6. Падвядзенне вынікаў уроку

7. Дамашняе заданне: с. 3 — 4, адказы на пытанні.

Мая радзіма - беларусь

Тэма: Мы і нашы суседзі

Мэта: даць вучням найбольш важныя і значныя ўяўленні аб нашай краіне.

Задачы:

навучання: пазнаёміць вучняу з размяшчэннем Беларусі на карце Еуропы і выгаднасцю такога геаграфічнага становішча, памерамі яе тэрыторыі, а таксама суседзямі нашай краіны; правесці работу з палтыка-адміністрацыйнай картай Рэспублікі Беларусь, вызначыць яе адміністрацыйныя адзінкі: падзел на вобласці, раёны, сельскія саветы, гарады, пасёлкі і вёскі.

развіцця: развіваць першапачатковыя навыкі работы з картай, фарміраваць уменне адрозніваць гістарычную карту ад сучаснай (палітыка-адміністрацыйнай);

выхавання: выхоўваць у вучняў цікавасць да роднага краю, пачуццё гонару за нашу дзяржаву, удзячнасць свайму лёсу жыць у такой краіне.

1. Арганізацыйны момант

2. Праверка дамашняга задання

Вучні выконваюць тэставыя заданні

1. Дапішы сказ.

Самы вялікі скарб Беларусі – гэта - ______________________ .

2. Наша дзяржава называецца ________________________________ .

3. Поле, лес, рэчка, возера, зямля, па якой мы ходзім, вёска ці горад, у якіх мы жывём, - гэта ўсё _________________________ .

4. Злучы па сэнсе словы з левага і правага слупкоў.

Радзіма	Зямля, якая засталася нам ад бацькоў, а ім ад іх бацькоў — нашых дзядоў.
Бацькаўшчына	Зямля, дзе мы нарадзіліся, якая нам самая родная ва ўсім свеце

5. Чаму наша краіна мае назву Белая Русь? Адзнач знакам «+» правільныя адказы.

Белы колер ва ўсе часы быў сімвалам свабоднага жыцця.

Жыхары краіны ўпрыгожвалі свае дамы белымі тканінамі.

Жыхары краіны насілі белае адзенне і мелі светлыя валасы.

6. Людзі якіх нацыянальнасцей жывуць у Беларусі? Замяніце пытальныя знакі патрэбнымі назвамі.

беларусы

?__________

Шматнацыянальная ?__________

дзяржава яўрэі

татары

?__________

7. Чаму трэба ведаць гісторыю сваёй краіны?

________________________________________________________________

3. Паведамленне тэмы і мэты урока

Настаўнік вызначае задачы, звяртае щвагу вуч­няў на дошку, дзе запісаны назва тэмы, план яе вывучэння і апорныя геаграфічныя лічбы і назвы.

Афармленне дошкі.

Плошча S=207 тыс. км2 Насельніцтва 10 млн. чал. Працягласць Пн. 560 км Пдз. Зах – усх. 650 км

План 1. Месца размяшчэння і тэрыторыя 2. Нашы суседзі 3. Падзел краіны на часткі 4. Насельніцтва Беларусі

Сталіца Мінск Вобласці Мінская Брэсцкая Гродзенская Віцебская Магілёўская Гомельская

4. Вывучэнне новага матэрыялу

Знаёмства вучняў з картай.

Настаўнік прапануе вучням знайсці і прачытаць назву карты. Затым ён тлумачыць, што карта так называецца, таму што на ей паказаны:

1. Межы нашай дзяржавы.

2. Дзяржавы-суседзі, з якімі Беларусь мае агульныя межы.

3. Сталіца Рэспублікі Беларусь.

4. Вобласці і іх цэнтры — галоўныя гарады.

Месца размяшчэння і тэрыторыя.

Адзін з вуч­няў чытае ўслых матэрыял першага абзаца тэмы. Усе астатнія вучні сочаць за чытаннем і думаюць над зместам гэтага матэрыялу. Настаўні прапануе ім адказаць на пытанні:

• Якую асаблівасць мае наша краіна?

• Ці з'яўляецца такое размяшчэнне зручным?

• Якія выгады можа прынесці нашай дзяржаве яе размяшчэнне ў самым цэнтры Еўропы?

Праз Беларусь у іншыя краіны правозіцца шмат роз­ных грузаў. За іх перавозку плацяцца падаткі. Атрыманыя грошы ідуць у дзяржаўную казну. Ад гэтага багацее краіна, больш заможна жывуць яе грамадзяне.

Настаўнік робіць на дошцы карту-схему межаў сучаснай Беларусі.

Карта-схема Латвія Расія

Польшча

Украіна

Па ходу вывучэння матэрыялу тэмы на карту-схе­му настаўнік наносіць геаграфічныя звесткі: плошчу і працягласць тэрыторыі.

Нашы суседзі

Пад кіраўніцтвам настаўніка вучні чытаюць матэрыял наступнага абзаца і знаходзяць на карце межы нашай дзяржавы з суседнімі краінамі. Вакол карты-схемы, якая выканана на дошцы, настаўнік запісвае у адпаведных месцах назвы дзяржаў, з якімі мяжуе Беларусь.

На вялікай палітыка-адміністрацыйнай карце настаўнік паказвае гэтыя межы.

Падзел краіны на часткі

Вучні прыступаюць да чытання і каменціравання матэрыялу трэцяга аб­заца тэмы. Адначасова вядзецца работа з картай дапаможніка. Вызначаюцца межы абласцей, паказваюцца абласныя цэнтры.

Настаўнік паказвае ўсе тэта на вялікай карце.

Затым з вучнямі праводзіцца гутарка. Пытанні для гутаркі:

• Колькі ў Беларусі абласцей?

• Дзе яны размяшчаюцца?

• Якая вобласць знаходзіцца ў цэн­тры краіны?

• Як называецца самая вялікая адміністрацыйная адзінка нашай краіны? (Сама Рэспубліка Беларусь з усёй яе тэрыторыяй.)

• Як называецца самы маленькі населены пункт Беларусі? (Вёска.)

Запаўненне схемы.

Тэрытарыяльныя адзінкі Беларусі

	1. Рэспубліка Беларусь
	2. Вобласць
		3. Раён
		4. Сельскі савет	)
		5. Горад. Гарадскі пасёлак. Вёска

Насельніцтва Беларусі

Гэты матэрыял (апошні абзац) вучні чытаюць самастойна. Настаўнік задае ім наступныя пытанні:

• Хто стварае багацце краіны?

• Ці можна працавітых і таленавітых людзей назваць самым каштоўным скарбам нашай краіны?

• Колькі ў рэспубліцы жыхароў?

Настаўнік у цэнтры карты-схемы ставіць лічбу 10 млн. чалавек, а над ей піша няроўнасць: «гарады > вёскі».