Мазмұны

1	Кіріспе	6
	Жұмыс учаскесінің экономикалық және физико-географиялық жағдайы	8
	Объект туралы мәліметтер	10
	Құрылыс салу ауданындағы топографиялық және геодезиялық материалдарды талдау	12
2	Геодезиялық толықтыру торларын жобалау
	Пландық толықтыру торларын жобалау	15
	Биіктік толыктыру торларын жобалау	25
	Толықтыру торларының дәлдігін бағалау	28
	Құрылыс торын жобалау және жобаны бағалау	30
	Құрылыс объектілерінің территориясында геодезиялық пункттерді бекіту	34
3	Геодезиялық бөлу жұмыстары
	Бөлу жұмыстарының принциптері	36
	Бөлу жұмыстарының дәлдік нормалары	38
	Бөлу жумыстарының элементтері	42
	Құрылыстың негізгі өстерін бөлу тәсілдері	46
	Жобаны геодезиялық дайындау	56
4	Жобалау және іздестіру жұмыстары кезіндегі қоршаған ортаны және еңбекті қорғау
	Еңбекті қорғау туралы жалпы түсінік	60
	Жобалау және іздестіру жұмыстары кезіндегі еңбек қауіпсіздігі талаптары	63
	Жобалау және іздестіру жұмыстарының қоршаған ортаға әсері	66
5	Топографо-геодезиялық жұмыстарды экономикалық негіздеу, ұйымдастыру және құрылыс технологиясы
	Технико-экономикалық негіздеу есебі	70
	Құрылыс жұмыстарын ұйымдастыру және оның технологиясы	77

	Қорытынды	82
	Қолданылған әдебиеттер тізімі	83

Кіріспе

Қазақстан экономикасының локомотиві деп соңғы бірнеше жылда құрылысты атап келеді. Күндер, айлар, жылдар санап салынып жатқан құрылыстар халқымыздың игілігі үшін қолданысқа берілмек.

Құрылыс – материалдық өндіріс саласы, негізінен әр түрлі үйлер мен ғимараттарды салумен, салынып жатқан нысандарды іске қосуға байланысты жабдықтарды монтаждаумен шұғылданады.

Биылғы Жолдауында Елбасы Нұрсұлтан Назарбаев бүгінде өзекті саналып отырған құрылыс саласына аса назар аударды. Осының негізінде 2015 жылға дейінгі құрылысты дамыту бағдарламасы анықталды. Соның ішінде тұрғын үй құрылысын қолдауға бөлінетін қаражаттың жалпы сомасын биылғы Жолдауында: «Тұрғын үй құрылысын қолдауға және үлескерлер мәселесін шешуге 545 миллиард теңге бағытталды», деп Елбасы мәлім етті. Бұл 3 миллиардтан астам АҚШ долларын құрайды.

Қазақстанның әлемнің дамыған 30 мемлекетінің қатарына қосылуының басымды бағыттардың бірі білім беру жүйесін дамыту болып табылады. 3-6 жастағы балаларды мектепке дейінгі мекемелермен жүз пайыз қамтамасыз ету аса маңызды мәселелердің бірі. Сонымен қатар, оқу орындарының жетіспеушілігі мәселесін жою және барлық мектептерді екі ауысымдық оқуға ауыстыру міндеті қойылып отыр.

Бүгінгі таңдағы құрылыс өндірісі геодезиялық жұмыстарсыз мүмкін емес. Инженерлік – геодезиялық жұмыстар құрылыстың барлық кезеңінде жүргізіледі және оның соңғы кезеңіне дейін бақылауды қамтамасыз етеді. Геодезиялық жұмыстарды жеткілікті білмеу құрылысты салу кезіндегі қателіктерге әкеледі және осы құрылыстың сапасына тікелей әсер етеді.[1]

Құрылыс саласын дамытудың бір бағыты тұрғын үй құрылысын, соның ішінде үлескерлердің қатысуымен құрылыс талаптарын қатайту болмақ.

