дружбе і межах», у адпаведнасці з якім заходняя мяжа савецкай дзяржавы ўсталёўвалася па «лініі Керзана». Акрамя таго, у абмен на Люблінскае і час-тку Варшаўскага ваяводстваў немцы перадавалі ў сферу савецкага ўплыву Літву. Неўзабаве па рашэнні ўрада СССР Вільня і Віленскі край былі перада-дзены Літве.
У вызваленых ад палякаў населеных пунктах Заходняй Беларусі часці Чырвонай Арміі з энтузіязмам і радасцю сустракалі жыхары. У ваяводскіх і павятовых цэнтрах сталі стварацца часовыя органы ўлады – упраўленні з удзелам рабочых, чырво-наармейцаў, інтэлігентаў. Іх склад зацвярджаўся камандаваннем Чырвонай Арміі. У гмінах улада пераходзіла да сялянскіх камітэтаў. Пры органах улады фармаваліся атрады па раззбраенні паліцыі, асаднікаў і па ахове парадку.
Насельніцтва Заходняй Беларусі выявіла высокую зацікаўленасць у лёсе свайго краю. 22 кастрычніка з 2 763 191 выбаршчыкаў 90,67% аддалі за 927 дэпутатаў Народнага сходу. У прынятых пад час яго працы ў Беластоку 28-30 кастрычніка 1 Дэкларацыі аб дзяржаўнай уладзе абвяшчаўся яе пераход да Саветаў дэпутатаў працоўных. 2. У дэкларацыі па другім пытанні дэпутаты запісалі зварот да Вярхоўных Саветаў СССР і БССР з просьбай аб прыёме Заходняй Беларусі ў склад Савецкага Саюза і БССР. 3 і 4 дэкларацыі абвя-шчалі аб пераходзе банкаў, буйной прамысловасці і ўсіх зямель ва ўсенарод ўласнасць.
Азначаныя Дэкларацыі сталі юрыдычнай асновай для прыняцця Вярхоў-ным Саветам СССР Пастановы ад 2 лістапада 1939 г. «Аб уключэнні Заход-няй Беларусі ў склад Саюза Савецкіх Сацыялістычных Рэспублік з уз’яднан-нем яе з Беларускай Савецкай Сацыялістычнай Рэспублікай» і Пастановы Вярхоўнага Савета Беларускай ССР ад 14 лістапада 1939 г. «Аб прыняцці Заходняй Беларусі ў склад Беларускай Савецкай Сацыялістычнай Рэспублікі». Такім чынам, факт уз’яднання беларусаў у адзінай рэспубліцы быў замаца-ваны юрыдычна. Тэрыторыя БССР павялічылася са 125,6 тыс. кв. км да 225,6 тыс. кв. км, а колькасць насельніцтва – з 5,6 да 10 млн.
4 снежня 1939 г. Прэзідыум Вярхоўнага Савета СССР выдаў указ аб ут-варэнні ў Заходняй Беларусі 5 абласцей – Баранавіцкай, Беластоцкай, Брэсц-кай, Вілейскай і Пінскай. У студзені 1940 г. Указам Прэзідыума Вярхоўнага Савета БССР замест 32 паветаў, якія існавалі раней, быў утвораны 101 раён. У выніку тэрыторыя БССР стала складацца з 10 абласцей і 191 раёна.
Пад час ажыццяўлення сацыялістычных мерапрыемстваў былі нацыяналізаваны не толькі буйныя, а ўсе прамысловыя аб’екты, а таксама гандаль, транс-парт, домаўладанні (плошчай больш за 113 кв. м), будынкі былых дзяржаўных устаноў і іншая маёмасць. На змену прыватнаму гандлю прыйшоў дзяржаўны – было адчынена 717 магазінаў і 740 ларкоў.
