- •С. Р. Курсевіч
- •Патрабаванні да ведаў, уменняў і навыкаў студэнтаў. У выніку засваення курса студэнт павінен:
- •1. Лекцыйны матэрыял
- •1.1. Метадычныя рэкамендацыі па арганізацыі
- •1.2. Скарочаны змест курса па гісторыі Беларусі
- •2. Самастойная праца студэнтаў
- •2.1. Метадычныя рэкамендацыі па арганізацыі
- •2.2. Пытанні для самастойнага вывучэння студэнтамі Экзаменацыйнае пытанне 2. Славянская каланізацыя Усходне-Еўрапейскай раўніны.
- •3. Семінарскія заняткі
- •3.1. Методыка падрыхтоўкі і правядзення семінарскіх заняткаў
- •3.2. Планы семінарскіх заняткаў
- •Дадатак а Прыкладныя экзаменацыйныя пытанні па курсу «Гісторыя Беларусі (у кантэксце сусветных цывілізацый)»
- •Дадатак б Храналогія асноўных падзей гісторыі Беларусі
- •Ад старажытнасці да канца XVIII ст.
Патрабаванні да ведаў, уменняў і навыкаў студэнтаў. У выніку засваення курса студэнт павінен:
а) ведаць:
асноўныя гістарычныя паняцці і катэгорыі;
асноўныя гістарычныя персаналіі;
асноўныя даты і падзеі ў гісторыі Беларусі;
агульнае і асаблівае ў гістарычным развіцці Беларусі;
месца і ролю Беларусі ў славянскай і еўрапейскай гісторыі;
б) умець характарызаваць:
асноўны змест гістарычнага развіцця Беларусі па перыядам;
сацыяльна-эканамічныя, дзяржаўна-палітычныя, рэлігіёз-на-царкоўныя, этнічныя і культурныя працэсы на Беларусі асоб-ных перыядаў;
асноўныя дасягненні развіцця адукацыі, навукі і мастацкай культуры, іх узаемасувязь з сацыяльна-эканамічным і палітыч-ным жыццём;
творчасць знакамітых дзеячаў культуры і палітыкі;
в) умець аналізаваць:
асноўныя гістарычныя падзеі;
ролю асобы ў тых альбо іншых гістарычных працэсах;
гістарычныя крыніцы, дакументы і матэрыялы;
агульнае і асаблівае ў гісторыі Беларусі;
розныя праблемы сацыяльна-эканамічнага, дзяржаўна-па-літычнага, рэлігійнага характару ў кантэксце сусветнай гісторыі з улікам цывілізацыйнай характарыстыкі;
г) набыць навыкі і ўменні:
параўноўваць розныя крыніцы;
абагульняць матэрыял і рабіць вывады;
характарызаваць і аналізаваць гістарычныя з’явы, працэсы, падзеі;
самастойна працаваць з апорнымі канспектамі, схемамі, вучэбнай і дадатковай літаратурай і крыніцамі;
займаць самастойную, аргументаваную і крытычную пазіцыю ў абмеркаванні тых альбо іншых гістарычных падзей, праблем і працэсаў, даваць ім ацэнку;
спалучаць элементы цывілізацыйнага і фармацыйнага ме-тадаў.
Структура дапаможніка. Дапаможнік напісаны з мэтай паглыблення і сістэматызацыі ведаў студэнтаў па айчыннай гісторыі. Распрацаваны ў адпаведнасці з тыповай вучэбнай праграмай для ВНУ па курсу «Гісторыя Беларусі (ў кантэксце сусветных цывілізацый)», якая зацверджана Міністэрствам адукацыі Рэспублікі Беларусь 24 студзеня 2000 г. (рэгістрацыйны нумар № ТД-67/ціп.), і адукацыйным стандартам, які зацверджаны і ўведзены ў дзеянне загадам Міністэрства асветы Рэспублікі Беларусь ад 6 ліпеня 1999 г. за № 436. Вучэбна-метадычны дапаможнік для самастойнай работы студэнтаў дзённай і безадрыўнай форм навучання складзены з дзвюх частак. У першую частку ўключаны асноўныя пытанні па гісторыі Беларусі ў храналагічнай паслядоўнасці ад старажытнасці да канца XVIII ст. У другой частцы ахоплены перыяд з канца XVIII да пачатку ХХІ ст.
Першая частка дапаможніка складзена з трох раздзелаў, рэкамендаванай літаратуры і двух дадаткаў.
У першым раздзеле змешчаны метадычныя рэкамендацыі па арганізацыі працы на лекцыях і кароткія даведкі аб важнейшых падзеях гісторыі Беларусі ад старажытнасці да канца XVIII ст., якія ў асноўным адпавядаюць фармулёўкам пытанняў экзамена-цыйных білетаў. Таксама змешчаны некаторыя тэрміны і паняцці, структурна-лагічныя схемы, радаводы князёў. Дадзены пытанні для самакантролю і заданні, якія адпавядаюць лекцыйна-му курсу і дазволяць студэнтам больш глыбока і выразна вызначыць месца і ролю Беларусі ў славянскай і еўрапейскай гісторыі, агульнае і асаблівае ў яе гістарычным развіцці.
У другі раздзел уключаны метадычныя рэкамендацыі па арганізацыі самастойнай працы студэнтаў, пытанні для самастойнага вывучэння студэнтамі. Дадзены пытанні для самакантролю і заданні. Сістэматычнае, удумлівае чытанне і канспектаванне рэкамендаванай літаратуры і крыніц па тэме будуць садзейнічаць глыбокаму разуменню сэнсу гістарычнага працэсу, фарміраванню навыкаў самастойна складаць апорны канспект, схемы, працаваць з вучэбнай і дадатковай літаратурай, крыніцамі.
У трэцім раздзеле змешчаны парады па падрыхтоўцы і правядзенню семінарскіх заняткаў, тэмы семінарскіх заняткаў і рэкамендаваная літаратура, вывучэнне якой павінна спрыяць паглыбленню, удакладненню і абагульненню ведаў.
Спіс літаратуры складзены з крыніц, асноўнай і дадатковай літаратуры. Работа з крыніцамі дазволіць студэнтам скласці асабістае, незалежнае меркаванне пра тыя альбо іншыя гіста-рычныя падзеі. Вялікая колькасць навуковых даследаванняў і дакументаў, падручнікаў розных аўтараў, якія выражаюць роз-ныя погляды на сацыяльна-гістарычныя працэсы, даюць магчы-масць разглядаць палітыка-ідэалагічныя пазіцыі і садзейнічаць фарміраванню аб’ектыўных ведаў пра іх.
Дадатак А, які складзены з прыкладных экзаменацыйных пытанняў па курсу, і дадатак Б, які складзены з храналогіі асноўных падзей гісторыі Беларусі, дазволяць праверыць і замацаваць веды.
Такім чынам, дадзены дапаможнік дазволіць зберагчы час на лекцыях, не рабіць іх запіс, што будзе садзейнічаць актыўнаму, асэнсаванаму ўспрыманню і трываламу засваенню вучэбнага матэрыялу, пазнаёміцца з рознымі канцэпцыямі і з рознымі поглядамі гісторыкаў і аўтараў вучэбных дапаможнікаў для ВНУ на аб’ектыўную гісторыю. Адначасова такі дапаможнік будзе спрыяць лепшай падрыхтоўцы студэнтаў да семінараў, экзамена і напісання пісьмовых работ па пройдзеных тэмах альбо раздзелах курса.