Бірнеше қабатты күрделі құрылыстарды салуда, құрылыс өндірісін жан- жақты қамтамасыз етуде геодезиялық қызмет келесі жұмыс түрлерін орындайды: алаңдар мен трассалардың топографо – геодезиялық ізденістері; құрылыс үшін пландық және биіктік геодезиялық негізді жобалау, тұрғызу және қабылдау; құрылыс процесінде геодезиялық бөлу жұмыстарын орындау,құрылыс – монтаждық жұмыстарды орындаудың дәлдігін бақылау; салынып жатқан ғимарат немесе құрылыстың ақауы (деформациясы) мен жылжуын геодезиялық бақылау.

Топографиялық – геодезиялық іздестіру құрылыс алаңында пландық және биіктіктік тірек торларын құруды, алаңның ірі масштабты топографиялық түсірісін, сызықтық құрылысты трассалауды, гидрологиялық тұстаманың, геофизикалық барлаудың нүктелерінің геодезиялық байланысын қарастырады.

Құрылыс алаңында геодезиялық жұмыстар барысында өлшеу мен есептеулер жүргізу үшін жаңа лазерлі және автоматтандырылған құралдар жүйесі қолданылады. Бұл аспаптар қолданылуы бойынша өте ыңғайлы және құрылыстары қарапайым, әрі өлшеу кезінде уақыт үнемдеуге септігін тигізуде.

Инженерлік–геодезиялық жобалау құрылыс жобасын өңдеу жұмыстарының кешеніне кіреді және қажетті масштабта пландар мен сызбалар түріндегі топографиялық негіз құрудан, жобаны жер бетіне шығару үшін геодезиялық дайындық жұмыстарынан және т.б. тұрады.

Құрылысты бөлу немесе жобаны жер бетіне шығару деп жобаның жұмыс сызбаларына сәйкес жер бетінде салынып жатқан ғимараттың нүктелері мен жазықтықтарының пландық және биіктіктік орнын анықтау үшін жасалатын геодезиялық жұмыстарды айтады. Мазмұнына қарай бөлу жұмыстары түсіру жұмыстарына қарама-қарсы.Бөлу жұмыстарының құрамына бөлу негізін триангуляция, полигонометрия, бөлу негізінен құрылыстың басты өстерін жер бетіне шығару, фундамент, жер асты коммуникациясы, ғимарат құрылыстары үшін дәл бөлу жұмыстары түріндегі құрылыстар тұрғызулар кіреді.

Құрылыс жүргізілетін аудандарда геодезиялық жұмыстардың негізінде өлшеу және есептеулерді дұрыс әрі нақты алу үшін қазіргі таңда жаңа лазерлі және автоматтандырылған құралдар жүйесі қолданылады. Заман талабына сай осындай аспаптар уақытты үнемдеуге, сапалы жұмыс нәтижесін беруге мүмкіншілік береді.

Кез келген инженерлік–геодезиялық жұмыстарды орындау кезінде дәлдік есебі берілген бағыттар қателерінің әсерін және олардың шектік мөлшерін есепке ала отырып жасалады.

Дипломдық жобама түрткі болған обьектім Астана қаласы, Есіл ауданы Орынбор және Хусеин Бен Талал көшелер қиылысында орналасқан «Назарбаев зияткерлік мектебі» жобалау және салуда орындалатын инженерлік-геодезиялық жұмыстар.

Дипломдық жобаның негізгі мақсаты –құрылыстарды салу және жобалау кезінде атқарылатын геодезиялық жұмыстар ретін топтастыру, оларға талдау жасау, құрылыстағы геодезиялық қамтамасыз ету мәселелерін талқылау және оларды оңтайландыру жолдарын қарастыру, құрылыс жүргізу аймағының жоспарлары мен сызбаларын жасау, сонымен қатар шектеулерге сәйкес келетін есептеулер орындау болып табылады.