Важнейшым сацыяльна-эканамічным і палітычным наступствам рашэнняў Народнага схода стала скасаванне прыватнай уласнасці на зямлю. З гэтай нагоды восенню 1939 – вясной 1940 г. у Заходняй Беларусі адбываўся падзел памешчыцкай зямлі, жывёлы і інвентару паміж беззямельным і малазямельным сялянствам. Адкрываліся медыцынскія ўстановы, якія бясплатна абслугоўвалі насельніцтва.
Сацыяльнай заваёвай працоўных Заходняй Беларусі зрабілася бясплатная адукацыя. Адкрываліся ўстановы па ліквідацыі непісьменнасці і мала-пісьменнасці. У Беластоку, Гродне, Баранавічах, Пінску пачалі працаваць на-стаўніцкія інстытуты, у Брэсце, Маладзечне і Лідзе – настаўніцкія курсы. У 1939–1940 гг. у Заходняй Беларусі пачалі працу 5 ВНУ. Адкрыліся 5 драма-тычных тэатраў, 220 бібліятэк, 100 кінатэатраў, 92 дамы культуры.
Разам з тым частка насельніцтва Заходняй Беларусі сутыкнулася з савецкімі карніцкімі органамі. Рашэнні аб рэпрэсіях прымаліся як у Маскве, так і ў Мінску, на ўзроўні ЦК КП(б)Б і НКУС. Да пачатку Айчыннай вайны ў Заходняй Беларусі адбыліся 4 кампаніі па высылцы ў Сібір і Казахстан рознага кшталту «контррэвалюцыйных элементаў» (асаднікаў, кула-коў, былых паліцэйскіх і інш. дзяржаўных служачых) агульнай колькасцю 117 418 чал.
У 1940 г. па загаду І. Сталіна з 21 857 палонных польскіх афіцэраў былі расстраляны ў Катыньскім лесе пад Смаленскам, а 7805 – замучаны ў тур-мах. Пад час палітычных зачыстак органамі НКУС тэрыторыі Заходняй Беларусі ад іх рук загінулі беларускія дзеячы – У. Самойла, М. Краўцоў, А. Ула-саў і інш. Як правiла, іх справы разглядалiся несудовымi органамi, якія не пакідалі ніякіх слядоў сваёй дзейнасці, нават магіл сваіх ахвяр.
Уз’яднанне беларускага народа ў адзінай рэспубліцы з’явілася актам гітарычнай справядлівасці. Быў пакладзены канец несправядліваму Рыж-скаму дагавору, сацыяльна-эканамічнаму і культурна-нацыянальнаму прыгнёту беларусаў у складзе польскай дзяржавы. Нягледзячы на жорст-касці таталітарнага рэжыму, беларускі народ меў магчымасць развіваць сваю мову, культуру, выяўляць сваю самабытнасць у сям’і і ншых брацкіх народаў СССР.
2. Пачатак Вялікай Айчыннай вайны. Абарончыя баі на тэрыторыі Беларусі.
1. Напад фашысцкай Германіі на СССР. Пасля капітуляцыі Францыі 18 снежня 1940 г. А. Гітлер падпісаў дырэктыву № 21, больш вядомую як план «Барбароса», якая дала пачатак перадыслакацыі сіл вермахта да за-ходніх меж СССР. Да ліку саюзнікаў Германіі далучыліся Венгрыя, Румынія, Славакія, Балгарыя, Фінляндыя і Іспанія. Высакаразвіты германскі ваенны патэнцыял узмацніўся за кошт эканомік падпарадкаваных краін. Так, толькі заводы Чэхаславакіі паставілі А. Гітлеру пятую частку яго танкаў. Акрамя таго, на ўзбраенне вермахта пайшлі трафеі разгромленых французскіх і іншых дывізій.
