V.Талдау жұмысы. Өлеңнің құрылысына талдау.

Тау/ды көр/сең// күн кө/зі/мен// та/лас/қан. 11б а

Ас/пан көр/сең //Ай мен Күн/ге/ /жол/ ашқан, 11б а

Ме/нің бай/тақ// Рес/пуб/ли/кам// тау/ла/ры 11б б

Ме/нің кө/гім//-мөл/ді/ре/ген// сол ас/пан. 11б а

Ұйқас-а а б а. Ендеше мұндай өлеңнің ұйқасын қалай атаймыз?

-Қара өлең ұйқасы дейміз,-деп оқушылар жауап береді.

(4 тармақты,3 бунақты,11 буынды қара өлең ұйқасы).

VI. Өлеңді оқығанда дауыс кідірісіне мән беруді оқушыға үйрету керек. Мысалы:

«Тауды көрсең»және «Аспан көрсең»сөз тіркестері көтеріңкі ырғақпен оқылады.Сондай-ақ «Менің көгім», «Таулары»сөздеріне де басқа сөздерден сәл көретіңкі ырғақ бар.Ал лирикалық өлеңнің соңғы тармағы едәуір жоғары ырғақпен оқылады.

Өлеңнің әуені ашық дауыспен,анық,қисынды (логикалық паузамен) кідіріспен оқылады.

Өлеңде туған елін,жерін сүйген ақынның таза сырлы сезімі бейнеленген. Ақын өз сезімі арқылы оқушыларды өз Отанын сүюге жетелейді.Өлеңді мәнерлеп, түсініп оқудың өзі жоғарыдағы мақсатқа бағындырылуы тиіс.

Оқушылар өлеңді тағы да бір рет мәнерлеп оқиды.Мұғалім өлең әсерін байқау үшін және жеке түсініктермен толықтырып,білімдерін жинақтау үшін,эвристикалық әңгіме қолдану қажет болады.Оқушылармен бірге өлеңнің идеясын,стилін,лирикалық кейіпкерді,ақын көтерген мәселені,тіл көркемдігі туралы әңгімелесіп,өлең жайындағы оқушы білімі қорытындыланады.

-Балалар,өлең сендерге ұнады ма?Несімен ұнады?Қандай әсер алдыңдар?

-Өлең ұнады.Өлеңді оқығанда кеудемді мақтаныш сезімі биледі.Қазақстанда туғаныма,өмір сүргеніме қуандым.Өлең жеңіл оқылады.

-Өте дұрыс айттыңдар.Өлең Отанға деген сүйіспеншіліктен ғана тұрады.Осы өлеңді қандай күндері оқуға болады деп ойлайсыңдар?

- «Республика күні»мерекесінде.

-Ол үшін не істеуіміз керек?

-Өлеңді жатқа оқуымыз керек.

Сабақ соңында «Республиканың фотокүнделігі»атты фотомонтаж немесе диафильм көрсетсе,сонымен бірге Б.Тілеухановтың «Елім менің»немесе Ш.Қалдаяқовтың «Менің Қазақстаным» әнін үнтаспадан,мүмкін болса, оқушылардың өздері орындағаны дұрыс болады.

VII. Үйге тапсырма: «Менің Республикам», «Менің елім», «Туған жердей жер болмас», т.Б. Тақырыптарына оқушылар қабілеттеріне қарай шығарма, сурет,ән,өлең жазып келу тапсырылады.

Сабақ №28 « »________2012 жыл

Сыныбы : 5

Сабақтың тақырыбы: Қ.Шаңғытбаев «Сабалақ».

Сабақтың мақсаты:Қуандық Шаңғытбаевтың өмірі мен шығармашылығымен таныстыру;Абылай есіміне байланысты жырларын талдай отырып,Абылай бейнесін жан-жақты ашу;оқушыны өз пікірін пайымды жеткізе білуге баулу,сөздік қорын молайту.

Сабақтың түрі:білімін жетілдіру.

Сабақтың әдістері:сұрақ-жауап,топтық жұмыс,топтастыру,т.б.

Сабақтың барысы:

І.Ұйымдастыру бөлімі.