Асноўныя мэты практыкі – авалоданне студэнтамі практычнымі навыкамі, уменнямі і іх падрыхтоўка да самастойнай прафесійнай дзейнасці па атрымоўванай спецыяльнасці. Кожны з відаў практыкі з’яўляецца завершаным элементам адукацыйнага працэсу, мае свае асобныя мэты, задачы і вынікі.

Мэта вучэбнай (азнаямленчай) практыкі – фарміраванне светапогляду будучага спецыяліста па тэорыі, методыцы і арганізацыі сацыяльна-культурнай дзейнасці на ўзроўні пачатковых ведаў сутнасці і навыкаў дадзенай дзейнасці ва ўстановах культуры і мастацтваў.

Задачы практыкі:

1. Пашырыць разуменне і ўяўленні студэнтаў аб будучай прафесійнай дзейнасці.

2. Павысіць інфармацыйна-камунікатыўны ўзровень студэнтаў.

3. Пазнаёміць студэнтаў з сучаснымі тендэнцыямі арганізацыі вольнага часу ў краіне і дапамагчы атрымаць звесткі аб розных тыпах устаноў культуры.

4. Раскрыць асаблівасці арганізацыі выхаваўчага працэсу і ідэалагічнай працы ў сферы вольнага часу, спосабы ўзаемадзеяння паміж арганізатарамі і наведвальнікамі пэўнага культурна-адпачынкавага мерапрыемства.

Календарна-тэматычны план праходжання практык

Раздзелы, назвы практык, тэм	Колькасць тыдняў / гадзін	Форма кантролю	Факультэт культуралогіі і СКД № семестра	Факультэт завочнага навучання № семетра
1	2	3	4	5
РАЗДЗЕЛ І. ВУЧЭБНАЯ ПРАКТЫКА
1.1 азнаямленчая практыка	2/108	залік	4	-
1.1.1 Устаноўчая канферэнцыя. Знаёмства з праграмай практыкі і базавай установай (інструктажы па ахове працы і тэхніцы бяспекі)	9
1.1.2 Знаёмства са статутам і з нарматыўна-прававымі дакументамі, арганізацыйнай структурай і спецыфікай арганізацыі сацыяльна-культурнай дзейнасці ў структурных падраздзяленнях базавай установы	9
1.1.3 Знаёмства з функцыянальнымі абавязкамі і дакументацыяй, за якую адказваюць спецыялісты па СКД	9
1.1.4 Знаёмства з рознымі творчымі (у тым ліку дзіцячымі) калектывамі, вызначэнне формаў работы з імі.	9
1.1.5 Вывучэнне культурных інтарэсаў і захапленняў наведвальнікаў установы і/альбо удзельнікаў калектываў. Сацыяльна-псіхалагічнае даследаванне груп	18
1.1.6 Аналіз планаў працы і сцэнарнага фонду аднаго з аддзелаў базавай установы	9
1.1.7 Удзел у культурна-дасугавых формах пад кіраўніцтвам спецыяліста па СКД	9
1.1.8 Сумесная распрацоўка сцэнарыя, падрыхтоўка і правядзенне адпачынкавай праграмы для дзіцячай аудыторыі з улікам культурных інтарэсаў і захапленняў	27
1.1.9 Афармленне дакументацыі і асабістай справаздачы. Падрыхтоўка выступлення на выніковай каферэнцыі	9
1	2	3	4	5

Змест практык

РАЗДЗЕЛ І. ВУЧЭБНАЯ ПРАКТЫКА

1.1 Азнаямленчая практыка накіравана на далучэнне студэнтаў да будучай прафесійнай дзейнасці праз знаёмства і вывучэнне арганізацыі дейнасці ў розных тыпах сацыякультурных устаноў.

