Қазақ тілі

Күні:

Сабақтың тақырыбы: Дыбыс және әріпті қайталаймыз.

Сабақтың мақсаты:

Білімділік: дыбыстар және әріптер туралы 2-сыныпта алған білімін еске түсіру, қайталау; дауыссыз дыбыстар айтылу ерекшелігіне қарай қандай түрлерге бөлінетінін пысықтау; дауысты дыбыстардың дауыссыз дыбыстардын ерекшелігін түсіндіру.

Дамытушылық: танымдылық қабілетінің, ой-қиялының дамуына ықпал ету; сөйлеу тілін, сөздік қорын молайту.

Тәрбиелік: сауатты, таза жазуға тәрбиелеу.

Сабақтың әдісі: топпен жұмыс, «Ұқсастық пен даралық», «3 қадамдық сұхбат» стратегиялары (СТО бағдарламасының стратегиялары).

Сабақтың барысы:

I. Қызығушылығын ояту.

1. Оқушылар топқа бөлінеді. Дыбыстар мен әріптер туралы алған білімдерін сұрақ-жауап арқылы қайталау. Тақтаға мынадай сөздер жазылады: дала, білім, халық, қымыз.

Осы сөздерді құрап тұрған тек дауысты дыбыстар тізбегін жазу: аа, іі, аы, ыы.

Мынадай сұрақ қойылады:

• Осы тізбектен қандай сөздер екенін білуге бола ма?

Енді сөздердің тек дауыссыз дыбыстарын көшіріп жазады: д...л..., б...л...м, х...л...қ, қ...м...з.

• Бұл әріптер тізбегінен сөз құрастыруға бола ма?

Осы тапсырманы орындап болғаннан кейін, топ мүшелері өзара пікірлесе отырып, өз қорытындыларын айтады.

II. Мағынаны тану.

1- жаттығуды орындап болғаннан кейін, жуан, жіңішке дауысты дыбыстар еске түсіріледі. Сөздегі дауысты дыбыстардың жуан, жіңішке болуына байланысты сөздердің де жуан, жіңішке айтылатынын естеріне түсіреді.

2- жаттығуды орындау кезінде жаңа сөз жасап тұрған дыбыстардың қосындысынан «Оқу түбі – тоқу» деген мақал шығуы керек. Бір дыбыстың өзгеруінің өзінен сөздің мағынасы өзгеретіні түсіндіріледі.

3- жаттығуды да бір дыбыстың өзгеруінен жасалған жаңа сөздерді табуға арналған. Оқушылар өзгерген сөздердің мағынасын түсіндіреді.

4- жаттығуды орындау арқылы сөздерге дыбыстық талдау жасап, дыбыс пен әріптің айырмашылығын еске түсіреді.

«Ұқсастық пен даралық» стратегиясы.

Дауысты дыбыс Дауыссыз дыбыс

А, ә, о, ө, ұ, ү, ы, і, у, и, ... к, қ, м, н, ң, р, й, ...

1. Созылып айтылады, 1. Созылмайды, кедергіге

кедергіге ұшырамайды. ұшырамайды.

2. Жуан, жіңішке 2. Қатаң, ұяң, үнді

3. Буын құрайды. 3. Буын құрамайды.

4. Екі дауысты дыбыс қатар келмейді. 4. Екі дауыссыз қатарынан келеді.

1. Дыбыс

2. Әріптік таңбасы бар.

3. Сөз құрайды.

4. Қазақ әліпбиін құрайды.

5. Дыбыстың өзгеруі сөз мағынасын өзгертеді.

III.Ой толғаныс. «Егер дыбыстар мен әріптер болмаса...» деген тақырыпта эссе жазу.

IY. Үйге тапсырма. 5-жаттығу. Y. Бағалау.

Күні:

Сабақтың тақырыбы: И, й, у әріптерінің жазылуы

Сабақтың мақсаты:

Білімділік: 2-сыныпта и, й, у әріптерінің жазылуы туралы алған білімін еске түсіру, қайталау; и, у дауысты дыбыстарының кейде жуан, кейде жіңішке айтылуының себептерін анықтау; и және й дыбыстарын салыстыру; у дыбысын жұп дауысты ұ, ү дыбыстарынан сөз ішінде айыра біліп, дұрыс жаз білуді үйрету.

Дамытушылық: танымдылық қабілетінің, ой-қиялының дамуына ықпал ету; сөйлеу тілін, сөздік қорын молайту.

Тәрбиелік: тазалыққа, ұқыптылыққа тәрбиелеу.

Сабақтың әдісі: «Венн дианраммасы», «Топтастыру», «Семантикалық карта» стратегиялары.

Сабақтың көрнекілігі: дидактикалық материалдар, қима-қағаздар.

Сабақтың барысы:

I. Қызығушылығын ояту.

Оқушылар топқа бөлініп отырады.

1-топ. Жуан дауысты дыбыстар. Қолдарындағы әріптерді қатыстыра отырып, жуан айтылатын сөздерге мысалдар келтіреді. Сөздердің жуан айтылу себебін түсіндіреді.

2-топ. Жіңішке дауысты дыбыстар. Осы дыбыстарды қатыстырып жіңішке айтылатын сөздерге мысалдар келтіреді. Сөздердің жіңішке айтылу себебін түсіндіреді.

3-топ. Қатаң дауыссыз дыбыстар. Бұл топ бірнеше сөз тауып жазып, олардың ішіндегі қатаң дауыссыз дыбыстарды атайды. Олардың қатаң деп айтылу себебін түсіндіреді.

4-топ. Ұяң дауыссыз дыбыстар. Бұл топтағылар да мысалға келтірген сөздердегі ұяң дыбыстарды атайды.

5-топ. Үнді дауыссыз дыбыстар. Мысалға келтірген сөздердегі үнді дыбыстарды атайды.