Усяго супраць Савецкага Саюза Германія выставіла 80% сваіх войск – 190 дывізій у колькасці 5,5 млн. чал., 47 тыс. гармат і мінамётаў, 4,5 тыс. танкаў, 5 тыс. самалётаў. Напярэдадні наступлення гэтыя войскi былі сканцэнтраваны ў 3 армейскiх групоўках. Першая з іх – «Поўнач» (камандуючы фельдмаршал В. фон Лееб) мела задачай разгром Чырвонай Арміі ў Прыбалтыцы і захоп Ленінграда. Другая – група армій «Цэнтр» (камандуючы фельдмаршал Ф. фон Бок) павінна была нанесцi асноўны ўдар на поўнач ад Палескiх балот уздоўж дарогi Брэст – Мiнcк – Масква, знiшчыць часці Чырвонай Арміі i захапіць сталіцу СССР. Трэцяя – група армій «Поўдзень» (камандуючы фельдмаршал К. фон Рундштэдт») скіроўвалася на разгром Чырвонай Арміі на Украіне і захоп Кіева. Па плану «Барбароса» ўсе тры групы павінны былі выканаць пастаўленыя задачы і выйсці на лінію Архангельск – Волга – Астрахань. Маланкавая вайна («бліцкрыг») павінна была заняць не больш за 10 тыдняў.
22 чэрвеня 1941 г. у 3 з паловай – 4 гадз раніцы пасля артыле- рыйскага абстрэлу і налёту авіяцыі нямецкія войскі на ўсім працягу мяжы з СССР уварваліся на яго тэрыторыю. Асноўнай прычынай вайны з’яўлялася імкненне А. Гітлера да знішчэння СССР з мэтай прысваення яго нацыянальных багаццяў і каланізацыі абшараў; ліквідацыі камуністаў, камісараў, савецкіх работнікаў, прадстаўнікоў «непаўнавартых рас»; ператварэння ў рабоў астатняга насельніцтва.
Група армій «Цэнтр» уварвалася на Беларусь сіламі 635 тыс. з баявым вопытам салдат і афіцэраў, 10 763 гармат і мінамётаў, звыш за 810 танкаў і самаходак, 1194 самалётаў. Ім процістаялі 3, 10, 4-я арміі Заходняй Асобай ваеннай акругі (ЗАВА) у складзе 673 тыс. салдат і афіцэраў, звыш за 14 тыс. гармат і мінамётаў, 2189 (у тым ліку 383 новых) танкаў, 1549 самалётаў, а таксама Пінская ваенная флатылія.
На «Беластоцкім выступе», які выгадна ўкліньваўся ў германскую тэрыторыю, былі размешчаны буйныя вайсковыя сілы. Нягледзячы на пэўную колькасную перавагу сіл ЗАВА над групай армій «Цэнтр», фельд-маршал Ф. фон Бок пачаў наступленне ў напрамках Сувалкі – Вільнюс – Мінск і Брэст – Баранавічы – Мінск з мэтай акружэння савецкіх войск.
Першымі ўдар агрэсара ўзялі на сябе 11 беларускіх пагранатрадаў у складзе 19 519 пагранічнікаў і абаронцаў нешматлікіх агнявых кропак «лініі Молатава». Так, у раёне Гродна 3-я пагранзастава пад камандаваннем лейтэнанта В. Усава 8 гадз стрымлівала ворага. Пагранічнікі 1-й заставы на чале з малодшым лейтэнантам А. Сівачовым за 11 гадз баёў нанеслі адчувальны ўрон гітлераўцам каля в. Галавенчыцы. Пагранічнікі 4-й заставы на чале з лейтэнантам Ф. Кірычэнка адбілі 5 варожых атак пад в. Драгунь. Амаль усе яны загінулі, але прысягі не парушылі і не адступілі.
