Лаврентьевская летопись
«В лето 6691. Иде князь Всеволод (на Болгары) со Изяславом Глебовичем сыновцем своим и с Володимером Святославовичем и с Мстиславом Давыдовичем и с Глебовичи Рязанского с Романом и Игорем и со Всеволодом и с Володимером и с Муромским Володимером (и) приде в землю Болгарскую и высед наберег пойде к Великому городу и ста у Тухчина городка и перестояв ту два дни, пойде на третий день к Великому городу. Сторожем наперед ездящим оттоле же Белозерскии полк отряди к лодьям, а воеводство де Фоме Лазковичю пошедшю же князю в поле узрема наше сторожеве полк в поли и мняху Болгарьскыи полк и поехаша пять муж ис полку того и удариша челом перед князем Всеволодом и сказаша ему речь: кланяются, княже, Половци Емяковы, пришли есмы со князем Болгарскым воевать Болгар. Князь же Всеволод зздумав с братьею своею и с дружиною води их в роту в Половецькую поима их поиде к Великому городу и приде князь к городу и перешед Черемисан в первый день наряди полкы, а сам поча думати с дружиною. Изяслав же Глебович, внук Юргев, доспев с дружиною возма копьё потече к плоту, кде бяху пеши, вышли из города твердь учинивше плотом. Он же въгнав за плот к воротом городным изломи копьё и ту удариша его стрелою сквозь броне под сердце и принесоша и ле жива в товары. Болгаре же из города и в Собекуля и из Челмата поидоша в лодья, а ис Торцькаго на коних на лодьи наши и приехавше им на лодье. Наши же Божьей помощью укрепляеми поидоша против их. Они же видевши побегоша, а наши погнаша секуще поганыя Бохмиты и прибегоша к Волзе (въскакаша) в учаны и тако истопиша боле тысячи их.
Божьим гневом гоними и святою Богородицею и Всеволода князя молитвою князь же Всеволод стояв около города десять дней. Видев брата изнемагающа и Болгаре выслалися бяху к нему с Миром, поиде опять к исадом и ту на Исаде Бог поя Изяслава и вложиша и в лодью, князь же Всеволод възвратился в Володимер, а коне пусти на Мордву…».
Источник: Полное собрание русских летописей. Т.I. Лаврентьевская летопись. — М., 1962. — С. 390.
Приложения II.
Ипатьевская летопись
«Того же лета Всеволод Гюргович князь Суждальский и зарати с Болгары и присла ко Святославу помощи прося и пусти к нему сына своего Володимера, реке ему дай Бог брате и сыну во дни нашем нам створити брань на поганыя. Бысть идущим по Волзе на Болгары, поидоша на место, идеже остров нарецаемый Исады, устье Цевце высед на брег, и ту оставиша все насады и галее и Белозерьский полк, остави же у них Фому Назаковича, а другого Дорожая, то бо бяшь ему он слуга, иные воеводы оставиша и князи когождо у своих у лодий сами же поидоша на конях в землю Болгарскую к великому городу Серьбреных Болгар. Болгаре ж видевше множество Руских полков не могоша стати, затворишася в городе, князи же молодеи ухватишася ехати к воротам биться и ту застрелиша сквозь броне под сердце Изяслава Глебовича, сыновца Всеволожа и принесоша ле жива в товары и бысть печаль велика Всеволоду и всим князем и дружине уныние. Окольние же городе Болгарскии, Собекуляне и Челмата, совокупишася со инеми Болгары, зовемыми Темтюзи, и совокупишася их 5000 идоша насады, а ис Торьцького на коних приехавшим на лодье Руское и вышедше на остров тот и поидоша на Русь. Русь же доспевше полк, Божьею помощью укрепляеми, и поидоша противу им и сняшася с ними: они же видевше побегоша, а наши погнаша секуще поганыя Бохмиты: и прибегоша к Волзе и воскакаша во вчаны, и ту абъе испровергоша учан, и тако истопиша боле тысячи их. И поможе Бог Руси, и победиша я, избиша их полтретьи тысяче, а прочии поидоша к лодьям, не ведуще бывшаго, оже лодьиници до них победиле полк Болгарьский; и похвалиша Бога о бывшем. На том же острове и носаде их преставися князь Изяслав Глебович от стрелнои тои раны и спрятавше тело его и вложиша в лодью и несоша и со собой и положиша Володимере у святой Богородице Золотоверхои».
Источник: Полное собрание русских летописей. Т. II. Ипатьевская летопись. — М., 1962. — С. 626.
Приложение III