Дипломдық жобаның негізгі міндеттері:

− жұмыс орындалатын ауданның экономикалық, физико-географиялық жағдайын және топография - геодезиялық материалдарын зерттеу;

− геодезиялық толықтыру торларының құрылыс учаскесінде пландық және биіктік негізін жасау және сәйкес есептеулер орындау;

− толықтыру торларының дәлдігін бағалау;

− геодезиялық бөлу жұмыстарына, оның дәлдік нормаларына, бөлу әдістері мен элементтеріне толық сипаттама беру және құрылыс ауданының бөлу жұмыстарының есептеулерін және материалдарын зерттеу;

− топографиялық – геодезиялық жұмыстар кезіндегі еңбекті және ортаны қорғау мәселелеріне тоқталу;

− ауданның экономикалық сметасын есептеу және құрылыс технологиясын ұйымдастыру жұмыстарына талдау жасау;

1. Жұмыс жүргізу ауданы туралы жалпы мәлімет

Жұмыс учаскесінің экономикалық және физико – географиялық

жағдайы

Астана — Қазақстан Республикасының елордасы. Астанада 852 985 адам тұрады (1 қаңтар 2015). Қазір қаланың аумағы 200 км² алып жатыр. Қала Қазақстанның орталық бөлігінің солтүстігінде Ақмола облысында, Есіл өзенінің алабындағы өзен маңы жазықтығында орналасқан.Осылардың ішінде менің алған құрылыс обьектім болып −Астана қаласының Аль-Фараби даңғылының оңтүстігімен Дулатов даңғылының солтүстігік қиылысында орналасқан «Даулет» тұрғын кешені. Кешен жобасының орналасқан жері құрылыс салу үшін жер таңдау актісі арқылы комиссиямен анықталған. Обьект орналасқан аймақтың ғарыштық келбеті өте күрделі болып келеді, ол арқылы обьектінің дәл келбетін алуға болады. ( 1-сурет)

Сурет 1. Обьект орналасқан аймақтың ғарыштық келбеті.

Белгіленген аймақтағы ауа температурасы әртүрлі. Жазы ыстық және қуаң. Ен ыстық ай— Шілде –Тамыз.Ен суық ай — Қаңтар. Шілде айының орташа температурасы солтүстігінде 25С, оңтүстігінде 27С, ал тау бөктерінде 21-23С, тау аңғарларында 19-22С. Жылда 600-650 мм жауын-шашын болады. Температураның орташа айлық, жылдық және экстримальды мәндері мен ауаның салыстырмалы ылғалдылығы төмендегі 1-кестеде көрсетілген. Алаң орналасқан аймақтың климаты негізінен континенттік. Қысы қоңыржай салқын. Қаңтар айындағы орташа температура солтүстік жазық бөлігінде — 1-16С, оңтүстікте — 4-9С. Тау бөктерінің климаттық жағдайы жұмсақ. Қаңтар айының орташа температурасы — 5-9С, жылымық жиі болып тұрады. Төмендегі 2-суретте белгіленген аумақтағы ауа температурасы көрсетілген.[2]

Жазық өңірлерде жауын-шашынның орташа жылдық мөлш. 110-250 мм. Жауын-шашын тау бөктерінде 400-600 мм, тау аңғарларында 700-1000 мм. Бұл жерлерде жауын-шашын негізінен көктеммен жаз айының басында жауады.