Гераічнае супраціўленне ворагу аказаў 4-тысячны гарнізон Брэсцкай крэпасці на чале з капітанам І. Зубачовым і палкавым камісарам Я. Фаміным. Абаронай Усходняга форту камандаваў маёр П. Гаўрылаў. Заходнюю частку крэпасці абаранялі пагранічнікі на чале з лейтэнантам А. Кіжаватавым, Цярэспальскую вежу – лейтэнант А. Наганаў з групай байцоў. Помнікам мужнасці і гераізму абаронцаў застаўся надпіс «Я паміраю, але не здаюся. Бывай, Радзіма. 20.VІІ.41 г.».
Вялікі ўрон злучэнням ЗАВА, перайменаванай у Заходні фронт, быў нанесены сіламі 2-га паветранага флоту на чале з фельдмаршалам А. Кесельрынгам. Толькі 22 чэрвеня фашыстамі было знішчана 738 нашых самалётаў, з якіх 528 – на зямлі. Савецкія лётчыкі, якім удалося падняць свае самалёты ў паветра, у першы дзень вайны збілі 143 варожых бамбар-дзіроўшчыкаў і знішчальнікаў, у тым ліку 15 – метадам тарана. Не шкадуючы жыцця, такія подзвігі здзейснілі Дз. Кокараў, А. Данілаў, С. Гудзімаў, П. Рабцаў і інш. З адзіным жаданнем нанесці як мага большы ўрон фашыстам дзейнічаў 26 чэрвеня пад Радашковічамі лётны экіпаж на чале з капітанам М. Гастэла, які накіраваў падбіты бамбардзіроўшчык на калону немецкай тэхнікі.
Толькі 25 чэр-веня Стаўка загадала генералу Дз. Паўлаву тэрмінова адвесці войскі з беластоцкага выступу на «лінію Сталіна», але ўжо было позна, бо яны трапілі ў акружэнне танкавых армій генералаў Гота і Гудэрыяна.
25 чэрвеня на подступах да Мінска, пад Астрашыцкім гарадком, чырвонаармейцы 100-й дывізіі генерала І. Русіянава з дапамогай бранебойных ружжаў і бутэлек з гаручай сумессю («кактэйль Молатава») здолелі спа-ліць да 100 варожых танкаў. Тым не менш 28 чэрвеня фашыстам удалося захапіць Мінск і тым адрэзаць шляхі да адступлення 11 савецкім дывізіям. Захоп Мінска 28 чэрвеня каштаваў праціўніку стратамі ў 50 тыс. жывой сілы, каля 300 танкаў, звыш 50 самалётаў.
30 чэрвеня генерал Дз. Паўлаў быў вызвалены ад пасады камандуючага фронтам і адкліканы ў Маскву. І. Сталін абвінаваціў яго і групу іншых генералаў фронту ў «баязліўстве», «развале кіравання войскамі» і г. д., пасля чаго яны былі аддадзены пад суд і расстраляны.
У новы склад Заходняга фронту былі ўключаны 7 армій пад агульным камандаваннем генерала А. Яроменкі, але і яму не ўдалося палепшыць стано-вішча. З 2 ліпеня камандуючым фронту быў прызначаны маршал С. Цімашэнка. Пры ім быў завершаны першы этап стратэгічнай абарончай аперацыі на Беларусі (22 чэрвеня – 9 ліпеня 1941 г.). За гэты час фронт страціў (толькі забітымі, трапіўшымі ў палон і прапаўшымі без весткі) 341 073 салдат і афіцэраў, 9427 гармат і мінамётаў, не менш за 4799 танкаў і 1797 самалётаў.
Другі этап звязаны з разгортваннем і ўвядзеннем у дзеянне другога эшалона абароны. Менавіта тут, на Беларусі, бліцкрыг пачаў даваць збоі. У раёне Лепель – Сянно адбылася буйнейшая танкавая бітва 1941 г. з удзелам 1500 машын. 14 ліпеня ў раёне Оршы ўступіла ў бой першая батарэя рэактыўных мінамётаў – БМ-13 пад камандаваннем капітана І. Флёрава. У выніку прасоўванне праціўніка на ўсход было запаволена.
