Урок беларускай мовы

Тэма: Абагульненне і паўтарэнне. Кантрольная работа па тэме «Склад слова»

Мэта: сістэматызаваць звесткі пра часткі слова;

практыкаваць ў разборы слова па саставу;

праверыць набытыя ўменні.

Ход урока

1. Арганізацыйны момант

2. Паведамленне тэмы і мэты ўрока

3. Актуалізацыя ведаў

Дзеці адказваюць на пытанні ў падручніку на с. 132.

4. Знаёмства са зместам кантрольнай работы

1 Варыянт

1. Выпішыце групамі роднасныя словы, абазначце ў іх карані.

Грыбок, бярозавы, дуб, грыбнік, грыбны, бяроза, сасновы, грыб, бярозка.

2. У якім радку запісаны роднасныя словы? Запішыце іх, абазначце корань.

а) Сыр, сырнік, сырасць;

б) ноч, начны, начаваць;

в) піла, піліць, пільны.

3. Спішыце словы, разбярыце іх па саставе.

Прышкольны, прыказка, лісцік, пагорачак, пасадка, бярозка, прыдарожны.

4. Запішыце словы у слупкі, адпаведна іх саставу.

Пералескі, сасновыя, вясёлы, грыбнікі, сцежачка, шэранькі, леснікі, падбярозавікі, лісічкі, падасінавікі, прыморскі, лясы, зіма.

1слупок 2 слупок 3 слупок

Корань, Корань,суфікс, Прыстаўка, корань,

канчатак канчатак суфікс, канчатак

5. Спішыце, устаўляючы замест кропак патрэбныя прыстаўкі. Абазначце у словах прыстаўку і корань. Падбярыце аднакаранёвыя словы да слова вецер.

Вецер ..рывае з дрэў лісце. У ..межным блакіце асенняга неба ..даецца ..вітальны крык журавоў.

2 Варыянт

1. Да слоў гара, стол выпішыце аднакаранёвыя словы.

Горны, загараць, узгорак, гарыстая.

Стаяць, столік, сталовая, стары.

2. Спішыце словы, абазначце ў іх суфіксы.

Дубок, домік, асінка, рыбка, дубовы, сіненькі, клёнік, вішанька, дарожанька.

3. Запішыце словы, устаўляючы прапушчаныя літары. Абазначце ў іх прыстаўкі.

А..копваць, а..возіць, па..карміць, па..несці, на..рэзаць, па..сыпаць, ра..пісаць.

4. Складзіце і запішыце сказы. Словы, якія абазначаюць прадметы, разбярыце па саставе.

На, лісточкі, бярозках, хутка, распусцяцца, зялёныя.

Вясной, выраю, з, вяртаюцца, нашы, сябры, крылатыя.

5. Падбярыце і запішыце па 3 словы да кожнай схемы: ∩□ ; ∩; ∩˄□.

Складзіце сказы з адным з гэтых слоў. Адзін са сказаў разбярыце па членах сказа.

5. Самастойная работа

6. Падвядзенне вынікаў урока

Урок беларускай мовы

Т э м а: Назоўнік

Мэты: сфарміраваць уяўленне пра назоўнік як часціну мовы;

развіваць мысленне, памяць, звязную мову вучняў

Ход урока

1. Арганізацыйны момант

2. Праверка дамашняга задання

3. Чыстапісанне

Чч ача мчм ычы учу

чаромха чмель чараўнік

• Што агульнага у гэтых словах? (Адказы.)

• Давайце да гэтых слоў паставім пытанні.

• Чаму да слоў чмель і чараўнік ставім пытанне «хто?»

4. Паведамленне тэмы і мэты ўрока

Тэма нашага урока — назоўнік

Дэфармаваны сказ.

— Пабудуйце сказ і запішыце.

Чароце, у, скача, чачотка. (Скача чачотка у чароце.)

Паказваюцца малюнкі чачоткі і чарота.

Заданні.

1) Практыкавацца вымаўленні гука [ч].

2) Вызначыць арфаграмы.

3) Падкрэслщь дзейнік і выказнік.

4) Назваць назоўнікі.

5. Замацаванне ведаў

• Сёння мы будзем вучыцца правільна ставіць пытанні да назоўнікаў.

Чытаюць правіла па падручніку на с.3

На картках запісаны словы: вецер, верабей, заяц, дождж, вавёрка, воўк, завіруха, завея, елка, шэрань, навальніца.

— Прачытайце. Што абазначае слова шэрань?

У адзін слупок выпішыце назоўнікі, якія абазначаюць жывёл, у другі — з'явы прыроды. Пастаўце да іх пытанні «хто?» або «што?».

Заданні:

1. Растлумачыць арфаграмы ў словах: воўк, вецер, шэрань.

2. Назваць слоўнікавыя словы.

3. Назваць словы, у якіх колькасць літар і гукаў не супадае.

6. Фізкультхвілінка

7. Работа па падручніку

С. 4-5 пр. 3,4

8. Замацаванне

На дошцы запісаны тэкст.

• Прачытайце, устаўце адпаведныя назоўнікі. На якія пытанні яны адказваюць?

Стаіць прыгожы вясновы (дзень, чалавек). Сонца павольна плыве над лесам. Вярнуліся ў родны край

( птушкі, хмары). На дрэвах з’явіліся (вавёркі, пупышкі).

Работа ў парах.

Заданні:

1) Даць загаловак.

2) Падкрэсліць дзейнік і выказнік у кожным сказе.

Праверка.

9. Вынік урока

— Калі вам было легка і зразумела, падыйдзіце да зялёнага квадрата. Зразумела, але былі некаторыя цяжкасці пры выкананні некаторых заданняў — да жоўтага квадрата. Цяжка было выконваць заданні, былі памылкі - да чырвонага квадрата. Нічога не зразумела —да карычневага квадрата.

Дамашняе заданне. Пр. 6