Кесте 1 Температураның орташа айлық, жылдық және экстримальды мәндері мен ауаның салыстырмалы ылғалдылығы

Ай	I	II	III	IV	V	VI	VII	VIII	IX	X	XI	XII	Жыл
tmax	18,2	19,0	28,0	33,2	35,1	39,3	43,4	40,5	38,1	31,1	25,4	19,2	43,4
t ºс	5	7	24	33	38	40	42	42	38	30	18	8	42
tmin	-30,1	-37,7	-24,8	-10,9	-7	-2,0	7,3	4,7	-3	-11,9	-34,1	-31,8	-37,7
r¸%	34	49	75	107	106	57	46	30	27	60	56	42	684

Солтүстік өңірдің жазығы мен тау бөктерлерінде қар жамылғысының орташа қалыңдығы 10-30 см, тау беткейлерінде 40-100 см. Балқаш және Алакөл жағалауларында бриз желі соғады. Аймақта қыста жаңбыр жауса мүмкін.

t ⁰c

Айы

Сурет 2. Белгіленген аумақтағы ауа температурасы

«Сейсмикалық аудандардағы құрылыс» СНиПҚР 2.03-30-2006 жаңа құ-рылыстық нормалармен ережелер талаптарына олардың сәйкестік затына Алматы қаласында салынып жатқан құрылыс ғимараттарының сейсмотөзімділік бағасының критерийлері жасалынып шығарылды;

сейсмикалық аудандардағы құрылыс бойынша нормаларды жетілдіру беталыстары анықталды;

жүргізіліп жатқан құрылыстың тексерілуі мен бағасы бойынша кепіл-демелер жасалынды, олар сейсмикалық аудандардағы негізгі жағдайлармен талаптарды ескереді және де құрылыстың фактілік жағдайы шығарылды.

Тілімделген рельефі бар жер аймақтарында әр түрлі жергілікті желдер байқалады - жазықтық, бриздер,фендер және т.б. 15 күнде аймақта жиі-жиі жел соғады (15 м/с). 3-суретте көрсетілгендей жел бағыттарының қайталануы бірқалыпты.

Сурет 3. Жел бағыттарының қайталануы

Обьект орналасқан қаланың эконономикасы өте дамыған қалалар қатарына жатады. Күн сайын салынып жатқан көз жауын алатын құрылыс кешендері қаланың экономикасын дамытуда маңызды орын алмақ. Қаланы халықаралық деңгейдегі қаржы орталығына айналдыру үшін атқарылатын жұмыс көп, ол бәсекелестікті күшейту, бәсекелестік орта қалыптастыру. Жекелеген компаниялардан, жеке тұлғалардан бағалы қағаздар рыногін дамытуға қаржы көздерін тарту, Алматы қаласының қаржы орталығы болуы үшін инфроқұрылымын дамыту және жаңарту, халықтың қаржымен жұмыс жасау жөніндегі мәдениетін арттыру, қолайлы инвестициялық жағдай жасауды жалғастыру, қор нарығына жаңа эмитенттер тарту, қор нарығын дамыту үшін мемлекеттік үстемелеуді жалғастыру, бағалы қағаздар нарығын дамыту, Қазақстанда іскерлік белсенділікті арттыру және т.б. ауқымды істерді жүзеге асыру болып табылады. Үлкен жобаны іске асыру жолында ең үлкен мәселелердің қатарына елде белең алған жемқорлықпен күресті күшейту, сот жүйесінің ашықтығын, тәуелсіздігін арттыру жұмыстарын кеңейту, сапалы мамандарды дайындау секілді түйткілді мәселелерді шешуіміз керек.

1.2 Обьект туралы мәлімет

Еліміздің индустриялды қаласы Алматының Аль-Фараби даңғылының оңтүстігімен Дулатов даңғылының солтүстік қиылысында орналасқан «Даулет» тұрғын кешені 6 қабаттан тұрады. Кешенге тікелей Алматы қаласының әкімшілігі тапсырыс берген. Учаскенің орналасуы қоршаған ортаға қатынасы бойынша келесідей: оңтүстікте қаланың ең ірі көшелерінің бірі −Аль-Фараби болса, ал солтүстігінде −Дулатов даңғылымен шектелген. Бұл кешеннің жобасын қаладағы белгілі « Статус Строй Сервис» ЖШС кәсіпорыны жасаған.