Неўміручай славай пакрылі сябе абаронцы Магілёва – чырвонаармейцы 172-й стралковай дывізіі на чале з генералам М. Раманавым і 12-тысячны атрад апалчэнцаў на чале з сакратарамі гаркама партыі А. Марозавым і І. Хаўкіным. Кожны дом быў ператвораны ў абарончы рубеж. Акружыўшы горад 17 ліпеня, гітлераўцы захапілі яго толькі на дзесяты дзень, пры гэтым страцілі каля 30 тыс. салдат і афіцэраў, шмат танкаў і іншай тэхнікі.
Узор гераізму і ваеннага майстэрства прадэманстравала камандаванне 21-й арміі на чале з генераламі М. Яфрэмавым і В. Гордавым, якая з 12 па 19 жніўня абараняла Гомель ад наступу 25 нямецкіх дывізій, у тым ліку 2-й танкавай брыгады Г. Гудэрыяна. Поруч з кадравымі байцамі абарону горада трымалі 6700 апалчэнцаў. Толькі коштам 80 тыс. забітых салдат, стратай больш за 200 танкаў і 100 самалётаў вораг здолеў захапіць горад. Да верасня 1941 г. група «Цэнтр» акупавала тэрыторыю БССР, разбіла Чырвоную Армію пад Смаленскам і працягвала рухацца на Маскву. У выніку баявых дзеянняў з 22 чэрвеня і па снежань 1941 г. Чырвоная Армія страціла каля 4470 тыс. салдат і афі-цэраў, пры гэтым толькі палоннымі 3725 тыс.
Прычыны катастрафічных для Чырвонай Арміі наступстваў летне-асенняй кампаніі 1941 г. заключаліся, галоўным чынам, у маніякальнай самаўпэў-ненасці І. Сталіна, яго залішняй даверлівасці А. Гітлеру і спадзяванні на непарушнасць пакту аб ненападзе, ігнараванні разведдадзеных адносна часу нападу гітлераўцаў на СССР і стратэгічнага напрамку іх наступлення. Па-другое, па прычыне інспіраваных І. Сталіным рэпрэсій каманднага саставу ў Чырвонай Арміі адчуваўся недахоп вопытных кадраў. У астатнім перамогі вермахта былі забяспечаны ўсім папярэднім ходам яго мабілізацыйнай, ідэалагічнай, тэхнічнай падрыхтоўкі да вайны. Гітлераўцам удалося дэзінфармаваць сталінскі ўрад адносна мэт перакідкі сваіх войск да савецкай мяжы, а затым здзейсніць раптоўны напад на сухапутныя, марскія і паветра-ныя сілы Чырвонай Арміі. Адным з першых вынікаў іх нападу стала страта савецкім камандаваннем рычагоў кіравання сваімі войскамі. Да таго ж, ва ўмовах існавання наступальнай ваеннай дактрыны не кожны ваеннаначальнік мог узяць на сябе адказнасць даць загад да адступлення, таму шмат іх падначаленых або загінулі, або трапілі ў палон.
Мужнасць і гераізм савецкіх байцоў, іх стойкасць у барацьбе за кожную пазіцыю ці населены пункт давалі магчымасць Стаўцы Вярхоўнага Галоўнакамандавання прыступіцца да пераводу краіны на ваенныя рэйкі, адпраўкі папаўненняў на фронт.
Нарэшце самым галоўным вынікам летне-асенняй кампаніі 1941 г. стаў зрыў плана «Барбароса». Пэўную станоўчую ролю ў тым адыгралі абаронцы Беларусі. Група армій «Цэнтр» страціла тут забітымі і па-раненымі каля 150 тыс. салдат і афіцэраў. Тое, што Чырвоная Армія вытрымала ўдар агрэсара і працягвала баявыя дзеянні, умацоўвала ў савецкіх людзях веру ў непазбежную яе перамогу.