Карысь дышетскисьёслэсь удмурт кылъя быгатонлыкъёссэс эскеронъя ужъёс

1. Ужъёс

1) Текстэз кылзыса (9 класс)/лыдзыса (10, 11 классъёс) валан.

2) «Янгышъёсты тупатъян».

3) Сётэм темая вераськон.

2. Ужъёсты эскерисьёслы дэмланъёс

1. Котькуд ужез вить баллэн дунъяно. Озьы ваньмыз чош 15 балл луоз.

2. 9 классын нырысети ужез быдэстон азьын текстэз дышетись кык пол лыдзыны кулэ. Юанлы валэктон шонер быръемын ке, 5 балл пуктоно, шонертэм ке, 0 баллэн дунъяно. Та ужез быдэстонлы 10 минут висъяно. 10 но 11 классын дышетскись нылпиос текстэз нырысь асьсэ понна сак лыдзыны кулэ. Талы 10-15 минут висъяно. Тестэз быдэстон азьын текстъёссэс октоно. 10-ти классын котькуд шонер валэктонлы 0,5 балл сётоно. Вить шонер валэктон – 5 балл. 11-ти классын котькуд шоне валэктонлы – 1 балл. Ужлы огъя балл – 5. Ужез быдэстонлы 25 минут висъяно. Текстэз валаны юрттись но кулэ ивортон сётись кылъёсты но соослэсь зуч кылэ берыктэмзэс доска вылэ гожтыса сётоно. Та кылъёсын текстэз лыдзон азьы ик тодматоно.

9 класс. «Чильберкион» (Н. Никифоров)

Тунсыкозэ-а тодэмед потиз? – интересное хотел узнать?

Асьме палан – в наших краях, в нашей местности

Чик кылылэме ой вал – я никогда не слышал

Кыр – дикий

Чузъяське – звучит

Веранэз овол – нет слов, нечего сказать

Лекак – резко, злобно

Жингрес – звучно, звонко

Небзытэ – ласкает

10 Класс. Николай Никифоров

Балтась ёросысь – Балтасинского района

Киров улосысь – Кировской области

Зоотехнической ёззэ – зоотехническое отделение

Со удысын ик – в той же области

Тросэз – многие

Кужымзэ эскероно кариськиз – решил себя попробовать

Дасяз – подготовил

Серемес – юмористические

Возьматэ дышетскемзэс, эшъяськон кусыпъёссэс – изображает учёбу, взаимоотношения

Вае синмаськем пияшлы – приносит влюблённому мальчишке

Со вылын возиське – на ней держится

Куддыр – иногда

Берытске – оборачивается

Кыстиське – тянется

Ярамон – подходящих

Берлогес – чуть позже

Дисьтытэкгес – несмело, робко

Ог-огзэсты мур гажаса – с глубоким чувством друг к другу

Кузпалъясько – женятся

11 класс. Лулчеберетэз – калык полы

Шулдыръяськон интыос – увеселительные места, места досуга

Нырысети жыныяз – в первой половине

Кылзисез ас палазы кыскон понна вожвылъяськизы – конкурировали в целях завоевания слушателей

Грампластинкаосы гожтэмъёс – записи на грампластинках

Волмизы – распространились

Борысьгес – чуть позднее

Пушйиз – расцвела

Сьор кунъёсысь – из зарубежных стран

Вазенгес – ещё раньше

Пумазы – в конце

Паськыт – широко

Кунгож сьорысь – из-за границы

Вуэм эстрада гуръёс полын – среди пришедших эстрадных мелодий

Палэнысь «тулкымъёсыз» шодылиз – чувствовала чужие волны

Финн сямзэ оз ышты – финнские традиции (финнское лицо) не утеряла

Финляндие пычамзэ – внедрение в Финляндию

Куашкатэм хозяйствоез выльдонэн чош сьорлось культуралы – вместе с обновлением разрушенного хозяйства для неместной культуры

Усьтиськизы – открылись, распахнулись

Ньылиз – поглотила

Финн калыклэн сямъёсыныз герзаськемзэ – связанную с традициями финнского народа

Пачкатэмын – задавлена, оказалась под прессом

Оз пыдесъяськы – на колени не встала

Вуныны кутскись аспортэмлыкъёссэ но утьыны быгатиз – смогла сохранить и начинающее тразрушаться (исчезать) своеобразие

Туала дырлэн куронъёсызъя выльдиськылиз – обновлялась в духе (соответствуя требованиям) времени

Гужемлы быдэ – каждое лето

Люкаськылэ – собирается

1. Кыкети ужын («Янгышъёсты тупатъян») котькуд шонер тупатэмез 0,5 баллэн дунъяно. Та ужез быдэстонлы 15 минут висъяно.

2. Куинети ужез (сётэм югдурлы веран) эскерыку, одно ик лыдэ басьтоно:

• веранлэн темаезлэсь но пуштросэзлэсь куспазы тупамзэс;

• ужлэн люкетъёсызлэсь борсьысь борсе, куспазы герзаськыса радъяськемзэс;

• предложениын кылъёслэсь удмурт синтаксислэн куронъёсызъя интыяськемзэс;

• текстлэсь лексикая, грамматикая но синтаксисъя узырлыксэ но портэмлыксэ;

• веранлэсь лексикая, фонетикая, грамматикая но синтаксисъя шонерлыксэ;

• дышетскисьлэсь мылкыдзэ но малпанъёссэ возьматэмзэ (наличие собственного мнения);

• текстлэсь быдзалазэ (9 класс – 8-10 предложение, 10-11 классъёс – 10-12 предложение).

Та ужез быдэстонлы 45 минут висъяно.

5. Ужъёсты эскерыны «усьтонъёс» (валэктонъёс) юрттозы.

6. Кылъя вань ужъёсты быдэстонлы 70 минут сётиське.