Техникалық жағдайға сәйкес кешенде сыртқы канализациямен қосу Дулатов көшесі бойындағы коллекторға қатысты қарастырылған.Топырақтың мезгілдік қату тереңдігі – 224 см.

Жобаланатын канализацияны орналастырудың минимальді тереңдігі құбырдың науасына берілген жер бетіне дейінгі аралықта 1.4 м тең. Ыстық суды дайындау кешеннің жылу торабында қарастырылған. Кешен ғимаратынан ағыстық, артық суларды шығару сыртқы торларға жалғасады.

Санитарлық – қорғау зонасының ауданы мен радиусы жақын маңдағы тұрғын зонасының шекарасынан 25 м қашықтықты құрайды. Обьектінің әлеуметтік – экономикалық негізі оқу процесі жағдайын жетілдіру мақсатында жасалынған.

Обьект орналасқан аймақтың климаты шұғыл континенттік және құрғақ, ауаның температурасы күндіз және түнде біршама ауытқиды. Ал осы аймақтың топырағы мен өсімдік жүйесіне келер болсақ, мұнда топырақ және өсімдік жамылғылары вертикаль белдемдікке байланысты қалыптасқан. Жазық бөлігінде шөлдің де, даланың да қоңыр топырағы тараған. Онда жусан, өлеңшөп, жүзгін, сораң,сексеуіл, көктемде эфемер өсімдіктер басым тараған. Балқаш, Алакөл көлдерінің батпақты жағалауында, Іле өзенінің аңғары мен атырауында қамыс, құрақ өседі.

Тау етегінде сұр және боз, қызыл қоңыр, тау беткейлері мен таулы үстірттерде таулы даланың қызыл қоңыр және қара топырақтары қалыптасқан. Мұндай жерлерде (биіктігі 600-1300 м) астық тұқымдас өсімдіктері басым жусанды, бетегелі-боз далаға ауысады. Таулы бөлігінің бұдан жоғары жағында көктерек, қайың, алма ағашы, ал одан да жоғарырақта Тянь-Шань шыршасы, кейде биік таудың шалғыны өседі.

Обьектінің геологиялық жағдайына тоқаталатын болсақ, бұл аймақта конгломераттар, туфтар, әктастар, граниттер т.б. палеозой жыныстары кеңінен тараған. Биіктігі орташа жерлерде плейстоцен мен антропогендік шөгінділерден түзілген. Аймақтағы таулардың алғашқы қалыптаса бастау кезеңі герцин қатпарлығымен тығыз байланысты.

Одан кейінгі кезеңдерде бұл таулар бірте-бірте мүжіліп, адырлы жазық (пенеплен) қалыптасқан. Плейстоцен кезеңінің басында,альпілік орогенез кезінде пенепленге айналған өңір тектоникалық процестер нәтижесінде кәдімгі тауларды түзген. Мұнда осы кезге дейін тектоникалық процестер жалғасуда.

Обьект орналасқан аймақтың физикалық-географиялық жағдайы осы құрылысқа тиімді болып табылады. Яғни бұл жерде жұмыс атқару өте тиімді болып табылады.

Даулет тұрғын кешені жаңа заманғы талапқа сай жобаланып салынған. 6 қабатта пәтерлер, ресторан, супермаркет, химчистка, магазин, сауда-саттық залы Фаст-Фуд, Сбербанктің бөлімшесі, аптека, тіс дәрігері бөлімшесі, сұлулық салоны, администрация, ойын залы, өндірістік зона, дайындық залы, сауна, фитнес залы, кафе және т.б. орналастырылған.

Тұрғындар үшін барлық жағдайлар қарастырылған. Ресторанға қатынайтын жол, Фешен кафесіне баратын жол, супермаркеттің жолы құрылыс сызбасында көрсетілген. Бұл құрылыстың сызбасы элиталық үлгіде жасалынған. Құрылыс барлық талаптарға жауап бере отырып, халық үшін тиімділігін көрсетіп отыр.

