2.8 Электрлі барлау жұмыстары.

Электрлі барлау тұрақты және ауыспалы тоқтың табиғи және жасанды түзілген электрлі өрісін зерттеуге негізделген. 220 В және одан жоғары кернеулі электрлі барлау қондырғыларына қызмет көрсететін жұмысшылар қауіпсіздік техникасы бойынша біліктілік тобына ие болуыы керек. Жұмыс орнындағы жұмысшылар мен инженер-техник жұмысшылар өтіп жатқандардың барлығына қауіптілік туралы ескертіп, аппаратураға, өткізгіштер мен жерлендіргіштерге жақындауға тыйым салулары керек. Күнделікті жұмыс басталғанға дейін барлық жабдықтар мен қорғаныс құралдарының дұрыстылығы мен кешенділігін тексеру қажет.

Геофизикалық жабдықтар 380 В жоғары кернеулі электрлі желілерге қосылуы керек. 42 ауыспалы немесе 110 тұрақты тоқты кернеудегі геофизикалық жабдықтардың металлды бөліктері жерлендірілуі керек. Жерлендіргіштер ретінде қабылдағыш тораптарды да қоректендіретін электродтарды пайдалануға тыйым салынады.

Тұрғылықты жерлердегі қауіпті кернеудің көздері қорғалуы керек, бірақ мұнымен қатар олар қоршалып, бұл жерлерге ескерту белгілері орнатылуы қажет. Құрғақ элементтер мен аккумуляторлардың батарейкалары оқшаулайтын төсемдерге орнатылуы керек.

Биік шөпті, бұталы жерлердегі тұрғылықты жерлерде орналасқан электродтармен қоректенетін 20В жоғары тоқ көзіне қосылатын тораптың бойына «Кернеулі, өмір үшін қауіпті!» деген ескерту белгілері қойылады.

Ұзақ уақыт пайдаланатын жерлендіргіш қондырғылардың орынын егерде олар қорғалмаса және қауіпті тоқ көзіне қосылатын болса, оларды қоршап қою керек. Қоршау мен жақын жердегі электродтың арасы 3 метрден кем болмауы керек.

Қоректендіргіш торап пен оның қосылыстары дұрыс оқшаулануы керек. Оператор қоректендіргіш тораптың қандай жағдайда қойылғанын білуі керек. Тораптың бұзылуы мүмкін болатын қауіпті участоктарда өлшем уақытында күзет қойып, өткізгішке тию мүмкіндігі жойылатындай етіп торапты жатқызу қажет.

Торап пен жерлендіруге қызмет көрсететін барлық жұмысшылар тұрақты түрде оқшауланудың сапасы мен жерлендірудің сенімділігін бақылап отыруы керек. Электр тоғын қосардың алдында оператор тораптың дайындығын тексеріп, жұмыс істеп отырған барлық жұмысшыларды тоқтың қосылғандығы туралы хабардар етуі керек.

Партияның жұмысшылары белгі берудің бекітілген жүйесін білулері қажет.

Найзағай болған уақыттарда жұмысты тоқтатып, қоректендіргіш және қабылдағыш тораптарды аппаратура мен қоректендіргіш көздерден үзіп, қоректендіргіш тораптарда жұмыс жүргізетін барлық жұмысшыларды қауіпсіз жерге жіберуі керек. Найзағайлы күндерде электрлі барлау жұмыстарын жүргізуге тыйым салынады.

Электрлі барлау жұмыстарын жүргізу кезіндегі қауіпсіздік ережелері.

Электрлі барлау жұмыстарын орындаушылар кернеуі бар аппаратуралармен және жабдықтармен жұмыс жүргізе алулары керек, осыған байланысты олардың электрлі қауіпсіздік бойынша біліктілік тобы екіншіден төмен болмауы керек.

Диэлектриктік қорғау құралдарының, блокировкалардың, қоршаулардың, оператор мен жұмысшылардың арасында байланыстың болуы, дұрыстылығы мен кешенділігі күнделікті жұмыс басталардың алдында тексеріліп отырылуы қажет.

Қоректендіргіш және қабылдағыш тораптарда орындалатын барлық технологиялық операциялар партияның барлық жұмысшыларына берілетін команданың, белгі беру мен байланыстың алдын ала қабылданып, бекітілген жүйесі бойынша жүргізіледі.

Электрлі барлау қондырғысының жұмысын геофизик-оператор жүзеге асырады. Тоқты қоректендіргіш желіге қосу туралы бұйрық берердің алдында оператор аппаратураны дайындап, барлық жұмысшыларға өлшемді жүргізу тәртібі туралы нұсқау беріп, қоректендіргіш торапты тексеріп, кемшілік жоқ екендігіне, жерлендіргіштің жұмысы аяқталғандығына көз жеткізуі керек. Электрлі барлау кезінде өнеркәсіптік ылғалдылық жағдайында жұмысты орындааушы қауіпсіз жағдайлардың алдын алатын барлық шаралар туралы толық хабардар етуі керек. Құрғақ құмды топырақ, қарлы және мұзды жерлер, асфальты оқшаулар жақсы оқшаулағыш қасиетке ие болады.

Бақылау сурақтары:

1. Геофизикалық жабдыктар қанша жогары кернеулі электрлі желілерге қосылуы керек?

2. Электрлі барлау қондырғысының жүмысын кім істейді?

3. Электробарлауда қолданытатын қондырғыларды атандар?

4. Электрлі барлау жұмыстарын жүргізу кезіндегі қауіпсіздік ережелерін атандар ?