- •Беларускі дзяржаўны універсітэт культуры і мастацтваў Мастацка-дэкаратыўнае вырашэнне свята вуЧэБна-метадычны комплекс
- •Тлумачальная запіска
- •Тэматычны план
- •Змест курса ііі семестр Уводзіны
- •Раздзел і. Матэрыяльная культура Беларусі ў кантэксце сучаснага свята
- •Іv семестр
- •V семестр
- •Раздзел іі. Сцэнаграфія свята
- •VI семестр
- •Viі семестр
- •VIII семестр
- •Іх семестр
- •Раздзел ііі. Работа мастака-пастаноўшчыка над комплекснай сцэнаграфіяй свята
- •Разгорнуты тэматычны план Курса “Сцэнаграфія відовішчаў і свят”
- •Тэматыка і метадычныя указанні да практычных і дробнагрупавых заняткаў
- •V семестр – 3 к
- •VI семестр – 3 к
- •Viі семестр – 4 к
- •VIII семестр – 4 к
- •Метадычныя указанні для самастойнай работы студэнтаў: тэматыка, графік кантролю за срс.
- •Літаратура
- •V семестр – 3к
- •Літаратура
- •Пытанні да экзамена па прадмеце “Сцэнаграфія відовішчаў і свят”, 3 курс, V семестр.
- •Пытанні за заліку
- •Індывідуальныя заданні студэнтаў ііі семестр
- •Іv семестр
- •V семестр
- •VI семестр
- •Viі семестр
- •VIII семестр
- •Іх семестр
- •Выкарыстанне тс, аўдыёвідэаматэрыялаў
- •Матэрыялы дыдактычнага характару у дапамогу засваення курса сімволіка свята
Іv семестр
Тэма 3. Матэрыяльная культура Беларусі ў кантэксце сучаснага свята.
Архітэктура Беларусі. Культавыя помнікі, замак-палац, горад, мястэчка, вёска (узнікненне, маркіроўка, сацыяльная прыналежнасць і інш.).
Культавае дойлідства, знакавасць, сімволіка, стылістыка. Старадаўнія паганскія сакральныя (культавыя) святыні Беларусі: горы, узгоркі, курганы, пячоры, могілкі; святыя камяні (следавікі, камяні-караўцы, камяні-шаўцы і інш.); каменныя і драўляныя (абракальныя і прыдарожныя) крыжы; святыя крыніцы, калодзежы; рэкі, вытокі рэк, азёры, балоты; святыя дрэвы, гаі, дарогі, лашчыны, іх назвы, легенды і паданні пра іх. Паходжанне назваў гарадоў, вёсак і г.д., легенды і паданні. Старадаўнія прозішчы і імёны. Асноўныя стылі, уласцівыя культаваму мастацтву Беларусі. Мецэнацтва. Іеарахічнасць і супадпарадкаванасць.
Асаблівасці горадабудаўніцтва Беларусі (гандлёвы пляц, ратуша, гандлёвыя рады, канфесійныя святыні).
Замкі, палацы і сядзібныя ансамблі Беларусі. Узнікненне, сацыяльная прыналежнасць, сімвалічнае і функцыянальнае значэнне. Каралеўскія і вялікакняжацкія замкі і палацы. Замкі і палацы магнатаў ВКЛ. Стылістыка. Замкавы і палацавы інтэр’ер. Шляхецкія маёнткі Беларусі, інтэр’ер шляхецкага дома. Садова-паркавае мастацтва Беларусі.
Народнае дойлідства Беларусі. Паняцці “дом”, “сядзіба”, “хата”, “гаспадарчыя пабудовы”. Традыцыйныя месцы пабудовы (стаўленне да вады, дарогі, перакрыжаванняў і інш.). Асаблівасці аб’ёмнага планавання сядзібы (вяночная, пагонная сістэма, хаатычны тып, змешаны тып). Гісторыка-этнагарафічныя асаблівасці народнага дойлідства на тэрыторыі Беларусі. Вонкавае аздабленне сядзібы і хаты: франтон, вільчак, аканіцы; салярныя знакі і іншыя абярэгі. Духі-насельнікі сядзібы, поля, агароду.