3. Құрылыс салу ауданындағы топографиялық және геодезиялық материалдарды талдау

Алматының Аль-Фараби даңғылының оңтүстігімен Дулатов даңғылының солтүстік қиылысында орналасқан «Даулет» тұрғын кешені 6 қабаттан тұрады. Кешенге тікелей Алматы қаласының әкімшілігі тапсырыс берген. Мұнда жобалау екі кезеңде орындалады: топографиялық-геодезиялық және инженерлік–геодезиялық ізденістер. Инженерлік- геодезиялық жұмыстар кешені мынадай:

- кешен учаскесі алаңында 1:500 масштабта 0.5 м рельеф қимасымен көрсетілген шекараларында түсіріс жүргізу ;

- техникалық жағдайға сәйкес инженерлік торлар бойынша (су құбырлары, канализация, электр желісі, байланыс желісі ) түсіріс жасау;

- топографиялық түсіріс орындалуы керек координаттар жүйесі мен биіктік жүйесі: координаттар жүйесі – жергілікті, биіктік жүйесі–Балтық теңізі бойынша;

- инженерлік іздестіру нәтижесінде СНиП РК 1.02-18-2004 талаптарына жауап беретін есеп дайындау.

Жерге салынатын құрылыс жобасының ең маңызды құжаты – құрылыстың бас планы. Бас пландар жасалынатын құжаттар кешенінің негізгі сызбалары болып табылады және объекттің түрі мен қолданылу мақсатына байланысты жоба бөліміне кіреді. [3]

Бас жоспардың құрамы, оның масштабы, салынатын объекттің күрделілігіне, жобалау сатысына, жердің ситуациясы мен рельефіне байланысты анықталады. Жалпы, жобада бас жоспарды жасам жасамас бұрын ғимаратты орналастырудың ситуациялық жоспары жасалынады.

Ғимарат айналасында өрттен қорғанатын жол қарастырылған. Шаруа-шылық зонасы супермаркет жағынан орналастырылған және жеке кіретін кіреберісі бар.Шаруашылық алаңында қоқыс жинауға арналған алаң бар.

Үлкен, ірі объектілер үшін ситуациялық жоспарға ғимараттар мен қоса, жерде бар және жобаланатын сыртқы коммуникациялар, инженерлік торлар мен силитебті территорияларды қосады.

Ситуациялық жоспарлар бас жоспарға қарағанда кіші масштабтарда құрастырылады.

Жобаның негізгі құжаты – құрылыс бас жоспары болыптабылады, ол құрылыстың дайындық және негізгі кезеңінде құралады. Құрылыс бас жоспары геодезиялық жұмыстарды жобалау және құрылыс өндірісінің геодезиялық қамтамасын жасау кезінде қолданады. Ол құрылыс кезеңіндегі геодезиялық белгілерді орналастыру схемасын құруға, геодезиялық белгілер арасындағы көріністі анықтауға және бөлу планы мен сызбаларды құрастыруға негіз болып табылады.

Тұрғын үй кешенін салу құрылысы кезіндегі топографо – геодезиялық жұмыстар жобасын құру үшін болашақ құрылыс учаскесінде бар топографо – геодезиялық материалдар жиналып, талқыланды. Объектіде 1 разрядты полигонометрияның 3 пункті және 3 класты нивелирлік репердің 4 пункті сақталған.

Бұл пункттер пландық және биіктіктік негіздеуді құру үшін бастапқы мәліметтер болып қолданылуы мүмкін. [4]

Құрылыс алаңының жалпы ауданы 3,1 га.

Кешен учаскесі мынадай зоналарға бөлінген: тұрғын үй кешені, ресторан, кафе, супермаркет, техникалық бөлім, химчистка және т.б. 6 қабаттық тұрғын кешенінің әр бөлмесі жатын бөлме, зал, ас бөлмесы, балконнан тұрады және келесі пәтерлерге қатынайтын холлдар орналастырылған. Бұл құрылыстың сызбасы элиталық үлгіде жасалынған. Қазіргі заман талабына сай құрылыс кешеніне әр жастағы еліміздің азаматтары қоныстай алады.Тұрғын кешені тұрғындар үшін қауіпсіз болып табылады.

