Пелысь пу.

Миян вöръясын быдмö пелысь пу. Сійöс садитлöны и керкаяс дорö.

Пелысь зэв колана абу сöмын йöзлы, но и пемöсъяслы. Сылöн розйын пöшти сё джын ичöтик вотöс. Тайö вотöсъясас эм яблöг да лимон кислотаяс, вель уна «С» витамин.

Кынмалöм пелысьысь пуöны варенньö. Пелысь сувтöдö вир, та понда пинь ан висигöн бур пожъявны вомтö пелыся ваöн. Пелысьыд вывті бур кöрым гортса пöткаяслы, мöсъяслы, порсьяслы. Косьтöм коръясын уна дубильнöй вещество, та вöсна найöс пуктöны соласигöн град выв пуктас пиö.

Ыжнёнь.

Ыжнёньлö вотöсыс бурдöдчан вына. Сійö бурдöдö язва, лишай. Важöн коми йöз на вылысь чукöртлісны медмича коръяссö, косьтывлісны да пузьöдлісны чай. Тайö пузьöдöм чайнас бурдöдлісны горш висьöм да орöсь син. А вотöсыс зэв бур цингаысь. Сыын зэв уна С да В витамин. Весигтö юр висьöмысь бурдöдö ыжнёнь.

Катшасин.

Катшасин позьö чукöтны кöч тöлысьöдз. Бурдöдчан вынсö кутö сöмын аптечнöй катшасин. Быдмö сійö луд вылын, корйыс мунö морков корлань. Чукöртöны сылысь сöмын юръяссö. Косьтöны, пöжöны пöсь ваöн да юöны. Пöжöм катшасин бурдöдö орöсь син, чирей, сöп висьöм, горш висьöм, орöсь дойяс, бырöдö юрысь киль.

 Вуджöд текстсö.

Бурдöдчан быдмöгъяс.

Вöр-ва оз сöмын кытшав мортöс, сетö сылы сёян-юан, мичмöдö сылысь олöмсö, но и тöждысьö дзоньвидзалун вöсна. Вель уна бурдöдчантор вöчöны уна пöлöс быдмöгысь. Сöмын Россияын тöдса куимсё сайö татшöм быдмöг. Озыр наöн и миян Коми му. Тайö быдмöгъясыс: пелысь, сэтöр, льöм, öмидз, лежнöг, чöд, турипув, петшöр, пув кор, лапкор, пожöм да кыдз гаръяс, пакула да уна мукöд. Чукöтны бурдöдчан быдмöгъяс абу сэтшöм сьöкыд, сöмын колö тöдны, кор да кыдзи чукöртны.

Рисунок: куст цветущего шиповника.

… удж. Висьтсö юклы сёрникузяяс вылö. Гиж.

Лежнöг.

Ті аддзылінныд лежнöг гожöмын кутшöм мичаа сійö дзоридзалö асьсö дорйö ёсь жельяснас лежнöгйылыс арнас лоö небыд сэні эму на витамин йöз вотöны лежнöгйывсö да пуöны сыысь варенньö фармацевтъяс вöчöны бурдöдчантор.

? Мыйла лежнöгсö нöшта шуöны жельнöгöн?

Велöдöм материал вынсьöдöм

… удж. Аддзы пара. Лöсьöд 3 паськöдöм сёрникузя.

Кымрасьö Вежсис Нярмис Вольсасьö Кöдзалiс Шарöдчöны Тыртöммисны Чашйö

Турун Ру Енэж Коръяс Поводдя Тöв Ва Градъяс

… удж. Лыддьы да гöгöрво висьтсö, лöсьöд юалöмъяс .

Арын пуяс.

Арся кӧдзыдъяс воӧм бӧрын пу вылын коръяс лоасны гӧрдов-вижӧсь. Медся мичаӧн овлӧ арся пипу. Турунвиж да виж паськӧма пуяс пӧвстын ышнясьӧ сìйӧ аслас пемыдгӧрд да югыдгӧрд сарапаннас.

Кодì оз радейт арся вӧртӧ? Кымын пӧлӧс паськӧмаӧсь пуясыс! Сёр арын сэсся паськӧмъяссӧ надзӧникӧн заводитӧны пӧрччавны. Сӧмын ловпу ӧтнас кӧдзыд арын гылӧдӧ дзик веж коръяс. Тайӧ пуыс торъялӧ мукӧдысь и аслас сьӧмӧснас и быдманìннас. Керыштан кӧ сьӧмӧссӧ, пыр жӧ сìйӧ лоӧ сьӧдвиж, петӧ сэтысь дубитчан кислота. Ловпу быдмӧ васӧдìнын.

(С. Попов серти)

… удж. Корсь лöсявтöм кыв. Гöгöрвоöд бöрйöмтö.

1. Ода-кора, рака, öшым, кос му.

2. Тöв, тöвбыд, тöла, тöвся.

3. Кор, корöсь, коркö, коръя.

4. Йöв, йöла, йöлöга, йöввыв.

5. Пась, паськыд, пасьтавны, паськöм.

… удж. Содты Асалан либö Босьтан вежлöг суффикс.

1. Света… чужан луныс моз тöлысь кызьöд лунö.

2. Ми гажаа пасйим Света… чужан лунсö.

3. Мам лыддис бать… локтан вежон вылö гороскоп.

4. Бать… гороскопö гижöма шуда олöм йылысь.

5. Лыйсьысь… менюын оз вермы лоны госа сёян.

6. Газетысь ме аддзи лыйсьысь… меню.

7. Пызан вылын куйлö пöч… козин.

8. Пöч… козинсö, шоныд кепысьсö, ме кута новлыны тöвнас.

… удж. Содты лöсялана вежлöг суффиксъяс.

1. Гожöмнас да тöвнас ме ветла пöч дорö Ухта… .

2. Печора… олöны бать… рöдвужыс.

3. Воркута… позьö мунны поезд… либö лэбны самолёт… .

4. Мам… вокыс ветлö уджавны Усинск… .

5. Ёрт… бать-мамыс локтiсны Сыктывкар? Емва?.

6. Шондiа лунъясö ме нимкодяся опера да балет театр водзын вабус… .

… удж. Содты лöсялана кывъяс, медым артмис радейтана велöдысь йылысь висьт.