Хата, інтэр’ер хаты і яго сімволіка. Абрадавыя дзеянні пры выбыры месца пабудовы, будова і абжыванне хаты. Сімволіка дома па вертыкалі і гарызанталі. Інтэр’ер хаты і яго сімволіка. Агонь духоўны (чырвоны кут) і агонь Роду (печ). Сімволіка печы па вертыкалі. Сімвалічны падзел прасторы хаты. Духі-насельнікі хаты.
Хатняе начынне і яго сімволіка. Сімволіка і семантыка побытовых рэчаў ў святочнай культуры і ў штодзённым жыцці. Касмалогія (качарга, засланка, патэльня, рэшата), дэманалогія (жырандоль, венік), касмагонія (грэбень, хлебная лапата), антрапамарфізмы (гаршчок, дзяжа, лыжка), эратызмы (ступа і таўкач, хамут). Прылады працы і іх сімволіка (нож і сякера, серп, іголка, барана і інш.). Дэкаратыўна-прыкладное мастацтва Беларусі (мастацкая апрацоўка дрэва, кавальства, ткацтва, вышыўка, кераміка, салома- і лозапляценне, выцінанка і інш.) і яго месца ў штодзённай і святочнай культуры. Рэгіянальныя асаблівасці і цэнтры вытворчасці. Майстэрня каваля як фактар паратэатральнага дзеяння.
Формы выкарыстання матэрыяльнай культуры Беларусі ў сцэнаграфіі сучаснага свята. Інтэр’ер, творы дэкаратыўна-прыкладнога мастацтва як сцэнаграфічны сродак гістарычнай і сацыяльнай характарыстыкі падзей, персанажаў у паратэатральным дзеянні. Сцэнаграфія “Раскіданага гнязда” па п’есе Я. Купалы ў пастаноўцы Рускага драматычнага тэатра.
Практычныя заняткі
Выкарыстанне ведаў пра ўзнікненне, сацыяльную прыналежнасць, сімвалічнае і функцыянальнае значэнне, стылістыку культавай і свецкай архітэктуры ў сцэнаграфіі свят. Магчымае месца правядзення свята і выкарыстанне архітэктурнага ландшафту ў сцэнаграфіі свята.
Методыка аналізу прапанаванага прадметнага асяроддзя. Пераасэнсаванне мастацкай, эстэтычнай і культурна-гістарычнай вартасці прадметнага асяроддзя.
Аналіз прапанаванага студэнтам выяўленчага і факталагічнага матэрыялу і магчымасцяў яго выкарыстання ў мастацка-дэкаратыўным вырашэнні свята.
Распрацоўка афармлення сцэнічнай прасторы з выкарыстаннем сімволікі і мастацка-дэкаратыўных асаблівасцей традыцыйнага народнага мастацтва.
Самастойная праца
1. Збор факталагічнага і і візуальнага матэрыялу для мастацка-дэкаратыўнага вырашэння свят:
-- Архітэктура культавая (хрысціянскія храмы і кляштары, сінагогі, мячэці), магнацкая і шляхецкая (замкі, палацы, сядзібы), гарадская (ратуша, гандлёвыя рады, найбольш знакамітыя гарадскія будынкі) вашай мясцовасці. Час узнікнення, мецэнаты, стылістыка. Знакамітыя ўладальнікі.
-- Старадаўнія сакральныя помнікі: капішчы, камяні, святыя крыніцы, святыя гаі, узгоркі, рэкі, дрэвы і інш., якія знаходзяцца на радзіме вашых продкаў. Іх назвы, легенды і паданні пра іх. Легенды і паданні, звязаныя з назвай вашага горада, мястэчка, вёскі.
-- Народнае дойлідства і элементы побыту, тыповыя для вашай мясцовасці.