Наведванне ўстаноў сацыяльна-культурнай сферы розных тыпаў. Апісанне арганізацыйнай структуры базавай установы i сістэмы планавання з пункту гледжання структуры і зместу. Вывучэнне асноўных дакументаў уліку і справаздачнасці базавай установы культуры. Азнаямленне са зместам і асаблівасцямі прадпрымальніцкай дзейнасці ў базавай установе. Удзел у арганізацыі і правядзенні культурна-адпачынкавых мерапрыемстваў у якасці арганізатара-метадыста сацыякультурнай дзейнасці. Азнаямленне з комплексам тэхнiчных сродкаў падтрымкi дзейнасцi ўстановы. Удзел у абслугоўваннi i карыстаннi тэхнiчнымi сродкамi ўстановы. Азнаямленне з сістэмай і структурай розных арганізацый і правядзення розных формаў сацыякультурнай дзейнасці, знаемства з мастацкімі калектывамі і клубнымі аб’яднаннямі ўстаноў сацыякультурнай сферы. Ажыццяўленне аналізу якасці арганізацыі культурна-адпачынкавай дзейнасці.

У адпаведнасці з гэтым змест праграмы азнаямленчай практыкі на дадзеным этапе прадугледжвае:

• апісанне арганізацыйнай структуры базавай установы, у рамках якой арганізавана азнаямленчая практыка, і сістэмы планавання працы з пункта гледжання структуры;

• азнаямленне з асноўнымі дакументамі ўліку і справаздачнасці базавай установы культуры і мастацтва, знаёмства з расстаноўкай кадраў і функцыянальнымі абавязкамі супрацоўнікаў.

• азнаямленне з комплексам тэхнічных сродкаў падтрымкі дзеянасці сацыякультурнай установы;

• вывучэнне досведу працы спецыялістаў сацыякультурных устаноў;

• непасрэднае ўключэнне студэнтаў у розныя формы арганізацыі і правядзення сацыяльна-культурнай дзейнасці ва ўстановах культуры і мастацтваў;

• фармаванне ўменняў самастойна дзейнічаць у пэўнай сітуацыі.

Адначасова студэнт ацэньвае характэрныя асаблівасці сацыякультурнай дзейнасці ў адпаведнасці з мадэллю пэўнай установы, ажыццяўляе аналіз якасці арганізацыі СКД.

У дзённіках назіранняў студэнты аналізуюць прагледжаныя праграмы па схеме:

- назва праграмы,

- форма праграмы,

- мэта і задачы праграмы,

- асноўная праблема і ідэя праграмы,

- кароткі выклад зместу праграмы,

- выкарыстаныя выразныя сродкі,

- этычная скіраванасць праграмы,

- колькасць наведвальнікаў і удзельнікаў мерапрыемства,

- прыёмы актывізацыі ўдзельнікаў,

- імідж вядучага,

- музычна-мастацкае афармленне праграмы.

Пасля азнаямленчай практыкі студэнт павінен ведаць:

• нарматыўна-прававыя дакументы, якія рэгламентуюць дзейнасць устаноў культуры і мастацтваў;

• кірункі і змест сацыяльна-культурнай дзейнасці ва ўстановах культуры і мастацтваў;

• спецыфіку сацыякультурных запытаў наведвальнікаў устаноў культуры;

• функцыянальныя абавязкі, этычныя нормы і прынцыпы прафесійнай дзейнасці спецыялістаў сацыяльна-культурнай дзейнасці.

Пасля азнаямленчай практыкі студэнт павінен умець:

• весці ўключанае назіранне за дзейнасцю спецыяліста ўстановы сацыякультурнай сферы;

• аналізаваць і параўноўваць асаблівасці сацыяльна-культурнай дзейнасці;

• выяўляць і апісваць спецыфічныя ўмовы, кірункі і змест дзейнасці базавых сацыякультурных устаноў;

• удзельнічаць у калектыўнай творчай дзейнасці па рэалізацыі задач практыкі;

• будаваць узаемаадносіны са спецыялістамі і наведвальнікамі ўстаноў культуры і мастацтваў;

• удзельнічаць у падрыхтоўцы і рэалізацыі сацыяльна-культурных праграм, якія арганізуюцца на базах практыкі;

• аналізаваць уласную дзейнасць падчас практыкі;

• весці дзённікавыя запісы.