Мұнда метаморфты жыныстардан,шөгінділерден және профирит, граниттен түзілген. 2500 – 3000 м-ге дейін биік таулы шалғынды дала белдемі орналасқан.

Ғимараттың архитектуралық-құрылыстық материалдарында құрылысқа арналған учаске қаланың оңтүстік – шығыс бөлігінде орналасқан.

Отырғызылуға қарастырылған барлық ағаштар мен бұталар берілген климаттық жағдайға төзімді және олар өсімдіктердің сәндік қасиеттері мен көгалдандырудың функционалды тағайындалуын есепке ала отырып таңдалған. Өсімдіктердің жақсы сақталуы мен қалыпты өсуі үшін шұңқырларда 100% топырақтарды минералдық және органикалық тыңайтқыштарға ие өсімдік топырағымен ауыстыру арқылы ағаштарды отырғызу қарастырылған. Жасыл өсінділердің суғарылуы суарғыш су құбырының көмегімен орындалады

Топтық алаңдар ғимараттағы топтық ұяшықтарға сәйкес бөлмелерден шығуға ыңғайлы болып табылатын байланысқа ие. Инженерлік ізденістердің өндірісіне арналған техникалық тапсырма 2-кестеде көрсетілген.

Кесте 2 Инженерлік ізденістердің өндірісіне арналған техникалық тапсырма

1	Объектінің атауы	«Дәулет тұрғын үй кешені»
2	Объектінің орналасқан жері және құрылыс учаскесі шекарасы	ҚР, Алматы қаласы, Әль-Фараби даңғылында
3	Тапсырыс беруші	Алматы қаласы әкімшілігі
4	Жоба жасау кәсіпорыны	ЖШС «СтатусСтройсервис»
5	Жобаның бас инженерінің аты- жөні	Демидов А.Н.
6	Жобалау кезеңі және инженерлік ізденіс түрі	2 кезеңдік жұмыс жобасы: топографиялық- геодезиялық,инженерлік–геологиялық ізденістер
7	Құрылыс түрі	Жаңа құрылыс

2-кестенің жалғасы

8	Объекттің техникалық сипаттамасы	Кешенде тұрғын уй кешені қарастырылған
9	Жұмыстың мақсаты мен арналуы	6 қабатты кешенді және инженерлік торлар-ды жобалауға арналған жобалық сметалық құжат-таманы жасау үшін инженерлік ізденісті орындау
10	Инженерлік – геодезиялық жұмыстар: 10.1.Мектеп учаскесінің алаңында 1:500 масштабта 0.5 м рельеф қимасымен көрсетілген шекараларында түсіріс жүргізу. 10.2. Техникалық жағдайға сәйкес сыртқы инженерлік торлар бойынша (су құбырлары, канализация, электр желісі, байланыс) түсіріс жасау. 10.3. Топографиялық түсіріс орындалу керек координаттар жүйесі мен биіктік жүйесі: - Координат жүйесі- жергілікті - Биіктік жүйесі – Балтық теңізі бойынша 10.4. Инженерлік ізденіс нәтижесінде СНИП РК 1.02-18-2004 талаптарына жауап беретін есеп дайындалуы керек.
11	Қосымша жағдай	Орындау кезінде территорияның техникалық сипаттамасына сәйкес жер бетіндегі және жер асты ғимараттарындаағаштар,нженерлік коммуникацияларды көрсету және қызығушылық білдіретін кәсіпорындармен келісу.
12	Жұмысты орындау мерзімі	Уақытылы график бойынша

Кешен аймағы Алматының әсем таулары Алатаудың баурайында орналасқандықтан табиғаты өте тамаша.