Әдебиеттік оқу

Мерзімі:

Тақырыбы: Еліміздің мемлекеттік рәміздері. Ту.Елтаңба.Гимн

Мақсаты:

1. Білімділік: Қазақстан елінің рәміздері жайлы айта отырып, оқушыны түсініп оқуға, ойын жеткізе білуге үйрету;

2. Дамытушылық: Сөйлемді дұрыс құруға, ойын тиянақтай білуге дағдыландыру;

3. Тәрбиелік: Елін сүюге, байлығын қорғауға тәрбиелеу.

Көрнекілігі: суреттер, Ту.Елтаңба.Әнұран

Әдісі: сұрақ-жауап, талдау.

Сабақтың барысы:

І. Ұйымдастыру кезеңі.Сабаққа даярлық

- Балалар, терезеге қараңдаршы. Далада күн сәулесі жарқырап тұр. Бізге сәулесін шашып тұр. Сәуле сендердің тұла бойларыңа тарап, жандарыңды жадыратып тұр.

- Кәне, айналамызға жылу сыйлайық, жүздеріңнен күннің көзіндей күлкі кетпесін.

Барлығы: Күн жарығын алақанға саламын,

Жүрегіме басып ұстай қаламын.

Ізгі әрі нәзік, жарық, мейірімді,

Болып кетер сонда дереу жан-жағым.

-Міне, жүрегіміздегі осындай жылумен сабағымызды бастаймыз.

ІІ. Үй тапсырмасын тексеру: Астана қаласында қандай көрнекі жерлер бар? Сен Астана қаласына бардың ба? Барсаң онда не көрдің? Әңгімелеп көр. Таулары, көлдері, ағаштары, кен байлықтары, атақты адамдары жайлы не айтар едің? Мәтіннің түсінігін сұрап, сұрақ-жауап арқылы баға беріп, үй тапсырмасын бекіту.

ІІІ. Білімдерін тексеру: Қазақстанның тағы қандай байлықтары мен құрылыстарын білесің? Астана қандай қала? Картадан көрсете аласың ба? Картаға неге түрлі суреттер салынған?

ІҮ. Мақсат қою кезеңі: Тақырыбын, мақсатын хабарлау.

Ү. Жаңа сабақ: Балалар, біздің Республикамыз қалай аталады?

Біз елімізді жақсы көреміз бе?

Жақсы көреміз.

Олай болса, осы өзіміздің елімізге, жерімізге қандай тілек білдірер едіңдер?

• Елімізде тыныштық болсын!

• Еліміз бай болсын!

Ендеше, Қазақстан Республикасының рәміздерін атайықшы.

Ту, Елтаңба, Гимн.

Қазақстан Республикасының жалауының түсі көк, ашық тартымды, табиғатқа жақын, көңіліне сенім ұялататын кемпірқосақтағы жарқыраған жеті түстің бірі, аспан мен судың түсі.

Көк түс шындықты, тазалықты, адалдықты белгілейді. Жалаудағы күн – Әмір күші. Күннің жылуымен уақыт, апталар мен айлар өлшенеді. Қыран құс бүркіт – еркіндіктің, тәуелсіздіктің белгісі, алға қойған мақсатқа, шырқар биікке, болашаққа самғайды.

Ал мемлекетіміздің Елтаңбасы – геометриялық пішін – дөңгелекке ұқсас. Елтаңбаның ортасында шаңырақ, бұл әрбір отбасының бірлігі, тыныштығы тәріздес, киіз үйге жарық сәулені шашыратып тұрғандай. Көкпеңбек көгілдір таза аспан жарқырап тұр. Бейбітшілік шаңырағын көтерген уықтар, төгілген күн сәулесі, киелі қос тұлпар, адам баласының досы. Алтын қанаттар елдің болашағын қорғаған, достықты ұстап тұр.

Ал, бес жұлдыз – барлық жер шарына құшағымыздың ашықтығын білдіреді.

1.Қазақстан елінің рәміздері жайлы балалардың білетінін пысықтау. 2.Оқулықпен жұмыс. Мәтінді түсініп, үш топқа бөлініп оқу 1. Ту. 2. Елтаңба.3. Әнұран. Рөлге бөліп оқу. 3. Қ.Р. мемлекетік тудың белгілерін ата, сипаттап бер. Елтаңбада нелердің бейнелері бейнеленген? 4. Дәптермен жұмыс. Сызбаны толтыр.

Тудың белгілері			Елтаңбаның белгілері
Ою-өрнек	Қыран құс	Күн	Қанатты ат	Шаңырақ	Күн. Жұлдыз	Басқа да белгілер

Сергіту сәті. Орнымыздан тұрайық,

Алақанды ұрайық.

Бір отырып, бір тұрып,

Біз шынығып алайық.

ҮІ. Түсінгендерін тексеру: Әнұранды жатқа айту.

ҮІІ.Бекіту: Балалар, көрдіңдер ме, біздің елге, жерге деген құрметімізді. Сендер үнемі осы Жалауды, Елтаңбаны, Әнұранға үнемі құрметпен қарап, аялап өтіңдер. Сонда сендер келешекте мықты азамат боласыңдар. Біз сендерге осы белгілерді желбіретіп, мықты ұстайды деп сенеміз.

ҮІІІ . Үйге тапсырма: 1. жаттау. 2.бағалау

Бекітемін:_________________________