11. Вызначце аб'ём дамашняга задання, яго від (тэма, клас на выбар). Растлумацче, чым кіраваліся пры гэтым.

У адпаведнасці з патрабаваннямі СанПіН ад 22.11.2006 № 160 у агульнаадукацыйных установах дамашнія заданні павінны задавацца вучням з улікам магчымасці іх выканання па ўсіх вучэбных прадметах: у V-VI класах – да 2 гадзін, VII-VIII класах – 2,5 гадзіны, IX-XI класах – 3 гадзіны ў дзень.

Змест і аб’ём дамашняга задання вызначаны ў прыкладным каляндарна-тэматычным планаванні.

Дамашняе заданне можа быць апераджальным. Гэта спрыяе ўменню размяркоўваць час, бачыць перспектыву, праяўляць арганізаванасць. Пры неабходнасці настаўнік можа прапанаваць рацыянальныя прыёмы выканання дамашняга задання. Дамашняе заданне не задаецца вучням на канікулы.

Напрыклад, у VI класе пры вывучэнні твора “Лебядзіны скіт” У. Караткевіча (2 гадзіны) на заканчэнню першага ўрока магчыма прапанаваць наступнае дамашняе заданне: перачытаць казку «Лебядзіны скіт» У. Караткевіча (асаблівую ўвагу звярнуць на выразнае чытанне дыялогаў), падрыхтаваць вуснае паведамленне пра хана Бату (звярнуць увагу на яго партрэт, паводзіны і меркаванні, размовы са старцам і паэтам Юсуфі); а па заканчэнню другога – падрыхтаваць вусны аповед пра старога дэрвіша і яго самаахвярны подзвіг – сведчанне маральнай перамогі над ханам.

Дадзеныя дамашнія заданні індывідуальныя, адзіныя для ўсіх.

12. Як мэтазгодна пачаць выкладанне біяграфіі пісьменніка ў школе? Прывядзіце, прыклад.

У сярэдніх класах вучні атрымліваюць звесткі аб асобных баках жыцця пісьменніка, якія маюць непасрэднае дачыненне да чытання і аналізу вывучаемага твора, у старэйшых класах праца над біяграфіяй арыентавана на разуменне гісторыка-літаратурнага працэсу, мастацкага свету пісьменніка.

Асаблівае значэнне набывае адбор і размяшчэнне матэрыялу, выкарыстанне мемуарнай літаратуры, партрэтаў пісьменніка. У многіх настаўнікаў-славеснікаў увага накіравана на “сустрэчу з пісьменнікам”, на жывы эмацыйны погляд, на біяграфічны матэрыял тварэнняў пісьменніка.

Форма правядзення ўрокаў-біяграфій разнастайная: урок-лекцыя, самастойныя даклады школьнікаў, праца па падручніку, завочныя экскурсіі, урокі-канцэрты, урокі-панарамы. Важна пастаноўка праблемных пытанняў, праца над планам, выкарыстанне мастацкіх тэкстаў. Зняць хрэстаматыйны глянец, уяўленне аб бязгрэшнасці асобы пісьменніка не менш важна, чым знайсці цікавы для вучняў аспект, зразумець не толькі веліч пісьменніка, але і складанасць станаўлення яго асобы і таленту.

Планаванне ўрокаў творчай біяграфіі В.Быкава, напрыклад, з улікам калектыўных, групавых хатніх і індывідуальных хатніх і класных заняткаў можа выглядаць наступным чынам.

Творчая самастойная праца (завочная экскурсія) праводзіцца па трох групавым тэмам-заданням.

1. Жыццё В. Быкава ў в. Бычкі.

Задача: паказаць жыццё пісьменніка ў родным сяле; раскрыць станаўленне Быкава як пісьменніка. Паўтарыць асноўныя біяграфічныя звесткі.

2. Ваеныя гады В. Быкава.

Задача: раскрыць характар малодшага лейтэнанта В. Быкава ў час вайны.

3. Пасляваеныя гады.

Задача: паказаць жыццё В. Быкава ў мірныя часы на радзіме і ў эміграцыі.