IV. Пәнді меңгеруге арналған әдістемелік нұсқаулар

Берілген пәнді меңгеру процесін студенттерге ыңғайлы етіп ұйымдастыру барысында мынадай шаралар жасалады.

Әдістемелік нұсқау мазмұны:

• пән бойынша рейтингтік құжат жасақталған;

• пәнді оқуға арналған уақытты тиімді пайдалану үшін жоспарлар мен ұйымдастыру шаралары жүргізіледі. Дәріс сабағы мен семинар сабағының әрбір күнге арналған күнтізбелік жоспарлары жасалған.

• Пәнді оқу кезінде студент дәріс сабағында лектордан алған ақпаратын жүйелеп, талқылап семинар сабағында түсінбеген сұрақтарын, жаңа терминдерді пікірталас арқылы анықтауы керек. Содан кейін өз бетімен берілген тапсырмалар бойынша жұмыс жасап қажетті мәліметтер жинақтайды. Жинақталған мәліметтерді жүйелеп конспект немесе баяндама, реферат дайындайды. Жасаған жұмысын аудиторияда қорғап, талқылауға салады. Тақырыпты меңгеру деңгейін тест арқылы анықтайды.

• Оқу-әдістемелік кешеніндегі мәліметтерді пайдалану тәртібі: пәннің мақсаты мен міндеттерін және пәнді меңгеру барысында қандай тақырыптар қарастырылып, одан қандай мәлімет алу керек екендігін типтік оқу бағдарламасынан таба алады. Дәріс тақырыбын анықтап, оған ұсынылған қысқаша дәріс кешенін қарайды. Сол жерден тақырып бойынша мәлімет ала-алады, және сол тақырып бойынша ұсынылып отырған тапсырмаларды қандай құжаттардан табуға болатынын көреді. Ал семинар сабақтарының жоспарларында сабақ үстінде талқылануға түсетін сұрақтармен танысады. Студент өз бетімен жасауға арналған жұмыс тақырыптары мен тапсырмаларды және оны орындауға ұсынылған әдебиеттер тізімімен танысады. Сонымен қатар студент оқу процесі барысында және соңында бақылау жұмыстарын тапсырады. Оған арналған сұрақтар ме тесттер де осы кешенде ұсынылған. Берілген мәліметтерді жүйелі пайдаланып студент емтихан тапсыру арқылы өзіне тиісілі балды иеленеді.

• әрбір тақырыпты меңгеруге көмектесетін әдебиеттер тақырып соңында ұсынылған және негізгі әдебиеттердің беттері көрсетілген.

• Емтиханға дайындық оқу процесіндегі жоспарлы екі аралық бақылау арқылы және ұсынылған тесттер сұрағымен дайындалу процесі жүреді.

• Курстың тесттік жүйесімен жұмыс жасау берілген сұраққа 5 жауаптың ішінен дұрыс жауапты анықтау арқылы жүреді. Ал үй жұмысы берілген тапсырма сұрақтарына мәлімет жинақтап баяндама немесе конспект жасау арқылы болады.

V. Зертханалық жұмыстар мен курстық жұмыстарға әдістемелік нұсқау

«Қазақ тілінің тарихи грамматикасы» пәні бойынша курстық жұмыс пен зертханалық жұмыс 5В011700 «Қазақ тілі мен әдебиеті» мамандығына арналған Қазақстан Республикасы Мемлекеттік білім берудің жалпыға міндетті стандартында (Астана 2006) қарастырылмаған.

VI. Студенттің өзіндік жұмысының материалдары