4.1 Еңбек қорғау мен тіршілік қауіпсіздігінің құқықтық және ұйымдық мәселелері

Қазақстан Республикасының Еңбек кодексіне және де Қазақстан Республикасының 2002 жылдың 3-ші сәуіріндегі №314 «Қауіпті өнеркәсіптік кешендерде индустриялдық қауіпсіздік туралы» сәйкес винттік сораптарды пайдалану жұмыстары жүргізілген кезде еңбек қорғалуы және сақтық шаралары жүргізілуі керек.

Дипломдық жобаның нақты бөлімі «ҚР-ның еңбек кодексінің» дәйектемесімен 15.05.07. № 252 ҚР ІІІ заңы бойынша жазылған, 22.11.96 бастап «Өрт қауіпсіздігі туралы заңы», № 314 – ҚР ІІІ заңы бойынша 03.04.02 бастап «Қауіпті өндіріс обьектілеріндегі өнеркәсіп қауіпсіздігі туралы заңы». Сонымен қатар «Газ және мұнай өңдейтін кенорындарындағы жалпы қауіпсіз ережелерге» сәйкес 03.04.2009 жыл.

Еңбекті қорғау туралы заңдар – Қазақстан Республикасының Еңбекті қорғау Заңы және басқа да Заңдар мен еңбек қауіпсіздігі және гигиенасы, орта жөніндегі нормативтік актілерден тұрады.

Еңбекті қорғау заңының 2 – ші бабы бойынша кәсіпорын әкімшілігі тиісті нормативтік актілермен белгіленген тәртіппен барлық қызметкерлердің жұмыскерлердің еңбекті қорғау мәселелері жөніндегі оқуын ұйымдастыруға нұсқау беруге және білімін тексеруге, қайта аттестациялауға міндетті.

4.2 Өндірістік қауіпті және зиянды факторларды талдау

1. Пакерді пайдалану, мұнай- газ өнімдері өндірісінің қауіпсіздік ережелерін сақтаумен сәйкес жүргізіледі.Қызметші жұмыс жасау алдында пакердің құрылымын және пайдаланылу нұсқамасын жақсылап оқу керек.

2. Пакердің түсірілуі, қондырылуы және алынуы кезінде ұңғыманың көтеру имараты салмақ индикаторымен жабдықталуы тиіс.

3.Пакердің ішкіөндірістік тасымалдануы, жүктелуі және жүк түсірілуі тасымалдау, жүктеу және тереңөлшемді жүктердің түсірілу ережелерімен сәйкес жүзеге асырылуы керек. Тасымалдау кезінде пакер мен телескоптық құрылғы ығыспайтындай бекітілуі тиіс.

4. Пакерді түсіру кезінде жыылдамдықты 0,5 м/с- тан көтеруге рұқсат етілмейді (немесе бір құбыр 15-20 с- тан), пакердің бірден тоқтатылуы кезінде тальдік жүйе бірден жүктен босатылады және қызметке қауіп төнеді.

5. Түсіру- көтеру амалдарының үзілісі кезінде құбыр сыртындағы кеңістік пен құбырлар ұңғымаға тұрғызылған заттардың түсуін болдырмау мақсатымен жабылуы тиіс.

6. Пакерді қондыруда қолданылатын сораптық агрегаттар ұңғыма сағасынан 10 м- ден кем емес арақашықтықта орнатылуы қажет.

7. Ұңғыма айналасының территориясы ұңғыманы пайдалану және жөндеу үшін жабдықтардың орналасуын еске ала отырып, айналасының басқа заттардан босатылуы, ал қысқы уақытта басып қалған қар мен мұздан тазартылуы жоспарланған болуы тиіс.

8. Жылжымалы агрегаттар орнатуға арналған алаң жел бағытын ескере отырып, жел жақ шетімен орналасуы, орындалатын жұмыс сипаты, агрегаттар типін, топырақ құрамын ескере отырып орналастыру тиіс.

9. Еден, көпірлер, мынадай үлгіде, олардың беткі қабатында ауадан және төгілген сұйықтықтан шалшық пайда болмайтындай, ал қозғалыста жүретін қызметкерлердің аяқ-киімдерінің табаны сырғанамайтындай жағдайда салынуы тиіс.

10. Құбырлар, штангалар және т.б. техникалық жабдықтар қызметкерлердің еркін қозғалуын қамтамасыз ететін осы мақсаттарға арнайы берілген сөрелерге орналастыруы тиіс.

11. Жұмыс орны белгіленген тәртіпте бекітілген типтік тізімдермен сәйкес қауіпсіздік белгілерімен, плакаттармен жабдықталуы тиіс.

12. Ұңғыманы күтуші және жөндеуші бригадалар мекеменің басшылары бекіткен тізім бойынша құралдар және жабдықтармен қамтамасыз етілуі тиіс.

13. Жұмыс орнын жарықтандыру бекітілген нормаға сәйкестелінуі тиіс.

14. Жұмыс алаңының ауасының құрамындағы мұнайлы газ бен бу ГОСТ 12.1.0005-88 бойынша шектік-рұқсат етілген концентрациядан асып кетпеуі тиіс.

15. Жабдықтарды тексеру алдындағы немесе жөндеу жұмыстары басталғанға дейін кезеңдік жұмыс істейтін ұңғыма автоматты түрде, қашықтан немесе қолмен іске қосу арқылы жетек өшірілуі тиіс. Ал іске қосу құрылғысында «Қоспаңдар, адамдар жұмыс істеуде» деген плакат ілініп тұруы тиіс.