47 Баспасөздегі спорт тақырыбы.

Спорт тақырыбы қай ба­сылымның да шырайын келтіре алады. Сондықтан осы тақырып­ты жазуға қойылатын талапты көтерген жөн. Спорт тақырыбы, әлемдік сайыстар мен ойындар­дан репортаждар баспасөздерде де жүйелі жазылып жүр. Осы тұрғы­да басылымның тұрақты оқырма­ны ретінде айтайын дегенім – құрғақ, қызыл сөздер көбірек ке­тіп қалады. Нақтылық жетіспейді. Спорт тақырыбы мейлінше ақпа­рат­тық ықшамдылықты, дәлдікті керек етеді деген ойдамын. Кейде газет тілшілері жазған ұзақ-со­нар суреттемелерден іздегенімді, яғни жарыстың нақты нәтижелері мен көрсеткіштерін қапелімде та­ба алмай қара терге түсемін. Сон­дықтан мұндай мәліметтердің қысқа да нұсқа берілу үлгілері ойластырылса екен. Сонда оқыр­мандар қызығушылығы одан әрі артып, олар спорттық нәтиже­лер­ді іздеп интернетке, басқа да ба­сылымдарға жүгірмес еді. Спорт­қа арнайы бет беріп отырса деген тілекті де айта кетсем деймін.

48 Қыз-келіншектер басылымының көтерер жүгі.

Бүгінде күн сайын дүниеге жаңа басылым келіп жатса жа­ңа­лық емес, алайда сөзі түзу, салиқалы ой айтатын, оқыр­манына қай жағынан алып қа­рағанда да берер тағылымы мол журнал ашылса – жақ­сылық.

"Ас болсын" жорналы қазақтың қыз - келіншектеріне арналған басылым. Бұл басылым жас келіншектер мен қыздарды ас дайындауға баулып, үй тағамдарын меңгеруге үйретеді. Бұл басылымда түрлі тағамдарды қалай дайындау қажеттігі және мәзірі бейнелеген. Осы басылым  арқылы қазақтың әрбір қыз - келіншектері өз  бетінше тағам жасауды меңгере алады. 

Өткен жылы Республика кү­ні­не орай республикалық “Дәуір” полиграфиялық баспа кешені “Ару жан” деп аталатын қоғамдық әйелдер журналын жарыққа шығарған-ды. Содан бері оқырмандар қолына бұл журналдың төрт нөмірі тиіп үлгерді. Өз оқырманын тауып алмай, тұшымды дүние жасамай тұрып “сүйіншілетуді” жөн көр­меген журнал ұжымы жуырда ғана “Ару жан” журналының тұсауын кесті.

Мұқабасы көркем, мазмұны терең журналдың тұсаукесеріне еліміздің өнер жұлдыздары, зиялы қауым өкілдері, әр салада кәсіп­қой­лығымен аты шыққан қыз-ке­лін­шектер жиналып, жылы лебіз­дерін білдірді.

 Еліміз әйелдердің көкейкесті мәселелерін көтеріп, олардың жоғын жоқтайтын басылымдарға, әрине, кенде емес. Әсіресе, орыс тілінде жарық көретін журналдар жеткілікті. 

Қарап отырсақ, қазақстандық әйелдер еуропалықтарға да, азия­лық­тарға да жатпайды. Сонау ықы­лым замандардан бері Шығыста гендерлік теңдік қазақтікіндей болмағанын кім жоққа шығарады. Журнал беттері мұсылмандықтың иманды жолынан да аттап кетпей, өркениеттің де көшінен қалмай, адамзаттың өркендеуінде өз үлес­терін қосып, қоғамның түрлі сала­сында қолтаңбасын қалдырып жүр­ген қазақ қыздары мен қазақстан­дық қыз-келіншектердің табыстары мен түрлі тағдырларына толы.

Журнал әлемге әйгілі әйел­дердің өміріне арналған айдарларға, өмірден алынған тағылымдық оқиғалар мен кеңестерге толы.

Жас ұжым тақырып таңдау мен ма­териалдарды беру тәсіліне ба­рын­ша кәсіпқойлықпен де келгені байқалады. Әйтпесе, бүгінгі бәсеке мықты заманда көптің көлең­ке­сін­де қалып қою қаупін жақсы ұққан жаңа журналда тосын тақы­рып­тар да жеткілікті.