1.6 Сәтсіз жағдайларды тексеру және тіркеу.

«Өндірістегі сәтсіз жағдайларды тексеру және тіркеу туралы жарғыға» сай кәсіпорын аймағында болған, зардап шегуші жұмыс міндеттерін, әкімшіліктің тапсырмасын орындау кезінде кәсіпорыннан тыс жерде болған, сонымен қатар кәсіпорын берген көлікпен жұмысқа келе жатқанда немесе жұмыстан қайтып бара жатқанда болған сәтсіз жағдайлар тексеруге жатады.

Демалыс, мереке күндері, мөлшерінен артық жұмыс атқару кезіндегі, сонымен қатар жұмыс басталар немесе аяқталар алдында өндіріс құралдарын тәртіпке келтіруге қажетті уақыт аралығында және жұмыс күнінің барысында өткен жағдайлар тексеріледі.

Егерде тексерудің нәтижесінде әкімшілік сәтсіз оқиғаның себебі мен жағдайын анықтап, зардап шегуші адам әкімшіліктің рұқсатынсыз өз мақсатында өндіріс құралдарын немесе кәсіпорынның көлігін пайдаланған жағдайда бұл сәтсіз оқиғаның өндіріспен байланысы жоқ деп танылады.

Өндірістегі әрбір сәтсіз оқиға туралы зардап шеккен адам немесе оқиғаны көзімен көрген адам зардап шеккен адамға көмек көрсетуді ұйымдастырып, оны емдеу мекемесіне жіберіп, жоғарыдағы басшыларға жағдайды хабарлап, тексеру жүргенге дейін жұмыс орнындағы жағдай мен құрал жабдықтарды сәтсіз оқиға болған күйінде сақтап отыруды жүзеге асыратын жұмыстың тікелей жетекшісіне немесе шеберге болған оқиғаны жедел түрде жеткізуі қажет.

Кәсіпорын әкімшілігі құрамында цех басшысы немесе арнайы бөлімнің жетекшісі, еңбекті қорғау бөлімінің басшысы (инженер) бар тексеру жүргізетін комиссия құруға міндетті.

Кәсіпорын басшысы бір тәуліктің ішінде сәтсіз оқиғаға тексеру жүргізіп, акт бекітіп, оны цех басшысы мен еңбекті қорғау бөліміне жіберуі керек.

Мұнымен бір уақытта жетекші сәтсіз оқиғаны туындатқан себепті жоюдың іс-шарасын жасауы керек.

Геологиялық барлау ұйымдарының жұмысшыларының жетекшілігімен іс-тәжірибеден өтіп жатқан оқу орнының студенті немесе оқушысы сәтсіз оқиғаға тап болып, зардап шексе, бұл оқиғаны оқу орнының өкілі де қатысатын арнайы комиссия тексереді. Егерде іс-тәжірибе арнайы белгіленген аймақта өтіп, оған оқу орнының өкілі жетекшілік ететін болса, онда бұл жағдайға оқу орыны жауап береді.

Өлімге, ауыр зардапқа әкелетін және топтық сәтсіз оқиғаларды тексерудің арнайы тәртібі бекітілген. Мұндай жағдайларды арнайы тексеру құрамында еңбектің техникалық инспекторы, жоғарыда тұрған ұйым өкілі, кәсіпорын жетекшісі немесе оның орынбасары бар комиссия арқылы жүзеге асады.

«Геологиялық ұйымдар мен топогеодезиялық кәсіпорындар мен мекемелерде тұрмыстық және өндірістік емес жарақаттарды есепке алып тіркеу тәртібі туралы жарғыға» сай тұрмыстық және өзге де өндірістік емес жарақатты тексеру әкімшілік өкілімен жүзеге асады. Егерде жұмысшы бекітілген мерзімде жұмысқа шықпаса, сонымен қатар жұмысшы геологиялық барлау отрядының далалық лагерінде дер кезінде болмаса, әкімшілік кәсіподақ ұйымының өкілімен бірге оның жұмыста болмауының себебін анықтауы керек.

Егерде ол тап болған сәтсіз оқиғаның салдарынан болса, онда бұл факт бекітілген күні тексеру жүргізіліп, сәтсіз оқиғаның себебі мен жағдайы анықталады. Тексерудің нәтижелері бойынша «Жұмысшы немесе қызметкер тап болған өндірістік емес сәтсіз оқиғаны тексерудің актісі» құрастырылады.

Өндірістік емес сәтсіз оқиғаларды тексеріп есепке алу жауапкершілігі әкімшілік пен кәсіподақ ұйымына жүктеледі.