2. Прапановы па месцы і тэматыцы правядзення свята, магчымасці выкарыстання архітэктурнага ландшафту, легенд і іншага ў сцэнаграфіі прапанаванага вамі свята. Эскіз аздаблення сцэнічнай пляцоўкі з выкарыстаннем сабранага матэрыялу па традыцыйным мастацтве вашай мясцовасці.
Тэма 4. Беларускі народны касцюм.
Паняцці “нацыянальны”, “народны”, “гістарычны” касцюм. Аўтэнтычны касцюм, яго рэканструкцыя, рэстаўрацыя. Сцэнічны касцюм. Касцюм і яго месца ў жыцці, у традыцыйнай святочнай культуры, у сучасных паратэатральных дзеях. Персанажы народнай міфалогіі, іх знешні вобраз-“касцюм” і сімволіка.
Святочна-рытуальны беларускі строй (сямейна-абрадавы) і штодзённы касцюм. Вясельныя строі і іх сімволіка. Пахавальная абраднасць і яе сімволіка ў строі і ручніках. Каляндарна-абрадавы касцюм і ўзроставы цэнз касцюма традыцыйных святочных дзей (Калядкі – дзеці, Калядныя вячоркі, Гуканне вясны, Купалле – моладзь і маладухі, Жніво – сталыя, Дзяды – старцы). Арнамент як сімвалічны код у касцюме.
Семантыка беларускага народнага строю і яго элементаў. Нітка (ніць жыцця, лёсу), тканіна (рытуальныя тканіны). “Космас” традыцыйнага беларускага адзення. Космас-дом-чалавечае цела. Цела – космас -- рытуал. Магічная сіла голага цела і валасоў, чалавечага цяпла. Адзенне – паказчык палавой, класавай, сацыяльнай прыналежнасці. Першае адзенне дзіцяці (новае палатно і чырвоная нітка), другое нараджэнне (праз рукаў, штаніну і інш.). Узроставае апрананне хлопчыкаў і дзяўчынак, стрыжка. Семантыка, семіётыка, сімволіка кашулі, шапкі, фартуха, нагавіц, кажуха, лапцяў. Магія адзення. Выкарыстанне знакавасці адзення ў традыцыйнай і сучаснай штодзённай і святочнай культуры.
Лакальныя асаблівасцці беларускага народнага строю. Элементы мужчынскага і жаночага народнага строю і рэгіянальныя адметнасці. Галаўныя ўборы, фрызуры ў беларускім народным строі, іх семантыка. Сезонны касцюм. Касцюм сацыяльных груп насельніцтва (валхвы, дзеці, старцы і г.д.). Рысы гісторыі і сувязь беларускага народнага адзення з традыцыямі адзення народаў Еўропы: ідэал прыгажосці, структура касцюма, элементы свецкай моды ХV-ХІХ стст. (гарсэт, андарак і інш.), каларыстыка, упрыгожанні, абутак.
Адзенне нацыянальных меншасцей Беларусі. Традыцыйная вопратка яўрэяў, татар, цыган, рускіх і інш. Этнічныя ўзаемаўплывы. Касцюм і асоба. Выкарыстанне адметнасцей адзення, фрызуры пры стварэнні сцэнічнага вобраза.
Практычныя заняткі
Каляндарна-абрадавы касцюм ў сцэнаграфіі свята. Распрацоўка сцэнічнага вобраза праз гіпербалізацыю сімволікі, адметнасцей адзення, фрызуры і інш.
Аналіз сабранага студэнтам іканаграфічнага матэрыялу і прапананых магчымасцей яго выкарыстання ў мастацка-дэкаратыўным вырашэнні свята.
Самастойная праца
1. Збор матэрыялу для мастацка-дэкаратыўнага вырашэння свят.
-- Аналіз элементаў і рэгіянальных адметнасцей народнага строю вашай мясцовасці.
-- Аналіз сімволікі як комплексу, так і элементаў народнага строю.
2. Распрацоўка характарыстыкі вобраза пры дапамозе ведаў пра сімволіку і элементы народнага адзення. Аргументацыя, эскіз, апісанне.